|
للبحث في شبكة لكِ النسائية:
|
النجم الفضي
ازيك يا سارة....كتبت بواسطة saramshmsh
بصى يا ستى
أنا كنت بأودى أولادى حضانة ناحية الحديقة الدولية كانت تحفة.....
فيلا منفصلة دورين بجنينة.....حمام سباحة....ألعاب....الادارة و صاحبة الحضانة حبوبين و لطاف.أنشطة ظريفة و بالهم طويييييييييييييييييل مع الأطفال
و المهم بقى سعرها.....الصيف اللى فات كانت 500 شهر كامل,مش عارفة دلوقتى ايه الأخبار(أولادى دلوقتى فى المدرسة) و طبعاً ده سعر ممتاز
اسمها بامبو و ممكن اديكى تليفونها و عنوانها لو تحبى
النجم الفضي
أهلاً يا نوارة.....صباح الخير
اعضاء منتدايا الحبيب
حبيت استشيركم واستفيد بخبراتكم فى موضوع قلقنى اوى
وعارفه انكم مش حتكسوفونى
انا نقلت ابنى وبنتى السنه دى من مدرستهم لمدرسه بى كرنك
لكن
لاسف بعد النقل اتصدمت بالمستوى
مدرسه سيئه جدااااااااااااااا بمعنى الكلمه لدرجه انى مكنتش عارفه حتمر عليه السنه ازاى وانا فيها. بس الحمد لله الايام بتعدى وهانت
انا دلوقتى عايزه ان شاء الله انقلهم مدرسه تانيه بس دى حتكون تالت مره ينقلوا وقلقانه على نفسيه الاولاد اوى
مش عايزه اتسرع تانى
انا ساكنه فى حدايق القبه وعايزه مدرسه مش بعيده اوى عشان مضيعش يوم الاولاد وهو اصلا اليوم قصير اوى ومبنلحقش نعمل حاجه
ناس قالتلى على مودرن سكول الحجاز وناس تانيه النزهه عايزه اعرف هل مودرن سكول كويسه وانهو الاحسن مودرن ولا النزهه
ومعلش عارفه انى طولت عليكم لو تعرفوا مدارس تانيه ممكن تدلونى عليها
واخيرا شكرا لكم واتمنى تفاعلكم معايا ومساعدتى
ربنا يوفقك للخير ان شاء الله
بصى يا ستى.........أنا مدرسة فى المدرسة المصرية و من يومين جت واحدة تعمل interview عشان تشتغل معانا,و هى أساساً بتشتغل assistant teacher فى مدرسة مودرن سكول عين شمس القسم الأمريكى........مش قادرة أقولك الانجليزى بتاعها عامل ازاى.............سىء جداااااااااااااااااااااا.....رغم ان القسم الأمريكى المفروض يكون فيه اهتمام أكتر باللغة!!!!! فما بالك بالقسم ال national!!!!!!
ماعرفش بصراحة فرع الحجاز ايه أخباره,لكن........الجواب بيبان من عنوانه!!!
النجم الفضي
ازيك يا مريهان........عامله ايه؟؟؟
أنا سمعت أخبار ان غريانى هتزيد مصاريفها حوالى 900 جنيه السنه الجايه ان شاء الله,سمعتى عن ده؟؟؟
نصيحة....حاولى تخلى أولادك فى مدرسة واحده عشان تريحى نفسك......مشوار واحد,ادارة واحدة ,باص واحد.....يعنى,فكرى!!!!
عضو جديد
السلام عليكم يا بنات
رايكو ايه فى مدرسة مصر 2000 نرمين اسماعيل؟
انا شايفة اجماع على المصرية ايه مميزاتها
انا كمان عندى مشكلة ان ابنى اتكلم متاخر فكلامه مكسر يا ترى المدارس هتقبله ؟
عضو نشيط
عزيزتى بنت مصر اية اخبارك وياريت تقوليلى اعمل اية انا مش عارفة انا اتاكد من ادارة المدرسة انهم بياخدوا منهج ماكميلين انتى ايى رايك اكمل فيها ولا اية اصل كدة كدة مدرسة الmse l مش حتقبل تحويل يبقى مفيش قدامى غير مدرسة نرمين اسماعيل والكل بيقول مش حلوة اوى فحرام ادخلها كورسات تانى فى الصيف وتدخل مدرسة مش متاكدة منها لكن يوسف انا عيزاة يتاسس وانتى عارفة لو دخل غريانى يبقى معملتش حاجة وياريت تقوليلى رايك اية بالنسبة لمريم عشان احنى فى الهوا سوا ولا اية ياقمر
النجم الفضي
و الله يا مريهان الله يعينك.........الحيرة صعبة!!!!!!!!!!!!
بصى بقى.....غريانى دى هاتجننى.....ناس بتشكر فيها بشدة,و ناس بتشتكى منها بشدة!!!
بس الحق يقال....مدرسة الانجليزى بتاعة ابنى السنة دى ممتازة....لغة ممتازة,أسلوب محترم,الأطفال بيحبوها,ربنا يبارك لها.
لكن أنا قررت أنقله المصرية عشان يبقى معايا فى نفس المكان و ده طبعاً أسهل لنا.
انتى مش مفكرة فى المصرية خالص ولا لبنتك ولا ابنك؟؟؟؟
النجم الفضي
على فكرة يا مريهان,حاولى تشتغلى مع بنتك انتى فى الانجليزى أحسن من كورسات و مدرسين و الكلام ده..........لسه صغيرة
حاوى تشجعيها على القراءة....هاتيلها قصص صغيرة تكون فيها صور و كلمات بسيطة تقدر تقراها لوحدها بتشجيع منك,أنا ابتديت اعمل كده مع ابنى و ده حسن القراءة عنده كتير ما شاء الله
عضو نشيط
اشكرك بنت مصر دة فغلا اللى ابتديت اعملة معاها وربنا معاي فى الحيرة دى
عضو جديد
السلام عليكم يا بنات
رايكو ايه فى مدرسة مصر 2000 نرمين اسماعيل؟
انا شايفة اجماع على المصرية ايه مميزاتها
انا كمان عندى مشكلة ان ابنى اتكلم متاخر فكلامه مكسر يا ترى المدارس هتقبله
النجم الفضي
noa_noa بلاش مدارس نرمين اسماعيل سمعت ان المدرسة استغلالية وبيهتموا بالبهرجة والحفلات اكتر من الناحية التعليمية وبيبقوا في الكي جي حلوين اوي بس بعد كدة المستوي بيقل ...والله اعلم ده الكلام اللي انا سمعته لما كنت بسال عليها
أعضاء قرؤوا هذا الموضوع: 0
الروابط المفضلة