ممكن مساعده من بنات مكه

السلام عليكم ورحمة الله وبركاته
اخواتي العزيزات الي في مكه
اتمنى منكم انك تساعدوني
ابغى ااعرف ايش احسن مدرسه تنصحوني بيها ابتدائي بنات في مكه
انا صراحة مني من مكه بس متزوجه وعايشه فيها
عشان كدا ماعندي خبره باحسن المدارس الخاصه
والمدرستين القريبه مني هيا
صروح االتربيه الحديثه
مدارس الفضل الاهليه
وياليت تكون في الستين او النزهه
وعشان التسجيل بدا خلاص
فاتمنى ممن لديها معلومات ان تفيدني
واكون شاكره لها
وانا في انتظار ردودكم

وعليكم السلام ورحمة الله وبركاته

اتمنيت أقدر أساعدك، بس للأسف ماأعرف مدارس مكة ..

إن شاءالله يكون في أخوات من مكة، ويفيدوكِ ..

تسلمي الله يخليكي


بس معقول مافي ولا احد من مكه يعرف
من جد يابنات ساعدوني
ولا تبخلو عليا

وعليكم السلام ورحمة الله وبركاته

حياك الله بمكة


أختي تُدرس بثانوية الفضل


البشرى الإبتدائية أعرف وحدة بناتها فيها بس ما أعرف عن طبيعتها

تسلمي عزيزتي ام المقداد
ان شاء الله اسال عن مدرسه البشرى
بس انا بنتي دحين تدخل الابتدائي
اشكرك على المعلومات
الله لا يحرمني منك

السلام عليكم ورحمة اللة وبركاتة تحية طيبة للجميع
[QUOTE]
انا من مكة طبعا هناك العديد من المدارس في مكة أذا كنتي تريدين الخاصة فهناك مدارس شعاع المعرفة في الرصيفة ممتازة أما مدارس تحفيظ القران هناك الدوحة والصديق جدا ممتازة الاخيرة في التدريس ، اما البشرى فكثير لايشجعون البشرئ والله اعلم
[/
وباللة التوفيق للجميع

تسلمي يا عيوني
مرررررررره شكرا
طب محد يعرف شي عن مدارس صروح التربيه
الي تعرف تقولي
ولكم مني جزيل الشكر

السلام عليكم ورحمة الله وبركاته
حبيبتي .. انا من مكة لكن ما اقدر اقول هذي المدرسة تمام او لا لان كل مدرسة لها محاسنها ولها عيوبها وما فيه شي كامل .. يعني فيه معلمات متفانيات في خدمة الطالبات وبالمقابل فيه معلمات ما يهمهم الا انها ماسكة وظيفة وتاخذ راتب.. وهذا موجود في كل مدرسة بلا استثناءات
توكلي على الله حبيبتى وسجلي بنتك في اقرب مدرسة لك والله يوفقها ويحفضها لك
واسفه اذا كان ردي متاخر .. او ما فادك ..

لا بالعكس
اسعدني كتير ردك
وكلامك صحيح ان كل مدرسه لها سلبياتها وايجابياتها
ان شاء الله بسوي الخيره
وربي ييسرها
ان شاء الله

وعليكم السلاو رحمة الله وبركاته

أخيتي الكريمة ..
إن أردت النصيحة ..
فأنصحك بمدارس تحفيظ القرآن الكريم ..

من ناحية التدريس هي كبقية المدارس .. فيها المعلمة القدوة وفيها غير ذلك ..
لكنك ستسرين - بإذن الله تعالى - لمصاحبة ابنتك كتاب الله .. وستستفيدين أنت أيضا ..
وسترين بركة ذلك .. في وقتها .. وفهمها ..

ثم إن الحفظ جدا ميسر لهن ..
في السنوات الثلاث الأولى .. تحفظ ثلاثة أجزاء .. ( كل سنة جزء )
وفي الصف الرابع والخامس والسادس .. أربعة أجزاء كل سنة ..
ويكون سهلا عليها .. لأنها قد تعودت الحفظ .. وأتقنت القراءة ..
وفي سنوات المتوسط .. تكمل النصف الثاني من المصحف .. خمس أجزاء كل سنة

بعدها ستتوج وتتوجين بكرامة عظيمة ..
كم أتمنى أن تكون جميع مدارسنا تحفظ القرآن بهذه الطريقة ..
لتحيا نفوس أبناءنا وبناتنا مطمئنة .. بصحبة كتاب الله

آسفة على الإطالة ..
لكنني سعيدة جدا .. لأن بنتاي في مدرسة تحفيظ القرآن ..
وكل عام وأنا أتوق ليوم التتويج ..

بلغني الله وإياك .. وجميع من عبر من هنا .. في الخير الغاية ..
وجعلنا من أهل القرآن وخاصته