أخواتي حبيباااااااااااتي عزيزااااااااااااااااتي

من سنتين كده او أكتر جالي صراصير من الصغيرة اللي بتنتشر بسرعة في المطبخ واحنا بنموت منها

دورت في النت وشفت فيدوا واحده جزاها الله خيرا عملت وصفة للقضاء ع الصراصير وجبة يعني

أناى طبعا كتبتها وبحثت عن الورقة لأكتبها لكم ما وجدتها ومش فاكرة صراحة اسم البودرة لأن من سنتين

بس هي معروفة في الصيدلية بوردة الصراصير وممكن تشوفوا المقطع ع النت المهم نخلط البوردة مع زبادي

ومبشور بصلة ونعمل عجينه كور صغيرة ووزعتها في المطبخ في كل حته ماشاء الله بعد كم يوم

اختفت خالص وما احتجت بقيتها لسه عندي في المطبخ ما استعملتها لأن اكتر من سنتين ماشاء الله انتهت


نيحي بقى للنمل كان عندي كتير في المطبخ بحثت في النت وجربت وصفات كتيرة اشي خل واشي خيار

واشي بوردة بقوا يسبوها ويعملوا جنبها صف ومش يهمهم واشي فلفل اسود لما تعبت ومش بيروح

وبعين وانا بدور في النت لقيت أخت كاتبة حاجة جربتها واتمنع قلت أجرب

الوصفة بقى دي هيا ايهههههههههههههههههههههه؟اني أكلم النمل كل يوم وأقسم عليه برب سليمان انه يخرج

بقيت كل يوم ادخل المطبخ أقرب منهم وهم ماشيين بيجروا أقول أستحلفكم برب سليمان تخرجوا

من المنزل ولا تعودوا قعد كل يوم يخف شوية لغاية أسبوع أختفى من غير ما أرش اي شيء

ماشاء الله أكتر من سنتين ما دخل عندي من يومها



نيجي بقى لأكتر حاجة أزعجتني وقرفتي وكرهتني في عيشتي وتعبت لي نفسيتي وهي البق

معرفش جالي منين داهية آه افتكرت اشترينا طقم كنب مستعمل شكله جميل جدا وسعره رخيص

بس كان ريحته مرشوش حاجه وبعد شهر كده لقينا بينزل منه بق كنت أول مرة أشوفع ولا أعرفه

معرفته سوده بعيد عنكم ولقيته جه في السرير وراح كل الغرف ولغرف العيال ومش بقينا نعرف ننام منه

وبقيت هتجنن انا والعيال واحده ربنا يجزيها خير قالتلي على رش استعملته لأنه كان عندها وراح

زوجي اشتراه بيتباع في محل المواد الزراعية بيترش بيه الأراضي الزراعية

مكتوب عليه للنمل والبق والحشرات بنزود ميته كتير يعني ربع الزجاجه في علبة ونمليها مية نزودها يعني

وأرش غرفة كويس كل حاجه فيها وأقفلها يومين وبعدين أفتحها أهويها وأغسل الفرش والأرضية والموكيت

ثم أفعل ذلك في بقية الغرف غرفة غرفة لأن المفروض نرش الشقة كلها مرة واحدة بس احنا متغربين

ومأجرين ومفيش مكان نروح فيه تاني وطبعا تعبت من الموضوع دجه من الرش والتنظيف

لكن جاب نتيجة وبعد شهر تقريبا ظهر تاني ورشيت وبعد شهر رشيت لأن بيقولوا البيبض بيفقس

بعد شهر أو شهرين المهم لازم البيت يترش كذا مرة كل شهر أو اثنين وبكده بينتهي في داهية

تاخده وعلى فكرة الشمس مش بتعمل حاجه للبق ولا التنظيف الكتير لازم يترش

وفي شركات بترش مع الضمان بس لازم تخرجي من الشقة

معلش أنا مش بعرف أحط صور حتى لو علمتوني هنا برابط برضه مش هعرف الا لما واحده منكم

تجيني البيت وتعرفني بنفسها يلا مين تتبرع ؟


وكده خلاص يارب أكون أفدتكم ومحدش يرمي عفش بيته بسبب البق الرش ان شاء الله هيخرجه

وكمان بقيت أخاف أشتري عفش مستعمل أقول لنفسي يمكن بيبيعوه لأنه فيه حشرات

يلا مع السلاااااااااااااااااااااااااااااااامة مليش دعوة ده ياخد تميز بالزوق اصل أجيكم

ماشــآء الله عليكِ صبورة جداً.. : ) () الحمد لله انك اتخلصتى منهم كلهم () .. وحكاية انك تكلمى النمل دى اول مرة اسمع عنها () والاغرب انها جابت نتيجه ..ماشاء الله () ربى يبارك فيكِ ع الافـــآده ويسعدك يارب () ..

مشاءالله ست بيت ممتازه و ربي يبعد عن بيتك الحشراات باانواعهااا
و جزاكي الله الف خير علي طرح تجربتك بالتخلص علي الحشرااات

ما شاء الله على التجربة بجد اول مرة اعرف موضوع انى اكلم النمل دى ربنا يكرمك يا رب على شرح التجربة بس بالنسبة للبق اعتقد اسمة اوكوسوفين ولونة ابيض ورحتة بشعة

ربنا يعافينا يا رب وبعد عننا شر ما خلق

جزاكِ الله الف خير أختي الغالية لطرح تجربتك
و الحمد لله إنك خلصتي من الحشرات
بس بصراحه موتيني ضحك من شان الصور أنتي ابعتي تذكرة و انا رح اجي اعلمك للبيت لكن تتحملي مصاريف السفر و النزهات و ودي الف مصر كلها طبعاً على حسابك
ربي يسعدك يا غالية و يبعد عنك كل الحشرات ..

بارك الله فيكي أختي
الحمد لله إنك إتخلصتي منهم
فكرة حلوة إنك تتكلم مع النمل سبحان الله فهمو حالهم وراحو
أخ أصعب شئ هو البق الحمد لله إنك قدرتي تتخلصي منو
شكرا لطرحك القيم والمفيد

بروكت جهودك حبوبه ولا تحرمينا طلتك فى الركن

تجارب رائعه
والاروع الكلام مع النمل !!!!! سبحان الله
تسلمي يا غالية

الله يجازيك خير
دا أنا عندي جيوش نمل كرهتني في البيت
كنا شاحنين عفش من الامارات وجالي فيه النمل الغريب دا
وانتشر بسرعة البرق..وبيقرصنا ولسعته صعبه
حتى في الشتاء ماإتأثرش
لو ظبطت التجربة...تكوني كسبتي فيا معروف طول العمر
ربنا يجازيكي خير

ماشاء الله نور

تجربتك ميلة

واثارت اعجابى كلامك للنمل سبحان الله فعلا