اهلا بيكى loly md هو فى الزيتون مفيش مدارس كويسة اوى فى منارة الفاروق فى شارع عمار بن ياسر دى كويسة اوى واللى اعرفة انهم بيهتموا بالدين وفى الغد المشرق دى مدرسة ازهرى لغات بس دى فى التجمع بصراحة دى كل معرفتى اتمنى ان اكون افدتك

ربنا يخليكي يا حبيبتي وشكرًا ليكي جدًا أنا فعلا سمعت عن الاثنين وبفكر أروح أسأل فيهم
بس سمعت ان مدرسة الغد المشرق بتعمل امتحان في القرآن قبل التقديم لحد سورة الفجر وده كتير على طفلة لسة عندها 3 سنين ونص
حد يعرف الكلام ده حقيقي فعلا ولا لأ

شكرا كرانكى على ردك احنا كلنا فى نفس المشكلة انا اهم حاجة عندى انا عايزة اعرف مستوى الدراسة واللغة فى مدرسة سوبر جلوبل ولو ممكن تعرفلى اسم منهج الانجليزى ولو صحبتك عارفة مستوى المدرسة للسنين الاكبر اية اخبارها وتتاكديلى من حكاية فلوس النشاطات اكون شاكرة ومعلش كمان لو ممكن تعرفلى بيخدوا عربى ولا مفيش اهتمام بية وانا كمان بفكر انى ادخل ابنى سيمى انترناشونال بس اللى عرفتة انة عبارة عن منهج الناشونال بس مادة الانجليزى بتاعة الانترناشونال عايزة اعرف انا كدة فاهمة صح ولا لا
واية هو نظام اليوسى ماس
بالنسبة بقى للمدارس فى الامارات هى الاسعار فعلا غالية ودة سبب من اسباب نزولى لمصر
لو عايزة اى معلومات قوللى انتى هتكونى فى اى امارة وانا ااقولك افضل المدارس لانى بقالى فترة متابعة موضوع المدارس هنا اى استفسار انا ان شاء الله افيدك
وكمان فى موقعين كويسين هقولك عليهم
مفيد اوى
http://forum.uaewomen.net/showthread.php?t=34455
http://www.3roos.com/forums/t247391.html

كرانكى معلش هو فى امتحان لدخول المدرسة وهو عبارة عن اية ومصارفها كام بالضبط وفى فعلا سبع تلاف انشاءات وشكرا

ميريهان لو سمحتى ممكن ترودى علياااااااااااااااااااااااااااااااااا

كتبت بواسطة lolymd

أنا عارفة إني جديدةفي الموضوع بس أنا بقالي كتير أوي مشاركتش في المنتدى
بس عجبني الموضوع بما إني اليومين دول ملخومة جدًا في رحلة البحث عن مدرسة لبنتي
أنا نفسي في مدرسة تكون اسلامي أو أزهري لغات لو حد يعرف حاجة أنا ساكنة في الزيتون.
بالنسبة للحضانات أنا بنتي دلوقتي في حضانة رائعة في ألماظة اسمها صن شاين لو حد حابب يعرف معلومات عنها أنا في الخدمة
وفي حضانة حلوة كمان في مدينة نصر اسمها الشيماء في شارع متفرع من البطراوي

الاخت الفاضلة انا كمان ساكنة في الزيتون و لحد دوقت ابني في مدرسة النزهة فرع الحجاز احنا في اوى ابتدائي اول سنة لنا في المدرسة
كل اللى اقدر اقوله لك انها مدرسة علميا ممتازة عن حق مدرسين اللغة العربية و الانجليزي ممتازين كمان مشكلتى ان فيها شوية عنف بمعنى اني سمعت عن بعض حوادث الضرب من مدرسين القرآن او الدراسات الاجتماعية للصفوف الاكبر من اولى كمان مشكلتي فيها انها عربي ولغات وده مقلل من مستوى الرقي في السلوكيات للاطفال اللى بيحتك بيهم الولد كمان ما فيهاش حوش واسع ازو ملاعب. بس ادارتها محترمة جدا جدا جدا و العلم عندهم هو الاساس مش مسالة تجارة وخلاص زي مدارس كتير دلوقت. وربنا يوفقنا جميعا للخير.

العزيزة lolymd كمان كنت عاوزة اقول لك ان من مميزات النزهة بالنسبة لي ان حفظ القرآن بيتم في الحصة و مش الزام عليهم انهم يسمعوه عن ظهر قلب يعنى ما عنديش عبء اضافي في البيت من هذه الناحية لذلك انا شايفة انهم ممتازين من الناحية دي الطفل بيتعلم وبيسمع القرآن و انا باسمع ان فيه مدارس المنهج ده فيها بامتحان ودرجات وكده .

سمسمة انتى عايزة تعرفى اية انا مش فاهمة ياريت تقوليلة عايزة تسالى عن مدرية اية

كتبت بواسطة mrstamer

العزيزة lolymd كمان كنت عاوزة اقول لك ان من مميزات النزهة بالنسبة لي ان حفظ القرآن بيتم في الحصة و مش الزام عليهم انهم يسمعوه عن ظهر قلب يعنى ما عنديش عبء اضافي في البيت من هذه الناحية لذلك انا شايفة انهم ممتازين من الناحية دي الطفل بيتعلم وبيسمع القرآن و انا باسمع ان فيه مدارس المنهج ده فيها بامتحان ودرجات وكده .

أنا مش فاهمة يعني ليه مش إلزام عليهم يسمعوه عن ظهر قلب
بس على العموم أنا متشكرة جدًا على ردك السريع
ولو فيه حد يعرف حاجة عن معهد البخاري الأزهري الي في التجمع أو معهد الرحيق المختوم يا ريت يقولي

السلام عليكم ورحمه الله وبركاته
انا اول مره بشارك معاكم ومش عارفه اوصفلكم موضوع المدارس ده عملى ازعاج و تعب نفسى قد ايه! علشان مطولش عليكم انا نويت اقدم لبنتى فى المصريه للغات اللى فى التجمع الخامس بعد بكره ان شاء الله انا عملت انترفيو فى نفرتارى وقبلت الحمد لله بس حسيت انهم دباحيين اوى فى الفلوس ولقيت انى هدفع لبنتى حوالى 18 الف فى ناشيونال و بصراحه حرام دا غير انهم بيجبروكى تدفعى الادميشن اخر يوم 12-3 ودا استهبال طبعا
و ناس رشحتلى جرين هايتس بس قلقانه منها , انا بقدم لمرحله kg1
وكنت مقدمه فى mes بس صرفت نظر .(modern education school
سؤالى هو حد يقدر يفيدنى فى New Ramsis Colleage اللى هى فى غمره بس المشتركه مش البنات بس؟ يعنى مميزتها عيوبها او المصاريف لانى كمان سمعت ان الدخول بواسطه و هل دا صح ولا غلط؟وطبعا نظام التعليم عندهم؟
واللى حابه تسأل عن حضانه حلوه انا بنتى فى Big Bird اللى هى قريبه من السراج مول -مدينه نصر
بصراحه اكتر من ممتازه.