السلام عليكم و رحمة الله و بركاته
كيفكم اشتقتلكم يا صديقات ركن الجمال والاناقة
سامحوني انقطعت عنكم لكن مشاغل الطفل الجديد
إن شاء الله ماابعد عنكم بعد هيك
وهيني اليوم قلت اشارككم في موضوع إن شاء الله يعجبكم
بدي اقلكو عن اخر مستحضرات المكياج الي جربتها وعجبتني
فقلت لازم تشوفوها عشان ازا بتدورو عمنتج معين اكون افدتكم
الصورة الاولى لثلاث منتجات للبشرة ...
1- اول شي هادا base من شانيل LE BLANC DE CHANEL
SHEER ILLUMINATING BASE
خواصه ومميزاته :
لكن انا بحسه تقيل تحت المكياج يعني بتقل المكياج يعني انو هوة وكريم الاساس بصير ثقيل لهيك انا احيانا بحطو
لوحدة وبكون حلو وبنور الوش ...لونه ابيض لكن عالبشرة بكون شبه شفاف
2- كريم اساس ايضا من شانيل
PRO LUMIE’RE
PROFESSOINAL FINSH MAKE UP
حلو وتغطيته رائعة وبعكس النور لكن انا حسيتو تقيل شوي رغم انو الي شافوني فيه بحكولي بجننن وسالو عنو ليشترو زيو
بس انا بحب المكياج يكون مش مبين اني حاطاه يعني شوية رونق وهيك ... بس هادا حبيتو برضو حلو نقطة صغيرة جدا بتكفي كل الوش خاصة عشان مايبان بوضوح عالوش او يكون تقيل
هوة بمتص الدهون وبمنع اللمعية لكنو غير مخصص للبشرة الدهنية انا اضع قبله كريم مرطب غني عشان بشرتي
في الشتا بتقشر شوي ومنظر المكياج ابدا مش حلو لهيك بعد الترطيب المكثف بكون روعة جدا عجبني استعمله في السهرات او ازا بدي اعمل مكياج كامل او في البيت
3- قبل شوي قلت انو شانيل شوي تقيل (البنت الي بتبيع قالت هادا اخف واحد من شانيل لانو شانيل تتميز بثقل كريماتها وتنفع للسهرات اكتر) المهم ماحسيتو بنفع للاستعمال اليومي فاحضرت هادا من جيفنشي حلو وخفيف ومرطب
SUBLIMINE
FLUID FOUNDATION
CONTINOUS COLOR RADIANCE
ولونو حلو وتتحكمي بنفسك بدرجة التقل تبعتو
****
هالصورة فيها 4 مستحضرات
1-لووس باودر من لوريال
True match
Mineral make up
Foundation like coverage
حلوة ومن المجموعة الي اطلقتها لوريال الي هية ميزتها بتحافظ عالبشر وبتخليها تتنفس حتى في وجود المكياج ومابتسد المسام حلوة البودرة بس تغطيتها قوية يعني كمية خفيفة جدا من البودرة ممتازة لتغطيه البشرة واعطائها شكل طبيعي بس الي حابة تتقل المكياج ممكن تكتر البودرة بطلع تقيل ...انا بحط شوية ليعطي رونق و بس
2- هادا كونسيلر من ماكس فاكتور
MASTER TOUCH
UNDER EYE CONCEALER
مممم يعني كويس معقول بس صراحة انا للان مالاقيت كونسيلر عنجد بغطي تحت العيون وبعطي اشراقة للمنطقة زي الممثلات والمذيعات مالقيت الي مجربة واحد تقلي
لكن هادا ماشي حاله وببان طبيعي مابعمل خطوط او تكتلات او ببان زي البودرة لا حلو
3- مسكرا من لوريال
LASH ARCHITECT
FLASH LASH EFFECT MASCARA
NEW FORMULA
حلوة انا بحب الماسكرا الخفيفة الي بتعطي رونق وشوية لون وكثافة يعني مظهر طبيعي(انا من انصار المكياج الطبيعي والناعم مابحب التقيل) مابحب الماسكرا الي بتقوس كتير وهيك
هاي ممكن تقوس وتكثف بس في انواع بتكثف بشكل اكبر بكتييييييييييييييير
حلوة عجبتني وماعملتلي حساسية
ولوريال بتجنن صراحة في كل اشي
4- قلم كحل من لوريال
EYE DESIGNER
LINE&SHADOW PENCIL
الو طرف فرشاة لرسم العين او تمويه لون الكحل فوق العين حلو بجنن ومابعمل أي حساسية ولو ثابت وحلو ولونو اسود عرمادي وهادا اغمق لون مافي اسود غامق يعني
****
الصورة الاخيرة
1- روج من جيفنشي
حلووو برطب للبشرة
اخدت اللون هادا BEIGE CHAMPAGNE 02
تقريبا نفس لون الشفايف مع اعطاء رونق وجمال زيادة ولون خفيف
في الوان عديدة هادا عجبني
شكلو كمان عجبني
2- غلوس من golden rose
ULTRA BRILLIANT VOLUME LIP GLOSS
حلو وبعطي نوعا ما حجم للشفاه و شكل حلو كتير
3- ماسكرا شفافة من مونتانا حلوة وخفيفة بتعطي تقوس للرموش بدون لون
وهادا كل شيئ لليوم إن شاء الله تكونو استمتعتو بالجولة وانتظروني في موضوع جديد قريب مفاجاة بس ادعو الله يهدي ابني ومايغلبني عشان اعرف اكتب براحتي
واي استفسار عن أي شيء ماتترددو واسفة لعدم جودة الصور كنت بقدر اجيبهم من النت بس حبيت اصورهم عشان الموضوع يكون
so real
وبوسة من فهود لكل جميلة دخلت الموضوع
الروابط المفضلة