كيف لازم تكون علاقة ................علشان مايكرهونك

مرحبا خواتي


حبت اطرح هذا الموضوع واتمنى نستفيد من بعض واعتقد انه هذه الموضوع يهم الكثير من المعلمات

طبعا اكيد التعامل مع طلاب وطالبات المرحلة الابتدائيه سهل



لكن الاصعب مرحلة الاعداديه والثانويه برايكم كيف نتعامل مع طالبات هذه المرحله الاعدادية والثانويه
خاصة انه في كثير من الطالبات متمردات واذا تعاملتي معاهم بشده راح يكرهونك ويكرهون المادة اللي ادرسينها


اتمنى تنتاقش في هذا الموضوع لان اشوفه مهم جدا

لا تكن لينا فتعصر ..
ولا صلبا فتكسر ..

إذا أحسوا انك أخت لهم وتخافين عليهم وتبغين مصلحتهم بيحبونك. قوليلهم أنا بسمعلكم وبنتكلم وبنضحك ويا بعض بس في المقابل لازم تعطون مادتي حقها وتسمعون كلامي اتفقنا. بعد ذلك نفذي كلامك عطيهم طلباتك وفهميهم شو تبغينهم يسوون وشو هو أسلوبك وبعدين اسمعيلهم واهتمي بمشاكلهم من غير ما تدخلين نفسك في مشاكل يعني إذا تكلموا عن مدرسه فلانيه تسوي شذي وشذي امدحي هذه المدرسه وبينيلهم ان هي تبغي مصلحتهم وساعديهم كيف يحققون اللي طلبته المعلمه ،أدري ان هذا مب سهل بس عشان تكسبيهم لازم يحسون انك مهتمه فيهم لكنننننن وقت الجد جد وقت الدراسه دراسه . ترى أنا درست المرحله الثانويه وأعرف مشاكلهم بس انتبهي ترى الإهتمام الزائد يخليهم يشذون يعني يحبونك بطريقه زايده عن اللزوم فاتنبهي.

طيب بالنسبه لرسائل الحب والاعجاب كي تتصرف المعلمه مع الطالبه اذا كتبت لها رسالة اعجاب وكانها رسالة غرام

انا اشوف هذه التصرف شاذ ومشكله الاهل مش متداركين الموضوع

أعتقد إذا كانت العلاقه بينكما تسمح بأن تنصحيها يمكنك فعل ذلك ومساعدتها على فهم طبيعة العلاقه بين الطالبه والمعلمه . يعني اطلبي منها انها تقابلك في مكان مثل المكتبه مثلا بحيث تكونون بعيدين عن الطالبات وبعدين تكلمينها بحنان بأنه لا يمكن كتابة هذه الأمور لمعلمه لأنها أنثى وأن المعلمه هي أخت أو أم للطالبه وما تخلينها تطلع إلا وهي فاهمه ،وبعدين لا تقسي عليها في الفصل أو تتجنبي التعامل معها عامليها كإنه ما صار شئ حتى ما تكرهك وتكره مادتك والمدرسه كلها.