للبحث في شبكة لكِ النسائية:
|
السلام عليكم
اختى حابه استفسر عن مدرسه الطلائع انا ابنى هايكمل ال3 سنين شهر 8 2009 ياعنى فى شهر 10 2010 هايكون عنده 4 سنين وشهر ونص اعمل ايه ادخله بيبى كلاس امتى وهل ممكن لو دخلته بيبى كلاس السنادى يدخل كى جى وان السنه الجايه مرتاح وكنت عايزة اعرف المصاريف كام بالظبط بالنسبه للبيبى كلاس وكى جى
معلش بتقل عليكى كنت عايزة اعرف فى باصات بتوصل المطريه ومصاريف الباص كام
معلش ممكن تقولي مدرسة طلائع الكمال مكانها فين في الهرم
ربنا يوفقك للاختيار الصح انشاء اللة
انا رائيى انة لسة صغير ممكن تدخلية اى حضانة عادية بدل ماتدفعى ليك 2000 والا2500 مصاريف وباص فى تمهيدى
وما لهاش لزمة خالص لان فى كى جى وان السنة كلها بياخدوا الحروف والارقام وبيحفظوا كلمات بس طبعا شفوى
انا ابنى دلوقتى فى كى جى وان وخلاص السنة الدراسية قربت تخلص وبياخدوا لسة فى الحروف
هو كان فى حضانة عادية السنة اللى فاتت وتقريبا كل الحاجات اللى اخدها فى المدرسة السنة دى كان واخدها قبل كدة غير طبعا
الكلمات الجديدة
ابنى فى مدرسة لغات وبفكر انقلة بس هشوف لسة بفكر على فكرة احنا قريبين من بعض انا ساكمنة فى مصر الجديدة
بالنسبة لمدرسة النزهة وحشة جدا ناس كتير كنت اعرفهم قالولى عليها كدة وكنت اعرف واحدة ولادها كانوا فيها ونقلتهم الفاروق
لو تسمعى عنها
واى سؤال تحت امرك
بصى يا بوسى
أنا هارد عليكى عن تجربة عشان الكلام كتر فى الموضوع ده
أنا كنت فى واحدة من أشهر مدارس الراهبات و هى مدرسة راهبات الأرمن الكاثوليك(اسم يخض,مش كده) و اخواتى الولاد كانوا فى مدرسة رهبان..........
أولا الحمدلله أنا مامتى محجبة من ييجى 30 سنة....!!!!!!!!!!عادى مافيش مشاكل مع المدرسة
أيوة المدرسة كان فيها كنيسة لكن تصدقى انى لغاية دلوقتى ماعرفش مكانها!!!!!!!!!!!!!!!!! لكن أعرف كويس مكان الجامع عشان كنت بأصلى الظهر كل يوم أنا و صاحباتى فى المدرسة
أيوة الادارة راهبات,لكن مالهمش دعوة بالتعليم.........أساساً الوكيلة و كتيييييييييييييييييير من المدرسات كانوا محجبات.عمرها ما حصلت ان حد كلمنا عن الدين المسيحى.
احتفالنا بأعياد المسيحيين كان اننا بناخد اليوم ده أجازة....بسسسسسس!!!
كان فيه بنات كتير من الطالبات محجبات.....ماحدش عمره قالهم أى حاجه
ده غير ان التربية و الأخلاق لا توصف.....يا بنتى أنا فى شغلى دلوقتى لما يشوفوا منى التزام أو شغل ممتاز,يقولولى أيوة....تربية أرمن!!!!!
ما كانش ممكن أبدا بنت تسيب شعرها أو تنزل قُصه.....الجيب لازم تحت الركبة و الشراب طويل....اللبس و الجسم نظيف...و الله كانوا بيتابعوا اذا ضوافرنا طويلة ولا مقصوصة!!!!!!!
بجد بجد بجد.........عمرى ما حسيت بأى تأثير على دينى بسبب المدرسة,بالعكس..........الالتزام الشديد فى المدرسة كان بيكمل الالتزام اللى فى البيت.
أنا بس مش قادرة أودى أولادى المدارس دى دلوقتى لأنهم بياخدوا سن كبييييييييييييييييييييييير و مستحرمة أضيع عليهم سنتين مثلاً
و على فكرة....أخويا كان فى مدرسة رهبان فرنساوى و دلوقتى ودى ابنه نفس المدرسة و البنت مدرسة راهبات....و الاتنين بتجيلهم محفظة قران فى البيت .....يعنى الأولاد مش بيتنصروا ولا حاجه!!!!
طب عارفين بقى انه بسبب ان كان لى زميلات مسيحيات فى المدرسة,اتعلمت معنى احترام الاخر.....لكم دينكم و لى دين,مش الاسلام بيقول كده؟؟؟؟ احنا التعامل بينا كان فى حدود الدنيا,عمرنا ما اتكلمنا فى الدين
ده يا ستى ردى و عن تجربة!!!
و يا ريت ماحدش يزعل لأن دى تجربتى الحقيقية
آخر مرة عدل بواسطة bent masr : 26-03-2009 في 07:00 AM
فعلا انا بايدك فى رايك انا ابنى بردة مدرستة تبع كاتدرائية الكاثوليك
وهما فعلا بيعلموا الولاد الالتزام والادب الدين طبعا مش بيتكلموا فى سواء دين مسيحى او مسلم كلهم اخوات واصحاب اغلب فصل ابنى مسيحين واغلب اصحابة مسيحين حتى انا كنت بقولة صاحب على واحمد ومروان وكدة يعنى وبلاش التنين من تجربة واحتكاكة داخل الفصل فهمت انى مش هقدر اختار لة اصحابة على اساس الدين
لكم دينكم ولى دينى الدين بيتعلمة من البيت وهو الاساس فى معاملاتنا اليومية ومعرفة اداب دينة
والمدرسة للتعليم وبس بياخد فايدتها وخلاص
انا ناوية بامر اللة انى لو ربنا رزقنى ببت ادخلها راهبات بردة
انا مش بقول ان المدارس الاسلامية وحشة بس للاسف الشديد ما فيش اصلا انا اولا دورت على مدارس اسلامية او حتى ازهرية لكن مستوى التعليم واللغات فيها بيكون ردئ بالذات عندنا فى مصر عكس الدول العربية اللى بيهتموا بالدين واللغات فى المدارس الانترناشونال
وانا اتمنى ان يكون فى مدرسة فيها شدة وصرامة واخلاق مدارس الراهبات وكمان تعليم دينا والقران والاحاديث
بس يا ريت ما حدش يفهمنى غلط طبعا تعليم الدين اهم من اى شئ لكن دة ممكن يتعوض فى البيت بتحفيظ القران والاحاديث والادعية البسيطة اللى بتتناسب مع سن الطفل
أحمدك يا رب..............
أم مغرم .....بجد أنا سعيدة بردك,سعيدة ان حد بيدى الأمور حجمها الطبيعى,
و لما الكلام يكون عن تجربة بيكون أصدق!!!!
انما انتى ابنك فى مدرسة ايه؟؟؟؟؟
السلام عليكم حبيبة تيتو
ممكن هتعبك شويه حاولي هاتلنا عنوان او تليفون مدرسة طلائع الكمال
وكمان معليش ربنا يكرمك ممكن تقوليلنا هل الدراسة فيها كويسه ومستواها ايه دراسيا
اه انا عايزه فرع الهرم وجزاكي الله كل الخير
شكرا ليكى بنت مصر يعنى احنا طبعا مش بنقول انهم ممتازين فى كل حاجة اكيد طبعا الدين عندنا اهم بس هو دة الخيار الموجود ادامى على الاقل انا دورت ودوخت واللة على مدرسة اسلامية يتوافر فيها اى شروط اى ام بتحتاجها
اولا طبعا التعليم والالتزام واللغات تكون كويسة وانا كمان عندى رائ ان احسن تكون المدرسة قريبة من البيت افضل للطفل اقرب ما يمكن طبعا لان الباص دة نصيبة لوحدة وتاخيرة بلوة بنت عمت ابنى تخيلى بتنزل الساعة خمسة ونص الصبح وبتيجى اربعة او ساعات اربعة ونص يعنى البنت يا عينى بتيجى مقتولة يدوب تنام لتانى يوم مع ان مدرستها مش بعيدة اوى بس لف الباص مشكلة انا ابنى بينزل 8 الاربع وبيجى الساعة واحدة
وعلى فكرة ابنى فى مدرسة سان جورج
واللة انا بتمنى انى طبعا الاقى مدرسة تكون اسلامية وانا انقلة تانى يوم بس للاسف المدارس اللى عندنا فى مصر قليلة جدا وتلاقيها بقى فى التجمع وكدة القاهرة الجديدة والمدن دى لكن المطر يركب الصعب
قوليلى عندك فكرة رنج مصاريف راهبات الارمن بكام
الروابط المفضلة