ملف شامل عن الحضانات في مصر

**amr_heshmat** · 29-04-2009, 07:21 PM

السلام عليكم يا كوكى
بجد موضوع متميز
كنت عاوزه اعرف حضانات كويسه بس فى محافظة سوهاج لانى هنزل مصر بعد شهرين وعاوزه اقدم لاولادى فيها وانا مااعرفش حضانات كويسه فيها لانى ماكنتش عايشه فيها من فتره
وشكرا

**kouky5** · 30-04-2009, 01:28 AM

كتبت بواسطة possy26

بصى يا كوكى انا لسة راجعة دلوقتى لما رحت مع ابنىاول لما دخل كان ماسك فية جدا وبعدين الميس قالتلو تعالى اديك بالونة راح لها ونسينى تماما وفضلت مستنية مسمعتوش بيعيط خالص ولا سال عنى اصلا وقعد يلعب بالالعاب ومع الاولاد وعلى فكرة انا رحت لقيت فى الحضانة اولاد حوالى 5 او 6 يعنى عدد كويس وبعدين مشيت وفضلت واقفة برة مسمعتوش بيعيط خالص فطمنت يبقى هو فعلا عايز الحضانة وعايزنى كمان لانة متعلق بية جدا ولاانتى اية رايك حتى المدرسة اللى كان بيقولى انها بتقولو انت مش هتروح عند ماما انا سمعاة كل شوية ينادى عليها ويخليها تعملة حاجة يعنى هو بيلعب بية ولا انتى اية رايك لو كان فى حاجة بتزعلة من الحضانة ماكنش هيعمل كدة وينسانى صح معلش انا طولت عليك جامد بس عايزة اسمع رايك

حبيبتي انا تحت امرك في اي وقت
انا حاسة بيكي اووي...لان ابني لما بيروح المدرسة فترة الصبح بتبقي الامور هادية بالنسبة لي وبعرف اركز مع ابني الصغير لكن يوم الاجازة ده بيبقي دمار وخناق طول اليوم
كمان الاولاد لما بيروحوا الحضانة بيبقي احسن ليهم ولكي انتي كمان ...انا حتي مش عارفة هعمل ايه لما ابني ياخد الاجازة من المدرسة
احسن لهم انهم بيتعملوا حاجات كتير وبيشوفوا ناس مختلفة ويكونوا صداقات وبيتظبتوا نفسيا واجتماعيا ..وبالنسبة لك ارحم انه يروح الحضانة لانه في البيت هيتعبك كتير وخصوصا اخته هيبقي عندها امتحانات فده هيعصبك اكتر...فخليه في الحضانة ده من رايي
وبالنسبة للحضانة بتاعته مادام هو مبسوط منها ومش بيعيط وانتي شفتي ده بنفسك فخليه فيها احسن اولا لانه اتعود عليها وارتبط باصحاب ومدرسات هناك
ثانيا محصلش منهم حاجة محددة او مشكلة بعينها تخليكي تنقليه
ثالثا لو غيرتي الحضانة برضه هيقلك نفس الكلام لانه واضح انه مرتبط بيكي اوووي ومش عايز يبعد عنك
رابعا لو غيرتي الحضانة هتعيدي القصة من اولها لانه هياخد وقت عقبال ما يتعود علي الجو الجديد هناك
اهم حاجة انك روحتي بنفسك وشفتيه مبسوط هناك وبيلعب ومفيش حاجة مضايقاه دي اهم حاجة...احنا كل اللي كان مخوفنا انهم يكونوا بيعاملوا الاولاد وحش ..وده شفتيه محصلش وكمان لاقيتي اولاد تانين في الحضانة وده كمان نقطة مهمة معني كدة ان فيه اقبال عليها مش زي ما كنا فاكرين
وربنا يوفقك حبيبتي ...وبعدين انتي لو هتقدمي له بيبي كلاس السنة دي يبقي استني خليه في الحضانة بتاعته ومتغيرهاش وتغير بتغير يبقي علي المدرسة علي طول علشان كتر التغير ما يؤثرش عليه
وممكن تبقي تلفتي نظر المدرسة بشكل غير مباشر كدة بلاش تقولو انك مش هترجع عند ماما لان الحاجة دي اكتر حاجة تخوف الاطفال من الحضانة او المدرسة

وربنا يحمي ولادنا ويصبرنا علي تربيتهم

**kouky5** · 30-04-2009, 01:45 AM

كتبت بواسطة lolo_kooky

اولا السلام عليكم ورحمه الله وبركاته اولا ربنا يجزيكي خير يا كوكي علي الموضوع ده بصو انا عندي مشكله باختصار ان ابني يعاني من فرط حركه وتشتيت انتباه وهو مرضADHDالمهم عشان مطولش عليكم هو كويس جدا وطبيعي جدا ماعدا مشكله واحده انه مبيتكلمش هو عمره 5 سنوات واحنا قاعدين في السعوديه وانا حاليا في مصر عشان بديله تخاطب المهم مش هطول عليكو اني لفيت بيه لدكاتره مصر تقريبا كلهم ولم اترك مجال الا وخضت فيه وكلهم اجمعوا انه مش محتاج غير تخاطب وتعديل سلوك وانه يشوف اطفال عشان يلقط
منهم كلام المهم هو ابتدي من شهور يقول كلمات ولكنه بيتكلم زي ما يكون الطفل لسه بيتعلم المهم انا كمان عملتله اختبار ذكاء وطلعت النسبه 90 يعني عادي معلش طولت عليكو المهم انا كنت سالت البنات في منتدي حواء والله يجازيها خير الاخت رشا ردت عليا انه في حضانه اسمها الحضانه الدوليه بياخدو زي حاله ابني وبيهتموا فيهم وانا ان شاء الله راحه بكره عندهم انا بس عاوزه اسال اذا كان حد عنده معلومات عن الحضانه هم ناس كويسين ولا لا لاني طبعا خايفه عليه هي بتشكرلي فيها هي قالتلي انهم ماديين بس في النظام والمعامله كويسين فيار يت اللي تعرف تقولي وجزاكم الله كل خير واسفه اني طولت عليكم وادعولو ربنا يشفيه

لولو كوكي ربنا معاكي الموضوع ده عايز صبر بس دايما بسمع من الدكاترة في التلفزيون ان الاطفال بيحققوا تقدم كبير جدااا لما بيعملوا جلسات تخاطب وبيقعدوا مع دكتور متخصص واطفال تانين ده كله هيفرق معاهم وبيجيب نتائج حلوة اووي

بالنسبة للحضانة الدولية لو قصدك علي اللي شارع هشام لبيب في مدينة نصر انا كنت شفتها من مدة يمكن سنتين هي حلوة من جوة والمديرة شكلها شديد والنظام حلو ...بس معرفش دلوقتي ايه النظام لاني قريت علي الفيس بوك ان المديرة اتغيرت واللي جت مش قوية زي المديرة اللي قبلها بس برضه تعتبر كويسة لكن مش قوية زي الاول ...والله اعلم لان ده كانت واحدة كاتباه علي الفيس بوك وانا معرفش

في معهد حلو اسال فيه خاص بكل احوال الطفل النفسية والاسرية واعتقد كمان فيه جزء عن التخاطب علي ما اذكر اسمه معهد دراسات الطفولة جامعة عين شمس خلف كلية تجارة
24016749 - 24016742 - 24016517 - 24016513
ممكن تسال فيه برضه وربنا يوفقك يارب

**kouky5** · 30-04-2009, 01:59 AM

كتبت بواسطة dodo4

السلام عليكم ورحمة الله وبركاته
ممكن استفسر اذا حد يعرف حضانه نتهتم بتحفيظ القران فى مصر الجديدة
جزاكم الله خير

اهلا دودو انا معرفش حضانة معينة بس ام فريدة كانت بتقول علي حضانة ممتازة في مدينة نصر اسمها جني دان

بالنسبة لمصر الجديدة فيه جامع ابو بكر الصديق في مساكن الشيراتون بيعمل دورات تحفيظ قران للاطفال ممكن تسالي فيه

**kouky5** · 30-04-2009, 02:01 AM

كتبت بواسطة amr_heshmat

السلام عليكم يا كوكى
بجد موضوع متميز
كنت عاوزه اعرف حضانات كويسه بس فى محافظة سوهاج لانى هنزل مصر بعد شهرين وعاوزه اقدم لاولادى فيها وانا مااعرفش حضانات كويسه فيها لانى ماكنتش عايشه فيها من فتره
وشكرا

اهلا بيكي ...وشكرا علي تشجيعك
انا اسفة معرفش حضانات في سوهاج بس ان شاء الله البنات يفيدوكي

**amira_mohamed** · 30-04-2009, 10:48 AM

انا يا جماعة عندي عبد الرحمن عمره سنتين و نصف و انا شغلي في مدينة نصر و كنت عايزة اوديه حضانة كويسة انا شغلي خلف طيبة موول و سكنة في زهراء مدينة نصر..و كنت الفترة الي فاتت دي كنت بوديه عن حماتي في جسر السويس متخيلين المشوار طبعا كل يوم...و انا عايزة استقر بقي و خايفة من موضوع الحضانة ده لحسن الولد ميتبسطش او يكون صغير مع العلم انه لسة مألعش البامبرز 100% بس بحاول معاه بصراحة..و كمان متعلق بيا قوي ..و كمان انا سألت في كام حضانة كده بالتليفون و مستبشرة خييير ..لكن في قلبي مخاوف كبيييرة قوي علي الولد..و نفسي برده يتعلم حجات جديدة و يكون صداقات و يتعلم ..حاجة محيرة جدا
بس انا هنزل اسأل ان شاء الله انا و جوزي و نشوف الحضانات ايه نظامها
بس السؤال المهم بقي الي عايزاكو تساعدوني فيه...ازاي احكم علي الحضانة دي ان كانت كويسة و لا لأ....ايه هي المقاييس الي احكم بيها اول ما اروح و ادخل الحضانة ؟؟
كمان هل لو استنيت لما عبد الرحمن يتم 3 سنين في شهر 11 و ادخلة بابي كلس baby class يكون احسن و لا ايه رأيكو؟؟؟

**Jasy** · 30-04-2009, 11:59 AM

**Jasy** · 30-04-2009, 12:12 PM

يا ريت طبعا تعملوا داونلود للصفحة او تحفظوها عندكم و لو مش واضحة اعملوا زووم

**Jasy** · 30-04-2009, 01:07 PM

كتبت بواسطة kouky5

لولو كوكي ربنا معاكي الموضوع ده عايز صبر بس دايما بسمع من الدكاترة في التلفزيون ان الاطفال بيحققوا تقدم كبير جدااا لما بيعملوا جلسات تخاطب وبيقعدوا مع دكتور متخصص واطفال تانين ده كله هيفرق معاهم وبيجيب نتائج حلوة اووي

بالنسبة للحضانة الدولية لو قصدك علي اللي شارع هشام لبيب في مدينة نصر انا كنت شفتها من مدة يمكن سنتين هي حلوة من جوة والمديرة شكلها شديد والنظام حلو ...بس معرفش دلوقتي ايه النظام لاني قريت علي الفيس بوك ان المديرة اتغيرت واللي جت مش قوية زي المديرة اللي قبلها بس برضه تعتبر كويسة لكن مش قوية زي الاول ...والله اعلم لان ده كانت واحدة كاتباه علي الفيس بوك وانا معرفش

في معهد حلو اسال فيه خاص بكل احوال الطفل النفسية والاسرية واعتقد كمان فيه جزء عن التخاطب علي ما اذكر اسمه معهد دراسات الطفولة جامعة عين شمس خلف كلية تجارة
24016749 - 24016742 - 24016517 - 24016513
ممكن تسال فيه برضه وربنا يوفقك يارب

lolo_kooky
بصى يا جميل ربنا يوفقك للخير انا كنت قابلت اشهر دكتورة نفسية للاطفال فى مصر و اسمها د/ سعاد موسى وكانت بتشكر اوى فى حضانة فى المقطم بتقول عليها انهم دارسين كويس و بيراعوا ربنا و فعلا بيفيدوا حالات تاخر الكلام و التخاطب و و يساعدوا الطفل على الانخراط مع الاطفال و انه يكون اجتماعى
بصى انا مرحتهاش بس اللى واثقة فيه ان الدكتورة دى ممتازة واكيد رايها سليم
الحضانة اسمها:
دايما اصحاب و عنوانها 10 شارع 19 المقطم - تليفون 5075330 و موبايل 012/2426484
وال مصاريف 550 والجلسة ب 25 و مواعيدها من 9 ل 3 مساءا
كلميهم واسالى وربنا يقدم اللى فيه الخير
وفيه كمان دكتور ايهاب رجء فى المعادى لو عايزه اجيبلك التفاصيل

**Jasy** · 30-04-2009, 02:32 PM

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: ملف شامل عن الحضانات في مصر

أدوات الموضوع

العرض

مواضيع مشابهه

أفضل الحضانات في مصر

ملف الحضانات في الأسكندرية

ملف شامل عن الحضانات في مصر

أفضل الحضانات في جده

أعضاء قرؤوا هذا الموضوع: 0

الكلمات الاستدلالية لهذا الموضوع

الروابط المفضلة

الروابط المفضلة

انتقلت منتديات لكِ النسائية إلى هذا الرابط: منتديات لكِ النسائية هذا المنتدى للقراءة فقط.

الموضوع: ملف شامل عن الحضانات في مصر

أدوات الموضوع

العرض

مواضيع مشابهه

أفضل الحضانات في مصر

ملف الحضانات في الأسكندرية

ملف شامل عن الحضانات في مصر

أفضل الحضانات في جده

أعضاء قرؤوا هذا الموضوع: 0

الكلمات الاستدلالية لهذا الموضوع

الروابط المفضلة

الروابط المفضلة

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.