غيبت يوم وصلتوا لى 161 ما شاء الله
أخبار مجموعة المصرية ايه؟ و أخبار مجموعة الهرم و فيصل ؟

كتبت بواسطة nour5700

السلام عليكم جميعـــــــــا
متشكره اوى لكل اللى رد عليا وانا بصراحه استفدت كتير من كلامكم وتجاربكم.
وخلاص مقتنعه اسيب البنت تمر بمراحل التعليم من بدايتها وفعلا مش لازم اوجع دماغها من دلوقتى لان اللى جاى بيكون اصعب.

أزيك يا نور انا تابعت موضوعك و الحمد لله انك صرفتى نظر عن الموضوع ده. على فكره استيعاب الطفل لما بيتم 4 سنين بيكون احسن بكتير من لما يكون اصغر من كده

روحتى المدرسة و لسه؟

كتبت بواسطة احلى ماما

السلام عليكم جميعا
جمعة مباركة للجميع محتاجة مساعدة من كل الامهات الحلوين انا فمشكلة كبيرة اوى ومش عارفة اقررممكن تساعدونى
انا عندى بنوتين الاولى فkg1 وعمرها دلوقتى 6 سنوات و4شهور فمدرسة اسمها المستقبل المتميزة بصراحة المدرسة ممتازة جدا لكن بتاخد سن كبير بواجه مشكلة ان بنتى هتكون فpri 1 هتتم 8سنوات هيكون وقتها اولاد عمها وخالتها اللى فنفس السن ف 3 ابتدائى هما تعليم خاص بس مش لغات
انا دلوقتى عايزة انقلها لمدرسة لغات خاصة لpri 1 على طول بس قلقانة لانها مش هتاخد kg2 وهل هاقدر خلال الاجازة ادرس معاها لوحدى بحيث انها متتاثرش فpri 1

دة بالنسبة لبنتى الاولى

اما التانية فهى فشهر اكتوبر 4سنوات و8 شهور بتمنى مدرسة اختها تقبلها بس عندى شك فكدة ولو مقبلتهاش معنديش فكرة عن المدارس هنا لانى كنت مسافرة السعودية ولاسباب خاصة كتير مقدمتش هناك وطبعا الامور كلها جت فوق بعض على راسى لوحدى لان باباهم مساااااااااااااااااااااااااااااااااااااااااااافر

ارجوكم وكل ام عندها خبرة تجاوبنى انا ساكنىة فمنطقة حلوان واحسن مدارس موجودة راهبات وانا مش عايزة اقدم فيها لو ممكن تقولولى عن مدارس فالمعادى واسعارها وعناوينها او حتى تليفوناتها ربنا يجازيكم خير وبشكركم جدا على الملف الرائع جدا دة

اهلا بك فى المنتدى

أولا بالنسبه للمدارس فى المعادى :
عندك احسن مدرسه نارمر و بعدين فى سقارة و نيو هوريزون (دول فى زهراء المعادى) و بعدين عندك منارة المستقبل(بس دى اكتفت فى kg1 ) و الألفية الدولية و سما المعادى(و دول عند كارفور) فى بعد كده العروبة و فكتوريا

ثانيا مدارس التجمع :
فى عندك المصرية و غريانى (و دول الى معظم الكلام عنهم فى المنتدى)
بس انا اسمع عن mse و green heights فى ناس بتشكر فيها و كانت MES جمده بس خلااااااااص بعد الى حصلها.

لو عايزة معلومات اكتر عن الاسعار و غيره ممكن افيدك فى مدارس المعادى لكن التجمع حقيقى معرفش غير عن المصرية و ممكن بنت مصر تفيدك عن غريانى.

Sadina و kouky ,أخباركوا و أخبار لارا و كريم ايه خلصوا السنه و لا لسه؟

جزاكى الله خيرا يا ام جورى على المعلومات القيمه

بالنسبه لموضوع ابنك انا شايفه انك تعملى الأتنين مش هيضروا
تكلمى مامه الولد حتى علشان يبقوا هم الأتنين اصحاب و ميضربوش بعض تانى
و كمان الولد يديلوا شوكليت ديه حاجه حلوه هتخليهم يقربوا لبعض
و حطى نفسك فى الجهه الأخرى و شوفى كنتى هتفرحى اكتر لو ايه اللى حصل
يارب اكون قدرت افيدك

كتبت بواسطة kouky5

بالنسبة لمدارس المعادي اسمع عن نارمر المعادي انها ممتازة بس اسعارها غالية لو في حد من البنات في منطقة المعادي ممكن يفيدك اكتر

بصي يا حبيبتي جمعة مباركة انا من المعادي في مدرسة فيكتوريا كوليدج للغات ودي امام جراند مول ومصاريفها 3000 الاف وبتزيد حاجه بسيطه وفي مدرسة القنال ودي في زهراء المعادي عند تجمع المدارس وبنفس سعر فيكتوريا وفي مدرسة الامل للغات برده ومصاريفها 5500 ودي في شارع 105 بالمعادي وطبعا في قومية المعادي بس مش عارفة عنوانها بالظبط وفي مدرسة البشاير بس دي سعرها غالي ب10000 ونص ونارمر ب 12000 الف والعروبة ودي ورا مكتبة المعادي ومصاريفها حوال 6000 حاولي تاخدي ارقامهم من الدليل وتتصلي تعرفي ميعاد التقديم لان اغلب المدارس بدات تقديمات ولو عايزة تسالي في حاجة تانية اكتبيلي واهلا بيكي ومعلش ياجمعة مباركة ممكن اعرف منهج المستقبل التجريبية كان اسمه ايه يعني بيدرسو ماكميلان ولا برايت ستار والولاد اللغة عندهم عاملة ايه

كتبت بواسطة muslium

يا امهات فى نقطه مهمه اوى احنا نسينا نسأل عنها

هل المدرسه بعد ما بندفع المصاريف كلها بتطالب بأى مصاريف زياده طول السنه الدراسيه؟
كتب مثلا - ملازم - دروس تقويه اى حاجه من ديه؟
يا ريت يا دينا و يا ام جورى تردوا علينا بخصوص المصريه و جينيس

و كنت عاوزه اعرف الرحلات فى المدرسه اخبارها ايه؟ و ال fees بتاعتها بتبقى كام؟

يعنى هل فيه استغلال فى النقطه ديه و لا ايه رأيكم؟

لا مفيش اى مصاريف زيادة غير الرحلات

اهلا يا احلي منتدي وحشتوني اوي وماشاء الله انا بقرا من امبارح الصفحات لاني كنت مسافرة وبجد منتدي ماشاء الله ثري جدا بصوا يا بنات انا عايزة اسال علي منهج اسمه zoon منهج للغات برده في حد فيكم عنده معلومات عنه واللي تعرف يا ريت تشرحلي المنهج بالتفصيل وهل هو منهج قوي للغويا ولا عادي

كتبت بواسطة noga76

غيبت يوم وصلتوا لى 161 ما شاء الله
أخبار مجموعة المصرية ايه؟ و أخبار مجموعة الهرم و فيصل ؟

تمام الحمد لله

كتبت بواسطة dodydoooo

اهلا يا احلي منتدي وحشتوني اوي وماشاء الله انا بقرا من امبارح الصفحات لاني كنت مسافرة وبجد منتدي ماشاء الله ثري جدا بصوا يا بنات انا عايزة اسال علي منهج اسمه zoon منهج للغات برده في حد فيكم عنده معلومات عنه واللي تعرف يا ريت تشرحلي المنهج بالتفصيل وهل هو منهج قوي للغويا ولا عادي

انتى كمان وحشتينا أخبارك ايه

بصراحة انا معرفش عنه حاجة ان شاء الله حد يفيدك