nour5700
بنات اخويا في مدرسة ramsis college وهما مبسوطين من المدرسة جدااا ولما سالتهم علي مدرسة new ramsis علشان فيها اولاد فقلت ادخل ابني فيها فقالولي ان الادراة هناك مش كويسة ومش شديدة زي ramsis colleage ...فلو عندك بنت يبقي افضل المدرسة الاصلية الراهبات بس هي مدرسة ثقيلة( جيش) تعليميا واخلاقيا حلوة اوي بس الجانب الترفيهي هناك مش زي باقي المدارس..وللعلم الثانيةnew ليست راهبات لان في ناس مش بتحب مدارس الراهبات...ولو في حد في المدرسة بتاعة new ramsis يا ريت يفيدنا اكتر

ممكن لو سمحتوا تساعدونى انا حاليا فى الامارات ونازلة قريب علشان ابنى هيدخل المدرسة وعايزة اختارمدرسة حلوة بس فيه شوية حاجات مش عارفها
انا قريت التلات اجزاء بتوع مدارس مدارس صفحة صفحة وقدرت اعرف افضل مدارس من وجهة نظرى بس مش عارفة اختار بينهم ومحتاجة رايكوا ضرورى
وعندى شوية استفسارات

-انا عاوزة احسن مدرسة فى منطقة المريوطية او المعادى او الهرم
-ممكن توصل المصاريف 15.000

1- عاوزة اعرف النظام الناشونال افضل ولا السيمى انترناشونال ولا الانترناشونال ولية؟
2-نظام الانترناشونال والسيمى انترناشونال فية اهتمام بالعربى والدين ولا لا؟
3- نظام السيمى انترناشونال هو عبارة عن منهج الناشونال بس مادة الانجليزى بنظام الانترناشونال صح كدة ولا اية
4-عاوزة اعرف سن دخول المدرسة فى مصر يعنى ممكن ابنى يدخل بيبى كلاس وهو عمرة3.10سنين ويدخل كجى1 وهو4.10
ولا لا
5-ممكن لو دخل نظام سيمى انترناشونال ممكن يحول بعد كدة للناشونال

عايزة ارتب المدارس دى من الاحسن للاسوء ورايكوا فى كل واحدة
-بالنسبة ليا انا اقرب مدرسة منى هى ايجيبت دريم اللى فى منيل شيحة رايكوا اية فيها والمنهج ومستوى اللغة بس لو فى افضل منها يكون احسن
المدارس اللى عاوزة رايكوا فيها هى
1-new horizon,ومصاريفها12.000او 13.000 ناشونال وانترناشونال

2-knowledge valley مصاريف11.600+2300باص انترناشونال

3-ايجيبت دريم منيل شيحة 6.000+1200باص ناشونال

4-سوبر جلوبل13.000+7.000انشاءات سيمى وانترناشونال

5-علوى 6.700+1.700باص مش عارفة نظام الدراسة

6-دايموند مش عارفة

7-رويال هاوس اكاديمى 5000+1000باص مش عارفة الدراسة

8-البشاير مش عارفة

9-نارمر المعادى10.000ومش عارفة النظام
10-مودرن نارمر الدقى مش عارفة

-ممكن تقولولى على الاسعار والانظمة اللى مش عارفها
-وعايزة اعرف رايكوه فى ايجيبت دريم لانها اقرب واحدة
-وعن سوبر جلوبل ورايكوا فيها والمنهج والدراسة واللغة وهل النشاطات اللى فيها ليها رسوم لوحدها ولاضمن رسوم المدرسة
والنبى ساعدونى انا بقالى عشر ايام ما بنمش وانتوا بس اللى هتقدروا تساعدونى
انا عارفة انى سالت كتير بس كلها اسئلة مهمة عايزة اعرف كل حاجة علشان اختار صح
لو سمحتوا رتبولى المدارس وقولولى لو انتوا مكانى هتختاروا اية
اى حد عندة معلومات يرد عليا وخصوصا
ايمو
ام مريم 2008
merehan
bent masr
لخبرتهم الواضحة والف الف شكرررررر
وفى حد يعرف حاجة عن مدرسة اجياد اللى فى المعادى يارب يسعد اللى تساعدنى

حد عنده فكرة عن مدارس الالسن كنت بقرا علي النت علي الفيس بوك انها حلوة بس مصاريفها كتيرة

شكرا كرانكى وكل سنة وانتى طيبة فى انتظارك حبيبتى وربنا يوفقنا جميعا للى فية الخير كنت عاوزة اسالك تعرفى حاجة عن مدرسة اجياد اللى فى المعادى

سمسمة المسمسة
حاولت ابحث لك عن مدارس ازهرية فوجدت : مكتوب عنها انها من احسن المدارس الاسلامية:

Tajan Azharian Language schools

التجمع الاول القاهرة الجديدة
Tel : 02 29283484 - 02 29283480 - 02 29283482 - 02 29283483

اسفة المدرسة الازهرية ل Lolymd
وميرهان كمان كانت بتسال عنها ..معلش اصل موضوع المدارس ده خلي عقلي يفوت

مدرسة اجياد
Agyad Language School
Address: الطريق الدائرى بعد كارفور , قطعة 4 بجوار بيتشو أمريكان سيتى
Tele: 29704476-29704478
Fees: about 5000
400 student only

سمسمة كان نفسي اساعدك بس معرفش عن المدارس دي اي حاجة بس كرانكي ان شاء الله تساعدك

Mamy Heba انا وجدت المدارس دي موجودة في المقطم بس بصراحة معرفش مستواها ايه ممكن النات يفيدوكي
بالنسبة لمدارس المقطم يوجد:

Mokatam Language School
Address: منطقة س قطعة7377 -المقطم
Tele: 25082082-25082782
Website: www.mokatamschool.com
Fees: about 5000 L.E.
…………………………………………………………………………………………………………………………………… …………………………..
Al Waha Language Schools
Address: لهضبة الوسطى -المقطم
Tele: 27270195-27270196
…………………………………………………………………………………………………………………………………… ……………………………
Nobel
Address : تقسيم هضبة المقطم
Tele: 25088413

سمسمة حبيبتى يصى انا اعرف ان ايجيبت دريم جميلة جدا وقوية كلغة ورويال اكاديمى بردة لان بنتى كانت فيها ودى تجربتى عنها لانها بصراحة كانت فوق الممتازة كلغة وتعليم وانشطة ومدرسة بلوم بردة فى الهرم وقبليها نولدج فالى بردة جميلة جدا وفيها تقريبا نظام اليوسى ماس وانشطة واهتمام بالدين واللغة لانى سالت عليها وايمو بردة ممكن تفيدك اكتر منى فيها لان ولادها فى المدرسة واتمنى ان اكون افدتك

جزاك الله خيرا kouky5
أنا هسأل فيهم إن شاء الله وادعولي ربنا يوفقني للي فيه صالح بنتي

مساء الخير كل سنة وانتم طيبين انا متبعاكم بس دى اول مره اكتبلكم
انا سمعت منكم اسامى مدارس كتير واستفدت متها قوى
بس كنت عايزه اسألكم ايه الفرق بين اللغات و الامريكان دبلوما و الانترناسيونال و السيمى انترناشيونال و ال يو سى ماس وايه احسن نظام فيهم و ال اى جى و ال ااى بى

المدارس الاسلامية :
مدرسة البشائر في المعادي
مدرسة الحياة وده الموقع بتاعها http://www.hayahacademy.com.
مدرسة جان دان امام الطريق الدائري لكارفور