ارجوكم اللي ليها ابن او بنت في مدرسة الفراعنة "الاسكندرية"

**ام ادهم وهنا** · 30-05-2009, 05:09 PM

اخواتي ارجوكم ساعدوني انا عاوزة انقل ابني الي مدرسة الفراعنة للغات "هوم كرافت"
لو سمحتم اللي ليها ولد او بنت في المدرسة او تعرف حد هناك تقولي عن مستوي المدرسة وايه رايكم فيها؟

**ام ادهم وهنا** · 30-05-2009, 06:03 PM

يا بنات مفيش اي حد من الاسكندرية تعرف اي حاجة عن المدرسة دي تساعدني

**دودو تامر** · 30-05-2009, 07:48 PM

بالنسبة لمدرسة الفراعنة علشان انا روحت فيها تعامل الناظر كويس ومنهج ماك ميلاون بيخدو بلاى من 3 ف اكتوبر اللى جاى وقال الناظر انه حياخد مثلا ف كى جى 1 80 طفل منهم 30 من البلا ى بتعهم والباقى من الاولاد الى حيقدموا من التنسيق يعنى كده كده حينقل عادى كى جى بس طبعا لما يجى معياد التقديم حتسحبى ملف وتحطى اول رغبة المدرسة وهى اوتوماتك حتقبل

**دودو تامر** · 30-05-2009, 07:53 PM

ومبنى المدرسة قديم شوية وكنت روحت علشان اقدم لبنتى فيها ف البلاى مصاريف 2700 وكمان 650 حيترد منها تامين 300 اخر السنة وباقى السنين نفس الرنج ده غير اليوفورم والباص وبصراحة سالت ولية امر كانت هناك وابنها ف ثانوى ف مدرسة بس لم تشكر فيها وقالت الادارة مش كويسة وانها كانت من سنين احسن والست دى كان عندها بنت ف مدرسة المنار اللى فمحطة الرمل قالت احسن منها كتير والبنات بتتعلم كويس وه معلوماتى عن مدرسة الفراعنة بس لازم تروحى وشوفى وربنا يسهل اصل المدارس والرضا عنها مسالة نسبية

**دودو تامر** · 30-05-2009, 08:39 PM

وهى مشتركة بنات واولاد وهى من المعاهد القومية

**ام ادهم وهنا** · 30-05-2009, 09:26 PM

الي الاخت دودو تامر شكرا ليكي كتير
انا ابني داخل جونيور 2 وعاوزة احول له لانه في مدرسة الزهراء ومش عاجبني مستواها فنصحني اصحابي انقله للفراعنة
بس لما روحتها لقيت زي ما قلتي ان المدرسة مبانيها قديمة بس المهم يكون مستواها كويس
والله الواحد داخ من كتر التفكير في مدرسة حلوة ينقله فيها
انصحوني اعمل ايه