السلام عليكم يا جماعة أنا من إمبارح عمال أبحث في المنتدى علشان أعرف أرسى على مدرسة ، أنا بنتي في مدرسة رواد المستقبل خلصت كى جي 1 وحاسس إن التكاليف كتيرة شوية علية حوالي سبعة الاف بالباص والكتب واللبس خصوصا إن عندي ولد كمان كلها سنتين تلاتة ويدخل المدرسة إنشاء الله ، حاولت أدخلها تجريبي المستقبل منفعش علشان سنها هيبقى 4 سنين و 9 شهور ، أنا ساكن في المقطم روحت قدمت في فيكتوريا لقيت أولا مافيش باص ثانيا المصاريف 3700....!! سألت على مدرسة القناه قالولي وحشة ، مدرسة بدر في المقطم قالولي مستواها متواضع ، مدرسة نوبل جربتها النص الأول من كى جي 1 والبنت متعلمتشي حاجة ، يعني لو مافيش أمل إني أدفع أقل من كده خلاص أمري لله بس يا ترى أسيبها في مدرستها ولا في مدرسة أحسن ؟ في ناس بتقولي مدرسة العروبة في المعادي هايلة إيه رأيكم
مع جزيل الشكر ،
أخوكم أبو زياد وجنة