مره صديقتي قالتلي على هذي القصه مادري إذا اهي صجيه وله لاء
يقولك مره كان في زوجه راجعه من الدوام مبجر تبي تفاجئ زوجها بالبيت يوم دخلت البيت سمعت أصوات
راحت وله الأصوات صوت غرفة النوم
وله تشوف خدامتها لابسه قميصها النوم على سريرها مع زوجها !!!!
إنسحبت بهدوء وطلعت من الشقه وأتصلت على زوجها قالتله أنا الحين يايه البيت طلعت مبجر
وبسرعه الزوج والخادمه يعدلون غرفة النوم كنه ماسار وله شي
جت الزوجه والزوج رحب فيها كنه مو مسوي وله شي وأهي مابينت أنها تدري بشي
وباجر بكل هدوء وأسكات سفرت خادمتها فيوم زوجها رجع يدور الخادمه يقول لزوجته وين فلانه
جان زوجته تقوله الحمد لله اني عرفت مبجر مادريت طلع فيها ""الإيدز
الحمد لله ان للحين ماولدت وكانت حق طفلي""
من سمع الزوج هل كلام إنصفق مو مايقدر يقول حق زوجته انا عاشرتها وله يقدر يروح يفحص يكشف نفسه ويحبسونه
من عقب هل يوم الزوج تغير حاله
كله يفكر وطرد من شغله وسار ما يكلم أحد وكله بغرفته وشعره أشعث وما يهتم بشي بس يفكر ويبكي
بعد شهور بعد ماولدت الزوجه قامت طلبت الطلاق
قاموه الناس كلهم يلومونها شلون تتركين زوجج بهل حاله ماقالت للناس شي
فراحت كلمت زوجها وقالتلها انها تطلب الطلاق
و قالت :تذكر الخادمه فلانه
اهو هني حس انه قلبه بيطلع من صدره من الخرعه من كثر ما ينبض
قالت:ماكان فيها شي وأنا شفت الي بينكم
هني الزوج إنهار وماتمالك نفسه كنه شخص محترق وكبو عليه ماي بارد و
قعد يبجي ويحضنها وحلف لها أنه كانت غلطه وندم عليها
وإنها ماراح يترك زوجته وإنها عظيمه
وعقبها الزوج إلتزم وقام كل صلواته بالمسجد وسار من حفظت القرآن
الروابط المفضلة