علي فكره نادي اصحاب الجياد اللي في سموحه

بيعمل نشاط صيفي

دورة السباحه لمده شهر و نص ب 180 جنيه

و في نشاطات تانيه بس مسألتش عنها

و التسجيل يوميا لحد الساعه 2 ظهرا

شكرا ليكى يا راندا احنا تعبينك معانا
وعلى فكرة يا جماعة انا رحت النهاردة كلية التربية الرياضية بنات فى فلمنج
وهى بتاخذ من خمس سنوات وفيها انشطة كويسة

عاملين ايه يا جماعة محدش باين ليه
يا جماعة عايزين لو حد مجرب كورسات اللغات للاطفال فى المراكز
يدينا فكرة
جزاكم الله خيرا

على فكرة يا جماعة انا رحت نادى الجامعة سالت على دورة السباحة
حتبدا من15-6 الى 31-8
الدورة ب 270 جنيه 3 مرات فى الاسبوع وفى مواعيد كويسة
بس اروح ان شاء الله يوم الثلاثاء اسال فى نادى الاتحاد السكندرى برده

السلام عليكم
حبيت اشارككم بهذا الموضوع وانقلكم تجاربي الخاااصه عن رحلاتي بالاسكندريه
اولا : في منطقة السيتي سنتر في جرين بلازا
فيه مول وتابع لهذا المول مركز ترفيهي تعليمي للاطفال روووووووعه
في مول سان ستيفانو في جزء مخصص للاطفال
يعرضو فيه العاب ورسومات وافلام كرتون وفيه برامج مخصصه من فتره لفتررة جدا رائعه
في منطقة المنتزه في فندق فلسطين هلنان في الصيف تقام اسبوعيا ايام مخصصة للاطفال
بس ماعندي تفاصيل كثير عنها .
ثانيا : الاسكندريه منطقة العلمين طريق الساحل الشمالي بورتو مااارينا المكان الاروع لحد الان اللي زرته بهالمنطقه
في اشياء ترفيهيه كثيييير وامااااكن كتير يقدرو الاطفال يستفيدو ويلعبو وينبسطوووووو في نفس الوقت
اتمنى اني افدتكم ولو بجزء بسييييط وتحياتي

شكرا ليكىmrs.manal
بس يا ريت تقولى لينا فين المول ده بالضبط ونسال فين بالضبط ولو معاكى رقم تليفون للمركز ده يبقى جزاكى الله كل خير
وبالنسبة لمول سان استيفانو انا كنت رحت حفلة يوم الاربعاء ليهم
ومعجبتنيش اوى
يا ريت لو بيعملوا حاجة تانية وتعرفى امتى تقولى لبنا وشكرا ليكى

السلام عليكم ورحمة الله وبركاته . موضوع قيم ومفيد , لو سمحتولي أقول رأيي أنا شايفه إن النشاط الرياضي هام جدًا وبيخرج الطاقات الكامنة لدى الأطفال وأنا سمعت كلام كويس جدًا عن نادي مبارك إللي في سموحة , وربنا يوفقنا جميعًا لما فيه صالح اولادنا إن شاء الله .

ام يوسف عامله ايه يا قمر وحشتينى اخبارك ايه وعملتى ايه ليوسف ياترى اشتركتى ولا لسه وايه اخر اخبارك

شكرا يا رانو يا عسل على سؤالك
انا دلوقتى ما بين نادى الاتحاد ونادى الجامعة
الانثين حيبداوا يوم 15-6
والمفروض ان شاء الله اروح اسال فى نادى الاتحاد يوم السبت واقرر احجز هنا ولا هنا
وربنا يعمل اللى فيه الخير
وربنا يكرمك يا رانو وتستقرى على مدرسة كويسة لابنتك
وبالنسبة لحكاية كىجى 1 فى الخاص كنت سمعت ان ممكن تشترى سنة ليها
بس بش عارفة الكلام ده صح ولا ايه

واللهى يا ام يوسف انا تعبت جدا فى الموضوع ده والكل بيقولى ماينفعش ادخل على kg2وانا سيبا اتوكالى على الله ومفيش احسن منه وربنا يعملها الى فيه الخير يا رب وانا سكلت طريق التجريبى وبعدت عن القوميه علشان سمعت ان مستواها مبقاش قد كده ومش عارفه واللهى الطريق الى انا ماشيه فيه صح ولا غلط وربنا يهدينا للطريق الصحيح