اللى أعرفه انها حوالى 3500,و الله أعلم

الى بنت مصر , انا سعيدة عشان وجدت ناس ممكن الواحد ياخد منهم خبرة بجد. انا عرفت من موضوع(مدارس مدارس) انك مدرسة فى مدرسة المصرية و كمان اولادك هناك. اتمنى تعرفينى اكتر على المدرسة عشان ابنى السنة الجاية هيكون ان شاء الله KG1 . مرسى امى

والله كلنا محتارين في اختيار مدرسة كويسة بس انا طبعا بافضل اللغات هي المستقبل الخاص ده كان علي ايامنا بس يا ريت يا بنات حد يفيدني اللي يعرف مستوي مدرسة القنال اللي في المعادي يقولي انا ساكنة في المعادي بس للاسف المدارس كلها غالية اوي عليه والقنال الوحيدة سعرها معقول جدا وفيكتوريا كوليدج سمعت انها كويسة بس بتاخد من سن كبير اوي ممكن يوصل لخمس سنين وده كتير اوي وياريت يا بنات تفيدوني في مدارس الدقي انا سمعت ان مستواها ممتاز واسعارها كمان معقولة وينفع اقدم لبنتي في مدارس الدقي وانا ساكنة في المعادي ارجوكو فيدوني انا محتارة اوي

اخواتى الكرام
كلكم بتقولوا ان مدراس الراهبات مستواها جيدجدااا بس انا اقلق ادخل ابنى مدرسه راهبات عشان سمعت انه فى تفريق فى المعامله دى نقطه النقطه التانيه ان الطفل بيتعلم سلوكيات الديانه المسيحيه حتى لو انتى علمتيه بس الغالب عليه طبعا اكتساب كل شىء من المدرسه
لانه بيتاثر بيها عن البيت كمان ولا ايه رئيكوا؟
طيب ايه رئيكوا فى مدرسه طلائع الكمال الاسلاميه انا فى ناس كتير قالتلى عليها انها ممتازة وسعرها كمان ممتاز ومستواها العلمى والدينى بيهتمواجداا بالدين الاسلامى فايه رئيكوا؟
وليه سؤال هل تفضلوا الطفل يدخل المدرسه من الكى جى وان ام البيبى كلاس لان ناس بتقولى حرام تتدعى مصاريف كتير والطفل بيلعب وبس فى البيبى كلاس وديه حضانه افضل لغايه الكى جى وان فايهما الافضل ؟؟

السلام عليكم و رحمة الله

حبيت بس اقولك عن تجربتي مع بنتي علشان متحتاريش , أنا في الأول كدة كنت زيك و كنت عاوزة أدخلها بيبي كلاس بس الظروف منعتني و عسى أن تكرهوا شيئا" و هو خيرا" لكم.....
حفظتها قرآن و علمتها الحروف و الأرقام و الألوان و كل دة و كنت بجبلها كتب الأطفال و بفتحلها مواقع تعليمية على النت و كانت بتبقى مبسوطة أوي , صحيح أنا تعبت معاها السنة دي موووووووووت بس الحمد لله جه بفايدة , و دخلت السنة دي KG1 بصراحة متعبتنيش خالص بتعرف تكتب كويس و عارفة كل حاجة بتاخدها و دلوقتي كمان بتقرأ أي كلمة سواء عربي أو إنجليزي ......... فالمهم هو الأساس و أنا من رأيي إن البيت هو الأساس في كل حاجة سواء التربية و الدين أو التعليم

و ربنا يباركلنا في أولادنا جميعا" و يجعلهم الذرية الصالحة

حبيبتى ام حمزة مشكورة على ردك وفعلا عندك حق البيت هو الاساس
انا بعمل زيك بفتح مواقع وبعلم ابنى عليها وبيكون مبسوط كتير بس بيقطع الكتب ويشخبط عليها
عشان كده وديته حضانه عشان يلتزم شويه بس هو مش حببها خالص ومش عاوز يروح مش عارفه اعمله ايه؟

بجد انتو بتتكلموا فى مسالة مهمة وواضح انها مشكلة عامة

انا نفسى تساعدونى عاوزة مدرسة لغات مستواها كويس وسعرها معقول مع العلم انى ساكنة فى الهرم بليييييييييييييييييييييز افيدونى وجزاكم اللة خيرا

بجد انتو بتتكلموا فى مسالة مهمة وواضح انها مشكلة عامة

انا نفسى تساعدونى عاوزة مدرسة لغات مستواها كويس وسعرها معقول مع العلم انى ساكنة فى الهرم بليييييييييييييييييييييز افيدونى وجزاكم اللة خيرا

اية ياجماعة محدش رد عليا بخصوص مدارس اللغات فى الهرم

كتبت بواسطة batatam3sla

اية ياجماعة محدش رد عليا بخصوص مدارس اللغات فى الهرم

حبيبتى سورى كنت بدورلك على اللينك اولا اهلا بيكى معانا انا زيك بدور لسه
وحتاره مابين التجريبى واللغات ومش عارفه الفرق ولسه ماوصلتش لقرار بس استفدت
من الموضوع ده جداااااااااا وهتلاقى فيه مدارس كتير فى الهرم باراء الناس اللى اولادهم فيها
http://www.lakii.com/vb/showthread.php?t=529934
اتمنى انى اكون افدتك