للبحث في شبكة لكِ النسائية:
|
شكرا يا ام جورى
معلش انا كنت قلقانة شوية وبصراحة كمان كنت مترددة و بفكر اخليهم فى مدرستهم وخلاص بس بصراحة اكتر حاجة قلقانى هية الطريق مش من ناحية المسافة وبس بس كمان الامان
بس انتو كدة ريحتونى و متفقين انها كويسة فان شاء الله حتوكل على الله واقدم لكم فيها وانقلهم وان شاء الله تطلع مدرسة كويسة
شكرا ىا دودي علي اهتمامك وردك انا طبعا حا اتصل بالمدرسه بس انا مش مهم عندي اوى ان البنت تكون في مدرسه في شبرا لانى زى ما انت شايفه اني بنقل كتير انا بدور علي مدرسه تكون مستواها حلو وليها سمعه كويسه وتكون الباصات بتروح شبرا زي مصر الجديده او مدينه نصر او الدقي او الزمالك او حتي المنيل وبصراحه المدرستين اللي دخلتهم كان مستواهم حلو اوي وعايزه احاول اثبت علي ده قدر المستطاع ومش عارفه ليه مش مرتاحه لمدارس شبرا مع احترامي الكامل طبعا للناس اللي ولادهم هناك وعلي فكزه انا نفسي من شبرا علشان ما تفهميش كلامي غلط بس مثلا بنتي كانوا بيدوها في اخر مدرسه الاتيكيت كماده تعليميه خلطنها او ربطنها بسولكيات اسلاميه لان المدرسه اسلاميه وفي اهتمام بالدين لانها مدرسه اسلاميه الي جانب الهتمام باللغه واللغه التانيه اللي ابتدت تخدها من كجى ون تفتكري الكلام ده حا القاه هناك وعلى العموم انا متشكره ليكي اوي وحا اتصل بيهم دلةقتي وحا اعرف التفاصيل وحا اكتبها ممكن تفيد حد
لا ياقمر والله انا مروحتش انا زيك كده سمعت عنها واتصلت بيهم فى التليفون لكن مروحتهاش بس بصراحة محدش شكر فيها قدامى بس انا رديت عليكى واديتك حتى رقم تليفونها الى كان معايا
متزعليش منى لو اتاخرت عليكى فى اى رد بس والله مش بادخل النت بليل بيكون عندنا مذاكرة معلش سامحينى على اى تاخير مش مقصود
ام جورى الف مبروك على البيبى بتاعك ربنا يبارك للكل فى ولاده ويجعلهم صالحين
يا جماعه يا ريت حد يرد عليه بخصوص المدارس القريبه من شبرا او الزمالك او الدقي او مصر الجديده اومدينه نصر وتكون مستواها كويس جزاكم الله كل خير
صباح الخير يا امهات يا محتارات...
اكيد مستنين التقرير بتاعى
جتلكم النهاردة بتقرير متين عن المصرية الدولية و1/2 تقرير عن جينيس لانها كانت قافلة اجازة بس اتفرجنا على المدرسة والفصول
اول حاجة دى مقارنة بين المدرستين من حيث الشكل والفصول لانى ماتكلمتش مع حد فى جينيس
الشكل العام
جينيس
شكلها من برة حلو ومن جوة الرسيبشن واسع وحلو
المصرية
اتكلمنا عن شكلها قبل كدة هو عادى الرسيبشن معقول
الفصول
جينيس
فصول الكى جى حلوة وواضح فيها الاهتمام زى ماقالت ام جورى فى لوكر لكل طفل اما بالنسبة للبرايمرى فالفصول مش بنفس الجمال تعتبر عادية لكن فى برده لوكر
كل طفل على دسك و كرسى لكن شكلهم عادى مش واو
المصرية
فصول الكى جى ظريفة لكن جينيس احلى بالنسبة للبرايمرى الفرق مش كبير بينها بين جينيس مافيش لوكر لكن فى شاشه بلازمة لعرض اى غرض تعليمى بالاضافى للافلام الكارتون .. الدسك كل اتنين فى ديسك لكن الدسك واسع ويشيل 3
الجاردن والملاعب
جينيس
الجاردن بتاعة الكى جى حلوة وفيها اكتر من لعبة وموكيت اخضر على الارض وطبعا دى اكتر حاجة عجبت بنتى فى المدرسة
بالنسبة لملاعب الكبار عادية
المصرية
الجاردن لطيفة رملية فيها كذا لعبة مش بطالة ..
بالنسبة لملاعب الكبار برده عادية
الحمامات
تقريبا زى بعض بس فى المصرية اكتر
اللابات
مش حاسة بفرق .. يمكن لاب الكمبيوتر بتاع جينيس اكبر
بوجه عام من حيث الشكل .. جينيس مهتمة بالكى جى اكتر من اهتمام المصرية كلن بالنسبة للبرايمرى مافيش فرق كبير
ادونى 10 دقايق اعمل كوباية شاى وارجعلكم
آخر مرة عدل بواسطة الاميرة طماطم : 26-04-2009 في 10:05 AM
الروابط المفضلة