احنا اصلا كل اللف دة بسبب انى اخليهم مع بعض
للبحث في شبكة لكِ النسائية:
|
احنا اصلا كل اللف دة بسبب انى اخليهم مع بعض
ام جورى
اولا شكرا عالترحيب ثانيا انا نفسى مش عارفه احكم عالمدرسه يمكن لان دى اول بنت عندى وان مكنش عندى حد ممكن اخد رايه بصوا يابنات انا هحكى لكم وانتم احكموا متفقين
اولا المصاريف لامريكان 8 الاف
المنهج كان فى جى I can وهيكون فى البرى harcout
فى شيتات طول السنه والسنه فيها اربع امتحانات اساسية غير كل يوم حد مراجعه واملاء على الاسبوع الى قبله
كل اسبوع كانوا بيحفظوا سوره جديده وكان فى مسابقه اخر السنه فى القران
كانوا بياخدوا كل اسبوع بردوا حصة كمبيوتر
المشكله عندى كانت فى تغير المدرسين يعنى مثلا الفرنش تقريبا مكنش ف مدرسة طول السنة
وكمان الفونكس ولما سالت عرفت ان المدرسات مشيت اول السنه ومعرفوش يجبوا مدرسات مستواهم كويس لما السنة بدات بس لما سالت قالوا ان فى البرى حاليا فى اكتر من مدرسة للماده علشان كده مش هيكون فى مشكله زى الكى جي
لكن للحق المدرسات كانت شغاله مع الاولاد شغل جامد جدا وكان فى اهتمام عالى اوى
انا كنت بس براجع مع البنت واحل معها الشيتات وهى اصل بتكون عارفه الحلول لانها بتكون واخده شيتات شبيه جدا فى الكلاس
اغلب الاوقات بيكون الكلام بالانجلش فى الكلاس عدد الاولاد كان 6 بس وطبعا ده كان شئ جميل جدا بالنسبة للدارسة بس مكنش حلو للاولاد علشان اللعب طبعا
الانشطة مكنتش بحس بيها اوى لانى مكنتش مشتركة فى نشاط رياضى بس الانشطو الفنية كانت معقوله وطبعا كل يوم كانوا بينزلوا الجاردن بس الجاردن مكنش فيها العاب كتيره بس هما عندهم حوش واسع جدا وكان فى مدارس قدم و كراتيه وجمباز بس انا مبتحش اشترك
مش عارفه بقا لو اى حد عايز يسال عن حاجة انا موجوده
احنا الحمد لله دلوقتى الأتنين اتقبلو فى ايجلز
يا جماعه للى استقر على المدرسه عملنا موضوع جديد عن الاستعداد للمدارس فا يا ريت تشركونا فيه و ده اللينك بتاعه
http://www.lakii.com/vb/showthread.php?t=578223
ياسمين
طب الحمد لله يارب يكون اختيار موفق والاتنين مع بعض احلى طبعا خصوصا انهم بنتين ربنا معاكى
ام راما ورتاج
اهلا بيكى مش لاقية عيب جامد اوى فى المدرسة من اللى انتى بتقوليه كده كده فترة الكى جى مش صعبة بس اساس طبعا بس طالما بنتك مستواها كويس متنقليش وتدوخى دوختنا دى وربنا معاكى ويوفقك للاصلح ...............
ام راما ورتاج.........تغيير المدرسين دة فى كل المدارس
بس لو عايزة تنقلى انقلى من امريكى لناشونال لان الكل اجمع ان الأمريكى مش حلو
آخر مرة عدل بواسطة ياسمين10 : 19-07-2009 في 01:31 PM
ياسمين وملك اشكركم على الترحيب
اولا ياجماعه انا كان السبب الرئيسى عندى فى انى انقل البنت هو بعد المسافه لانى ساكنه ف المعادى صحيح الدائرى سهل المشوار بس برضه كنت بحس ان المشوار بعيد عليها
لكن انا محبتش فعلا ادخل فى دوخه النقل والتدوير لانى فعلا كنت بدات ادور عندى ف المعادى بس طبعا لاقيت نفسى محتاره وخصوصا بسبب المناهج الى بتتغير من مدرسة للتانية وبصراحه لان البنت مش واخده فونكس كتير اكيد ده خلا القراية بتاعتها مش قد كده وان كانت مش سيئة بس انا كنت اتمناها افضل من كده
مش عارفه ان كنت قدرت انقل لكم الصورة ولا لسه واى سؤال انا ف الخدمة
ريتاج ليه ما دخلتيش امجاد قريبة منك وكويسة جداااااااا
ياسمين : مش عارفه انا يمكن مش حاسة ان الامريكان مش كويسه لان ابن اخوى بيدرس امريكان هو ولاد خالته بس ف السعودية وما شاء الله عليه الولد فى هايل
بس يمكن لان لسه فى مصر الدبلومة الامريكية جديده فا حنا بنقول عنها كده
بس فعلا الدراسة ممتعه ومش سهله وكمان مش معقده
ام جورى : انا ماسمعتش عن امجاد الامريكان الا من كام يوم بس وبصراحه لما سالت عن الناشونال كانت غالية فاكيد الامريكى هتكون اغلى وعلشان كده استبعدتها علشان ماظلمش البنت التانية
ملك حبيبتى جزاكى الله خيرا و مبروك على ابنك المدرسه ربنا يباركلك فيها يا رب
أم راما ورتاج أهلا بيكى معانا و للأسف مدرسة الواحه فعلا معلوماتنا عندها ناقصه جدا بس البركه فيكى يا جميل
الروابط المفضلة