اللي درست انجليزي للصفوف الابتدائية بمدرسة اهلية تدخل تساعد اختها ولها الاجرانشاءالله

**مدام عزيز** · 26-08-2006, 12:05 PM

بعد مافقدت الأمل بالتعاقد قلت يابنت مالك الا المدارس الأهلية ( الله يقطعها ) المهم كلمت مدرسة بجنب بيتي اروح لها على رجلي ( هذي ميزة ) بس الراتب فيها اقل من 1500 اعتقد 1400 والمراحل اللي فيها تمهيدي وابتدائي وصف واحد اولى متوسط
المشكلة هي اني شايلة هم مناهجهم احسها كثير مرة من اولى ابتدائي الى اولى متوسط غير التمهيدي اكيد فيه تحضير ووسائل وزحمة ( وللعلم ترا انا متزوجة وعندي بنت تجنن بلد )
قلت مالي الا خواتي الحواءات يساعدوني ويعطوني مشورتهم

اللي جربت التدريس بمدرسة اهلية تعطيني من خبرتها وشلون كانت تحضر لهم هل تحضيرهم ياخذ وقت وشلون تدريسهم يفهمون علي بسرعة ولا لا ومن تجيب وسايلهم التعليمية وللعلم ترا لي ثلاث سنين متخرجة يعني صرت مييييح نسيت طريقة التدريس
انا مايهمني الشغل بالمدرسة مستعدة اكرف بس اهم شي بالبيت ماانشغل كثير عن بنتي وزوجي لانه بصراحة معترض عالمدرسة الاهلية يقول ماتسوى بس انا ابغى الخبرة والفلوس

الله يوفقها ويرفع قدرها اللي تساعدني

**القلم الوردي** · 26-08-2006, 09:51 PM

::

هلا فيكِ مدام ع ــزيز

أنا مادرست بمدارس أهلية ولم أصل إلى التدريسـ

ولكن درست في الإبتدائي بمدرسة أهليه ,,

بالع ـكس أنا أرى معلماتنا مرتاااحين جداً ,, لأنه المناهج أسهل في الأهليه ,, وخاصه انهم

غيرو المناهج وصارت موحده ,, يعني المدارس الحكوميه والأهليه كلهم سواااء

بإمكانك استخدام صور ووسائل تعليمية كثيرة ليسـ لدي أي خبرة عنها

,,

أتمنى لكِ التوفيق

%%^^ همســه %%^^

غاليتي

( إنشاء الله ) لا تكتب هكذا

تكتب ( إن شاء الله )

كل الح ـــــــــــــب

::

**مدام عزيز** · 27-08-2006, 07:14 AM

اول شي ياقلبي شكرا على التنبيه
حبيبتي احنا دايما كنا شوف معلماتنا مرتاحين مع انهم كانو يتعبون بالتحضير والوسائل وانتي بتشوفين اذا صرتي تربية عملي او مدرسة
بس مافهمت عليك شلون المناهج موحدة اصلا المدارس الحكومية مافيها انجليزي بس سادس
سؤال اخير اش نوع الكتب اللي دستيها ممكن تعطيني اسمها

**القلم الوردي** · 27-08-2006, 05:20 PM

::

أنا قصدي انهم وحدو المناهج يعني صار منهج سادس بالأهليه نفس الي بالحكوميه

سؤال اخير اش نوع الكتب اللي دستيها ممكن تعطيني اسمها

الكتب قديمه جداً ,, أحاول أبحث لك عنها عند أختي

,, بس انتي تبين أي اسم وين يوجد بالكتاب ؟!!

لا تحرميني من دع ــواتكـ

::

**مدام عزيز** · 27-08-2006, 06:01 PM

مشكورة ياقلبي على اهتمامك اقصد اسم الكتاب اللي يكون مكتوب عالغلاف مااقدر اوضح اكثر لان فيه مدارس تدرس ال headway وفيه مدارس لا تختلف مناهجها انتو اي مدارس تدرسون

**مدام عزيز** · 27-08-2006, 06:06 PM

شكرا ياقلبي عالمساعدة وابشري ان شاء الله بالدعوة
انا اقصد العنوان اللي موجود عالغلاف فيه مدارس تدرس الheadway وفيه مدارس لا

بس ويييييييين البقية تراني انتظركم يابنات لا تخيبوني

**suenos** · 27-08-2006, 06:07 PM

انتي حطي في بالك اختي الخبره
لازم يكون لك خبره لا تقل عن 9 شهور
عشان يحسبوها لك بالديوان وتتوظفي بسرعه هذا واحد
الشي الثاني راح يكرفوك اكيد
24 حصه ويمكن مناوبه ويمكن ادارة فصل ويمكن اذاعه
بس اصبري على الأقل تسعه شهور..بعدين قوليلهم مع السلامه
ثالث شي الوسائل راح تتعبك اول سنه بعدين استخدمي وسائلك القديمه
ونصيحتي لا تسوين لوحات وقرف سويها كلها بالبوربوينت وبعدين اعرضيها بالداتا شو وريحي راسك
البنات راح يحبوها خصوصا لو حطيتي معاها اصوات مؤثرة
اذا كان الموضوع عن مكه ممكن تحطين الاذان من المسجد الحرام
في بدايه الحصه راح ينجذبون لك اكيد
اذا كان عن الطبيعه ممكن تحطين صوت عصافير مطر حيوانات
كل على حسب الموضوع
هذي ماتسويها الا بالبوربوينت
وتراها ماتاخذ وقت
انا الترم اللي راح سويت بحث كامل عن طريقه والله ما اخذ مني نص ساعه
وتقدرين تحضرين حق الاسبوع كله يوم الخميس وتتفرغين لبنت وزوجك باقي الاسبوع
ولو انا بدالك والله ما افوت الفرصه...اهم شي تاخذين الخبره
ولا تفكرين كثير المرحله الابتدائيه محد راح يحاسبك ويقول ماتشرح زين ومن هالكلام
لأن أولياء الأمور مايهمهم الانجليزي مدام انه مو ماده اساسيه
بس اهتمي بسادس وأول متوسط زين
على فكره انا ماني مدرسه ولا شي يمكن اكون غلط ويمكن صح عاد انتي ادرى
هذا اللي عندي والله يوفقك

**مدام عزيز** · 28-08-2006, 12:30 PM

ياقلبي تسلمين والله على ردك الحلو
بس احس ان البور بوينت ياخذ وقت بالنسبة لثمانية مناهج كثيييييير كل شوي اسوي لواحد
بس عالعموم الف شكر ياعمري

انتظر البقية وين المجرببييييييين

**المها للتصميم** · 01-09-2006, 05:13 AM

السلام عليكم
أنا مع إختي Englishstudent كلامها صح مية بالمية
وهذا اللي تطبقه كل المدراسات...يعني مافيه نصائح جديدة..خصوصا للمرحلة الابتدائية أهم شي بالنسبة لهم..أوراق العمل..سوي أوراق عمل قد ماتقدرين..وصدقيني راح يطوكي بالسماء

مره معلمة سويت لها ملف كامل لأوراق عمل.......... كيف كانت طريقتها:
طبعا ما طلبت دفتر للمادة وبدلته بملف بلاستيكي لأوراق عمل الطالبة...تقدري تقولي إنه صار كتاب تمارين كامل
طبعا صور توضيحية...للحروف تتعلق على السبورة...

أنشطة جماعية مثل درس الفواكه: جابت أوراق كبيرة عليه صورة نوع واحد من الفاكهة وإسمها بالانجليزية وعلقتها بشريطة على كل بنت..وكانت الفكرة العامة انهم في مزرعة فواكه...كان الدرس جدا ممتع لهم

يعني أفكار مثل كذه..