ماس انا رديت عليكي عن مدرسه بدايه بتاريخ 26_5 في الجزء التامن ياريت ترجعيله_بس همه فاتحين لغايه جريد 2 وبرده اتاكدي

[quote=mas20001;8236710]

كتبت بواسطة انسانه تحب الله

شكرا يا ماس على ردك الجميل واضح ان اكتر حاجه بتشكرى فيها معهد قرطبه يا ريت تقوليلى ايه نظامها ؟ واجياد هل هى برده ازهرى وهل هما لغات ولا عربى انا مش شرط عندى ازهرى انا كل اللى نفسى فيه مدرسه سعرها بالباص 5000 سواء لغات او مستوى رفيع اهم حاجه الالتزام تعليميا وقبلها اخلاقيا وانا من سكان المنيل جنبك يعنى يا قمر
سؤال بالنسبه لامجاد بتقولى ممكن كاميليا تنزل السعر ل 7000 ده بالباص ولا من غيره
وسامحينى انى قارفاكى معايه بس ربنا يجعله فى ميزان حسناتك[/quot


لا ياحبيبتى أنا تحت أمرك فى كل شيئ
أجياد أزهرى لغات فقط لكن لا أعرف شيئ عن مناهجهم ولكن كما ذكرت لك أن الدكتور الأمريكى وزوجتة الروسية شكروا فيها جدا بالأضافة أن هذا النسان يعمل بدا الأفتأ أى أنة فى ناس أزهرين على مستوى وصفوها لة وعلى فكرة هى مدرسة متواضعة المنظر أنت عارفة الأجانب بدور على الجوهر
أمجاد الباص بمفردة للمنيل 2300
كامليا العربى أصبحت مادية جدا
أنا رأى تدخليها العروبة مش وحشة وفى أول يوم بيكون فى تاكسيات كتير
واقفة أمام المدرسة لمعظم المناطق وبتتاعامل بالشهر
أنا كنت بدفع 80 جنية للتاكسى وهكذا
الحرية تقف معاكى بالباص حوالى 4000 بس هى زحمة
والتنسيق بيأخذ حوالى 5 سنوات لكنها أحسن مدرسة حولنا بالنسبة للألتزام العلمى وبيطلع منه الأوائل على المنطقة
وربنا يوفقك خلى بالك المصروفات بتذيد كل سنة والأبتدائية والأعدادى عيز دروس
أعملى دراسة جدوى على المدى البعيد وستجدى الحرية فى الجيزة أنسب لكى

جزاك الله كل خير على ردك بس كنت عايزه اسالك بالنسبه للحريه ديه مشتركه ولا بتفصل البنات عن الولاد

يا جماعة حد يعرف ايه حل مشكلة فرق سن القبول بالمعاهد الازهرية, و هو التنسيق بيختلف من معهد للتاني ؟ يعني سألت عن سن القبول بكي جي 1 ف طلائع الأزهر قالوا 3ونص , في حين معهد قرطبة الولي 3 و 9 شهور ؟

ماس: اجياد الأزهرية دي مصاريفها السنة اللى فاتت 7500 منغير باص بس هى ميزتها انهم حايفتحو قسم لغات عادى من أول اولى اعدادى للى عايز مايكملش أزهري ويكمل لغات بس وطريقهم اتحسن كتير دلوأتى.

كتبت بواسطة lolo2ty

ماس: اجياد الأزهرية دي مصاريفها السنة اللى فاتت 7500 منغير باص بس هى ميزتها انهم حايفتحو قسم لغات عادى من أول اولى اعدادى للى عايز مايكملش أزهري ويكمل لغات بس وطريقهم اتحسن كتير دلوأتى.

ازيك يالؤلؤتى عاملة ايه؟

انتى رحتى روان ولا لسة؟وبالنسبة لاجياد تعرفي معلومات ايه عنها ؟وايه حكاية اللغات تقصدى اى جى او امريكان يعنى انترناشيونال قصدك ؟؟؟؟؟

ازيك انتى يا شذى انا لسة ماروحتش روان مش لسة ده يوم الجمعة الى جاية؟
بالنسبه لأجياد أعتقد انه حايبقى ناشونال عادى و هما فعلا شايفاهم بيبنوا مبنى جديد.. الكلام اللى قالوه ده كان من سنتين وكان سعرهم 5000 و السنه اللى بعدها بأو 7500 فطبعا رغم انها جنبى جدا بس على المدى البعيد حاتبأى بكام وانا اصلا اخري 5000 من غير باص وانا اللى حاودى واجيب لما ربنا يفك اسرى من الشغل و اتستت فى البيت بأه

بس انا لما سألت فيها من سنتين حسيت ان اللغة عندهم كويسة و ليهم منهج فونتيكس بس ماكنتش اعرف وقتها انواع المناهج عشان اسأل عليها فامعرفش هى بتدى ماكميلان ولا ايه

كتبت بواسطة mas20001

أنا أسفة كتبت غلط معهد قرطبة الأزهرى يمين فيصل وأنت ظهرك للجيزة وكما قلت سوف تشاهدى مدرسة فخمة جدا و لم تتوقععيها وأهم شيئ أن سعرها مناسب لأنك فى أزهرى سوف تحتاجين لدروس كثيرة لطرق التلاوة بالأضافة ألى دروس العربى والمواد الأخرى فحاولى فى الأزهرى بالذات أن تختارى مدرسة أسعارها معقولة الأزهرى ليس سهل ياجماعة

السلام عليكم

بداية اشكركم على الموضوع الرائع الذى تتحدثوا فيه وهو هام للامهات جدا وارجو من كل ام لها تجربة مع مدرسة ذكر اسمها فى الموضوع ان تعرفنا بمعلوماتها عنها للافادة حتى لا نتورط فى مدرسة سيئة.

انا عضو معاكم منذ فترة ولكنى اكتفى بالمشاركة الفكرية لانكم لم تتعرضوا لمدارس فى الهرم وفيصل ولكن انا لى تجارب مؤلمة مع المدارس ولم ارغب فى مضايقتكم بها لانها فى الاول والاخر المدارس كلها لها نفس المشاكل

ولكن رايت احد الاعضاء تسال عن مدارس قرطبة وهى المدرسة التى اعانى منها الامرين من فترة طويلة وقد كرمنى الله ونقلت منها اولادى هذه السنة بعد طول معاناة واليكم التفاصيل عنها لمن ترغب فى المعرفة

اولا اصحاب المدرسة ليسوا اولاد الشيخ شلتوت رحمه الله شيخ الازهر السابق بل فرع اخر فى العائلة وشتان بين الفرعين
فهم ابناء عبد الحليم شلتوت وليسوا عبد الحميدشلتوت
المدرسة فرعان القديم مدرسة قرطبة الخاصة عربى مستوى رفيع وتقع فى 1 ش عبد الحليم شلتوت المطبعة فيصل والثانية معهد قرطبة الازهرى قسم عربى وقسم لغات ويقع فى شارع مسجد التوحيد التعاون فيصل شارع بجوار محطة بنزين التعاون وستجد مبنى فخم من الخارج والاستقبال نعم ولكن لا تغركم المظاهر
وقد بدات مشكلة جميع اولياء الامور بعد انتهاء بناء المعهد لان كل مدرس جيد فى المدرسة العربى ينقلوه الى الازهرى حتى يعمل سمعة جيدة للمعهد وكل مشرفة مهذبة تنقل من المدرسة الى المعهد لنفس السبب وتبقى في المدرسة سليطات اللسان

فهل معنى هذا ان المعهد مستواه جيد لا بالطبع لان سوء الادارة يلغى اى مجهود جيد يقوم به المدرس

والادارة واحدة فى المدرستين فاصحاب المدرسة هم نفسهم المديرين المسؤلين وهم غير تربوين بالمرة وشتان بين الادارة الحكيمة وصاحب راس المال
المهم والله والله لقت رايت صاحب المدرسة يضرب الاطفال بالشلوت على المؤخرة والاخر يضربهم بالقلم على وجوههم اطفال فى سنة 6 ابتدائى واعدادى وقام بحبسهم فى المدرسة لمدة ساعتين بعد انتهاء اليوم الدراسى ولم يبلغ الاهل بهذا العقاب والسبب بيضحك فى الفصل.

ولكى ان تتخيلى قلق الامهات والاباء حين يتاخر الاطفال عن الموعد كانو يتصلوا بكل الناس ويجرون فى الشوارع كالمجانين
حتى المدرسين لديهم بعض المدرسين وليسوا كلهم للامانة يضربون الاطفال بالعصا فى ابتدائى اما KG يقرصوا اذنهم او يهددوهم بالغرفة المظلمة وغرفة الفئران

بالنسبة للانجليزى فمستواه معقول وهذا بفضل مشرفة اللغة الانجليزية مس لبنى وهذا فى المعهد اما المدرسة العربى فحدث ولا حرج مستوى الانجليزى ضعيف لان الاهمال من الادارة فى تصوير الشيتات بلغ اشده ولا تسلم للتلاميذ فى موعدها بل احيانا بعد الامتحانات الشهرية فما الداعى لها

وللامانة المعهد مجهز بطريقة احدث من المدرسة فكل الحلو للمعهد اما القديم للمدرسة المعهد السبورة البورد الابيض ولكن المدرسة طباشير وغير طبى كمان

وحين تشكى من اى شىء يقولك مش عاجبك المدرسة امشى انا عندى كثافة زيادة فليس من حقك ان تشكى الديسك المكسور الذى يجلس عليه ابنك او الطباشير الذى اهلك صدورهم او الفصول الحر بدون مراوح

يعنى باختصار TAKE IT OR LEAVE IT
واذا كان عاجبكم ومنذ سنتين يقومون بعمل موقع على النت وحتى الان لم يعمل
:http://www.qurtuba.info/App_Forms/default.aspx

بالنسبة للباصات الجميع يشكو من الموعد المبكر جدا صباحا والتاخير جدا بعد الظهر وبالذات لسكان الرماية والهضبة فالموعد صباحا 6:15 اما بعد الظهر فيكون اخر الدورة وحسب سيولة مرور فيصل

فلا تغركن المصاريف الاقل من الغير واسأل مجرب
على فكرة اخر معلومة وصلت لى من اصدقائى انهم بيعملو كورس صيفى للطلبة بمصاريف ورفضوا يستلموا مصاريف السنة الجديدة الا بعد ان تدفعى مصاريف الكورس الصيفى ويحاولوا يجبروا الاولياء الامور على الكورس الصيفى بحجة ان ابنك ضعيف طيب ضعيف من ايه وهو خريج مدرستك مش فاهمة

واحدى العضوات كانت تسال عن مدرسة فضل فاليك المعلومة
مدرسة فضل الحديثة موجودة على شارع فيصل فى الطوابق ويقومون حاليا ببناء مجمع مدارس فضل فى شارع كعابيش واسمه الجديد احمد زويل
وهى لها سمعة طيبة دراسيا الا ان الكثافة العددية فى الفصول تفوق 70 طالب فى الفصل وهذا هو اشد عيب فيها اما معاملة الادارة فجيدة ومريحة ويسمعك حين تكون لكى شكوى ويحاول حلها

هذه معلوماتى عما سالتم فيه والله على ما اقول شهيد واذا كان لديك الى استفسار اخر انا تحت امرك ولكن برجاء ارسليه على الخاص فانا اراجع الميل اكثر من دخول المنتدى

تحياتى وعذرا على الاطالة ولكنى كما سبق وقلت عانيت الامرين من المدرسة وقلبى موجوع منها على اولادى

والسلام عليكم

كتبت بواسطة lolo2ty

ازيك انتى يا شذى انا لسة ماروحتش روان مش لسة ده يوم الجمعة الى جاية؟
بالنسبه لأجياد أعتقد انه حايبقى ناشونال عادى و هما فعلا شايفاهم بيبنوا مبنى جديد.. الكلام اللى قالوه ده كان من سنتين وكان سعرهم 5000 و السنه اللى بعدها بأو 7500 فطبعا رغم انها جنبى جدا بس على المدى البعيد حاتبأى بكام وانا اصلا اخري 5000 من غير باص وانا اللى حاودى واجيب لما ربنا يفك اسرى من الشغل و اتستت فى البيت بأه

انا تمام الحمدلله

ااة انا عارفة انها لسة الجاية بس قلت جايز رحتى اتفرجتى كده الاول انا سخسيا كنت ناوية اروح انهاردة وبعدين رجعت في كلامى بس قلت اسالك جايز رحتى مش مهممم نتقابل هناك بئة الجمعة الجاية ان شاء الله

يااه دا غلوها اوى فعلا دا الاندلس لغات فيها ب7000 وبيشكرو في اللغة هناك وانا بردو ااخري 6000 6500 بالباص
يلا ربنا ييسرلنا اللى فيه الخير ياارب

نفسي استقر على مدرسة وارتاااااااااح من التفكير

أنا أسفة ياجماعة
بس أنا قدمت لأبنتى منذ 5 سنوات فى معهد قرطبة وكان تعاملهم جيد بس لم بفتجوا الصف الثانى الأبتدائى حينذاك
أنتم أدرى
أما عن أجياد أنا سألت فيها أول سنة فتحت وكانت ب2700 ولكنى خفت من بعد المسافة
خلو بالكم من المدارس الأسلامية فهى بتبدأ بمصروفات صغيرة
ثم بتعلى النسبة بأكثر من 100% لأن التجارة أصبحت بالدين للأسف

أما الأخت الكريمة جارتى فى المنيل التى كانت بتسأل عن مدرسة بسعر معقول مش مهم أسلامية فأنا نسيت ان أذكر لكى مدرسة بور سعيد فى الزمالك روحى وأسألى عن أيام التقديم وكذلك قومية العجوزة وقومية الزمالك وليسية الزمالك
وأن قالوا لك مافيش باص لايكمك فى تكسى كثير بيكون واقف أمام المدرسة اول العام
لكنى لاأعرف المصروفات بالضبط