مرحبا بنااات

أرجو منكم المساعدة في هذا الموضوع ..

لدي صديقة .. جميلة رقيقة هادئة .. مسااااااااااالمة إلى أبعد الحدود .. تزوجت من فترة وانفصلت بعد ان اكتشفت خيانة زوجها ولم تتحمل كذبه وتبريراته التي كل يوم تتغير .. واجهته كثيرا .. تكلمت معه باللين واللطف والحب .. لااااا فائدة .. مستمر بالكذب .. اكتشفت رسائل في كتبه وبريده الالكتروني ومع ذلك ينكر بشدة ويقول لها عكس الكلام الذي تقرأه .. طبعا هي لم تواجهه صراحة بكل ما تعرف لكن بالتدريج حتى اضطرت في الأخير أن تواجهه بما تعرف .. لم يجبها .. لف ودار .. وهذي على فكرة طبع فيه أنه لا يعطي الإجابة المطلوبة .. يعني ما يجاوبك نعم أو لا .. تعبت من التفكير .. قلبها واحساسها يقولان لها شيئا .. وهو يقول لها آخر .. ويحلف .. طلبت منها كثيرا أن تصدقه .. لكنها مصرة أنه يكذب وان احساسها لا يكذب .. انتهى الأمر بالطلاق .. فلم تعد نفسيتها قادرة على التحمل أكثر .. والمشكلة الأكير تبدأ من هنا .. حيث أنها أصبحت شكااااااااكة إلى أبعد الحدود ولا تثق بأحد .. مصابة بالخوف من الحياة ومواجهة الآخرين .. ترفض تكوين صداقات أو علاقات .. وغير كذا تحاسب نفسها كثيرا هل كان يجب أن أصدقه أم أصدق إحساسي والأدلة التي وجدتها ؟ ونعيش في دوامة من لوم الذات .. تتمنى لو تعرف الإجابة على هذا السؤال .. من كان يجب أن أصدق .. نصحتها كثيرا .. لا فائدة تعبت معها .. وأحسست أنه قد يكون لدى الاستشاريين إجابات أفضل .. لم أعرف أحدا بصراحة .. لذا قررت أن أسألكم .. إذا كان منكم من يعرف استشاريا نفسيا واجتماعيا ( فهمت انه الطبيب النفسي ما يقدر يعالج أشياء زي كذا .. ما أعرف ) ياليت تدلوني عليه .. ممكن ترسلون لي رقمة أو عنوانه عن طريق الخاص .. حتى لو كان بالرياض أو جدة أو دول الخليج برضو هي ما عندها مشكلة تكلمه أو تروح له .. بس ياليت تساعدونها وما تنسونها من دعائكم ترى والله مسكينة وتحزن من الهم اللي عايشة فيه .. وشكرا لكم مقدما ..

معقول ولا رد !!!! طيب معليش .. بس ياليت تتعاونون معي .. من جد البنت محتاجة مساعدة والا بيجيها شي .. تجيها آلام كثيرة في بطنها وضيق بالنفس وكل ما راحت دكتور قال لها ما فيك شي .. آخر شي واحد قال لها ترى اللي فيك نفسي ..

الله يرحم والديكم أي أحد متخصص بحثت في النت عن الأسماء المشهورة مثل صلاح الراشد .. جاسم المطوع وغيرهم لكن ما فيه وسبلة للتواصل معهم مباشرة .. كلها عن طريق الايميل وهذا ما ينفع ..

بليز بليز طلب واحتسبوه أجر عند رب العالمين ..

الله يعافيها ويا ليت اختي تكثر من قراءة القران الكريم ففيه الشفاء من رب العالمين000

شكرا عنترة على ردك .. وهي الحمد لله تقرأ القرآن وتهدا لكن يرجع لها الوسواس

مشكلتها ان زوجها كان يحبها وهي برضو تحبه لكنها ما تحملت خيانة او كذب .. مع ان الرجال ما اعترف بشي وكان ينكر كل شي تواجهه فيه وهي هذا اللي ذبحها .. معقول يكون صادق ؟ طيب اللي انا شفته وقريته وش يطلع ؟؟ وبعد جهود كبيرة مع نفسها ما قدرت تقول احساسي يقول لي ان كلامه كذب .. الى ما حصل الطلاق باصرارها هي وندمت الحين .. تقول لو اعرف الحقيقة برتاح .. وهذا اللي سبب لها مشاكل كثيرة نفسية ..

الحين طبعا تبغى تتعالج ولو حصل مجال انها ترجع لزوجها بترجع لأنها لازالت تحبه لكن ما تقدر تتحمل فكرة الكذب ..

صحيح الموضوع معقد شوي وهي مهي راضيه تقتنع .. عشان كذا حسيت ان الاخصائي الاجتماعي او النفسي بيساعدها اكثر ..

الله يعين ..

ليش ما يتدخل المقربين لاصلاح ذات البين ويسالون اهل العلم في كيفية رجوع المراه الى زوجها وانشاء الله يعود الصفاء الى حياتهم0000بدون تشويش000

مو شرط انها تطلقت يعني اظلمت الدنيا ممكن احسن لها من ان يكون لديها اطفال وتبتلش فيهم
انصحها بالصبر والدعاء ولعل الله يرزقها بزوج يعوضها عن الماضي

تحياتي
فراس

حبيبتي كل الاطباء النفسيين في الخبر او الخليج ماعندهم سالفة ماعندهم الا الحبوب المهدئة والمسكنات اللي يوصوفونها للاكتئاب! صدقيني ولا احد يقدر يساعدها الا نفسها تتمسك بالدعاء وانة اللة يفرج همها والخيرة في ماختارة اللة لها. احسن شئ الرفقة الصالحة اللي تفضفض لهم ويساعدونها في تخطي مصيبتها. ووصدقيني انة الحل الاسلم انها انفصلت عن زوجها قرارها سليم! ولا في داعي تندم علية ابدا هذا الجنس من الرجال عمرهم ما يتغيرون ابدا ابدا واصرارة على النكران اكبر دليل لانة مو معترف بغلطة! واللة انه حيستمر الى الابد الا اذا هداة اللة! والافضل لها انها تنفصل الحين قبل ما تتجيب اطفال يكونوا هم الضحية! وراح تتعذب الف وتذوق الامرين وبكذا تكون جنت على اطفالها المساكين! والحب وحدة في الزواج لا يكفي ! لانك حتسامحية كل مرة وهو حيرجع لخياناتة! لانة من امن العقاب ساء الادب! واساليني انا متزوجة من ثمان سنوات وعندي ثلاث اطفال وزوجي مازال يخونني لهذة اللحظة. صار لة يومين في البحرين وللان ما جاء حتى الدوام مطنشة! ولا حس ولا خبر ومايرد علينا ابدالو نموت ما يرد علينا او حتى يكلمنا ويتطمن على عيالة وهذا الكلام كل اسبوع في البحرين غير اللستة الخمسين من بنات الحرام اللي في كل انحاء المنطقة ودوليا كمان كل اجازة يسافر لحالة وانا اذوق العذاب كل يوم وكل لحظة! تقولون لية لية ماتركتية؟؟ والله اللي مصبرني هالعيال اللي مالهم ذنب ما ابغى اشتتهم ويتعقدون نفسيا من الانفصال! صحيح انة ابوهم مايدري عنهم وان الوحيدة اللي اراعيهم واصرف عليهم ولكن برضوا حميتهم في بيتهم واسم انة يدخل ويطلع عليهم اي وقت ! والله العظيم اني متعذبة لاخر درجة تشوفين زوجك كل يوم لة واحدة بالحرام وانت موراضية على هالمعاصي ابدا! ولا تقولون لي معقولة ما حاولتي معاه؟؟؟ واللة العظيم كل الوسائل اللي ممكن تخطر على بالكم جربتها كلها بحذافيرها حتى الشيوخ والاخصائيين واهلي واهلة ولكن مافي فايدة اللي طبعه كذا ما حيتغير الا اذا هداه اللة! وانا محتسبة الاجر عند رب العالمين ان شاء الله وادعولي الله يصبرني ويهدي زوجي ويرد لنا ردا جميلا ويبعد بنات الحرام واولاد الحرام عن ازواجكم جميعا!!! وعلى فكرة زواجنا كان عن حب لمدة عشر سنوات قبل الزواج وكل هذا ماعرفتة عن شخصيتة الا بعد الزواج مستحيل الواحدة تعرف الواحد الا بعد ما تعاشرة ويان على حقيقتة. لذا اقولك يا اختي العزيزة, انت لسة صغيرة وقي بداية زواجك الحمدللة انك تلاحقتي ولا رضيتي بالغلط وكرامتك تنهان وترزقين باطفال يكونوا هم الضحية! واللة يعوضك بالزوج الصالح ويرزقك الذرية الصالحة! بس طلبتك السؤال السؤال جيدا عن العريس المقبل ولا يغشونك الناس اسالي عنة في عملة وذا كان يدوام على المسجد اللي بجانب بيتهم !! والله يوفقك ويسعدك دنيا واخره وانا تحت امرك باي خدمه لان لي باع طويل في هذا المجال بحكم تجربتي المريرة!!

شكرا لكم أخ عنترة وفراس على مداخلاتكم وكذلك أختي Pioneer Lady وأدعو الله أن يفرج همك ويهدي زوجك ويسخره لك ولعياله ..

كل الحلول اللي قلتوها تم طرحها .. لكن المشكلة اللي تمر فيها البنت أنها مهي عارفة هل كان صحيح تصرفها والا لأ .. زوجها رجال محترم وملتزم ويحبها .. بشهادة كل اللي يعرفونهم يحبها .. هي اتهمته بالخيانة لكن قصدها انه متزوج وعنده حرمة ثانية .. وهذا اللي كان موترها مرة .. تكلمت معاه بالزين وبالطيب وبالصراخ والزعل وبكل طريقة على وجه الدنيا .. وفي كل مرة مصر على كلامه أنه كلامها مهو صحيح .. قالت له ان موضوع زي كذا لازم بيجي يوم وينكشف انا اطلب منك انك تصارحني وانا ما راح احاسبك على شي راح خاصة اذا صار وانتهى .. وبينت له انها شاريته وانها تحبه والله حاولت بكل طريقة وبرضو ينكر .. قالت له ان الكذب ما يفيد يعني اسمع منك ولا اعرف بعدين وتضطر انك تقولي بيكون الموضوع أكبر ولا راح اصدقك بعد كذا .. عطته الأمان بكل طريقة وبرضو ينكر ..

الحين صارت تحاسب نفسها .. معقولة يكون صادق وانا اتهمته وبنيت قصور من الشك ومن الوهم ؟
طيب لو كان يكذب .. انا بينت له اني ما عندي اعتراض على موضوع الزواج لكن ابغى اكون في الصورة .. ليه يستمر في الكذب ؟
هو رجال ومن حقه ولا راح أقول له طلقها او طلقني لو اعترف لي .. وبعدين كل اللي يتزوجون ثانية يقولون لحريمهم أنهم متزوجين خاصة اذا كان ناوي يستمر بزواجه عشان المرأة تفهم ان خلاص هذا الرجال عنده حياة ثانية وبيت ثاني وتأقلم نفسها على كذا ؟

البنت محتاجة لأسئلة كثيرة عندها .. ليه يكذب دام انه في الأخير لازم وغصبا عنه بيعترف ؟
بعدين الحوار بينهم وصل للدرجة انه قال لها انتي بتخليني أكرهك بتصرفاتك .. يعني صار ما يهمه وهو زوجها طريقته كذا اذا صار ما يهمه أحد من جد ما يهمه يعني بيقول لها انا صادق واللي عندك سويه ..

الحين هي محتاجة انها تسأل مختص .. أنا بصراحة ما قدرت افيدها بشي ولا دكتور نفسي راحت له قدر يفيدها .. انا سمعت ان فيه مراكز استشارية بخصوص الأسرة والزواج وغيره .. بس ما اعرف اي مكان عشان كذا سألت .. غير كذا اللي يحس انه ممكن يفسر نفسية الرجال ويحلل موقفه .. ( طبعا موقف عقلاني ويكون نتاج دراسة ) ياليت يساعدنا او يدلنا على احد يساعدنا ..

وشكرا لكم ولسعة بالكم ..

الحل برايي انها ترجع له 00طبعا بعد اخذ مشورة اهل العلم والله اعلم00

كتبت بواسطة Pioneer Lady

وذا كان يدوام على المسجد اللي بجانب بيتهم !! والله يوفقك ويسعدك دنيا واخره وانا تحت امرك باي خدمه لان لي باع طويل في هذا المجال بحكم تجربتي المريرة!!

اختي00
ندعو الله لزوجك وغيره الهدايه
لكننا لانستطيع البت في الحكم على الشخص من خلال رساله00
سبحان الله مغير الاحوال000لذا انصح بالتريث ويمكن الرجل متزوج 000ونصيحتي ان ترجع له بعد استشارة اهل العلم00والله اعلم