* * * مدارس ... مدارس ... الجزء العاشر * * *

**lara mother's** · 01-07-2009, 01:27 AM

مساء الخير على الجميع

**Ananasa** · 01-07-2009, 09:20 AM

صباح الخير يا بناويت
مسلم البقاء لله يا حبيبتي وربنا يصبركوا
هابي ماست ..تعالي هنا

اولا:انت كلمة تجيبك وكلمة توديكي والا ايه ؟ هاتي لي مدرسة واحدة الكل اجمع انها ممتازة ومافيهاش ولا عيب!!!
ثانيا:مع ان مدرسة منارة الايمان دي كويسة من كلام الناس و الست دي بتنقل اولادها فيها بس معلش يعني فيها بردوا عيوب زي ما سمعتي في الاجزاء السابقة
وانا اخت صاحبتي لسة محولة لبنتها منها السنة دي ومودياها مصر 2000
وبردوا يا هابي الرواد بقالها 15 سنة واتخرج منها دفعات ولسة الناس بتشكر فيها لكن منارة الايمان بقالها سنتين بس وناس بتشكر فيها وناس بتزم فيها وبتنقل منها ودة لان اللي يناسبك ممكن ما يناسبش غيرك .
وانتي زعلانة وعمالة تعيطي من كلام الست دي مع ان كلامها عادي جدا ..هي بتقول ان ابنها الكبير ممتاز واتخرج من المدرسة لكن ولادها التانيين مستواهم زفت طب ليه مايكونش العيب في ولادها ؟! ليه لازم ان العيب يكون في المدرسة و في المدرسين وفي مراحل مختلفة كمان انا شايفة انه صعب شوية .
ثالثا :انت سالتي واستخرتي واخذتي قرار و احنا قولنالك ان فيها مشاكل زي كل المدارس بس المشاكل او العيوب مش كبيرة و الادارة بتحل لك المشاكل دي علي عكس مدارس تانية كتيرة بيسيبوكي تخبطي دماغك في الحيط واذا كان عاجبك ؟!
رابعا:هو في حد فينا مقدم في مدرسة وضامن 100% ان ربنا هيوفقكوا فيها من غير اي مشاكل .
خامسا :انتي مش مؤمنة بان الاستخارة والدعاء لله سبحانه وتعالي بيقين هيوفقك للاصلح ليكي ...مع العلم ان الاصلح ليكي ممكن ما يناسبش غيرك .
هابي مش هتلاقي مدرسة الاحلام اللي مافيهاش ولا عيب فارجوكي اهدي وتوكلي علي الله وما تسمعيش لكلام حد وان شاء الله ربنا هيوفقنا جميعا وييسر لنا كل الامور ان شاء الله .
وعلي فكرة انتي مش كنتي عايزة تدخلي منارة هليوبليس .. انا قلتلك ان صاحبتي بنتها فيها و عايزة تدخل ابنها كمان لكن عزبوها لغاية ما وافقوا ياخدوه علشان اخدوا فلوس زيادة وعملوا كدة معاها لانهم متاكدين انها هتدفع علشان تدخل اولادها مع بعض ؟!!