ابنى بيكره الحضانه مش قادره عليه

السلام عليكم اصدقائى

ابنى 3 سنوات قدمتله من اسبوعين فى حضانه قريبه من بيتى المدرسه اللى فيها حبوبه بس صوتها عالى وهى بتتعامل مع الاطفال المهم اول اسبوع كان ابنى بيعيط جامد لغايه ماسيبه بالعافيه ويفضل عياط لغايه مااخده وقلبى كان بيتقطع والله بس قولت اسيبه يتعود المهم الاسبوع التانى ابتتدى يهدى لما بقنعه بس بيجى يقولى الميس بتشدلى شعرى وانا مش بحب الحضانه ولا بحب الميس ولما اجبله سيرتها يعيط ويقولى مش عاوز اروح انا بقالى يومين مش بوديه لانه تعبان وعنده برد
بس مش عارفه ازاى احببه فى الحضانه وتفتكروا العيب من الحضانه ولا هو بيقول كده وخلاص عشان ماوديهوش تانى تفتكروا ايه انا بقول استنى الشهر يعدى واغيرله الحضانه يمكن يكون العيب منها المهم ياريت تقولولى اعمل ايه بالله عليكم
مشكوريين حبايبى

السلام عليكم اصدقائى

وعليكم السلآم

ابنى 3 سنوات قدمتله من اسبوعين فى حضانه قريبه من بيتى المدرسه اللى فيها حبوبه بس صوتها عالى وهى بتتعامل مع الاطفال

عزيزتي انا درست أطفال مثل سن طفلك
صراحه 3 سنوات مره صعب التعامل معاهم
حتى افتكر اختي تقولي لما بنتي تسير 3 سنوات ح اوديها روضه
قلت الله يعين معلمتها

بس شوفي كان عندي وحده عمرها 3 سنوات بالضبط والباقيين أكبر شويه

المهم ام ثلآثه سنوات دي مصريه
وماتفهم عليا الا لما أقلب كلآمي مصري خخخخخخخخخخ

وكنت احيانا اضطر اتكلم مصري مع اني من اهل جده وحجازيه بس عشان تفهم عليا

بس البنت حبوبه وحبتني من قلبها
<< كانت اول ماتجي من الباب تترمي في حضني وتقولي وحشتيني ياأبله

ومن ناحية الصوت العالي هل انتِ سمعتي صوتها عالي ولآ بس ابنك بيقول ..؟

لإنه احيانا تضطر الملعمله اناه ترفع صوتها وتنادي الطفل لإنه يكون مشغول بشي وماهو منتبه معاها

لو ابنك الي بيقول انه صوتها عالي إنتِ فهميه لآ تسوي غلط ولآ تزعل الأبله عشان ماتعلي صوتها عليك وإذا علت صوتاه على غيرك هيا ما بتقصدك انت

اهم شي انتا تكون أشطر واحد وبطل

حببيه بالروضه قولي له لو رحت ومابكيت اعطيك حلآوة توزعها لـ أصحابك

أو قولي له أوديك الملآهي وكوني صادقه يعني قوليله شي يحفزه إنتِ تقدري تسويه له

المهم اول اسبوع كان ابنى بيعيط جامد لغايه ماسيبه بالعافيه ويفضل عياط لغايه مااخده وقلبى كان بيتقطع والله بس قولت اسيبه يتعود المهم الاسبوع التانى ابتتدى يهدى لما بقنعه بس بيجى يقولى الميس بتشدلى شعرى وانا مش بحب الحضانه ولا بحب الميس ولما اجبله سيرتها يعيط ويقولى مش عاوز اروح انا بقالى يومين مش بوديه لانه تعبان وعنده برد
بس مش عارفه ازاى احببه فى الحضانه وتفتكروا العيب من الحضانه ولا هو بيقول كده وخلاص عشان ماوديهوش تانى تفتكروا ايه انا بقول استنى الشهر يعدى واغيرله الحضانه يمكن يكون العيب منها المهم ياريت تقولولى اعمل ايه بالله عليكم
مشكوريين حبايبى

اما من ناحية شد الشعر

حاولي تروحي المدرسه وتحضري معاه وشوفي طريقة تعاملها وإن حسيتي اناه شديده ويطلع منها اناه تشد الشعر

كلمي الإداره وفهميهم عشان هما يتخذوا القرار

يعني خلي الكلآم بينك وبين الإداره عشان الملعلمه لآ تفهمك غلط وتزعل

وقولي لهم انا مكاشفت بس ابني بيقول

والله يحببه في الروضه ويعينه

وان شاء الله المعلمه تحسن اسلوبها مع الأطفال


وأي سؤال انا حاضره ..

حبيبتى فرولايه مشكورة كتير وماقصرتى
بالنسبه لصوت الميس انا اللى سمعت صوتها عالى فى اول يوم قدمت لابنى وللعلم هى مديره الحضانه
بالنسبه لشد الشعر انا هاكلمها عليه مع انها لطيفه جداا بس ابنى مش عارفه ليه مش مرتاح معاهم
تفتكرى لو استمر الوضع انى ابنى يكرهم كده اوديه حضانه تانيه ولا ايه انا بفضل انا اخليه هو يختار حضانه تعجبه هههههههه
ولادنا اللى بيمشونااا ربنا يرحمنا يارب

انا بنتي بقى كانت بتحب الحضانة و فجأه بقت بتكرهها مش عارفه ليه طبعا كلمتهم و قولتلهم فقالولي احنا هنشوف وبعدها بقت كوايسه
أنا رأيى تتكلمي معاهم و تحاولي تعرفي العيب من مين و شوفي تعاملهم مع الاطفال التانيه

كتبت بواسطة miama

انا بنتي بقى كانت بتحب الحضانة و فجأه بقت بتكرهها مش عارفه ليه طبعا كلمتهم و قولتلهم فقالولي احنا هنشوف وبعدها بقت كوايسه
أنا رأيى تتكلمي معاهم و تحاولي تعرفي العيب من مين و شوفي تعاملهم مع الاطفال التانيه

حبيبتى مشكورة كتير بصى انا لما بكون هناك بلقيهم كويسين بس صوت المديره عالى
شويه بس فى واحده قبلتها هناك قالتلى انها نقلت ابنها من عندهم عشان بيعملوا الاطفال وحش مش عارفه كلامها صح ولا ايه وكمان لما روحت حضانات تانيه لقيتهم
بيقولولى احنا بيجيلنا اطفال كتير من حضانه كذاااااااا اللى ابنى فيها والكلام ده اتقل فى حضنتين بس لما روحت لقيت الناس زوق جدااا بس الاطفال هناك ديما بيصرخوا ويعيطوا وكرهين الحضانه مش عارفه ليه

حبيبتى بما ان سمعتى الكلام دة من كذا حد وبتشوفى بنفسك الاطفال بتعيط يبقى لازم تنقلية علشان الولد نفسيتة ترتاح انا كمان ابنى لما وديتة حضانة كان بيعيط بس دة لانة مش عايز يسبنى وخايف ان الباص ميرجعوش البيت هو بردة عندة 3 سنين وعلى فكرة الميس كانت بتعاقبة لما يغلط ودة عادى لانة لازم يتعلم الصح من الغلط لكن العقاب بيكون مناسب للطفل يعنى مثلا يقف فى النوتى كورنر شوية لكن مادام حضانة ابنك فى ناس اشتكت منها ينقى لازم تنقلية وربنا معاكى ويحفظة يا رب

إنتي لازم قبل ما كونتي تسيبيه تقعدي معاه كذا مرة عشان تشوفيهم بيعاملوا الأطفال إذاي.
ولو أبنك متدايق لازم تنقليه فورا عشان نفسيته.
و أنتي عايزه أكتر من كده إيه إثبات إن الحضانة وحشة.

ربنا معاكي إنشاء الله

أنا عندي احساس ان المشكلة في الحضانة
انت لو ابنك اجتماعي و بيعمل كدة يبقى المشكلة من الحضانة
وبعدين اطلبي منهم انك تراقبي من بعيد و شوفي و شوفي الاطفال التانيه روحي فجأة انا كنت باعمل كده و اطلب من المديرة اني اشوف بنتي من بعيد واحكم على الوضع
ربن معاكي بجد الموضوع ده بيزعل

وعليكم السلام ورحمة الله وبركاته

الله يعينك أختي مروى..
أنا برأيي أن سن 3 سنوات صغير جدا على الحضانة وطبيعي جدا ان يكره ابنك الحضانة لأنها أولا تبعده عنكِ.. ثانيا: كما تعلمين فالأطفال يحبون الحركة والحرية واللعب فصعب أن تضبطيه بفصل ودوام والتزام..هذا رأيي لكن إن كنتِ مصممة على ذهابه إلى الحضانة فلا يُشترط أن تكون المشكلة فيها وقبل أن تنقليه إلى حضانة جديدة ينبغي أن تتأكدي أن المشكلة في الحضانة وليس بابنك حتى لا تزيدي مشاكله بانتقاله إلى وسط جديد..
وربنا يهديكِ للي فيه الخير لابنك..