ازيكم يا حلوات ... أول ما لقيت المسابقه فضلت رايحه جايه أفكر أبدأ بإيه
ولقيت حوض المطبخ وكنت لسه مخلصه غسيل الأطباق
قلت له تعالي يا حلو ... إنت اللي جبته لنفسك
والحقيقه كنت اشتريت جف المنظف وعاوزه أجربه في حاجه ... بقت من نصيب الحوض أول تجربه
تعالوا الأول أفرجكم علي شكل جف المنظف بالبخاخ اللي اشتريته
بعد ما اتفرجنا علي الصوره يلا بسرعه نجربه مع بعض ونشوف هيجيب نتيجه حلوه ولا لأ
دي صوره الحوض قبل التنظيف
ودي صوره من زاويه ثانيه
ودي صوره زاويه ثالثه كمان لعيونكم
مسكت بخاخ جف واديتها فشت فشت فشت علي الحوض كله
وبعدين جبت سفنجتي الحلوه " سكوتش برايت " وبدأت أنظف الحوض بالناحيه اللي عامله زي السلك
يمين شمال يمين شمال ... خلاص نظفت الحوض كله
لكن بصيت هنا لقيت الشكل يييييييععععععع فقلت كده مينفعش لازم كله يبرق
جريت بسرعه وجبت خله أسنان وبدأت أنظف بيها علشان أطلع الحاجات الوحشه المستخبيه
ودي كانت النتيجه
وبعدين إديتها بختين كمان من جف علشان تبقي بتلمع ونظفتها بالسكوتش برايت
استنوني واوعوا تردوا لحد ما نشوف نظافه الحوض
الروابط المفضلة