محتاره أدخل American system ولا IG

بسم الله الرحمن الرحيم

ياريت يا جماعة اللي عمده خلفية يساعدني في أخد القرار

أنا مش عارفة ادخل إبني نظام امريكي ولا بريطاني ؟

لأني درست بره فمش عارفة النظام هنا مين أحسن ؟


وياريت لو حد يعرف مدرسة
SMART INTERNATIONAL SCHOOL
مصاريفها ايه يقولي


واانا حاليا أمامي مدرستين
حيرانه بينهم
واحده أمريكان سيستم والأخرى بريطانية

فياريت تفيدوني

شاكرة تعاونكم

دمتم

السلام عليكم lolowation

انا معنديش تجربة مباشرة مع الانترناشونال بس لما كنت بسال دايما الناس كلها تقولي ان النظام البريتش اقوي من النظام الامريكي ...وممكن التحويل من بريتش لامريكي لكن العكس بيكون اصعب..لان الامريكي اصلا اسهل منه
وفيه جروب علي الفيش بوك اسمه ( اكبر موقع للمدارس في مصر) بيناقش الموضوع ده وبياكدوا نفس الكلام

وربنا يوفقك لاختيار المدرسة الاصلح لابنك

بسم الله الرحمن الرحيم

عزيزتي كوكي ....أشكرك على ذوقك وعلى ردك كان ردا وافيا

تسلميلي
ودمتي عزيزتي

العفو حبيبتي لا شكر علي واجب
بس لو بتفكري في مدرسةانترناشوتال فبيكون الافضل انك تدخلي حاجة في الاساس اما انترناشوال بس يعني تكون بريطانية بس او امريكية بس مش تكون ناشونال وفاتحة فيها انترناشونال لانها في النهاية بتقي زيها زي الناشونال لان الادارة بتكون واحدة لكن المدارس اللي في الاساس انترناشونال زي cairo english school http://www.cesegypt.com/Index.aspx?F...76&Lang=2&hm=1
للي في طريق الرحاب عند الميراج
والمدرسة الكندية والحاجات دي بتبقي افضل بس مصاريفها كتيرة اووي
لو تقدري عليها تبقي افضل من اي حاجة تانية لكن لو هتبقي صعبة عليكي يبقي قدامك انك تختاري انترناشوال في المدارس العادية او في نظام semi international انك تدخلي مدارس ناشونال لكن الانجليش بياخدوه زي مناهج الانترناشونال وده بيبقي افضل علشان لو حبيتي بعد كده تحولي لانترناشونال بيبقي اسهل

عن نفسي كنت بفكر في المدارس دي بس لاقيت الاسعار غالية اوي بالنسبة لي ...ولاقيت ان الانترناشونال في المدارس العادية بيبقي محصل بعضه وفي بعض الاحيان اللي بيدرسوا بيكونوا مصريين فقلت الواحد يدخل ناشونال وبعد كدة ممكن في اعدادي او ثانوي يحول انترناشونال ...طبعا دي وجههة نظري اللي استخلصتها من لفي علي المدارس و سؤالي لكل الناس اللي اعرفهم ...والله اعلم ايه هو الافضل

وربنا يوفقنا جميعا

بسم الله الرحمن الرحيم

والله يا كوكي كلامك سليم وعجبني

أنا برضه ضد المدارس اللي بكذا إتجاه

انا في رويال كنت حدخل إبني المدرسة الكندية

لكن طبعا فشل الإدارة خلاني اخاف لان الإدارة للناشونال وللكندي

فطبعا كلامك سليم أوي

وفعلا المصاريف نار ربنا يستر ولو الواحد جاب بيبي تاني يبقى التفليس الأليم

وسبحان الله لا تعلمي ماذا يخبئ غدا

أنا عندي اتغاضى عن أشياء ثانوية تخصني في سبيل تعليم أطفالي

بصراحة يا جماعة انا بدرس في الجامعة بلاقي طلبة غريبة الشكل وغريبة الألفاظ وغريبة الشكل والإستايل

وبلاقي ناس تانية ماشاء الله يفتحوا النفس وكل ما اسئل حد من العينات دي يقولي انا أي جي

اتعقدت بصراحة

وأقلكم سماتهم

1- الكلام بهدوء
2-التفكير قبل التسرع في الرد
3-النطق بيرفكت بينطقوا زي أهل البلد
4-أغلبيتهم شطار ماشاء الله

وده بحسه قوي خلال شغل المعمل
لاني ولله الحمد بحاول بقدر الإمكان لا اشرح إلا بالإنجلش عشان اعلم الطلبة يعرفوا يتكلموا ويعبروا

بس للاسف في طلبة ما بتفهمنيش فبضطر اتكلم واشرح بعد كده بالعربي

بس ده لا يمنع إن في ناس تعليمها عادي وماشاء الله عليهم روعة وهنا بقى عامل الأب والأم

أنا حقولكم على حاجة أنا كنت تعليم عادي لغات وكان ابي لو حب يعاقبني انا وإخواني الصبيان يخلينا نترجم روايات شكسبير
وكل ما العقاب شديد الصفح تكتر

كنت وقتها بتريق على اسلوب العقاب دا

لكن الأن ارفع القبعة لأبي وأشكره وأقبل يداه لانه أسسني وحببني في حب القراءة والتعلم

ولا ننسى الدين برضه
أنا معلمه ابني يسمع الأدان من هنا يصلي علطول

صحيح ركعة وبيقلب لكن زرعت فيه انه يربط الأدان بالصلاة وده اللي اتربينا عليه


يارب يصلح حالنا وحال كل الامهات يارب

ويناول كل واحدة ما تتمنى وترضى

دمتم

ما شاء الله عليكي انا معجبة بطريقة تفكيرك وتربيتك لابنك....ربنا يبارك فيكي ويبارك في ابنك ويجعله من الذرية الصالحة باذن الله
وتحياتي لوالدك لطريقته المثلي في التعامل معاكم وده واضح طبعا في شخصيتك وطريقة تفكيرك ربنا يجازيه كل خير

انا لما كنت بدور علي المدارس اكتر واحدة عجبتني كانت british colombia في مدينة الشروق وكانت بتعمل منح سفر لكندا وبتهيا لهم بعد التخرج فرص عمل هناك بس للاسف مصاريفها وقتها كانت عالية واكيد الان زادت ...وزي ما انتي قلتي الواحد لما بيبقي عنده طفلين الامور بتتغير يعني لو واحد ممكن يدفع كل اللي معاه بس يعلمه حلو بس لما يبقو اتنين الواحد ما يقدرش

ربنا يعيننا علي تربيتهم تربية صالحة باذن الله ...وان شاء الله هتابعك علشان اعرف وصلتي لايه بخصوص المدرسة وربنا يوفقك

بصي يا لولو أنا كنت صيدلة و الأمريكان بجد ضايعين مالهومش في العلم لغة بسبس IGشاطرين وعندهم لغة كمان
انا لما كنت بلف على المدارس سألت قالولي ان الأمريكان كل مدرسة ليها منهج مختلف و امتحانات مختلفة بس IGمنهج واحد من بريطانيا و امتحانات واحدة من
british council
كمان الأمريكان معتمد على researchطبعا هنا بأخدوا المعلومة و يمتحنوا فيها و خلاص كده يعني العيب فينا مش فيهم
بالنسبة mart schoolبنت صحبتي فيها ألماني مستواها حلو اوي 17000 من غير باص ممكن تكليميهم في التلفون بيقولو المصاريف
على فكرة انا بنتي هتروحKG1ي مدرسة بلوم هما ناشيونال بس englishمكس من ماكمليان و برايت ستار الاول بيركز علىcomunication skills والتاني علىgrammer
يارب اكون ساعدتك انك توصلي لقرار goodluck

كتبت بواسطة miama

بصي يا لولو أنا كنت صيدلة و الأمريكان بجد ضايعين مالهومش في العلم لغة بسبس IGشاطرين وعندهم لغة كمان
انا لما كنت بلف على المدارس سألت قالولي ان الأمريكان كل مدرسة ليها منهج مختلف و امتحانات مختلفة بس IGمنهج واحد من بريطانيا و امتحانات واحدة من
british council
كمان الأمريكان معتمد على researchطبعا هنا بأخدوا المعلومة و يمتحنوا فيها و خلاص كده يعني العيب فينا مش فيهم
بالنسبة mart schoolبنت صحبتي فيها ألماني مستواها حلو اوي 17000 من غير باص ممكن تكليميهم في التلفون بيقولو المصاريف
على فكرة انا بنتي هتروحKG1ي مدرسة بلوم هما ناشيونال بس englishمكس من ماكمليان و برايت ستار الاول بيركز علىcomunication skills والتاني علىgrammer
يارب اكون ساعدتك انك توصلي لقرار goodluck

معلش انا اسفة انى دخلت فى الموضوع بس لفت نظرى انك هتدخلى بنتك بلوم
لانى عاوزة ادخل ابنى فيها ممكن تقوليلى انتى قدمتى فيها خلاص طب اية نظام التقديم وعرفتى نظام اللبس والكتب وطلبات المدرسة وانتى اية رايك فيها رحتيها وشفتيها من جوة وكدة ولو سمعتى راى اولياء الامور فيها معلش اسئلتى كتير اصلى فى الامارات دلوقتى ولسة هنزل مصر وعاوزة استفيد منك ولكى جزيل الشكر ولو تعرفى حاجة عن مستوى اللغة فى المدرسة وكمان بيقولوا انهم هيعملوا انترناشونال السنة الجاية سمعتى حاجة عن كدة وشكرا

ازيك يا سمسمة بصي يا ستي المدرسة حلوة و لسة جديدة
انا سألت أولياء الأمور وكلهم شكروا فيها وان الادارة قوية و كويسة والمدرسين شاطرين
الانترناشونال لسة مش اكيد يفتح بس هو في خطتهم لسه مشعرفين امته يمكن السنة الجاية او لأ ده طبعا الكلام ده من مدير المدرسة
الكتب 700 يونيفورم700 معرفش لسه طلباتهم ايه
يارب اكون ادرت افيدك

كتبت بواسطة miama

ازيك يا سمسمة بصي يا ستي المدرسة حلوة و لسة جديدة
انا سألت أولياء الأمور وكلهم شكروا فيها وان الادارة قوية و كويسة والمدرسين شاطرين
الانترناشونال لسة مش اكيد يفتح بس هو في خطتهم لسه مشعرفين امته يمكن السنة الجاية او لأ ده طبعا الكلام ده من مدير المدرسة
الكتب 700 يونيفورم700 معرفش لسه طلباتهم ايه
يارب اكون ادرت افيدك

شكرا حبيبتى ربنا يسعدك انتى ساعدتنى فى كذا موضوع وان شاء الله ربنا يوفق اولادنا
وانا هخلى اختى تقدم فى المدرسة لحد ما انزل
وياريت لو عرفتى معلومات جديدة تبقى تقوليلى وشكرااااااااااااااااااااا