يا بنات ايه الفرق بين المدارس الخاصة اللغات والمدارس اللي تتبع المعاهد القومية وهل هي مدارس حكومية وهل بيدرسوا نفس منهج المدارس الخاصة ولا لا معلش انا لسه ماعنديش خبرة ياريت اللي تعرف معلومة تفيدنا ولها كل الشكر

انا مش عارفة بالضبط
كنت سمعت انها مدارس حكومية خاضعة لاشراف اجنبى
ولكن المهم انتى بتسالى على الفرق فى التعليم ولا المصاريف ولا ايه بالضبط
لان فى منها مدارس سمعتها كويسة ومدارس يعنى
تقبلى مرورى
شكرا

شكرا ليكي يا ام يوسف انا باسال علي مدرسة القناة بالتحديد اللي في زهراء المعادي وباسال بالتحديد عن اللغة فيها لو تعرفي يا ريت تفيديني وجزاكي الله خير

حياكِ الله ..

قد يفيدك هذا الموضوع، تفضلي:
http://www.lakii.com/vb/showthread.php?t=552205

بالتوفيق ..

ايه يا بنات ماحدش بيرد ليه علي الموضوع مع ان ماشاء الله القراءات كتير وماحدش بيقرا

انا زيك والله عايزه اعرف والله الفرق

مدارس المعاهد القومية هى مدارس كانت اجنبية تابعة لدول مثل انجلترا و فرنسا ثم بعد الثورة اصبحت تابعة للدولة , و لعدم قدرة الدولة على الصرف عليها و ادارتها احالتها الى جمعية تعاونية تديرها و لا تهدف للربح لكل مدرسة منها مجلس ادارة منتخب تابع للجمعية العامة للمعاهد القومية و عددها 38 مدرسة على مستوى الجمهورية فى القاهرة و الاسكندرية و الجيزة و بورسعيد
و الحمد لله اشرف بالعمل فى احداها فى الاسكندرية

ام مياده
انا من الاسكندريه ممكن تقولى لى انتى بتعملى فى مدرسه ايه وتكلمينى عنها وعن الكثافه
فى الفصول و مدى التعاون بين اداره المدرسه واولياء الامور
وعاوزه اعرف التعامل مع الاطفال بيكون بالانجليش زى المدارس الخاصه كده والنطق برضه شكله ايه
اسفه اذا كنت ازعجتك بس الموضوع مهم جدا

الحمد لله رب العالمين

اة فعلا ياام ميادة ياريت تفدينا وكمان تقوليلنا اية احسن مدارس قومية فى اسكندرية ؟