مرحبا بكِ في منتديات لكِ! هل هذه هي زيارتك الأولى لمنتديات لكِ؟ اضغط هنا للتسجيل

للبحث في شبكة لكِ النسائية:
الصفحة 84 من 95 الأولىالأولى ... 347480818283848586878894 ... الأخيرالأخير
عرض النتائج 831 الى 840 من 941

* * * مدارس ... مدارس ... الجزء العاشر * * *

(المجلس العام - منتدى لكِ)
هابى ميست ألف حمد الله على السلامه و الحمد لله أن قلبك أطمئن على أبنك يا رب دايما ملوكه ربنا معاكى فى أمتحانات بكره أبقى ...
  1. #831
    muslium's صورة
    muslium غير متواجد النجم الفضي
    تاريخ التسجيل
    Apr 2009
    الردود
    1,095
    الجنس
    امرأة
    هابى ميست ألف حمد الله على السلامه و الحمد لله أن قلبك أطمئن على أبنك يا رب دايما

    ملوكه ربنا معاكى فى أمتحانات بكره أبقى طمنينا يا جميله

    سلامى لكم جميعا


  2. #832
    أم جورى's صورة
    أم جورى غير متواجد النجم الفضي
    تاريخ التسجيل
    Apr 2009
    الموقع
    بيتى هو حياتى
    الردود
    3,718
    الجنس
    امرأة
    مسلم افشتك كنتى مختفية فين


  3. #833
    muslium's صورة
    muslium غير متواجد النجم الفضي
    تاريخ التسجيل
    Apr 2009
    الردود
    1,095
    الجنس
    امرأة
    تعقيب كتبت بواسطة معمارية مصرية عرض الرد
    نداء عاجل لمسلم واودي
    ليا اخت في الله نازله نهائي وعايزه كل المعلومات الممكنه عن جنييس ورويال اكاديمي ربنا يبارك فيكم تبعتولي الفايل بتاعهم علشان هيا نازله نهائي وبتدور لولادها على مدارس كويسه ناحيه الهرم
    وجزاكم الله خيرا

    مروه حبيبى جزانا و اياكم انتى تؤمرى
    و لو عايزانى ابعتلك ملف مدارس الهرم كلها انا تحت أمرك انتى بس أشرى و هبعتهولك على الرابيد شير لو تعرفيه

    مؤقتا ديه المعلومات عن المدارس اللى انتى طلبتيها:

    مدارس فيصل و الهرم

    18- مدرسة جينيس للغات Genius Language School:

    02-06-2008, 10:01 PM
    omtotro
    انا ليه واحدة صاحبتي راحت قدمت لبناتها في( مدرسة diamond ) أو الماسة اللي في الشارع اللي جنب ( كايرو مول ) بتشكر فيها قوي وبتقولي الادارة بتاعتها كويسةجدا وان مديرتها هيه اللي كانت ماسكة مدرسة (جينيس ) وسابتها وانها اتعرفت على ولية أمر نقلت ابنها من جينيس علشان المديرة ده مشيت منها لأنها كويسة جدا

    ************************************************** *****************

    05-06-2008, 09:43 AM
    ام مريم 2008
    مدرسة جنينيس و وايزنز فاشلين هما كمان و دة بشهادة ناس كثير اعرفهم ...
    ************************************************** *****************
    ام جوري 8-4- 2009جينيس كانت تحفة فى الأول لكن مشكلتها الرئيسية تغييييير المدرسينوكمان الادارة اتغيرت السنى دى وسيئة جدا واصبحت فوضى واهمالعلىالاخر
    بالنسبة للكى جى كويسة باستثناء بعضالملاحظات
    الواجبات كتيرة جدا وبيجروا فى المنهج أوىانا عن نفسى هعيد كى جى 2 لابنى تانى

    ام جوري 9-4-2009 جينيس مديرة جديدة مسكت السنة دى وبصراحة سيئة جدا فى فوضى وهرجلة فى المدرسة غير عاديةوالأكتيفيتى ولا مدارس الحكومة وكمان المدرسين مش مستوى لغات خالص بس مش كلهمبصراحة.

    ام جوري 11-4-2009 عن جينيس المدرسة عاملين كراسات وكشاكيل باسم المدرسة يعنى بيسلموهم الكتب وعاها الكشاكيلبتاعة كل مادة

    وبعد كدةبيسلموهم بوكلت لكل مادة والبوكليت زى الكتاب الخارجى

    حتى معظم اسئلته زى سلاح التلميذ فى العربى مثلا

    لأنى انا جبت لبنتى سلاحالتلميذ علشان احل معاها اكتر بس بصراحة لقيت نفسى مش محتاجاه خالص لأن البوكليتبيغنى عنه

    بنتى فى سنةتانية بتدرس ماكميلان وكمان ابنى فى كي جى 2 ماكميلانبرضهبالنسبة للكوبىبوك(الكشاكيل) فى للحصة دى بيكتبوا فيها الدروس وفى للهوم وورك ودى بياخدوا فيها واجبات بالاضافةلواجبات البوكليت


    أم جورى
    مساحتها كبيرة جدا -اللاب حلو اوى -جاردن الكى جى ممتاز

    وكمان بيعملوا بوكليت وكراسات باسم المدرسة بالاضافة للشيتات وده مش موجود فى مدارس تانية

    العيب اللى خلانى عاوزة انقلهم ان الادارة السنة دى ملخبطة شوية
    حاسة كدة ان فى دروب
    بس انا كلمت مدرسة صاحبتى هناك كانت بتدى بنتى فى برى 1 قالت انى اصبر عليهم والمدرسة احسن بكتير من غيرها وهى عندها ولدين فى المدرسة

    شكلى كدة هصبر عليهم

    بالنسبة لمصروفات برى2 السنة دى 4و100 تقريبا والباص 1500 علشان انا دلوقتى فى فيصل واليونيفورم ممكن يدخل فى 300 او 300 وشوية على حسب
    -----------
    طيب يا ريت تقوليلى مستواهم فى التعليم عامل ايه و فى التربيه و السلوكيات و هل فيه اهتمام بالدين؟

    بصراحة بالرغم من السلبيات السنة دى الا انهم تعاملهم حلو جدا وبيهتموا بموضوع السلوكيات يعنى مثلا فى بنت فى الكلاس كانت سلوكياتها وحشة جدا لاقصى حد ولما اشتكينا قلوا انهم عاملينلها برنامج مع الأخصائية الاجتماعية ولو ما جبش نتيجة هيدوا الفايل بتاعها لمامتها بالنسبة للدين هما فى كى جى جايبين شيخ وفى البرى بياخدوا منهج الدين بالاضافة انهم بيدوهم حصة تحفيظ قران السنة اللى فاتت خدوا جزء عم والسنة دى تبارك وطبعا بيهتموا بالمناسبات الدينية زى المولد النبوى وموسم الحج ورمضان بالرغم من ان مديرة كى جى اجنبية لكن بصراحة مش بتفوت اى مناسبة
    و التفاعل مع اولياء الأمور شكله ايه؟

    هما طبعا بسمعوا المشاكل والشكاوى وبيحاولوا يحلوها بس محتاجين زن شوية ومتابعة

    هل فى أجتماعات دوريه لأولياء الأمور هل بيستجيبوا لمشاكلكم
    فى فى اول السنة بيبعتوا كالندر في كل برنامج السنة الدراسية من مواعيد الامتحانات واجازات وحفلات كدة يعنى واجتماعات اولياء الامور بتبقى مع المدرسين تقريبا 3 او 4 مرات لكن لو عاوزة تقابلى اى مدرسة بتاخدى ابوينتمنت وتقابليها
    يعنى لو قبلتك مشكله بيبقوا حريصين على حلها و لا ايه؟
    يعنى بيحاولوا
    هل الأولاد بتبقى مبسوطه فى المدرسه
    هما علشان انا قولتيلهم انى هنقلهم فطبعا هيئوا نفسهم لكدة لكن فى الاول اه كانوا مبسوطين
    و الأهتمام بالأنشطه و ال fun activities شكله ايه؟

    بالنسبةلحصص الرسم احنا اشتكينا منه انا الاهتمام فيه مش اوى
    لكن هما عاملين اكتيفتى تانى بفلوس غير الرسم والموسيقى
    فى كاراتيه وجمباز وسباحة ورماية وركوب خيل طبعا السباحة والرماية وركوب الخيل بيكونوا برة المدرسة والكلام ده بيكون يومين فى الاسبوع خلال اليوم الدراسى
    لكن الجمباز ولاكاراتية فى المدرسة
    اشتراك الانشطة 60 جنيه فى الشهر
    وفى نشاط السياحة ودة بالنسبة للابتدائى ب5 جنيه فى الاسبوع وهو عبارة عن رحلات تعليمية يعنى الاهرامات والمتاحف وحاجات كدة
    و مواعيد المردسه ايه؟
    من 8 الى 2 ظهرا بالنسبة لى مشتركة فى الباص بينزلوا 7 الا تلت تقريبا وبيرجعوا 3
    و الباص بيجبهوملك فى قد ايه؟

    و أسفه على الأطاله و كتر الأسئله و جعت دماغك

    لا يا جميلة يا رب بس اكون قدرت افيدك

    على فكره انا بنتى رايحه برايمرى 4 فهل المستوى هناك فى برايمرى حلو و لا ايه. و كمان معلش كثافه الفصل قد ايه

    المستوى كويس بس السنة دى مدرسة الماس كانت سيئة جدا
    كثافة الفصل قليلة يعنى بنتى الكلاس بتاعها22 وفى فصلين تانية ابتدائى فرنش وواحد جيرمان

    18-04-2009, 10:30 AM

    بالنسبة للمدارس الى رحتهم تعتبر احسنهم ملعب جميل جدا للكى جى ولعب فعلا متنوعه الكى جى لهم لاب كمبيوتر لوحدهم غير الابتدائى انا رحت بصيت على المدرسة بس ملقيتش مديرة لانهم كانوا بيجهزوا لحفلة اخر السنة وكانوا عاملينها فى مسرح مدينة مبارك للعلوم الولاد لهم كل واحد ديسك خاص بيه فى الابتدائى
    عجبتنى اوى من حيث المبانى والامكانات وبيشكروا اوى فى مديرة الكى جى بيقولوا اجنبية وماسكاها كويس قوى وبتاعت الابتدائى بيقولوا كويسة بس انا لسه مقابلتهمش
    المصاريف 4100 كىجى ، 4600 ابتدائى وفيه خصم 10 % على مصاريف الكبير – الباص 1350
    بيدوا كراريس وبوكليت
    18-04-2009, 04:41 PM

    انا ولادى فيها وبقالنا
    سنين فى المدرسة
    طبعا انا كنت بفكر جديا انى انقل من المدرسة السنة دى
    لكن لما دخلت المنتدى هنا بالصدفة وشفت اد ايه المدارس واد ايه كل مدرسة فيها عيب
    وقارنت بين كل الكلام اللى قريته وبين جينيس لقيت انى من الافضل اسيبهم فى المدرسة
    لانى لو هنقلهم مدرسة تانية لازم تكون فى مستوى مدرستهم أو اعلى بأة يعنى بلوم او نظام امريكى
    وانا كلمت مدرسة فى المدرسة صاحبتى وقالت انى اصبر على سلبيات المدرسة
    لأن الادارة جديدة ولسة ما أثبتتش وجودها
    وكمان جينيس فيها ميزة مش موجودة فى كتير من المدارس
    ليهم بوكليت باسم المدرسة لكل مادة وكمان بيدوا شيتات علطول وليهم كراسات باسم المدرسة برضه وده تبع المصروفات
    وكثافة الفصول كمان كويسة 22 والله السنة اللى فاتت كانوا 13 فى الكلاس وعلى فكرة اليونيفورم هيتغير السنة دى هو ما اتغيرش من4 سنين
    انا بنتى هتكون السنة الجديدة تالتة ابتدائى يا ريت لو استقريتى على جينيس نبقى أصحاب علشان نقدر نفيد بعض
    وأى استفسار تانى عن المدرسة انا تحت امرك
    18-04-2009, 04:09 PM

    الاكتيفيتى يعنى مثلا فى جينيس مش عاجبنى موضوع الاكتيفتى والموضوع دا تيفيدنا فيه ام جورى اكتر طبعا لانها خبرة معاهم بس انا لائيت عندهم حديقة الكى جى بس اللى حلوة وكبيرة فعلا مقارنة ببتاعة المصرية بس دى هفرح بيها سنتين بس وبعد كدة مالئتش عندهم ملاعب لحاجة ولما سالت على السباحة او التنس او اى حاجة المدرسة تئولى الاولاد بيمارسو دا برة فى اماكن تانية طبعا دا معجبنيش يعنى بنتى عشان تمارس السباحة مثلا تروح مكان تانى غير المدرسة وتتمشور تانى وكمان ملائتش عندهم يو سى ماس ودا بئى مهم جدا
    18-04-2009, 10:37 PM

    بالنسبة للفرق بينهم فيه فروقات فى سنهم مثلا جينيس جديدة شوية يعنى حوالى 5 سنين او 6 التانية 25 سنة جينيس حلوة ودخلتها جميلة المصرية قديمة شوية مبانيها بس مش مبهدلة
    19-04-2009, 03:06 AM

    بصى هما فعلا بياخدوا سباحة برة بس انا رأيى فى موضوع السباحة وحمامات السباحة انه مش مهم خالص فى المدرسة هى رايحة تتعلم ولا تعوم وبعدين ما احنا عندنا البيسين فى النادى ههههه
    بالنسبة لليوسى ماس كان موجود فعلا فى المدرسة واشتركت لبنتى فيه بس الموضوع يا جماعة دراسى بحت يعنى كله عمليات حسابية هو بصراحة حلو وبنتى اخدت ليفل واحد بس انا ما كملتش والمدرسة ما عملته سنة واحدة بس
    19-04-2009, 03:21 AM

    بصى هو السباحة والرماية والخيل فى مزرعة صاحب المدرسة جنب المدرسة لكن السباحة تقريبا فى العجوزة
    الاكتيفيتى اللى فى المدرسة الكاراتيه والجمباز والميوزيك والتمثيل والكمبيوتر وحفظ القران والماس والفرنش ---كل يوم خميس 3 حصص اكتيفيتى
    وفى اكتيفيتى جديد عملوه السنة دى اللى هو السياحة يوم الخميس برضه بيروحوا اماكن سياحية
    راحوا الهرم ومسجد عمرو بن العاص ومقياس النيل ومتحف ام كلثوم وعلى فكرة هو حلو اوى السياحة وعجبتنى الفكرة
    وكمان عملوها فى الكى جى كل يوم تلات
    بس مش سياحة بس
    مرة دخلوا المطبخ عملوا الليمون هههههههه
    ومرة راحوا مكتبة وعملوا اشغال يدوية فنية
    19-04-2009, 04:55 PM

    احنا عندنا فى كى جى عاملين منهج ساينس زى برى بس مختصر ومعتمد على الصور والأورال علشان الولاد يتعودوا
    20-04-2009, 12:52 AM

    بالنسبة للسباحة والرماية وركوب الخيل60 شهريا بالباص
    والسياحة 5 جنيه فى الاسبوع
    وفى تعليم موسيقى على الات موسيقية تقريبا ب60فى الشهر برضه
    20-04-2009, 01:02 AM

    المصروفات للكى جى 4100 والبرايمرى4600 الباص 1500 لفيصل 1350للأقرب 1300لحدائق الهرم
    اليونيفورم حوالى 350 حسب العدد اللى هتاخديه
    الكثافة للكى جى والبرى22
    فى 3 فصول برى 2 ىفرنش و1 جيرمان
    الكى جى ليه مبنى منفصل وادارة منفصلة ومديرته اجنبية وراقية جدا فى تعاملاتها
    فى حاجة كمان فى مسابقات بين الولاد فى الكى جى اسمها
    star of the week
    يعنى نجم الاسبوع ودى بتكون للطالب المثالى فى كل حاجة فى الدراسة وفى السلوك مع باقى زملاؤه
    وكمان لو عاوزة تعملى عيد ميلاد ابنك مع زمايله بتتفقى معاهم وبتيجى فى البريك تعمليه
    اللغة الأولى انجلش منهج ماكميلان
    اللغة التانية فرنش أو جيرمان اختيارى
    الفرنش من كى جى 1 اورال وكى جى 2 اورال ومن برى 1 تحريرى
    الساينس من كى جى1 اورال منهج لذيذ جدا
    وكى جى 2 اورال
    ومن برى 1 تحريرى وليه اختبارات ودى ميزة لانهم بيتعودوا عليه تمهيدا لبرى 3
    فى الكى جى الاكتيفيتى سباحة ورماية وركوب خيل خارج المدرسة
    جمباز وكاراتيه وموسيقى وكمبيوتر داخل المدرسة
    اشتراك شهرى 60 جنيه وبالباص بالنسبة للانشطة اللى خارج المدرسة
    فى حفلات طوال السنة
    حفلة عيد الأم
    حفلة الحج (كعبة وذبح خروف)ده جد مش هزار فعلا السنة دى دبحوا خروف فى المدرسة
    اليوم الريفى وده بيبقى فيه خبز فطير وجمل وكارته وحصان
    حفلة تنكريه
    كرنفال وده بيبقى زى معرض بيع منتجات لأولياء الأمور والمدرسين والطلبة
    اليونيفورم بيتغير كل 4 سنين
    بالنسبة للتحفيظ فى محفظ شيخ للكى جى
    والبرى جزء كل سنة بس بصراحة مش اجبارى بس بيمتحنوا فيه وليه درجة فى الشهادة ضمن الأكتيفتى
    وانا عن نفسى جايبة محفظة لبنتى وابنى فى البيت
    ده كل حاجة عن جينيس وعيبها ان المدرسين بيتغيروا كتير بس بصراحة السنة دى ما حدش اتغير خالص
    وتانى حاجة ان السنة دى كان فى دروب فى الادارة علشان جديدة بس الكل نصحنى انى اصبر شوية واى مدرسة بيحصل فيها دروب
    20-04-2009, 08:11 PM

    كتبت بواسطة الاميرة طماطم
    كنت عايزة اسألك انت بتقولى ان فى جينيس بيجى محفظ علشان تحفيظ القرأن دة معناة ان الاولاد بيجوا حافظين من المدرسة ولا ايه
    بصى هما بيبقوا حافظين بس لازم انتى كمان تتابعى معاهم الحفظ
    وانا بصراحة جايبلهم محفظة فى البيت علشان كدة هما اصلا حافظين
    21-04-2009, 07:45 PM

    المصرية وهى مميزاتها حلوة وطبعا خبرتهم كبيرة لكن بالمقارنة بينها وبين جينيس بصراحة اترددت كتييييييييييير ولقيت انى اصبر على سلبيات جينيس لأن مفيش مدرسة خالية من المشاكل ولا هلاقى مدرسة مثالية فى كل شئ
    وكمان جينيس فيها مميزات كتيرة ذكرتها قبل كدة وقلت اللى نعرفه احسن من اللى ما نعرفوش خصوصا السنة الحاية بنتى شهادة برى 3 على الاقل انا عارفة المدرسين وهما عارفين مستواها كويس وده هينفعها فى الايفاليويشن بتاع التيتشر بتاعتها
    21-04-2009, 08:02 PM

    بصوا يا جماعة انا عاوزة اخد رأيكم فى حاجة علشان اعرف انا اللى صح ولا انا مزوداها شوية
    طبعا انا اتكلمت كتير عن جينيس وقلت عيوبها قبل مميزاتها
    ومش عارفة هل علشان انا عاوزة كل حاجة تكون برفكت فكد انا متحاملة عليهم ولا
    انا عندى حق
    اصلى بصراحة اكتشفت ان فى امهات مكبرة دماغها على الاخر ولا حاسين بحاجة من اللى انا شايفاها عيوب فى المدرسة
    فقلت يمكن انا اللى غلط
    بصوا ده مثلا موقف حصل انهاردة فى المدرسة وهروح بكرة علشان الموقف ده
    البنت كانت ابسنت يوم الأحد ولما راحت انهاردة المدام بتاعة الفرنش سألتها على
    الهوم وورك فطبعا البنت مش عارفاه ولا عاملاه
    اللى راحوا يوم الاحد 8 بس والأبسنت كانوا 14 تخيلوا انها عاقبت 4 بس منهم بنتى وشدتها من ودنها جامد جدا لدرجة انها جاية من المدرسة بتعيط وبتقول انا مش عاوزة اخد مع التيتشر دى تانى
    P e والحاجة التانية ان المفروض عندهم حصة
    التيتشر ما جتش الحصة فدخلت المشرفة وقالتلهم انزلوا الجاردن العبوا علشان التيتش مشغولة نزلوا لوحدهم ولعبوا لحد ما الجرس رن وبعدين طلعوا
    انتو ايه رأيكم فى حاجة زى كدة انا شايفة ان ده اهمال وتسيب
    وبالنسبة للتيتش ده تخلف بصراحة
    فهل دى اسباب تستدعى انى انقلهم طبعا مش الموقفين دول لأ حاجات شبه كدة يعنى بتحصل انا اديت مثال بس علشان اعرف رأيكم
    وانا رايحة المدرسة بكرة فى حد ناوى يروح نتقابل هناك
    22-04-2009, 03:56 PM

    بصوا باة هقولكم نص النتيجة دلوقتى وكمان شوية هقولكم الباقى
    طبعا امبارح كان محروق دمى جدا وهاين عليا اروح المدرسة بس طبعا اللوقت كان خلاص اتأخر وطبعا مفيش حد موجود
    عملت اتصالاتى بصاحبتى اللى بنتها مع بنتى فى الكلاس وبنتها من ال 4 اللى اتعاقبوا واتفقنا نروح المدرسة انهاردة
    وبعدين على بليل كدة عملنا اتصالات ومن مصدر موثوق منه جدا
    افادنا انا احنا ما نروحش مع بعض علشان مش يقولوا ان اولياء الامور متفقين مع بعض على التيتشر
    فالمصدر اقترح علينا ان واحدة تروح وواحدة تتصل وده اللى حصل فعلا
    بس صاحبتى لسة هتكلمنى وتقولى عملت ايه
    بس انا امبارح عرفت من المصدر برضه ان التيتشر دى مش فى خطة السنة الجديدة انها تكون موجودة قلت بأه ايه لازم احرق دمها زى ما هى عملت
    فكرت ابعتلها جواب واكتب فيه كل اللى غايظنى
    كتبت بأة جواب قلتلها انى معجبة جدا جدا وابديت تقديرى الشديد واعجابى بأسلوبها التربوى الرائع فى تربية الأطفال واقترحت انها تطرح هذا الأسلوب على مديرة المدرسة لكى تعمم تطبيقه فى المدرسة كلها
    وقلتلها انه كان من الأولى انها تعطى البنت فرصة علشان تقولها انها كانت ابسنت يوم الأحد بدلا من العقاب المهين والمؤلم ده
    وكمان قلتلها يا ريت تفكر فى اسلوب عقاب افضل من كدة للاطفال وانها فى مدرسة لغات محترمة وانها عارفة كويس اوى ان البنت متفوقة ومن الأوائل على المدرسة وانها ما عملتش الواجب بسبب الغياب مش اعن تعمد او اهمال منها
    وفى نهاية الجواب كتبتلها شكرا لسعة صدرك
    بجد مش ده اسلوبى مع التيتشر بس انا كنت مخنوقة منها جدا خصوصا ان البنت بليل فضلت تعيط ومضايقة جدا من اللى حصل ومش عاوزة تروح المدرسة
    انا بعد شوية هقولكم باقى التفاصيل
    22-04-2009, 04:32 PM

    ليكم باقى التفاصيل
    البنت رجعت من المدرسة مبسوطة جداااااااااااااا
    سالتها ايه اللى حصل وبصراحة حسيت انى استريحت أوى
    قالت ان التيتشر دخلت الكلاس ومعاها السوبر فيزور بتاعة الفرنش
    وسألت البنت ان اشديتك من ودنك فقلتلها اه راحت التيتشر قالتلها لأ انا زعأتلك من بعيد
    شوفتوا البجاحة
    فالبنت قلتلها لأ يا مس شدتينى من ودنى وخلتينى اعيط وكمان شدتينى قبل كدة (مش عارفة جابت الجراءة دى مننين) لانها مرة حصل مواجهة فى موقف معين قبل كدة وخافت تقول
    فلما البنت قالتلها كدة بتقولى ان التيتشر سكتت
    وسالت البنت التانية اللى هى بنت صاحبتى قالت لها انتى بتحبى الفرنش فاتكسفت وما ردتش مع العلم ان السوبرفيزور هى اللى بتسال البنات
    وقلتلهم انا لو جيت بكرة وعرفت انكم عاملين الهوم وورك هقول اسمكم فى الاذاعة واجبلكم هدية
    وطلبت من التيتشر انها تبوسهم
    طبعا هى باست بنت صاحبتى وبنتى لأ سلمت عليها بس لأنها محروق دمها طبعا من الجواب ههههههههه
    بس ده اللى البنت حكيتهولى انتو ايه رايكم فى الريأكشن بتاع المدرسة
    24-04-2009, 01:20 AM

    صحيح نسيت أقولكم ان التيتشر بتاعة الفرنش انهاردة قابلت حلا فى البريك وقالتلها ما تزعليش منى يا حلا وسلمت عليها وباستها
    22-04-2009, 03:30 PM

    انا سألت وقالوا انهم بيفصلوا من برى 4
    22-04-2009, 03:47 PM

    كتبت بواسطة muslium عرض الرد
    -
    - يا ريت يا دينا و يا ام جورى تكملوا جميلكم و تضيفوا فى التقرير بتاعكم عن المصريه و جينيس رأيكم فى مدى تعاون الأداره مع أولياء الأمور و هل فيه اجتماعات اولياء امور دوريه ام لا. أعتقد ديه نقطه مهمه علشان كده كده فى مشاكل هتحصل
    بصى هو فى الكالندر بتاع السنة الدراسية كانوا محددين 3 اجتماعات خلال السنة
    لكن برة ال3 اجتماعات الأساسية دى انتى ممكن تاخدى ابوينتمنت وتقابلى التيتش اللى انتى عاوزاه
    وانا قلت قبل كدة ان الادارة بتسمع لأولياء الأمور وبتحل على اد ماتقدر
    23-04-2009, 03:59 PM

    المصرية
    من كلامك انتى ودينا المدرسة عجبتنى بس زى ما قلت قبل كدة انا هستنى السنة دى فى نفس المدرسة واشوف ايه الاخبار
    وكمان اكيد احنا هنبقى فى المنتدى هنا على اتصال ببعض ونعرف اخبار بعض واخبار الولاد فى كل مدرسة ايه
    ولو حبيت انقل اكيد هنقل المصرية لانى شايفة انها وجينيس احسن مدرستين لغاية دلوقتى
    23-04-2009, 05:49 PM

    المصرية اللى عجبنى فيها ان الكثافة قليلة وان المدرسة بقالها فترة كبيرة فى مجال التعليم ودة معناه انهم خبرة واكيد مش بيغيروا التيتشر كتير زى المدارس الجديدة
    لكن جينيس فيها مميزات كتيرة انا ذكرتها قبل كدة
    ومشكلة الادارة السنة دى فى اختيار التيتشر كان سئ وده بالنسبة للماس والفرنش
    وكمان حاسة ان مفيش كنترول اوى على كل حاجة يعنى شوية فوضى كدة مش عارفة باة ده رأىى لوحدى ولا فى اولياء امور تانيين حاسيين بكده برضه
    ام جوري
    ده يا جماعة تقرير جينيس
    كنت عاوزة اعرف مبنى وفصولالكى جى فى المصرية ويا ترى الفصول نظيفة وواسعة والجاردن بتاعهم ارض رملية وفىالعاب للولا فيه ولا لأ
    مبنىالك الكى جى منفصل عنالبرايمرى والفصول واسعة وجميلة جدا والجاردن مفروشة موكيت اخضر بصراحة امنة وشكلهاحلو اوى وعمر ما ابنى الحمد لله حصله حاجة هناك والالعاب متنوعةومختلفة
    حاجة كمان يا دينا انتى عندك حد السنة دى فى كى جى 2

    يا ريت تقوليلى بياخدوا ايه بالظبط

    فىالانجلشبياخدوا ماكميلان وبياخدوا اورال جمل واسئلة وكل يوم خميس بيبعتوا ورقة فيها حاجاتالاسبوع اللى خدوها كلها الورال والريتن
    خدوا لغاية 100 فى الماس اورال ولغاية 46 ريتن
    عندهم فرنش اورالبياخدوا فيه شيتات
    وعندهم ساينس اورال بس ليه كتابظريف جدا فيه توصيل وحاجات خفيفة كدة
    النسبة للبريمرى

    الشيتاتبتكون اسبوعية ولا قبل الامتحان الشهرى
    فى شيتات اسبوعية وفىشيتات قبل الامتحان بالنسبة للنجلش بس لكن الباقى فى بوكليت وشيت قبلالامتحان

    حصة الرسم يا ترى التيتشر بتهتم بالرسم ولا لأ يعنى البنتبتجيلك بموضوعات ومتلونة ولا ايه
    برضه حصة عادية بيرسموا فيهامواضيع مختلفة

    ى كويز كل اسبوع ويا ترى فى مادة ايه بالظبط ولا بيبقىفى كل المواد
    فى العربى و الماسوالانجليزى-شرحه

    الساينس هل فى كتاب ليه ولا بياخدوه اورالازاى
    فى كتابين للساينس واحد شرح وواحد هوموورك

    فى اكتيفيتى غير موضوع السباحة والالعاب الرياضية

    يعنىمثلا كمبيوتر ومسرح وماس وده بيبقى فرى بدون اشتراك زينا ولا مش موجوداصلا

    فى يوم الخميس اكتيفيتى كتير بيخيروا الولاد اول السنةهيختاروا ايه
    فى كمبيوتر وماس وتمثيل وسياحة ده طبعاغير اكتيفيتى السباحة والرماية والالعاب اللى قلتلكم عليها
    اليونيفورمشكله ايه والوانه

    بيتغير كل 4 سنين والسنة دى هيتغير هو كانبنطلون كافيه وتى شيرت اصفر فى لبنى للكى جى والبرى والسبورتنج تريننج لبنى فى اخضر
    السنة الجديدة هيبقى الكى جى احمر فى كحلى والبرىمش عارفة
    كمان ايه اخبار اللغة مع الولاد فى البرى بينطقوا حلو يعنىالاكسنت بتاعتهم فى الانجلش عاملة ايه
    النطق كويس بس البنت عندىبتنطق احلى وكمان السنة اللى فاتت كانوا عاملين حاجة لذيذة اوى اسمها اسيكس يعنىاخلاقيات كانوا جايبين بنات منالجامعة الامريكية بيحفظوا الولاد تعاليم واخلاقياتوحاجات اسلامية بس بالانجلش


    والفصول بتاعة برى اخبارها ايه
    وهل كل طالب ليه ديسك لوحده وفى لوكر فى الكلاسات

    الكلاسات حلوة برضه وفى ديسك لكل طالب وفى لوكر فى كل كلاس
    ارجو انى اكون افدتك ونقلت لكالصورة
    جينيس بيدخلوا الاب مع تيتشر اجنبية وكمان بيدخلوا لاب الكمبيوتر

    ام جوري

    بصى يا مسلم بالنسبة لمدرسة الولاد بندفعالمصروفات على قسطين وفى خصم لو دفعتى المبلغ كله
    لكن الباص بيدفع كله
    طوال السنة بصراحة مفيش اى مصروفات زيادة اجبارية

    بتبقى حاجات اختيارى زىمثلا الأكتيفيتى وزى مثلا التأمين الصحى

    السنة دى كانوا عاملين اشتراك مع مستشفى مصر الدولى تدفعى للمدرسة 200جنيه وتاخدى خصم فى المستشفى حاجة زى كدة بس ده طبعا للىعاوز
    بالنسبة للشيتات والكراساتمفيش حاجة زى كدة خالص كلها فرى ده كمان بيدوهم كراسات وكشاكيل فى التيرم الاول وفىالتيرم التانى كمان وبتكون الكراسات ما خلصتش حتى follow up فى التيرم التانى واحدةجديدة
    ولما كراسة تخلص بيدوهمغيرها

    وفى الرحلات ودى كماناختيارى طبعا

    بالنسبةللرحلات فى رحلات مختلفة

    ماجيك لاند 30
    فاميلى لاند25
    ملاهى اركاديا25
    مهرجان الشيكولاتة اللى فى ساقية الصاوى 25
    السيرك 30
    وفى سبورتينج داى بيبقى سباق عجل وسكوترات
    وحاجاة كدة بس مش فاكراها بصراحة بتبقى هاند ميد الولادبيعملوه بنفسهم

    موضوعالدروس مش موجود بصراحة البنت بتيجى فاهمة بس السنة دى المشكلة كانت ان تيتشر الماسمش اد كدة فأنا كنت ببذل مجهود مضاعف

    الاميرة طماطم

    http://gl-school.com/Default.aspx
    موقع مدرسة جنيس

    زقزوقة و زقزوق
    بالنسبة لمدرسة جينيس هأقولكو على الايجابيات والسلبيات اللي أنا شوفتها فيها لما روحتها

    أولا الايجابيات:

    أنااتفرجت عليها و لاقيتها مساحتها واسعة و كبيرة
    و بالنسبة لمرحلة الKG هما حلوينقوي و عجبوني جدا ، المديرة بتاعتهم أجنبية ، و بيدوا كتب جميلة أوي للNursery ، وبياخدوا منهج ماكميلان ، و الجاردن بتاعة الKG جميلة أوي و مفروشة موكيت أخضر وفيها ألعاب كتيرة و جميلة ، و في معمل كمبيوتر صغير خاص بيهم ، و بياخدوا لغة تانيةو Science من KG1 ، و الفصول شكلها كويس ، و في تحفيظ قرأن
    و بالنسبة لمرحلةالPrim بياخدوا منهج ماكميلان ، و Science ، و لغة تانية زي ما قلت ، و تحفيظالقرأن درجته بتتحط في الشهادة و بتبقى أساسي في ترتيب المستوى ، و كل طالب ليهديسك و كرسي لوحده ، و فيه معمل للScience ، و معمل للفوناتيكس
    بالنسبة للأنشطةيوم الخميس بيبقى مفتوح لممارسة الأنشطة ، و كل طالب بيختار نشاطين يقدر يمارسهمداخل المدرسة من غير فلوس زي " الكمبيوتر - الرسم - الموسيقى - ..." ، و لو عايزسباحة أو رماية أو ركوب خيل بيشترك بفلوس و ده بيبقى خارج المدرسة بيروحوابالباص
    اليونيفورم هيتغير السنة دي

    ثانيا السلبيات:

    بالنسبةلمرحلة الKG بصراحة أنا مش شايفة فيهم أي سلبيات
    أما بالنسبة لمرحلة الPrim فواضح ان مستواهم مش قوي زي الKG ، الجاردن مش حلوة قوي و هي في الحوش ، وفيهاألعاب قليلة جدا ، و في معمل كمبيوتر واحد بس لمرحلة ابتدائي و اعدادي و ثانوي ، ومساحة المعمل صغيرة مش كبيرة ، و الفصول شكلها مش حلوة قوي ، يعني عايزة تدهن وتجدد
    و طبعا واضح انهم مهتمين جدا بمرحلة الKG زي بقية المدارس ، و في مرحلةالابتدائي مش مهتمين قوي

    و أنا قلقانة جدا بعد ما حسيت ان مستوى الابتدائيأقل من مستوى الKG ، و مش عايزة بنتي يحصلها دروب ، و مش عرفة أعمل ايه؟


    ام جوري

    على فكرة الفصول السنة اللى فاتت كانت احلى من السنةدى
    بس هى مش وحشة اوى برضه هى بسمحتاجة شوية تنظيم
    وبعدين انا سمعتان مستر ابو بكر صاحب المدرسة بيبذل قصارى جهده علشان يرتقى بمستوى المدرسة ودهحقيقى يعنى مثلا موضوع البوكليت والكراسات من السنة اللى فاتتبس
    واكيد بيبقى فى تغييرات فىالاجازة يمكن يجددوا الفصول


    أم جورى - 2009 :
    ادارة الكى جى ما اتغيرتش من سنتين

    هى كانت ميس غادة فى الأول اللى ماسكة دياموند دلوقتى وبعدها ميس مارى
    يعني ادارة ابتدائي هي اللي جديدة ؟

    ايوه

    طيب ايه هي الايجابيات و السلبيات اللي انتي شايفاها في الادارة ؟

    الايجابيات انهم فعلا بيغيروا الحاجات اللى بنشتكى منها وبيستجيبوا للتغيير والاصلاح والسلبيات هى موضوع الفوضى اللى احنا حاسين بيه

    و ايه رأيك في مدى تعاونهم مع أولياء الأمور ؟
    حلو جدا

    و هل عندهم مرونة و لا لأ ؟
    عندهم مرونة على الأخر وسطهم ساب من كتر المرونة

    يعني هل فيه أمل انهم يبقوا أحسن السنة اللي جاية و لا ايه ؟ عشان يقدروا يظبطوا المدرسة ؟
    دى باة بصراحة انا سايباها على ربنا بس أعتقد انهم هيتحسنوا وكل حاجة فى الأول بتكون صعبة يعنى لما مس غادة مشيت من الكى جى وجت ميس مارى مش قادرة اقولك على اللغبطة والهرجلة وكان عندنا احباط دلوقتى الحمد لله ما شيين تماااااااام
    --------------------
    رونى 35
    ياجماعة مدرسة جينيس دول شوية نصابيين ... انا خدوا مني فلوس الأبليكشن 150 جنية و بعدين قالولي إعملي إنترفيو و جاتلي الست إللي ربنا ينتقم منها دي مديرة الكي جي إللي إسمها ماري .. أساسا البنت إتخضت منها ... من غير ما تسألها حتي إسمك إية و لا عندك كام سنة ... قالتلها ياللا نروح الجاردن ... البنت راحت معاها و بعد دقيقة رجعت بتعيط و تقول عاوزة مامي... و مرضيتش تروح معاها الجاردن ... راحت الهانم قالتلي بنتك مش مقبولة ... إفتكرتها بتهزر و الله ... قولتلها معلش هي خايفة علشان المكان جديد ... قالتلي إبقي تعالي تاني... قولتلها ما هي كل مرة هتبقي خايفة لازم تاخد علي المكان ... قالتلي أسفة مقدرش أقبلها ... قولتلها المفروض حتي تسأليها إسمك إية و عندك كام سنة هو دة المفروض معني كلمة إنترفيو مش تعالي نروح الجاردن و البنت خايفة ... والله العظيم يا جماعة أنا بنتي بقالها سنة بيبي كلاس في نيرسري إسمها الفاني باني... ما شاء الله عليهم بيعلموا الأطفال بشكل جميل .. أنا بنتي عارفة كل إللي المفروض هتبتدي تاخدة في كي جي 1 ... يعني حافظة ABC كلها و حافظة كمية كلمات إنجليش و الله مش أقل من 60 كلمة و حافظة 5 صور قرأن و أغاني إنجليش كتير أوي حتي كل الألوان بالإنجليش عارفاها و كمان شوية جمل ... كل دة و هي عنده 3 سنيين و نص لسة ... علشان كدة مكنتش متصورة إنها ممكن تترفض في الإنترفيو أبدا ...علشان خافت تروح الجاردن........ بس إحنا مسكتناش و هنروح بكرة إن شاء الله و هناخد منهم ال 150 جنية من عينيهم عندا فيهم و الله


    بصوا باة بجد الموضوع محير ومقلق بس انا بنسبة 90% هسيبهم فى جينيس لييييييييييييييه؟؟
    من مصدر موثوق منه جدااااااااااااااااااااااااااااااااااااااااااا
    قاللى باللفظ ان المدرسة هيحصل فيها غربلة جامدة جداااااااااا
    وان مستر ابو بكر alreadyقال لتيتشر معينين انهم ماشيين ولسة كمان ناس هتمشى من الكى جى والبرى
    وان الراجل نفسه يعمل كل حاجة كويسة للمدرسة
    وان فى تدقيق جامد السنة دى فى الاختيارات
    والمصدر قال ان فى ناس كتير جدا قدمت وما قبلتش وفلوسها رجعت وده فكرنى برونى يا ريت تروح وتطلب فلوسها لأنهم هيدوهالها
    وده بصراحة طمنى شوية والكلام ده كان امبارح برضه
    وبصراحة انا كنت عاوزة امشى موووووووووت من المدرسة
    بس لما لقيت البنت جايبة
    Full marks
    فى شهر ابريل قلت بينى وبين نفسى اه انا بذلت مجهود جامد جدااااااااااااا فى الماس
    والساينس معاها
    وهى كمان ما شاء الله ذكية جدااااااااااا
    يبقى استحمل بأة ان تيتشر تيجى مش اد كدة
    وبعدين لقيت المدارس كلها فيها مشاكل حتى بلوم وطبعا انتو عرفتوا من ام بيسو
    وانا قلت قبل كدة انى مستخسرة مدرسة جينيس وكنت همشى منها بجد غصب عنى
    وبالنسبة لموضوع الهوم ورك يا دينا بجد دى حاجة نسبية بمعنى ايه ؟؟
    فى ناس بتحب الشغل الكتير وفى ناس تانية عاوزة ولادها على الجاهز
    يعنى اللى انا اشوفه عادى ممكن حد غيرى يشوف انه أوفر أوى فاهمانى
    يعنى مسالة الهوم وورك دى مش متفق عليها
    يعنى ممكن ولى امر يشتكى من قلة الهوم وورك وحد تانى يشتكى من كتره
    10-05-2009, 04:10 AM

    جينيس ب3900 الكى جى و4200 البرى بالاضافة للباص 1500 لفيصل واليونيفورم حوالى 300
    ودى اسعار السنة اللى فاتت
    10-05-2009, 06:49 AM

    أسعار جينيس السنة دي :
    نرسيري : 3100
    كي جي : معرفش
    برايمري 1 : 4600
    باص :1450
    10-05-2009, 09:44 AM

    جينيس إتصلوا بجوزي و قالولي إن ميس منال شخصيا تقريبا مديرة المدرسة عاوزة تشوف فرح بنفسها !!!!!! و الله أنا مش مصدقة ... هو طبعا إتنك عليهم و قالهم بس إحنا خلاص شلنا جينيس من دماغنا لأن إللي حصل دة مش أصول و عيب لأن البنت متعملهاش إنترفيو أصلا.... جاردن إية إللي علي أساسها تتقبل أو لأ .. البنت حرة مش عاوزة تروح تلعب في الجاردن و خايفة من إللي إسمها ماري دي أصلا ... قالتلة إحنا أسفيين و ياريت حضرتك تجيب فرح و تيجي بس بعد يوم 13 /5 علشان تكون الإمتحانات خلصت.... قالهم لما أشوف المدام رأيها إية ... بس أنا محتارة أروح و لا لأ ... زي ماقولتلكوا أنا موزعلتش من إللي حصل معايا علشان قلت دي نتيجة الإستخارة و جالي الفرصة إني أدخل البنت لما عرفت إن صاحب المدرسة يبقي أبو واحدة صاحبتي؟؟؟ و سألتني أكلمهملك ... قلتلها لأ علشان كدة أبقي أنا بتبع هوايا و حرام بعد الإستخارة ... أنا خلاص هدخلها الواحة... بس إللي حصل إنهم كلمونا ... بيتهيألي لو رحت يبقي حرام و لا إية ... مش عارفة
    10-05-2009, 10:18 AM

    جينيس حلوة كمكان وادارة بتستجيب لاولياء الامور لكن المدرسين انا اتحدى اى حد يجيب لى مدرسة الكل بيقول مدرسينها كلهم ناجحين وعندهم ضمير
    متهيالى محدش قال كده على اى مدرسة من الى بندور عليهم
    يبقى المدرس احنا ونصيبنا يبقى المهم الادارة انها تكون كويسة لانها الى هنرجع لها لو فيه مشكلة
    انا الحمد لله اما قدمت فى جينيس لانى ما ارتحتش للمنظرة الى معمولة فى المصرية حاسة ان الواجهة المشرفة قوى دى اكيد وراها حاجة ويارب يكون ظنى غلط وكمان لانهم مرديوش يخلونا نلف فى المدرسة مع اننا رحنا بعد معاد الطلبة (((ده رايى الشخصى مش بعيب فى المدرسة ))))))
    10-05-2009, 10:31 AM

    رونى 35
    اديهم فرصة تانية وكويس ان بابا بنوتك اتنك عليهم كملوا التناكة وروحوا متنكين وخدوا حقكم ومتهيالى كويس ان المديرة بنفسها كلمتكم وقالت تعالوا ((( هيه صحبتك قالت لباباها قصدى المديرة عرفت منين )))
    وفى الاخر الى ربنا عااوزة هوه الى هيتم اوعى تفتكرى انك ممكن تعملى حاجة مش مقسومالك
    10-05-2009, 11:05 AM

    لا و الله صاحبتي مكلمتش حد ... أنا جوزي كلمهم يوم ما عملنا الإنترفيو علطول و قالهم عاوز أكام المديرة علشان حصل كذا كذا النهاردة و كان ثاير جدا... إللي ردت علية البنت إللي في الريسبشن إسمها شيرين عسولة أوي كدة و بشوشة ... قالتلة أقدر أعرف في إية ... حكالها و قالتلة فعلا كدة مينفعش أي طفلة ممكن يكون دة رد فعلها ... سابتة شوية علي الهولد و رجعت قالتلة ميس منال عاوزة تشوف فرح بنفسها و ساعتها هو قالها و الله لو تعلمولي بنتي ببلاش لحد ثانوي أنا مش عاوز المدرسة دي و هاجي و أخد فلوسي علشان دة إسمة نصب .. وبس خلاص قفل علي كدة ... لاقيناها هي برضة شيرين بتكلمه من 5 أيام و قالتلة حضرتك مجتش لية ... من فضلك هات البنت و تعالي علشان ميس منال عاوزة تشوفها .. أنا لما قاللي إفتكرته بيهزر و بيلعب بأعصابي علشان هو عارف الحيرة إللي أنا فيها ... لأنة قرر يشيل إيدة لأنة شايف إني من وجهة نظرة بتدلع
    هنروح إن شاء الله يوم 13 أو 14 و نشوف لو لينا نصيب أو ناخد فلوسنا .. سمعت إشاعة إن فصولهم مليانة أصلا و بيخلوا الناس تملي ابليكيشن علشان يلموا فلوس و بس و الله أعلم
    10-05-2009, 11:11 AM

    حتمال برضة يارونا يكون إللي حصل دة مش الطبيعي بتاعهم... كمان شيرين دي قالتلة حاجة غريبة ... قالتلة إن إللي عملت معاها الإنترفيو ( إللي هي ماري ) مش من حقها تحدد من يقبل و مين لأ ... علي فكرة يارونا أنا زي ما قلت عملت إستخارة 4 مرات قبل ما أروح الإنترفيو و حصل إللي حصل ... مكانش ينفع أخلي حد يتوسطلي و كمان مرضيتش أروح بالبنت تاني زي ما ماري دي قالتلي ساعتها هاتيها 5 أو 6 مرات و لو فضلت تمل كدة مش هاخدها برضة ...لأني كدة أبق بعاند ربنا ...لأني إستخرت و الموضوع حصل فية إللي حصل ... مش هغامر ببنتي ... بس هما دلوقتي إللي بيكلمونا ... يعني بيتهيألي لو رحت مش حرام
    10-05-2009, 12:41 PM

    انا انهارده كنت فى الاوبن داى وعرفت حاجة الحمد لله طمنتنى اكتر
    المدرسة دخلت فى حاجة اسمها شهادة الجودة اللى هى الايزو
    والمصدر قاللى ان هيبقى فى تفتيش ورقابة كتير بسبب الموضوع ده
    وده هيخلى الاختيارات بتاعة التيتشر والشغل فى المدرسة حاجة تانية فى السنة الجديدة
    استخيرى يا رونى وروحى قابلى مدام منال دى ست لطيفة ومتعاونة جدا
    10-05-2009, 01:00 PM

    بصى يا رونى الكلام ده مش صحيح
    اللى اتقالى ان ناس كتير اترفضت والمدرسة عليها اقبال شديد
    وكل اللى مما قبلوش فلوس الابليكيشن رجعتلهم ده كلام اكييييييييييييد
    وبعدين خدى بالك انا ملاحظة ان فلوس الابليكيشن اقل من مدارس تانية كتير انا فوجئت بارقام فى مدارس غالية جدااا ومنهم المصرية عبير قالت انها ب250 جنيه
    ده انا لما قدمت لحلا كانت ب50
    ولما قدمت لأخوها بعدها ما كانش فى ابليكيشن خالص


    انا مسمعتش موضوع انهم رفضوا ناس كتير لان انا اعرف ناس مقدمين وقبلوهم عادى
    الابليكشن الوقتى ب 150 فين ايام ال50 ( يالا كله راح اشمعنى دى)
    المصاريف
    4200 k.g.
    و 4600 prim
    وبيعملوا 5% خصم على مصاريف الاكبر لو اخوات
    10-05-2009, 02:46 PM

    انا لية ملحوظة واحدة علي مدرسة جينيس ان البري فصلين بس مش ده معناه ان الناس بتحول من المدرسة دي بعد الكجي
    10-05-2009, 04:58 PM

    على فكرة البرى 3 فصول 2 فرنش وواحد جيرمان
    والسنة دى كان فى 6 فصول كى جى 2 يعنى برى 1 مش هتبقى اقل من 5 فصول لانى سالت وقالوا ان مستر ابو بكر يهمه اوى موضوع الكثافة انها ما تزيدش وهيفتح فصول جديدة
    أم جوري

    بصى هو فى مسرح بس ضغير انا ما شفتوش حلا اللى قالتلى
    هما بيعملوا الحفلات فى مسرح برة
    السنة اللى فاتت كان فى مسرح فى العجوزة
    والسنة دى كان مسرح فى مدينة مبارك التعليمية

    بصى انا بنتى كانت لما نقلتها جاية من برى 1 فكانت ما شاء الله عندها خلفية كبيرة بس عموما هى بتبقى فى الالوان وممكن اسماء الحيوانات قطة كلب كدة يعنى اسمك ايه سنك كام سنة ما تقلقيش

    وانا فاكرة انى مرة كنت فى المدرسة وقاعدة فى الريسيبشن وكان فى ماما جاية تعمل انترفيو التيتشر أخدت البنت لوحدها بطريقة لطيفة جدا
    ومعاها شيتمن ورقة واحدة لما خرجت قالتلها ان ميس مارى هتديها فرصة اسبوع تذاكر كويس لأن البنت تقريبا كانت مكسوفة بتسألها فى الحروف بالانجلش وكمان حاجات أورال

    المصروفات يا ملك للكى جى 3900 وبقت 4100 السنة دى

    البرى ب4200 وتقريبا بقت ب4600 السنة دى

    الباص ب1500 للطالبية فيصل

    1350 لحدائق الاهرامات


    § الجزء السابع ... (116 ) ... أم جودي
    § انا مشدودة شوية لجينيس ... وانا هناك كان في ولي أمر بنت في kg1 بتشكر فيها وبتقول بنتي بترجع البيت حافظة كل اللي اخدته في المدرسة وبعدين قريبة مني اكتر من الباقي
    § *************************
    § الجزء السابع ... (127 ) ... روني 35 ... في زيارتي لجينيس جت ميس تانية أمورة كدة غير ( ماري دي ) ...و قالت لفرح ياللا نروح الجاردن فرح حبتها و راحت معاها و قعدت تلعب و نسيتني أنا و باباها أصلا ... و جابتلها شيت كدة فرح لونت فية و سألتها عن الكلرز و كانت البنت كويسة و مش خايفة خالص ... بس فوجئت بعد كل دة إن ماري قالت للمدرسة دي قوليلهم هنبقي نرد بعد يوميين ( طبعا كانت مفروسة إن فرح خافت منها هي و إن المدرسة المصرية هي إللي عرفت تجذب فرح ) و مش بس كدة دي فرح كانت عمالة تلف في الريسبشن لوحدها و عمالة تلعب مع شيرين و البنات التانية إللي شغاليين في الريسبشن... بس يا سيتي رحت قولتلها إية الكلام الفارغ دة ... امال إنتوا إتصلتوا بينا لية لما إنتوا بتوزعونا ...قالتلي والله أنا مليش ذنب دي ميس ماري هي إللي بتقول ... راح جوزي قالها إحنا إللي إتصلت بينا قالتلنا إن ميس منال المديرة هي إللي عاوزة تشوف فرح و تعملها الإنترفيو مش ماري دي ... بس قابلناها بصراحة ست جميلة و لذيذة و محترمة جدا و الله خسارة في المدرسة دي
    * قالتلي أنا إللي هعمل إنترفيو لفرح بنفسي ... قالتلها تعالي معايا يا فيري راحت فرح معاها علطول و سابونا قاعديين في المكتب ربع ساعة ... و بعدين جت هي و فرح مبسوطة قالتلي البنت ممتازة بس برضة أنا أسفة الرد بعد يوميين ... فهمنا بقي بعدين القصة إن المسيطر هو طبعا العنصر الأجنبي محدش يقدر يزعلة علشان إحنا عندنا عقدة الخواجة و غن دي الواجهة بتاعة المدرسة لمجرد إنها أجنبية و السلام و أكيد دة بناءا علي أمر صاحب المدرسة إن محدش يزعلها و هي شايفة إن إهانة ليها إن البنت تستجيب لحد تاني و إنها هي معرفتش تحبب البنت فيها ... والله فرح من كتر ما حبت المدرستيين إللي لعبوا معاها كانت بتعيط و هي ماشية و مش عاوزة تمشي ...المهم طبعا مشينا و أنا مفروسة مش علشان المدرسة بنتي مش هتدخلها .... لأ والله ياجماعة بس الموقف سئ جدا ... لأن هما إللي إتصلوا بينا و الله العظيم و أنا كنت نسيت و شيلتهم من دماغي أصلا ... بس بعد مامشينا و أنا طبعا طول الليل باكل في نفسي و جوزي يقوللي إنتي السبب لأ ن اول مرة سمعنا عنها و روحنا نشوفها معجبتوش خالص و أنا اصريت و أخدت البنت و قدمت ... المهم راح تاني يوم مستحلفلهم إنة عاوز فلوس الأبليكيشن و غنة مستعد يرفع قضية علي المدرسة يدفع فيها ألافات في مقابل ال150 جنية دول عند بقي ... لأن مدرسة المديرة فيها ملهاش سلطة وواحدة أجنبية هي إللي تأمر و تنهي معناها إن الساسة بايظة ... كمان شوفت موقف كدة معجبنيش ... مديرة الإبتدائي ست هادية كدة و محترمة جت ولية أمر معاها إبنها في المدرسة و جايبة معاها جارتها علشان عاوزة تنقل لإبنها من مدرستة تجبة جينيس,,, ياعيني جت المديرة بتاعة إبتدائي الطيبة دي تقعد معاه علشان تعملة إنترفيو ...ردت الست غللي إبنها في المدرسة بقلة ذوق و قالتلها لأ خلاص غحنا خدنا الموافقة من ميس منال و خلاص جايين ندفع المصاريف ... حسيت إن الست يا عيني إتكبست .. طيب لية هي يتم التعدي علي إختصاصها و تتلغي بالمنظر دة.... في حين غن الأجنبية هي الأمر الناهي حتي علي مديرة المدرسة ,,,مع إ إللي داخل برايمري دة هو إللي المفروض يتعملة غنترفيو بجد مش البيبي إللي لسة هيدخل كي جي.... و لا علشان دي مصرية و دي أجنبية ...بجد و الله حمدت ربنا إن إستخارتي لأول مرة في حياتي تبقي نتيجتها واضحة ليا أوي كدة ... المهم يا جماعة جوزة قال للمديرة أنا هاخد فلوسي يعني هاخدها ... غنتوا ناس نظرتكم ضيقة و أفقكم ضيق.... غنتوا جايبين واحدة أجنبية طرد بلدها علشان تتمنظروا بيها ... غنتوا بجد لو مدرسة بتفكر صح.... تعرفوا إزاي المنتديات مكسرة الدنيا و الستات قاعديين بينقلوا لبعض الأخبار و في الأخر المدرسة سمعتها بتبان من موقف و إتنيين و تلاتة و غنتوا في التراوة خالص ... و عموما أنا بالذوق هاخد فلوسي قبل ما أفكر في العافية علشان أنا عمري ما إتنصب عليا .... قالتلة بس يافندم في تاريخ جينيس كلها محدش أخد فلوس الأبليكيشن أبدا .... قالها أنا بقي هدخل التاريخ و هبقي اول واحد أخد منكو ا الفلوس علشان أصلا الحركة دي مش تمام ... قالها في المصرية بيعملوا إنترفيو و بع النتيجة بتدفعي أبليكيشن و في الأورمان من غير فلوس أصلا و في إيجيبت دريم من غير فلوس أصلا و غيرها و غيرها ... و عموما لو كان العيب علي بنتي و هي منجحتش في الإنترفيو مكنتش هاخد منكوا حاجة علشان العيب علي بنتي .... بس دلوقتي العيب من عندكوا إنتوا.... بس طبعا خافوا علي سمعتهم لأنهم حسوا إن الموضوع فعلا ممكن يجيبلهم مشاكل و غنة جاد جدا في إنة يقاضيهم و دة حقة ....قاموا مرجعين لية الفلوس ..... و كانوا عاوزينة يمضي علي وصل إستلام بس هو رفض و قالهم إنتوا مديتوش مراتي إيصال بالمبلغ أصلا علشان أنا أمضيلكوا إستلام .... و سلام عليكوا يا جينيسو خلوا الأجانب هما إللي يظبطوكوا...موقف تلني يا جماعة شوفتوا ضحكني أوي ... واحدة جاية تقدم لأبنها علي كي جي 2 علطول ... لأنها كانت مقدمة في جينيس من سنة كي جي 1 و بعدين سافرت الإمارات و سحبت الفلوس و لما رجعت كان إبنه سنة كي جي 2 ... المهم الولد مامتة معلماة الحروف و الكلمات و شية سور قرأن و كدة .... و أخدت الست ماري الولد و دخلت بية تعملة الإنترفيو ... و إحنا كنا لسة في المشكلة ... فالست بتقوللي مالك زعلانة لية دي حتي ماري دي شكلها ست ظريفة جدا ... بصتلها و مرديتش عليها ( هي إية بتغيظني يعني ) ... المهم يا حبايبي شوية و ماري خارجة بالولد تقولها الولد مش ممكن أقبلة علشان هو مش بيتكلم إنجليزي دة مجرد حافظ الحروف و الكلمات ... قالتلها حضرتك ما كي جي 2 يتكلم إنجليزي إزاي ( أصل الهانم ماري عملت للولد الإنترفيو إن إنجليش ... يعني سألتة كل الأسئلة بالإنجليزي ) و قالتلها أصل كل الأولاد إللي عندي هنا بيتكلموا إنجليزي بطلاقة من كي جي 1 ... يبقي لازم يدخل كي جي 1 الأول ... و سابتها و مشيت ... طبعا أنا سامعة و مش باصة و رامية ودن و عاملة عبيطة ... لقيت الست جت قعدت جنبي و هتعيط ... قالتلي إية دة دي ست فظيعة أوي ,,,, طفل عندة 5 سنيين يتكلم إنجليزي إزاي .... قلتلها لية دي ست ظريفة جدا ... قلتلها المفروض حضرتك إبنك 5 سنيين يبقي مرشد سياحي علشان يقبل في جينيس ...الست ياعيني قعدت تكلم نفسها هي و جوزها و أخدوا الولد و مشيوا و طبعا ضاع عليهم الفلوس لأن شكلهم مسالم لا هيروحوا و لا هيجوا ....
    § الجزء السابع ... (128) ... روني 35 ... صح يارورو عندك حق دي كلها تجارب فردية مش مدلول لحاجة... و مش معني كدة إني بعيب في جينيس ... هي مدرسة إمكانيتها حلوة بس محتاجة حد يظبطها بجد ... لأن الإدارة واقعة هناك بشكل ملحوظ جدا ...عاملة زي البيت إللي ملوش حاكم ... بمعني إن المدرسة ملهاش كبير ... بس فيما عدا ذلك هي تربويا مش وحشة بدليل إني رحتها علشان سمعتها .... و هما كمان وعدوا أم جوري إن حاجة مش كويسة هتتصلح علشان كدة هي قررت تكمل فيها بعد ما كانت ناوية تنقل ولادها ....و في الأخر فعلا الإستخارة جميلة جميلة جميلة
    § *************************
    § الجزء السابع ... (132) ... زقزوقه و زقزوق ...
    § أولا : بنتي امتحنت امبارح في جينيس و اتقبلت ، و قالولي انها ممتازة و الحمد لله و طلبوا مننا دفع 1000 جنيه من المصاريف كجدية حجز من ال 75 % الأولى ، و باقي75 % هتدفع في 1 /7 ، و ال 25 % الباقية هتدفع في أول 12 بس طبعا أنا مدفعتش لغاية لما أستقر نهائيا ان شاء الله
    § ثانيا : في بعض المعلومات الاضافية " للمعلومات السابقة عن جينيس " :
    § 1- بالنسبة لموضوع المسرح المدرسي ، قالولي ان فيه مسرح صغير بتتعمل فيه الحفلات بتاعة المدرسة البسيطة ، أما حفلة أخر السنة فبتتعمل في مسرح كبير برة المدرسة
    § 2- بالنسبة لامكانية متابعة مستوى الطالب من على النت ، قالولي من أول السنة الجاية هيدوا كل أولياء الأمور باس وورد ، عشان يقدر من خلاله يدخل على موقع المدرسة و يعرف مستوى اولاده ايه ، من خلال التقارير المكتوبة عن كل طالب
    § 3 - المعلومة الي مش مؤكدة و عايزة أتأكد منها ، انهم قالوا انهم بيدوا لغة تانية نختار فرنسي أو ألماني من كي جي 1 لغاية ثانوي ، و مفيش لغة تالتة بعد كدة ، يعني انجليش ، و يا اما فرنش يا اما جيرمان ، هي المعلومة دي صح و لا غلط ، ده اللي ميس ماري قالته ، ياريت تفيدينا يا أم جوري في الموضوع ده
    § 4- لا يوجد مسجد في المدرسة
    § قريبة الي حد ما من الرماية وحدائق الاهرام وأخر الهرم وفيصل ، مصارفها 4100، الباص 1450 لعندي اليونيفورم من محلات سرور حوالي 500 جنية تقريبا
    § *************************
    § الجزء السابع ... (141) ... أم جودي .... انا النهاردة رحت مدرسة جينيس والحمد لله و دفعت الفلوس واستريحت جدا
    لقيت فصولها اكبر والجاردن جميلة ومدرسة جديدة
    علي العكس لما رحت المصرية انا كنت مبسوطة علي اساس الكلام اللي انا بسمعه عنها بس لما دخلت واتفرجت عليها لقيت الفصول صغيرة وحسيت انها كئيبة بمقارنتها مع جينيس والجاردن كمان تراب وفيه لعب قديمة والسكرتيرة قالت لنا علي حمام السباحة انه بيستخدم مرة او اتنين عشان الشتا بيدخل علطول ومع ذلك قلت مش مشكلة ومليت الابلكيشن بس ماكنتش مبسوطة
    وانا بتفرج علي صور المدرسة والحفلة لقيتهم بيودو الاولاد الغيط اللي ادمهم عشان يزرعوا وفي اطفال كانوا راكبين علي جاموسة في الغيط مش عارفه ساعتها قلت هو لسه في حد بيفكر بالطريقة دي غيط وجاموسة احنا دلوقتي في زمن ميكروبات اكتر من الاول وفيروسات انفلونزا الطيور علي الخنازير يعني ماينفعش الاطفال يحتكوا بالحاجات دي دلوقتي، الكلام دا كان معلش ايامنا ماكنش في الميكروبات بتاعت دلوقتي شفت كدا مشيت وقلت خلاص مافيش نصيب انا كنت مش مستريحة وماكنتش عارفه ليه
    لقيت نفسي النهاردة رحت جينيس الصبح وكنت اول زائرة ودفعت الفلوس علي طول وكنت فرحانة انا وبنتي جدا
    ************************************
    § الجزء السابع ... (151) ... روني 35 .... هي بس كل مشكلتها إن الإدارة كل واحد بيتعدي علي إختصاص التاني و مهرجليين كدة شوية... بس تعليميا كل الناس أجمعت إنها كويسة و سمعتها كويسة .... توكلي علي الله و طالما صليتي إستخارة يبقي ربنا هيهديكي للخير إن شاء الله ... بس أمني مكان البنت هناك علشان مش يحطوا حد غيرك ... ربنا معانا كلنا و إدعيلي
    ************************************
    بصى انا فى واحدة صاحبتى من جينيس حولت هناك السنة اللى فاتت وطبعا قبل ما تروح المدرسة كانت طايرة بيها وبتشكر فيها جداااااااااااااااا
    ولما الولاد دخلوا برضه كانت عاجباها موووووووووت هى عندها بنت فى اعدادى وولد فى برى3
    قالت ان التيتشر هايلين وحتى تيتشر العربى بتتكلم معاهم انجلش ده بالنسبة للقسم الناشيونال على فكرة
    السنة دى سألتها ايه الأخبار قالت ان تيتشر الانجلش سيئة جدااااااااااااا مجرد انها بتشرح الجرامر على البورد والولاد ينقلوا وما عملتش مثلا شيت يلم الجرامر كله بحيث انه يبقى مرجع للمذاكرة وهى اشتكت فى الادارة وقالوا ان التيتشر دى مش هتكون موجودة السنة الجديدة
    لكن هى بتقول الادارة كلاس اوى فى التعامل والاكتيفيتى كويسة بس الباص بتاعهم ب2400 تقريبا وبتدفع 300 للأكتيفتى غير 7500وغير اليونيفورم
    ************************************
    § الجزء السابع ... (200) ... ولاء مصطفى .... انا سمعت من كزا مدرسة صحابي ان ليدرز وجينس وحشيين
    الجزء الثامن .... (15) ... أم بيسو ... ايه في موضوع السمر كورس ، هتدخلي حد من ولادك فيه و لا لأ ؟ و هل فعلا هو مفيد ؟؟
    هما في المدرسة قالوا ان بنتي لازم تدخل السمر كورس عشان تاخد الفرنش ، وطبعا عشان ماينفعش دلوقتي لأننا لسة ما عزلناش ، فاتفق جوزي معاهم على انه ياخد الماتيريال بتاعة السمر كورس للفرنش ، و أذاكره معاها في البيت و بعدين تروح تمتحن في المدرسة في نهاية السمر كورس ، عشان يبقى مستواها في الفرنش زيهم
    و اللي اتقال لجوزي : ان تكلفة السمر كورس للمادة الواحدة 1000 جنيه في شهرين ، 4 حصص في الاسبوع أما لو مش حتحضر فهيبقى 500 تمن الماتيريال


  4. #834
    muslium's صورة
    muslium غير متواجد النجم الفضي
    تاريخ التسجيل
    Apr 2009
    الردود
    1,095
    الجنس
    امرأة
    مدارس فيصل و الهرم


    1- مدرسة رويال أكاديمي ( رويال هاوس أكاديمي ) للغاتRoyal Academy Language School:
    · العنوان:اول طريق سقارة السياحى – الهرم
    · التليفون: 101112911 – 33814701- 33814376- 33811782
    · المصاريف:
    § 6300
    § الباص: 1600: 2000كبيرة ليست مكيفة وشكلها حلو
    § الزي: 500 تقريبا
    · مواصفات:
    § وصف المدرسة والفصول: مساحتها كبيرة جدا، وفيها قعدات مظلله للاطفال
    - الجاردن كبيرة. جاردن للكى جى مفروشة موكيت وفيها جزء مظلل وفيها شوية العاب ويوجد مكان لركوب الخيل وملعب كرة قدم وتنس
    - يوجد اتنين حمام سباحة كبير وصغير ولة باب مغلق.
    - الاستقبال يوجد اماكن لاستقبال اولياء الامور.
    - الفصول ارضية سيراميك والفصول فى نفس مستوى بلوم ولكل طالب ديسك منفصل والفصول فيها بعض الألعاب وفية مكان لوضع اشياء كل طالب الفصول فيها مراوح.
    - المسجد فية مكان للوضوء
    - يوجد كانتين اسعارة معقولة
    § الانشطة: بالية وموسيقى وحجرة للكمبيوتر، اشتراك النشاط كل شهر 80 جنية وممكن يزيد السنة دى او لا وهذا اختيارى يكون يوم الخميس لأن يوم الخميس لا يوجد به دراسة الطفل المشترك يتوجه للنشاط والطفل غير المشارك في النشاط يظل فى الكلاس مع المدرسة يلونوا ويرسموا. مع امكانية تغير النشاط كل شهر مثل سباحة، كرة قدم، خيل، كراتيه، جمباز، كونغوفو، بالية.
    § هيئة التدريس: مدرسة ومشرفة الكى جى مدرسات مصريات وبعد الكى جى جنسيات مختلفة وفيى باكستان وفبلينيات.
    § المواعيد: من 8 الى 2
    § درجة النظافة: نظيفه
    § سن القبول: 3.5
    الكثافة: 18 : 20
    الاهتمام بالدين:
    § المنهج: كل المواد بالانجليش ماعدا العربى اليوسى ماس هيطبق من السنة دى 6 كتب عربى و 6 انجليش غير باقى المواد
    § منهج اللغة:
    § اللغة التانية المانى او فرنساوى من سنة اولى
    § لايوجد مشكله إذا كان مؤهل فوق المتوسط

    08-03-2008, 03:49 AM
    arwa2008
    انا كنت بشتغل مدرسه فى احدى مدارس فيصل و ممكن ارشح لك كام مدرسه كويسه بس انا لا اعرف المصاريف لانى تركت الشغل من سنتين بس عموما مدارس فيصل و الهرم معقولين فى الاسعار و اسماء المدارس هى:
    1. رويال اكاديمى المريوطيه
    2.المستقبل لغات فى اخر فيصل ورا فندق قاعود
    3. علوى لغات المريوطيه فيصل ودى ممكن تكون غاليه شويه بس هى كويسه
    دول اللى انا فاكراهم دلوقتى
    ************************************************** *****************

    01-04-2008, 11:30 PM
    merehan
    اعذرك فى مشكلتك لان المدارس دلوقتى صعب انك تلاقى مستوى كويس لكن بجد انا حقولك عن تجربة مدرسة رويال هاوس اكاديمى ممتازة جدا جدا انا بنتى كانت فيها بس عشان غيرت سكنى نقلتها وتعبانة جدا عشان مش لاقية مدرسة على نفس المستوى بجد مدرسة حلوة فى كل شئ ومش غالية جدا بس انشطتها ممتازة واللغة جامدة جدا لان مدرسينها اجانب
    ************************************************** *****************

    06-04-2008, 08:21 PM
    merehan
    مدرسة رويال هاوس هى بردة رويال اكاديمى على طريق المريوطيةواللة جميلة اوى هى كجى1 مصاريفها بالكتب يعنى من 4500 الى5000 والباص بيبدامن 1000 على حسب سكنك بس ورقمها33814376
    ************************************************** *****************

    21-04-2008, 03:28 PM
    merehan
    هى مدرسة على طريق المريوطية والدراسة فيها جميلة جدا لان المدرسات جميعا اجانب يعنى ضمان اللغة كويس جدا وشغلهم فى ال Class مشغلين دايما الطفل وبالنسبة للواجبات بياخدو شتات كتير عشان يكونوا دايما شغالين يعنى ممتازة من كلة وادارة زى الفل
    ************************************************** *****************


    تابع مدرسة رويال أكاديمي
    26-04-2008, 03:17 PM
    merehan
    انا بنتى دخلت المدرسة كان سنها سنتان و3 شهور دخلت Nersery اللى هى الحضانة وبعدين السنة اللى بعديها دخلت pree school لان سنها كان 3 سنين و8 شهور اللى هى مرحلة قبل الكجى وبعدين انا نقلت سكنى من الهرم الى القاهرة الجديدة فخفت من المشوار على البنت يعنى قعدت فيها سنتين اما بالنسبة للغة فكانت ممتازة لانها اتعودت من الاول على نظام اللغة عندهم وانا كان كلامى معاها فى البيت English اما المدرسات انا روحت كتير فى معظم ايام السنة الدراسية كانو المدرسين فعلا اجانب اما مدرسات اللغة العربية فكانو طبعا مصريات
    ************************************************** *****************

    30-05-2008, 04:29 PM
    bodamody
    أنا كلمت رويال اكاديمي سالتهم لازم يكون عارف انجليزي كويس قالو لا حاجات بسيطه وده شغلنا احنا ..
    رويال اكاديمي حلوه اصل ملاعبها حلوه وفيها ركوب خيل
    ************************************************** *****************

    31-05-2008, 06:03 PM
    omtotro
    انا ابني في مدرسة رويال أكاديمي اللي في المريوطية وللاسف هبتدي ادور على مدرسة تانية لأنهم غلوا المصاريف
    المصاريف بالنسبة لمرحلة الابتدائي 5700 جنيه و900 جنيه للكتب و1800 للباص مع العلم اني ساكنة في منطقة حسن محمد يعني مش بعيد قوي عن المدرسة
    انا ابني طالع سنة تانية ابتدائي
    المدرسين مش كلهم أجانب بس فيهم مدرسين كويسين ومدرسين مش قوي بس الميزة ان الادارة كويسة لو فيه اي مشكلة مع ابنك في الفصل لما تروحيلهم بيهتموا وبيخلوا المدرسة تشرحله تاني الدرس في البريك
    وقبل امتحان آخر السنة ادوا الولاد مجموعات تقوية ببلاش الزامية
    منهج الانجليزي هوه منهج bright star ومنهج تاني اسمه moving into inglish بصراحة كتابين هايلين ووزعوا علينا كتب فيها تدريبات في العربي والانجليزي و math ده غير الورق اللي بيوزعوه قبل الامتحان بتاع الشهر بيخلوكي مش محتاجة كتاب خارجي كل اسبوع بيبقى في امتحان في العربي والانجليزي وال math
    بالنسبة للأنشطة المدرسة واسعة جدا وملاعبها كبيرة
    هيه المشكلة فيهم حكاية المصاريف

    ************************************************** *****************






    تابع مدرسة رويال أكاديمي :
    01-06-2008, 03:10 AM
    omtotro
    المدرسة جميلة جدا في الكي جي علشان مديرة الكي جي امريكية بتتكلم عربي فبتهتم بالأنشطة والحفلات فهتحبب الولاد في المدرسة انا ابني كان بيبقى زعلان لما يغيب عن المدرسة
    الأنشطة ليها مواعيد ثابته في حصة ركوب الحصان مرة في الاسبوع او مرتين مش فاكرة
    وحمام السباحة ليه مواعيد بس بيبقى في اول المدرسة بس علشان الجو بيسقع بعد كده فبيبقى مفيش حمام سباحة
    وهمه مش بيدربوا الأطفال بيلعبوا في الميه وخلاص
    وهمه بيعملوا نشاط بفلوس للي عايز ياخد حصص في النشطة ده بيبقى يوم واحد في السبوع في السبحة والرياضة ب 60 جنيه تقريبا للنشاط الواحد انا دخلت ابني الكاراتية وحسيت انه مستفدش فمدخلتهوش تاني
    بالنسبة للغة هتحسي بفرق معاهم همه في التعليم كويسين في حاجه انهم بيدوا التعليم مع اللعب يعني مش هتلاقيهم بياخدوا واجبات كتير بس بتلاقي ابنك حافظ الحاجة فالمجهود اللي بتبزليه مش كتير
    ودايما بيخلوا الولاد يتكلموا بالانجليزي في الفصل علشان يدربوا على اللغة كويس ويكتسبوا كلمات جديدة
    وبالنسبة للدين مهتمين بيه اذا كان الدين المسيحي أو الإسلامي انا مسلمة وجارتي مسيحية وبنتها مع ابني في المدرسة وبتقول عليهم كويسين
    اما بالنسبة للدين الإسلامي فمهتمين جدا بيه السنة ده جابوا مدرس يحفظ الولاد سور كتيرة من جزء عم وعملوله حصة كل أسبوع ابني حفظ لغاية سورة الهمزة
    بالنسبة للباص مواعيدهم تحفة لأن مشرفة الباص بيبقى معاها موبايل بترنلك على الموبايل بتاعك قبل اما توصل عندك ب 10 دقايق فتبقي عارفة بالظبط هيجوا امتى
    طبعا ساعات بتحصل لخبطة في الأول لغاية أما المشرفة تعرف المكان اللي هترن منه
    بالنسبة لسؤالك عن المذاكرة فالحمد لله مع ابني انا مكنتش بذاكرله خالص هوه كان بيجي حافظ من المدرسة يعني انا دخلته لغة تانية ألماني وانا معرفش فيه أي حاجه فهوه ماشاء الله حافظ كل حاجه ومكنتش براجعله خالص بس همه بياخدوه شفوي في أولى ربنا يسهل السنة الجاية
    أنا مجرد بقعد معاه في الواجب وساعات حاجات مببقاش عارفاها كنت بسأله المدرسة شرحتها ازاي هوه يقولي علشان اشرحهاله في الواجب واشوفه عمل صح ولا لأ
    بس ده بيبقى حسب الطفل لأن فيه زميل لأبني كان استيعابه شويه بطئ فمامته اشتكت فالمديرة خلت المدرسة تهتم بيه فبقى كويس
    لكن الحمد ابني وبنت جارتي مشتكيناش من الموضوع ده أولادنا بيرجعوا عارفين يعملوا الواجب وحافظين معظم الدروس
    واحلى حاجه انهم بيدوا ورق كتير للمراجعة والامتحان اللي بيعملوه كل اسبوع بيخلي الاولاد حافظين كل حاجه
    وعلى فكرة انتي لو كنتي عايزة تقابلي مدرسه الفصل بتروحي لمديرة المدرسة وتقابليها قدامها علشان يمنعوا موضوع الدروس الخصوصية
    المدرسة فعلا أسعارها بقت مولعة بس هيه كويسه وانا ووالده لسه محتارين ننقله ولا نخليه علشان المميزات اللي قلتلك عليها
    ************************************************** *****************

    02-06-2008, 01:34 AM
    merehan
    انا بنتى كانت فيها من سنتين nerssery وpree وبصراحة كانت تحفة بس عشان نقلت سكنى القاهرة الجديدة نقلتها من المدرسة
    ************************************************** *****************


    تابع مدرسة رويال أكاديمي :
    05-06-2008, 09:43 AM
    ام مريم 2008
    مدرسة رويال اكاديمي (برضة وحشة ) و العيال فري اوي هناك سمعت ان البنات بتقعد تتمشي عهلى البسين بالمايوة .... و الابتدائي معقول لكن الاعدادي واقع ...

    ************************************************** *****************

    12-06-2008, 12:14 PM
    omtotro
    احنا قررنا اننا نخلي ابننا في مدرسة رويال اكاديمي لأن المدرسة كويسة ومش عارفين لو اتنقل منها هنلاقي واحدة كويسة كده ولا لأ
    ************************************************** *****************

    12-06-2008, 03:01 PM
    ام مريم 2008
    يمكن المدرسة كويسة .... انا مش عارفة ...بس طريقها مزعج اوي ؟؟؟؟ الطريق ضيق وناحية منها ترعة ...يعني خطر شوية ..علشان كدة انا مكنتش محبذاها ... و لما شفتها من 5 سنين ( لما مريم كانت داخلة المدرسة ) بصراحة خفت على بنتي ... و خصوصا ان كان عندها ساعتها 3 سنين و 6 شهور ( يعني بيبي لسة) و كانت المدرسة لسة بتفتح ...فكنت خايفة من الطريق و خايفة اجرب مدرسة جديدة لسة معندهاش سمعة و خبرة في الناحية التعليمية ....
    ************************************************** *****************

    مريهان 25-10-2008
    هى بصراحة ممتازة كلغة وانشطة واهتمام بالاطفال

    ايمو
    رويال اكاديمى ناشيونال و ميرهان بتشكر فيها المدرسه واسعه و نشاطات كثيره بس اللىسمعته عنها انهم مش بيستغلوا الامكانيات الخاصه بالمدرسه فى النشاطات يعنى بيهتموااكتر بالناحيه التعليميه .

    زقزوقه 9-4-2009 رويال أكاديمي حلوة قوي و مساحتها كبيرة جدا ، و تعاملهم كويس جدا وبصراحة الكلبيشكر فيها و في مستواها التعليمي ، و مصاريفها حوالي 7000 بدون الباص و اليونيفورم. لرويال أنا سمعت ان المستوى التعليمي فيها كويس ، بس هم بياخدوا منهج برايت ستار

    ام جوري 9-4-2009 رويال أكاديمى فأنا سمعت ان الترفيه فيها أكتر من التعليم وواحدة صاحبتى نقلت بنتهاالسنة اللى فاتت منها

    عبير بيبو 10-4-2009 رويال ماكنتيش بتعجبنى الادارة فى دلعها الزيادة اوىىى لاولياء الامور وانها كانتبتخليهم يدخلوا فى كل شء لدرجة ان الولاد عرفوا كدة ولو ولد منهم مدرسة عنفته فىيوم اتقصيره مثلا او لسلوك مشين يخلى باباه يطلب من المدرسة انه يمشى المدرسة اوعلى الاقل ماتديش ابنه فى الكلاس و كان كلامه بيمشى ودا حصل مع مدرسة اولى عربىطبعا لازم يكون فيه تواصل بين الادارة وبين المدرسة بس مش لدرجة الدلع دا من ناحيةتانية كانت المدرسة مهتمة او بالنشطة والحفلات والفن دايز على حساب الدراسة وكل داعشان تبسط الاولاد واخر حاجة الاهتمام بالدين كان مافيش والحرية الزايدة بالنسبةللاولاد والبنات يعنى فيه مشهد ضايقنى جدا وكانت بنت فى ثانوى لابسة مايوه وبتتمشىعلى البسين ف رمضان فكنت حاسة انى فى نادى مش مدرسة دا بالتفصيل اللى كان بيضايقنىجدا


    18-04-2009, 10:37 PM

    فيه حد بيكون اهم حاجة عنده الشكل ومش مشكلة المضمون ودا بينطبق مثلا على رويال اكاديمى وانا حكيت على تجربتى معاها ابل كدة

    ميما
    )
    رويال اكاديمي وحشه تعليميا كمان غير انها نادي(المدرسه دي كانتاول اختياراتي)
    امجورى
    وحشة جدااااااا يا ام بيسو من ناسكانو فى المدرسة ونقلوا منه قالوا عليهانادى


    abeerbebo11-05-2009
    بلااااااااااااااااااااااااااااش رويال عشان هى منظر بس وانا بئول الكلام دا عن ثقة لانى اشتغلت فيها فترة
    الناس بتقول عليها نادى مش مدرسة
    abeerbebo11-05-2009
    هتلائى هناك كل وسائل الترفيه اللى الكى جى محتاجه وكمان هناك مديرة للكى جى اجنبية اسمها على ما اتذكر اجنيس واعتقد انها لسة موجودة وكانت مهتمة بيه وعشان كمان كىجى مافيهوش تعليم بمعنى الكلمة فيه دلع اكتر فهما قايمين بالواجب فيه
    merehan: 12-05-2009
    جميلة جدا كانشطة ودراسة انا بنتى كانت فيها سنتين دخلت nersly كان عندها سنتين و3 شهور وبعدين pree-school كانت 3 سنين و3 شهور البنت كانت ممتازة فى اللغة بجد وكانت حبة المدرسة ومدرسينها كانو فعلا اجانب فالغة كانت ممتازة وكمان النشطة غير كمان انى كنت بس براجع معاها مراجعة سريعة اوقات كتير ماكنتش بتبقى محتجاها لانها كانت بترجع حافظة كويس كلمات واغانى وكلة بالانجليش فياريت ماتقلقيش وبجد حتنبسطى منها اوى انا لولا انى نقلت سكنى كنت كملت لبنتى فيه
    19-05-2009:merehan
    بياخدو منهج برايت ستار
    merehan: 12-05-2009
    بيخدوا الكجى من 3 سنين و8شهور بيبتدى ومنهج bright stsr وفى الكلاس مدرسة ومدرسة مساعدة وعدد الكلاس مش بيزيد على 25 طالب اما الباص مكانش فية اى مشكلة والادارة متعاونة جدا ومديرة الكجى ميس اجنس او ميس امل والانشطة لو عايزة بتشتركى كل شهر بمبلغ رمزى هو كان 50 جنية فى الشهر فى كارتية وكونغ فو وجمانزيوم وبالية وسباحة وخيل والحمامات نظيفة جدا والدادات دايما جمبها وكانو بيدخلو غرفة الكمبيوتر لكنالفصول لحد ماكنت فيها مكانش فية تكيف لكن الفصول كلها داخلها النور ومتهوية كويس ممكن يكون الفصول اللى بعد كدة مكيفة وياريت بردو تروحو بنفسك وبد حتعجبك واى سوال انا تحت امركبالنسبة للمصاريف السنة اللى فاتت للكجى كانت 5250 والكتب 650 اما الباص على حسب المنطقة ودى ارقام التليفون 33814376 \33814701
    اودي

    العنوان: اول طريق سقارةالسياحى
    التليفون = 33814701 02- 0233814376 - 0233811782
    أ. هاني =0101112911
    *** *** *** *** *** *** ***

    اناروحت رويال أكاديمي وشفتها لأن فيه واحده صحبه صحبتي مدخله ابنها هناك
    وبتشكرفيها جدا وهو في (Kg1) وبتمدح فيها تعليميا بس خدي بالك من عده نقاط ...

    *** *** *** *** *** *** ***

    اولا : ثالثا:المصاريف:
    -
    شامله الكتب= 6300
    -
    الباص = 1600: 2000
    -
    الفصل = 18: 20
    *** *** *** *** *** *** ***
    ثانيا: (Kg) متقدريش يبان منه حاجهلانه معظمه لعب ... فالطفل اكيد بيجي سعيد ومبسوط
    *** *** *** *** *** *** ***

    ثالثا: المساحه والانشطه:
    مدرسه كبيره وواسعه وفعلا ديميزه كبيره للاطفال عشان ينطلقوا وميحسوش بقيود ومع ذلك سمعت ان المدرسه مش مستغلهالمساحات دي كويس
    -
    وجهتها حلوه والاعمال الفنيه للاطفال جميله جدا انا شفتهافمن الواضح هما بيهتموا بالجانب ده لان الاعمال الفنيه روعه فكروني بمدرستي فيابتدائي في السعوديه كان فيها اهتمام البنواحي دي قوي.
    -
    الفصول حسيت انها عاديهمش روعه عادي حسه انها زي فصول مدرسه باقل من تكاليفها
    -
    فيها 2 بسين وخيلتقريبا حصنين ثلاثه.
    *** *** *** *** *** *** ***
    رابعا: المستوى الاخلاقي:
    انا معرفش عنه حاجه بس عبير قالت بعض ملاحظتها.
    بس لازمتتأكدي منه جدا جدا خالي بالك احنا بنسمع في الدنيا بلاوي كترت قوي وحجات مكناشبنسمعها زمان بس على فكره مشكله كبيره جدا مشكله الاختلاط دي فلازم لو قررتيواستخرتي تبقي تحطي عنيك في وسط راسك هي مش مشكله السنوات الصغيره بس المشكله كل ماهيكبر هيقلد على راي عبير وبعدين هيكتسب الصفات دي.
    وكمان عبير ذكرت قبل كده انكان فيه بنت في رمضان من ثانوي لابسه مايوه هل ده كان عادي في المدرسه هل همبيسمحوا بكده لاولاد وبنات ثانوي خصوصا هل السباحه بتبقى مشتركه ياريت يا عبير ترديعلينا في الموضوع ده عشان تحصل افاده.
    -
    انا برده البنت الل عملتلنا التور كانلبسها مش كويس، وش محجب ممكن بالنسبه لناس كثير عادي بس بالنسبالي اللبس خصوصابنطلون جينز ديق وشميز قصير وكانت حطه وشم على ادها (ذراعها من فوق )هو ممكن مش وشمممكن بالحنه لانه كان بني بس انا محبتش ان ابني او بنتي تجيلي في يوم تقولي اعمليليزي ميس فلانه.
    *** *** *** *** *** *** ***

    خامسا: هيئةالتدريس:
    (
    Kg1): مدرسات مصريات.
    (Kg2):
    مدرسات أجانب.
    واناشفت فيها وحده شكلها فلبني كوري حاجه من كده.
    وفيه تعليق اتقال لنا من مديرمدرسه (نوبل) انهم روسين لان الامريكن والكندي هما اغلى حاجه
    فممكن انت نفسكتتأكدي من المدرسه او على الاقل تتصلي وتسألي عن جنسيه المدرسات والمدرسين متكتفيشبكلمه اجانب. وبيني وبينك النقطه دي مش مهمه المهم الاكسنت بتاعه المصريين حلوه ولالا لما يدرسوا فلو حلوه يبقى "البلدي يوكل".


    *** *** *** *** *** *** ***

    اخر ميعاد للتقديم كانو قالولنا اخر شهر 4 فتأكديوالحقي اسألي
    (abeerbero)

    يا سمسمة يا حبيبتى انتى تسالى فى اى وقت احنا اخوات يابنتى

    بصى يا سيتى انا كل كلامى ونقدى على رويال كان كله منصب على المراحلالى ما بعد الكى جى لان دول اللى احتكيت بيهم

    باالنسبة للاهمال بصراحة لاماكنش فيه اهمال كان فيه مشرفات على طول واخدين بالهم مع الولاد

    بس طبعاحاجات عادية ممكن تحصل فى اى مدرسة وخصوصا فى السن الكبير شوية لانهم بيبئو اعنف فىلعبهم زى ان الولد يقع على ركبته وهو بيلعب ودا عادى بس مع اللاطفال الصغيرة بصراحةماشفتش

    ابن صاحبتى اللى حكيت عنه كان كيير فى برايمرى 5 وعشان كدة كان فى سناللى بيقلد

    بالنسبة للكىجى كانت اللى ماسكاهم مديرة اجنبية اسمها اجنيسواهتقد انها كانت شديدة وممشية الموضوع صح فى الكى جى بس وقت مانا كنت موجودة ماكنشالمدرسين اجانب كانت المديرة بس والمدرسين مصريين عادىيين

    وبالنسبة للمراحلبعد كدة كله مصرى عادى من مدير لمدرس

    بالنسبة للمدرسيين هما بيتغيروا يعنىممكن يكون اتغيرو كذا مرة من وقت منا سيبت المدسة بس المشكلة فى الادارة بئى اللىماسكة المدرسة واللى مش بتتغير لانهم اصحاب المدرسة
    هما بيدلعو زيادة عن اللزوملدرجة ان ممكن يغيروا مدرسة وكانت مدرسة اولى عربى وسنها فوق الاربعين لانهاعنفت(مش ضربت) ولد فى الاعدادى عشان بيتحرك فى الكلاس وهى بتشرح وشكى لباباه وباباهجيه وقال لازم ماتديش ابنى

    فاهمة قصدى ايه

    ووقت مانا كنت موجودة كانمستوى الولاد الاخلاقى حاجة فى مستوى وحش جدا والله والله والله يا جماعة واقعةحصلت لما كنت هناك

    ان مدرسة انجليش عترت بالصدفة على برشام من الحمل معتلميذة بالاعداى واخدته منها

    وانا شوفت بنفسى داخل الحمامات بتاعة البناتروسومات سورىى يعنى قليلة الحياء لذلك قفلت منها جدا

    هى دى الحاجات اللىفاكراها ليهم

    طبعا بالدين لا مافيش اى اهتمام هو منهج الحكومة بس ومافيش اىحاجة تانية وماكنش هناك مسجد للصلاة
    رغم انه كان فيه كل حاجة حتىالخيل

    والفصل بين الولاد والبنات مافيش لحد ثانوى هما بعض علىطول

    انتى كنتى قولتى انك هتدخليه كىجى بس لو كدة مافيش مشكلة
    المشكلة فىالمارحل بعد كدة

    بس هى شكلا واووووووووو



    بصى يا طماطم الحاجت دى حصلت فعلا وانا هناك بس ممكن يكون الوضعاتغير وبئى يستنضفو مثلا فى المستويات اللى بيقبلوها بس دا حصل بالحرف واناهناك

    بس ممكن الناس دلؤتى تسال اولياء الامور الوضع عامل ايه ممكن تكونالادارة غيرت سياسيتها زى ماقولت لام بيسو



    سمسمة يا حبيبتى طالما انتى ناوية على كىجى بس دخليه رويالواتكلى على الله كىجى هناااك حلوة اوى لانها ادارة اجنبية زى ماقولتلك


    ام بيسو

    اودى تقريرك جميل ومفصل بس انا حبيت اضيف حجات عليه بعد اذنك بالنسبه لرويالاكاديمى فعلا من ناحيه الاثاث والدهان الحائط متواضعه ده بسبب اانها قديمه شويه بسمن ناحيه وسائل الا يضاح المتعلقه على الحائط احسن بكتير من بلوم بلوم معلقين بس مايجيش ربع رويل بلوم اثاثها مش متواضع لانهاجديده فجيبين حاجات موديلات جديده ورغمكده ابنى كانوا حيضيعوا بحاجاتهم الجديده الى ما فهاش امان وكمان بخبرتهم القليلهوغير المتخصصه لكن رويال واضح من الوسائل ان عندهم خرجين رياض اطفال او تربيه طفولهوده كمان مفتقداه بلوم تانيا الاجانب الى شوفتهم فى الحفله شكلهم من اوربا انا شوفتاتنين باطفلهم بس برضوه يا سمسمه اتاكدى بالتليفون اما المدرسات والمشرفات والى فىالرسبشن انا بصراحه ماشوفتش الى انتى قولت عليها كلهم لبسين عادى مش ديق اوى ولاعلى اديهم وشم
    حتى الى عملتلى طور فى المدرسه كانت محجبه والى قاعدين فى الرسبشناغلابهم محجبيين ده الى انا شوفته يوم الحفله وبالنسبه للغت المدرسات هناك جوزى اصريكلم واحده فيهم انجليزى وعجبوه طريقه نطقها . وقال نفس كلامك يا اودى ان فى مصرييننطقم فى الانجليزى جميل انا بس قولت اقل الى عارفه بامانه بسى يا سمسمه انا رويلعجبانى علشان مفهاش غسيل سنان والدلع الى يودى فى داهيه وطلبتهم معقوله كراريس قصهمش بزل وحتى واخدين بالهم من ناحيه الاكل محدش يجيب طبيخ مكرونه شندوتشات وبس وحتىلوبعتى ابنك بفلوس تحطيها فى كراسه المتا بعه علشان ما ضعش كل ده يدل على خبرتهمانا ابنى كل مكرونه من زميله فى بلوم والمشرفه هى الى اكلتهالوه (ضايعين)افرضىالمكرونه بازت بس اولا حخد لفه فى التجريبى المتميز وكمان انا مستنيه ابنى يكبرشويه علشان يكون واعى للى بيحصله انا خلاص ما بديش الامان لاى مدرسه . على فكره ياسمسمه الحضانات الى انا بقولك عليها فيها كى جى وان وتو بس بتبقى غاليه شويه
    انا روحت المدرسه رويال كان فى حفله اخرالسنه بصراحهماشوفتش فى اختلاط جامد بين الاولاد والبنات وكانتى شلشل البنات واقفه لوحدهاولاولاد وافين لوحدهم حتى لما شله بنات بداوا يرقصوا على الاغانى كانت فيه مشرفهوافقه وبصتلهم راحوا واقفين يصقفوا وبتلوا يرقصوا وشوفت بردوا كان فى استعراضاتوكان فى شلة اولاد واقفين كلموا البنات البنات مردوش عليهم وكمان السنه ده فى فصوللبنات لواحدها واولاد لوحدها ديه الحفله كان فيها كريم ابو زيد ونادى رؤيه كان هناكباين علشان الخيل وابوشقره وكان فبه بوفيه مفتوح حسيت انى فى ستى اتار مش مدرسه بسالى قلقنى منهم كان فى مرجيحه مكسوره وسيبنها بس غير كده المدرسه نضيفه وريحتهاديتول وفيها مدرسين اجانب ومديره الكى جى اجنبيه مودبه وسريعه الحركه نشيطه وشوفتالكتب فى الكلاس الاطفال حلله فيها باين فى شغل وطبعا انا خايفه انتوا قلقتونى بردهبرضوا بس جوزى عجبها

    نشوى انت بتسالى على مدرسه فيها نشاط كاراتيه اوسباحهبخمسين جنيه فى الشهر لو كده تبقى رويال اكاديمى
    انا لماكنت قاعده مع المديره الكى جى داخلت علينا بنت من المشتركين فى الحفله لانهاكانت لبسه لبس نشاط واتكلمت مع المديره انجليزى خلتنى لفت اشوف مين بيكلم لقتها بنتبكتير فى اولى اعدادى انا ما فهمتش لان عندى الانجليزى بعافيه بس جوزى ترجملى البنتبتقولها ايه انا حسيت انى ارمى روحى فى النيل احسن بس برده مضايقنى المرجيحهالمكسزوره
    بس بدل سنه واحده خليكى فى الحضانات العاديه وفى منها على مستوى عاالىبس بتبقى غاليه زى اسبنزى وفى فى المعادى حضنات من ديه كتير وفيها اجانببالعبيط
    UMGOUDY

    وبعدين رحنا مدرسةرويال اكاديميياجماعة أنتوا مش معايا أن طريق رويال بعيد جدا علي أطفال في kg أحنا فضلنا ماشين مسافة كبيرة قوي قوي
    في اخر طريق سقارة وبعدين الطريقكلة اصلاحات في أوله وبعدين بتفضلوا ماشيين جنب ترعة في طريق ضيق وجنبك تريلات ونقلماشي معاكي وبعدين في وقت الدراسة الطريق هيبقي بصراحةزحمة خدا يعني هيتاخروا فيالرجوع انا فضلت ماشية لحد ماوصلت للمدرسة لقيته مش مريح رجعت تاني ومادخلتشالمدرسة اساسا.

    زقزوق وزقزوقة

    مدرسة رويال أكاديمي بعيدة جدا ، حوالي 15 كيلو من فيصل ، و طريقها وحش جدا

    · من أقوال المتقدمين للمدرسه:
    § و سمعت ان مستواها التعليمي كمان ممتاز جدا
    **********************************
    § الجزء السابع ... (192) ... سمسمة المسمسمه ... المدرسة شكلها حلوة اوى من برة دخلوا بالعربية داخل المدرسة فية الحمامات كويسة بس بلوم احسن شوية والطريق كويس بالنسبة ليا اقرب من بلوم وقدمولى فيها ووكيلة المدرسة قالت ان سيف كدة قبل فى المدرسة بس بردوا لما انزل مصر يعملولوا انترفيو.
    **********************************
    § الجزء الثامن ... (50) ... أم بيسو ... شوفت فى رويال اكاديمى الولاد مؤدبين وفى نفس الوقت جراه ولد فيهم قال لجوزى لو سمحت صورنا وهو ميعرفوش وفيهم بيلعبوا كوره وفيهم الى كان قاعدين فى البرجوله بياكلوا تحسى انهم صاحب وكتير مش اتنين تلاته وملقتش ولا بنت واقفه مع ولد البنات واقفه لوحدها ولالولاد لوحدهم وانا عارفه لكل قاعده شواذ واكيد فيهم الوحش وكانت حفله يعنى مفروض التسيب يبقى على اخره ومهم برده يطلع عارف ربنا ويتهيلالى ان دور الاسره اهم من دور المدرسه فى ده بس حاسيه ان المصريه مزودنها شويه. وممكن يكونوا مش كده بس ده انطباعى عن الاتنين.
    **********************************


  5. #835
    Aya_79's صورة
    Aya_79 غير متواجد عضو نشيط
    تاريخ التسجيل
    Nov 2008
    الموقع
    Cairo
    الردود
    105
    الجنس
    امرأة
    السلام عليكم....
    ارجو تجميع كل ما كتب عن مدرسة نور القطامية.....و جزاكم الله خيرا


  6. #836
    muslium's صورة
    muslium غير متواجد النجم الفضي
    تاريخ التسجيل
    Apr 2009
    الردود
    1,095
    الجنس
    امرأة
    تعقيب كتبت بواسطة أم جورى عرض الرد
    مسلم افشتك كنتى مختفية فين

    أم جورى أزيك و حشتينى
    و الله ابدا بس فى الويك أند غالبا مبعرفش أدخل و كمان اليومين دول راسى و جعانى علشان بدأت فى تجهيزات النقل ربنا يعين يا رب

    و بعدين انا كل ما ادخل الاقيكم نمتوا و مش ملاحقاكم كل شويه موضوع يتقفل و عقبال ما بلاقى التانى بيكون أتقفل هو كمان ههههه


  7. #837
    muslium's صورة
    muslium غير متواجد النجم الفضي
    تاريخ التسجيل
    Apr 2009
    الردود
    1,095
    الجنس
    امرأة
    أه على فكره يا فريق المصريه هرم انا قابلت واحده بالصدفه اولاد أختها فى المصريه سألتها عن المدرسه قالتلى كويسه بس هى بتاخد عليها انهم بيدوا واجبات كتير للطفل مع ان انا كنت سألت أم هناك ليها تلات بنات فى المدرسه و قالتلى احسن حاجه هنا انهم مبيتقلوش على الولاد فى الواجبات !!! غالبا الموضوع نسبى
    المهم هى بتقول أنهم مبياخدوش ماكميلان لأن هى ابنها فى مدرسه بايونيرز (بتشكر فيها جدا) و بياخد ماكميلان فهى عارفه المنهج و بتقول ان اولاد أختها مبياخدوش ما كميلان !!!!

    أنتم ايه رأيكم فى الموضوع ده مش أنتم بردوا سألتوا فى المدرسه و قالولكم ماكميلان؟ أنا سألت و قالولى ماكميلان و لا هو فى كذا منهج اسمه ماكميلان

    يا ريت حد يرد على

    أودى أتصلتى بالمدرسه؟


  8. #838
    أم جورى's صورة
    أم جورى غير متواجد النجم الفضي
    تاريخ التسجيل
    Apr 2009
    الموقع
    بيتى هو حياتى
    الردود
    3,718
    الجنس
    امرأة
    تعقيب كتبت بواسطة muslium عرض الرد
    أه على فكره يا فريق المصريه هرم انا قابلت واحده بالصدفه اولاد أختها فى المصريه سألتها عن المدرسه قالتلى كويسه بس هى بتاخد عليها انهم بيدوا واجبات كتير للطفل مع ان انا كنت سألت أم هناك ليها تلات بنات فى المدرسه و قالتلى احسن حاجه هنا انهم مبيتقلوش على الولاد فى الواجبات !!! غالبا الموضوع نسبى
    المهم هى بتقول أنهم مبياخدوش ماكميلان لأن هى ابنها فى مدرسه بايونيرز (بتشكر فيها جدا) و بياخد ماكميلان فهى عارفه المنهج و بتقول ان اولاد أختها مبياخدوش ما كميلان !!!!

    أنتم ايه رأيكم فى الموضوع ده مش أنتم بردوا سألتوا فى المدرسه و قالولكم ماكميلان؟ أنا سألت و قالولى ماكميلان و لا هو فى كذا منهج اسمه ماكميلان

    يا ريت حد يرد على

    أودى أتصلتى بالمدرسه؟
    ايه الصدمة دى يا مسلم لأ هو منهج ماكميلان واحد


  9. #839
    فرح1983's صورة
    فرح1983 غير متواجد النجم الفضي
    تاريخ التسجيل
    May 2006
    الموقع
    القاهرة
    الردود
    1,718
    الجنس
    أنثى
    لا يا جوجو بيتهيالي ان فيه كذا منهج لماكميلان
    لان ماكميلان دة الناشر
    والدليل على كدة لما انا رحت اقدم
    وسالوني على المنهج اللي درسته للولاد
    قلتلهم ماكميلان
    قالولي you and me وللا ايه؟
    اذن فيه غيره


    اللهم احفظ بناتي من كل شر اللهم اجعلهن ذرية صالحة توحدك وتعبدك وتتقيك في كل قول او عمل اللهم ارحم والداي كما ربياني صغيرا اللهم ارزقني برهما
    اللهم استرنا فوق الارض وتحت الارض ويوم العرض عليك اللهم امين اللهم استجب

  10. #840
    أم جورى's صورة
    أم جورى غير متواجد النجم الفضي
    تاريخ التسجيل
    Apr 2009
    الموقع
    بيتى هو حياتى
    الردود
    3,718
    الجنس
    امرأة
    لا يافروحة على حسب معلوماتى ان ماكميلان الأساس

    ممكن بأة يكون فى كذا سلسلة يعنى انا ولادى بياخدوا يو اند مى فى الكى جى

    والبرى

    ممكن يكون فى سلسلة باسم تانى غير يو اند مى لكن فى الأصل كلهم

    ماكميلان واللى عارف غير كدة يوضحلنا


مواضيع مشابهه

  1. الردود: 825
    اخر موضوع: 19-06-2011, 05:07 AM
  2. مدارس...مدارس...مدارس...الجزء الثالث عشر***
    بواسطة sadina في ركن الجامعات والدراسات العليا
    الردود: 2024
    اخر موضوع: 23-02-2010, 08:52 PM
  3. مدارس مدارس مدارس ..الجزء التاني
    بواسطة ام مريم 2008 في المجلس العام
    الردود: 292
    اخر موضوع: 20-02-2009, 01:07 AM

الروابط المفضلة

الروابط المفضلة

قوانين الكتابة

  • لا تستطيع إرسال مرفقات جديدة
  • لا تستطيع إرسال ردود
  • لا تستطيع إرسال مرفقات
  • لا تستطيع تعديل ردودك
  •  
لكِ | مطبخ لكِ | جمالكِ | منزلكِ | جوالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100