بسم الله الرحمن الرحيم

يارب يسعدكم كلكم

ويارب تتوفقوا جميعا

وكل واحدة تنال مرادها اللهم أمين

دمتم

السلام عليكم يا لولو
ألف مبروك انك استقريتى أخيرا على مدرسة
انا عضوة جديدة و صيدلانية زيك دفعة 2001 الاسكندرية
بس متجوزة فى القاهرة ساكنة فى فيصل
و ابنى عنده سنة و نص .
و متابعاكو كلكو من موضوع مدارس مدارس اللى مش ملاحقة عليه ما شاء الله.
و نفسى اتعرف عليكو كلكم وخصوصا معسكر الهرم.
و هأبقى اتابع معاكى يا لولو ان شاء الله اخبار نولدج علشان لو حلوة ادخل ابنى فيها باذن الله.
ربنا يوفقك.

الف الف مبروك يا لولو
وان شاء الله الطريق يتصلح
وربنا يوفقك دايما للي فيه الصلاح لكي ولابنك

كتبت بواسطة lolowation

بسم الله الرحمن الرحيم

شكرا لك يا سمسمة وشكرا ليكي يا نهى على دعواتكما


انا رحت النهاردة نولدج (رحلة العذاب ) الطريق وحش اوي يا جماعة مش ممكن !!!! ما علينا

رحنا وعملت ابلكيشن وبعد ما دفعنا ال 200 جنيه

قلتلها من فضلك انا ساكنة بعيد ياريت تعملوا التققيم النهاردة عشان مشواركم صعب قالتلي تعالي الساعة 12 ساعتها كانت الساعة 10 الصبح قلت اوكي

رحنا يا دوب خرجنا ونزلنا لغاية اون ذا رن وشربنا نسكافيه ورجعنا علطول كانت الساعة 12 وربع
قعدنا ربع ساعة

جات مس انجيلا ودي بريطانية على ما اعتقد أخدت بودي من ايده وانطلقت وبودي راح معاها تخيلوا يا جماعة قعد معاها قد إيه ؟

ساعة إلا ربع ؟!؟!؟!؟!؟

ليه هوا توجيهي ؟!؟!؟!

المهم بعد ما خلص رحنا لمس اميرة هيا بصراحة شديدة ونادر ما بتضحك قعدت وسلمت علينا
ووجهت الكلام لجوزي ولا عبرتني :_)

واسئلتها كلها بالإنجلش ورفضت حتى التلميح بأي كلمة بالعربي
المهم سألت جوزي انت عايز تنقل الولد من مدرسته ليه ؟
وايه اللي متوقعه مننا ؟
وعرفتنا إزاي ؟

بعد كده إندارت ليا

وقالتلي بتقضي يومك مع ابنك إزاي ؟
وايه أكثر شي بتحبيه في ابنك وشايفاه مميز فيه ؟
وايه أكثر حاجة سيئة عند إبنك؟

سألتني كمان انت شايفة بكره بتاع إبنك إزاي ؟
سؤال غريب بصراحة رديت قولتيلها بالنص
i didn't think about this issue before

ده سؤال بالذمة ؟ الواحد يادوب يفكرله حيعمل ايه الأيام دي

المهم
قالتلي عارفة ان المناهج البريطانية عايزلها متابعة منك جامدةوبحث دائم على النت ؟
قلتلها
انا شغلي كله كده وانا بحضر ماجستير وقربت أخده خلاص فإنت اللي تقدري تقولي انا حقدر ولا لأ؟؟؟؟؟؟
استفزني سؤالها بصراحة

سئلت كمان عن أهلي قلتلها هما بره البلد قالتلي فين؟؟؟؟؟
وسئلت جوزي كمان فعرفت إن أهل جوزي في دبي
تخيلوا تقول إيه ؟

ليه ما فكرتش تعيش مع أهلك بره ؟

قالها لان أهلي مش حيفضلوا هناك علطول

قالتلوا يعني لو جتلك فرصه تروح ؟
قالها انا عندي فرصة في كل وقت بس انا اللي برفض وعايز ابني يعيش في بلده

المهم
قالت لجوزي ايه الشي اللي لو لقيته هنا حتاخد ابنك من المدرسة وتنقله ؟

قالها الإهمال الإهمال بكل طرقه

قالتله مش الإهمال كلمة واسعة شويه

قالها لأ الإهمال تعبير دقيق عن كل شي بيتعمل غلط

قالتله ايه كمان
قالها لو حسيت ان ابني بيكتسب صفات سيئة وتكوينه اللقوي ما بتقواش لأن مش معني الراسة بالإنجلش يعني مستوى اللغة بيعلى مالهمش علاقة ببعض.

أخيرا
قالتلنا انتظروا النتيجة الأسبوع الجاي وشكرا

(بطراحة مس اميرة زي الإنجليز جامدة جدا و ... مش عايزة اقولها )

ولا سألتنا تحبوا تسألوا عن اي شئ زيادة ولا حاجة
أنا كان نفسي اقولها على الطريق البشع بس كلفتونا

ورجعت ومنظرة النتيجة
بس قلت لإيمان في الإستقبال
ياريت يكون الرد أول الأسبوع الجاي عشان ابني حاجزاله في بريليانس واوريدي اتقبل ناقص ادفعله بس


قولولي رأيكم إيه ؟

دمتم

لولو بصراحة اسئلة كتيييير غريبة اوى تحسى انها بتحل مشكله بين واحد ومراته مش بتعمل انترفيو مدرسة
وهى بقى يفرق معاها ايه جوزك عايش مع اهله ولا لأ هى جاية تهدى النفوس ؟؟؟هههه
المهم ربنا يوفقك ان شااااااااء الله

كتبت بواسطة lolowation

بسم الله الرحمن الرحيم

الحمد لله تم قبول ابني في مدرسة نولدج

ادعولي يا جماعة عشان ورق التحويل ده دوووووووخة

دمتم

لولولولولولىىىىىىىىىىىىىىىىىىىىىى

ألف مبروككككككككككككككككككككك يا لولو وبوسى بودى وقوليلوا مبروك ولا أقولك congratulation يا رب ان شااااااااااء الله تشوفيه أحسن الناس

بسم الله الرحمن الرحيم

الله يبارك فيكي يا جوجو

إدعيلي عشان انا مش مرتاحة الطريق تاعبني نفسيا وانا في السواقة مش قد كده يادوب اروح شغلي اللي بعد البيت بربع ساعة

إزاي حروح اطمن على بودي شايلة الهم بشكل :_(

كتبت بواسطة lolowation

بسم الله الرحمن الرحيم

الله يبارك فيكي يا جوجو

إدعيلي عشان انا مش مرتاحة الطريق تاعبني نفسيا وانا في السواقة مش قد كده يادوب اروح شغلي اللي بعد البيت بربع ساعة

إزاي حروح اطمن على بودي شايلة الهم بشكل :_(

هى المدرسة فين بالظبط

بسم الله الرحمن الرحيم

في الطريق الدائري مخرج كرداسة

:_(

دمتم

مبروك يا لولو على استقرارك يا جميلةوان شاء الله ترتاحى المرة دى فى المدرسة
وباذن الله عقبال ما بودى ينتظم فى الدراسة هتكونى بئيتى بيرفكت فى السواقة وهتروحى وتيجى بسهولة

كتبت بواسطة نهى2009

الأخت الكريمة ماس20001 جزاك الله خيرا على الأفادة
هل تعرفين شيئا عن فصول الحضانة و مصاريفها و هل يصل الباص للهرم او فيصل

أسفة لتأخرى فى الرد لأنى مشغولة فى مّذاكرة الأولاد
المصروفات عالية فى مدارس أمجاد لكن لو طلبت خصم قد تصل ل 8000 والياص لكل مكان
حتى الرحاب وأخر مدينة نصر
ولكن لو أخضرت معلم قرأن فى البيت يوميا كم سيكلفك فى الشهر
غير أنك لو عندك بنت فهى فى بيئة أمنة تماما
أما عن البنين فتتضمنى أنة لن يمسك سيجارة فى يوم من الأيام غير ان الأتموسقير كلة صالح وهى
بها برى أ حى من أعدادى PRE-IG
أنا أبنى كان فى مدرسة أخرى فى الصف الخامس سمعتها العلمية ممتازة ولكن زميلة كان يحضر الخمر المثبقى لديهم فى الزمزمية ليوزعة على أصحابة مما سبب لى رعب شديد
لاتهتموا بالمضهر المهم الجوهر الحضانة فى أمجاد عادية قصول نظيفة وميهجة ويهتموا بكل طفل وكأنة الطقل الوحيد عندهم ولكن الكثافة حوالى 30 أو أقل لأن الأقبال شديد ولكن الكثافة بتقل بعد ثانية أبتدائى عند فصل البنين فى مدرسة مستقلة
أما أوليأ الأمور فكلهم متدينين مع مستوى علمى عالى