جزاكى الله خيرا و ان شاء الله تلاقى مدرسه حلوه لبنتك
انتى ليه متدخليهاش مدرسه فى الدوله اللى انت فيها؟

انا هنا في السعودية و المدارس الحلوة يعني انترناشيونال اسعارها نار
اللي مستواها يعني هه بتبدأ من 7000 ريال، و الحلوة بتعدي ال 12000 ريال، ده غير باقي المصاريف اياها( باص و يونيفورم و كتب)

ده غير انا باباها مش مستقر في العمل اوي و ممكن ننزل في اي وقت فمش عايزة اعمل لها قلق في موضوع المدرسة ده شوية هنا و شوية هناك و تغيير كل يوم ده غير انه ممكن يعطلها سنة او حاجة

ربنا يسهل و الواحد يلاقي مدرسة كويسة يا رب

غاليتى رودى انا كمان زيك بدور على مدرسة كويسة وهو فعلا زى ما اروى قالتلك ان المدرسة اللغات الكويسة
تربويا وتعليما مش اقل من 6000جنيه

انا عجبتنى اووووووووى الغد المشرق والكل بصراحة بيشكر فيها اوى لقيت بيبي كلاس 3750 والباص (للمقطم عندنا)1800بس بصراااااااحة لما اتفرجت على المدرسو والانشطة و....و... قلت تستااااااهل جدااااا

بس هى في التجمع بالنسبة لك مش كويس انا عارفة بس اقصد ان كلام اروى تماام100% بصرااحة كفت ووفت

المهم ياستى انا اتصلت بيهم انهاردة بيقولولي ان التقديم عندهم فتح من اليوم وبيقفل حسب اكتمال العدد
لكن انا اخواتى اولادهم في مدارس تانية بيئولوا ان التقديم بيفتح من شهر3 ومنهم اللي قاللي شهر4 يعنى بيتهيالي حسب المدرسة وحسب مايكتمل العدد تقفل التقديم وفي مدارس بياخدوا الملف بعد نهاية التقديم ويحطوا الطفل في الwait list واذا فضل مكان او حصل اى تغيير بياخدوه


على فكرة سمعت برضه على البشاير دى بيقولو حلوة وصاحبه اخ محترم محافظ على المدرسة انها تفضل محترمة
هى تقريبا بنات بس ولغات فقط فيها قسم امريكان

تسلمي عزيزتي الشذى الفواح، طبعا الغد المشرق بعيد عني تماما، هي البشاير فين بالضبط بحيث اشوفها يمكن تنفع
و ربنا يعينا على المصاريف

بسم اللة الرحمن الرحيم
اعذرك فى مشكلتك لان المدارس دلوقتى صعب انك تلاقى مستوى كويس لكن بجد انا حقولك عن تجربة مدرسة رويال هاوس اكاديمى ممتازة جدا جدا انا بنتى كانت فيها بس عشان غيرت سكنى نقلتها وتعبانة جدا عشان مش لاقية مدرسة على نفس المستوى بجد مدرسة حلوة فى كل شئ ومش غالية جدا بس انشطتها ممتازة واللغة جامدة جدا لان مدرسينها اجانب ولو عايزة اى معلومات قوليلى وانا ادلك وممكن اكلملك حد فيها بس مش محتاجة لان ان شاء اللة يقبلوها بس الحقى قدمى دلوقتى

عزيزتي رودى عامله ايه احنا اتكلمنا قبل كده انا الى كلمتك عن مدارس الراهبات وسياستنا التعليميه الفاشله وانا زىك ما لقتش لسه مدرسه بس اتصلت بمددارس كتير وعرفت ان فى مدارس بدات من شهر 3 التقديم يارريت ياmerehan تقوليلي فين مدرسة رويال وكام مصاريفها كلها ونقلتي فين وبدوري فين لانى انا كمان حانقل و حانقل بنتى من مدرسة اخناتون الاى فى التجمعوهى حلوة اوى وعايزة كمان حد يفدنى عن المدارس الاى في طريق مصر الاسماعليه ومدينة العبوروخصوصا مدرسة النزهة ياريت حد يرد عليه

عزيزتي ميريهان هل الرويال هاوس اكاديمي هي الرويال اكاديمي اللي في الهرم؟
عزيزتي عبير ازيك انا الحمد لله و لسه بادور و لاني مش في مصر فالعملية صعبة شوية لكن ربنا يسهل ان شاء الله و الاقي حاجة كويسة و ربنا يعينك و تلاقي انتي كمان قريب ان شاء الله

مدرسة رويال هاوس هى بردة رويال اكاديمى على طريق المريوطيةواللة جميلة اوى هى كجى1 مصاريفها بالكتب يعنى من 4500 الى5000 والباص بيبدامن 1000 على حسب سكنك بس ورقمها33814376 وممكن تجيبى ناقى الارقام من الدليل ولو عايزة تعرفى حاجة تانى عنها قوليلى وانا نقلت فى التجمع الخامس وبنتى وديتها الاكاديمية العربية الدولية اما مدرسة اخناتون انا ماحبتهاش لان لقيت سلوك الاولاد مش حلو وبعدين فى الادارة التعليمية عرفت من ناس انها مش متقدمة اوى فى درجاتها اما مدارس طريق مصر اسماعيلية فى عندك النزهة حلوة اوى انا بردة فكرت فيها بس المشوار هو اللى قلقنى لانها لسة طفلة بس هى مدرسة حلوة اوى ورجاك كمان جميلة جدا ومينيسس بردة انا مشكلتى المشوار وعلى العموم لو عايزة اى حاجة تانى قوليلى ولو عرفتى مدارس تانى فى التجمع يا ريت تقوليلى عليها وربنا يوفقك

اشكرك كثيرا عزيزتي ميريهان، و ان شاء الله اول ما انزل مصر اروح اشوف المدرسة و ربنا يسهل

بالمناسبة انا اختي مدخلة ولادها في مصر الحديثة 2000 بالتجمع و بتشكر في مستواها و فضلتها عن الفيوتشر اللي في الرحاب و ربنا يوفقك ان شاء الله و يوفق كل الامهات في البحث عن المدرسة

السلام عليكم
انا عيشه فى الامارات و خلاص نزله نهائى ان شاء الله على شهر 6
و فى نفس المشكله بدور على مدرسه كويسه لابنى عنده 4 سنين بس انا سكنه فى اكتوبر
يريت تسعدونى و لو حد يعرف مدرسه كويسه فى اكتوبر وهل ممكن الائى مدرسه المانى
و جزاكم الله خير