تسلمي كتير اختي جنة العباد، و لك جزيل الشكر woman_my man
و يا رب يوفقنا جميعا لمدارس تكون كويسة و تهتم بابناءنا صح

عزيزتى ميرهان فى التجمع في مودرن سكول والفاروق الاسلامية واسمع عنهم خير قولى ليه اكتر عن مدرسة النزهة

ماهى مودرن سكول هى مدرسة مصر2000 الحديثة ومدارس النزهة اعرف انها كوبسة جدا ليها فرعين واحد فى طريق مصر اسماعيلية وواحد فى ميدان الحجاز وبيطلع منها كل سنة الاوائل وعايزة تعرفى عنها اكتر ادخلى على جوجل واكتبى مدرسة النزهة للغات حيجبلك كل تفاصيل المدرسة بالفرعين بالصور وكل حاجة عايزة تعرفيها عنها

عزيزاتى تحياتى ياريت حد يفدنى عن مدرسة القديس يوسف اللى في العبور بالاخص الناحية التعليمية فى مدرسة لقيتها وانابدور في طريق مصر الاسماعلية اسمها بيونير وهي مدرستين في مدرسة الاول بيونير وهوللدبلومة الامريكية والثانىالرائد وهو للغات والمدرسة تانى سنة ليهاالسنةالجاية الى لفت نظرى فىها السعر بالنسبة للدبلومة وهو 6000 للكىجي ىزيد كل سنة 100 جنيه غير الباص طبعا السعر ده خرافى بالنسبه لاسعار باقي المدارس غير ان الميزة الاساسية انه تقريبا عاملين ميكس ما بين الدبلومة وبين اللغات العادى على حد معلوماتى يعنى بيخدوامنهج الدبلومة المعتاد اللى مفروض على حد علمي ان 90%منه شفوي مع النظام العادى التحريرى في مدارس اللغات +منهج قوي للدين وتحفيظ القران وهيئة التدريس انجليز ده في مرحلة الكيجي وباقي المراحل حا يكونوا مصريينوده طبعا مش ميزة اللى عايز يستفسر اكتر انا معايا نمرة صاحبها

نفس المشكلة عندى لان بنتى هتتم 4 سنيين الا 20 يوم فى شهر اكتوبر باذن الله

يعنى كدة كدة ضايع عليها سنة ....

ان شاء الله هقدم لها بيبى كلاس فى مدرسة كويسة علشان احجز لها مكان من دلوقتى

انا من سكان مدينة نصر و كتيير جدا شكروا لى فى مدرسة منارة الفاروق الاسلامية لغات

اللى ادام كلية الشرطة...انا روحتها هى بصراحة جميلة جدا من الداخل و الالتزام فيها

عالى للطلبة و المدرسيين بصراحة عجبتنى جدا جدا ....و خصوصا ان فيها تحفيظ قرأن

المشكلة ان عليها ضغط كبيير و بتاخد الكى جى من سن 5 سنيين على الاقل

و التقديم بدا فيها من اول شهر مارس

و فى كمان النزهة الدولية لغات فى مصر الجديدة فرع اللغات اللى فيها كان فى

طريق مصر الاسماعيلية...بس دلوقتى فتحوا فصول فى الفرع بتاع مصر الجديدة

و ربنا يوفقنا فى مدارس كويسة

ارجوكم ياريت حد يفدنى فى مدرسة مصر 2000 للدكتورة نرمين اسماعيل اللى فى القاهرة الجديدة لانى محتاجة لرايكم ضرورى وجزاكم اللة خيرا

عزيزتي ميرهان.. أعتذر عن التأخير ولكني سألت لك زميلاتي لو حد يعرف حاجة عن مصر 2000 وقالوا لي أن د/ نرمين إسماعيل كانت الأول مع واحدة اسمها رفيدة عسكر وبعدين انفصلوا وهي مدرسة كويسة على حد قولهم.. وعموما التجمع الخامس مشهور بأن فيه مدارس كويسة كتير .. ده كل اللي قدرت أحصل عليه من معلومات،ولو عرفت حاجة تاني أكيد هاقولك على طووووووووووووووووووووووووووووووووووووول... بس أنصحك أن تتوكلي على الله وتقدمي فيها..وإدعي لي ألاقي أنا كمان مدرسةلابني وتكون مناسبة .

شكرا جنة العباد يعنى الحمد للة مدرسة كويسة اصلى كنت قاقانى اوى عشان مش عايزة انقل البنت كل شوية من مدرس لمدرسة عشان نفسيتها مش تتاثر وان شاء اللة ربنا يكرمك وتلاقى المدرسة اللى تعجبك وربنا يوفقنا جميعا

ميرهان مدرسه مصر 2000 بقت اسمها مدارس د/نرمين اسماعيل علشان هيا انفصلت مع شركائها انا طبعا مش عايزه اغيرلك رايك بس عن نفسى سياسه د/نرمين اسماعيل لا تعجبنى نهائيا و انا بنتى فى مدرسه الفيوتشر اللى كانت تبع نرمين ودلوقتى اختها دينا و اداريا مش كويسين بالمره ارشحلك مدرسه نفرتارى هايله و هى على طريق الاسماعليه فى مدرسه اسمها مودرن سكول اوف ايجيبت 2000 دى اللى هايله بس للاسف مافيش تحويل لاكتمال العدد لو قصدك دىتبقى كويسه اوى اما بتاعت د/نرمين اسماعيل فلا انصحك بها انا اسفه بس لازم انصحك .
انا كمان ححول بنتى السنه دى و انشاء الله نحاول نساعد بعض

شكرا ايمو انا فعلا عملت مقابلة فى مدرسة مودرن سكول لكن فعلا مفيش مكان واحنا على قائمة الانتظار بس للاسف نفرتارى بعيدة على البنت عشان المشوار وانا بخاف من الطريق الدائرى خصوصا وانها طفلة وشكرا على نصحتك