الجنادرية ... النجدة !!!

**معلمة طفشانة !** · 17-03-2008, 03:04 AM

السلام عليكم ورحمة الله وبركاته
هذي أول مشاركة لي معكم يا جماعة
وتكفووووون أبي مساعدتكم واللي راح تساعدني أبدعيلها ربي يفزعلها وينصرها ويسعدها دنيا وآخرة

ياجماعة بأيش ممكن أشارك في مدرستي في برنامج الجنادرية

يعني هم انتهوا من إعداد البرنامج والفقرات ما باقي شي !!!!

بس أنا ودي أشارك لأني ما شاركت في أي نشاط من أول السنة

ساعدوني أرجوكم ما عندكم فكرة حلوة ؟؟؟

اش رايكم لو إني أوزع هدايا ؟؟؟؟

بس مو عارفة ايش أجيب والله

الله يسعدكم يااارب إنكم تساعدووني

وشكراً لكم

**ريتاج1405** · 17-03-2008, 04:26 AM

والله باسال اختي الي بالمدرسة بكرة وبرد بس انا شفتها تسوي هدايا ومسابقات والهدايا عبرة عن سلال صغيرة من ابو ريالين وحطت فيها كيس صغير حنا وكيس فيه ثلاث حبات معمول(بخور) وعلك سوت حوالي 9 علب وسوت مسابقة عبارة عن اسئلة في الامثال الشعبيه ومعانيها وكلمات قديمه ومعانيها وتقول استاذتها بتجيب سلة كبيرة فيها حلويات قديمة من العويس والمعيقليه اذا انت من الرياض هذا الي عندي بس بسالها وارد لك اختي

**معلمة طفشانة !** · 17-03-2008, 01:35 PM

يا شيخة الله يسعدك سعادة الدارين والله العظيم إنك جبتيها

حلوة جداً الفكرة حقة الحنا وكل شي

شكراً شكراً شكراً يا أحلى ريتاج بالدنيا وترى إيه أنا بالرياض عطيني باقي العلوم

والله يسعدك يا أختي مرة شكراً

**ريتاج1405** · 18-03-2008, 02:50 AM

الله يسلمك اختي انا سالتها و قالت لي اشياء عاديه تمثيل و اناشيد ومسابقات وهذا الي عندي كان ودي اساعدك اكثر بس هذا الي عندي والله

**امليتو** · 18-03-2008, 10:20 AM

انا عندي اقتراح :
اعملي كتيب تكلمي فيه معلومات عن الجنادريه , ومتى بدات , الاشياء الموجوده بيها
مع صور تراثيه, مع بعض صور من الاشياء الاثريه
ووزعيه

**never mind** · 19-03-2008, 01:36 AM

اذا تبين شي حلو روحي تمور الصالحيه

تلاقي عندهم معمول هم هم موزع بعلب كرتون صغيره حلوه كثير و دلع

لكن شوي مكلفه اذا بتاخذين كميه

وفيه بعد ركن القصيم حاجاته حلوه و شعبية

وممكن تشترين اوتوجراف كبير و تغلفيه بزينه تراثيه

و تطلبين من الكل كتابه كلمه بمناسبة اليوم و التوقيع وقدميه للادارة طبعا

وممكن تحطين صور للملك و ولي العهد و العلم السعودي و بعض التراثيات مكان الدفتر يعني ديكور

وعالجنب حطي دلة قهوه يم يم و صحن تمر و معمول قدمي منه للي تكتب

هذا ما جادت به قريحتي