ضرورى جدا**** عايزة أعرف المدارس الكويسة بمدينة نصر

السلام عليكم ورخمة الله وبركاتة


ساعدوني ارجوكم اريد ان ابحث لابنائى عن مدرسة عربى مستوى رفيع كويسة بمدينة نصر القاهرة



واتمنى يكون عندكم دليل بأفضل المدارس ومستوى التعليم بالمدارس


ومستوى المدرسين بها


مع خالص تحياتى

معقول مفيش حد عايز يرد على موضوعى

بصي حبيبتى انا لسة شايفة الموضوع دلوقتى

بالنسبة للمدارس عربي مستوى رفيع في منارة القاهرة جميييييلة وكمان مدارس الرضوان الاسلامية الخاصة دول اسعارهم معقوولة الاولى في المنطقة السادسة في ورا مكرم عبيد ومدرسة الاولاد غير مدرسة البنات والتانية اللي هى الرضوان في الحى السابع عند الشبراوى
والاولاد منفصلين عن البنات بس ف نفس المدرسة

والاتنين حضانة ابتدائي اعدادى ثانوى

بصي قولي انتى فين بالزبط او عاوزاهم ناحية ايه وباذن الله افيدك ولو في اي استفسار بخصوص المدرستين اللي فاتو اسالى وانا في الخدمة ان شاء الله

كتبت بواسطة الشذى الفواح

بصي حبيبتى انا لسة شايفة الموضوع دلوقتى

بالنسبة للمدارس عربي مستوى رفيع في منارة القاهرة جميييييلة وكمان مدارس الرضوان الاسلامية الخاصة دول اسعارهم معقوولة الاولى في المنطقة السادسة في ورا مكرم عبيد ومدرسة الاولاد غير مدرسة البنات والتانية اللي هى الرضوان في الحى السابع عند الشبراوى
والاولاد منفصلين عن البنات بس ف نفس المدرسة

والاتنين حضانة ابتدائي اعدادى ثانوى

بصي قولي انتى فين بالزبط او عاوزاهم ناحية ايه وباذن الله افيدك ولو في اي استفسار بخصوص المدرستين اللي فاتو اسالى وانا في الخدمة ان شاء الله

مشكورة عزيزتى على المساعدة

بالنسبة لسكنى انا ساكنة خلف النادى الاهلى


ولو فى مدارس اخرى كويسة ياريت تدلينى بحيث انزل واسال وأشوفهم مرة واحدة

تقبلى تحياتى

السلام عليكم اختى الغالية.......

موقع:http://www.schools-in-egypt.com/

وده كمان :http://www.tasawak.com/Schools-Guide.asp
ده دليل المدارس المصرية حسب المنطقة التعليمية

وكمان واحد تالت:http://www.egyptschool.com/Governorates.aspده دليل المدارس حسب المحافظة


ادخلى المواقع دى هتفيدك كتيييير وربنا يوفقك

بصي على فكرة في مدرسة خاصة ناحية المنطقة العاشرة تقريبا كده اسمها الاورمان مانصحكيش بيها اطلاقا هى اسعارها رخيصة بس مستواها تعباااااااااااااان

في مدرسة اسمها الالسن في حى السفارات دى في ناس بيشكروا فيها اوى وبيئولوا احسن من الالسن الاولانية اللي هى ورا السرج مول كمان اللي اعرفه ان المنهل مستواها برضه مش اد كده خاااااااااالص
لكن بعدها بشوية في وحدة اسمها البيان مش عارفة صراحة هى عربي مستوى رفيع ولغات ولا لغات بس
بس بيقولوا برضو مستواها حلوو

هذا مالدى الان واذا افتكرت حاجة كمان بارجعلك ان شاء الله

اشكرك جدا اختى الغالية الشذى الفواح

بارك الله فيك

وجارى البحث