أرخص المدارس للى سمعت عنها وهى جيدة ليست سيئة ومصاريفها حولى 2500
1- منطقة المعادى وحلوان
===============
مدرسة الفردوس عربى ولغات على كورنيش المعادى
سانت مارى يحلوان لغات بنات راهبات
العائلة المقدسة مدرسة للبنين وأخرى للبنات حلون لغات
الأورمان الخاصة مختلط بالمعادىلغات
كلية فيكتوريا مختلط بالمعادى لغات
الشمس المشرقة عربى ولكنها بتدرس ألمانى وفرنسى
مع الأنجليش لكن الرياضة والعلوم بالعربى بتاعة كامليا العربى

2- منطقة الهرم وفيصل
=============
دار الحنان لغات مشترك أبتدائى وبتفصل فى أعدادى
محرم الأسلامية
أسمأ فهمى التحريبية
مدرسة قرطبة الأزهرية عربى مع دراسة أنجليش
معهد قرطبة الأزهرى عربى ولغات وهو ممتاز
مدرسة براعم مصر للغات قبل المريوطية شمال الهرم ( وهو غير مصر للغات )


3 - منطقة المنيل والسيدة
===============
مدرسة سان فنسان دى بول فرنساوى راهبات بنات بالحلمية الجديدة
مدرسة كمال سليمان عربى ولغات بالمنيل
مدرسة الأخشيد فى الروضة لغات
مدرسة أمون بالقصر العينى ناحية المبتديان عربى
مدرسة جاردن سيتى التجريبية بشارع قصر العينى
مدرسة المنيل التجريبية بالمنيل
المدرسة القومية بالمنيل عربى ولغات

4- الزمالــــــــك
=========
ليسية الزمالك فرنساوى
المدرسة القومية بالزمالك عربى ولغات (بتأخذ تبرع سرى 2000)
مدرسة أمون عربى
تجريبية الزمالك
مدارس بور سعيد لغات

5- الدقى والعجوزة والمهندسين
===================
مدرسة دىلاروز لغات أنجليزى وليست فرنسى
المدرسة القومية بالعجوزة
مدرسة رمسيس بعد معهد اليحوث لغات ممتازة علميا
الأورمان التجريبية بجوار المدرسة الألمانية
أسمأ فهمى تجريبى لغات وعربى
مدرسة الحرية لغات أمام الدستورية العليا ممتازة علميا
مدرسة جمال عبد الناصر تجريبة بالمهندسين عند ميدان نادى الصيد
مدرسة طلائع الأيمان بجوار جامع مصطفى محمود ممتازة
مدرسة الحامدية الشاذلية لغات عند جامع الحامدية الشاذلية ممتازة


طبعا توجد مدارس أخرى لم أكتبها لأحد سببين أولا لأنى لا أعرفها
أوالثانى لأن مصاريفها أكثر من 2500
سوف أحاول أكمل بقية المناطق فى وقت أخر
ومن يعلم بمداس أخرى يفيدنا ولة صالح الثواب

عاوزه نمر مدارس الهرم وفيصل وخاصه معهد قرطبه الازهري

كتبت بواسطة dodiko

عاوزه نمر مدارس الهرم وفيصل وخاصه معهد قرطبه الازهري

دودو انا افتكرتلك مدرسة خاصة كويسة اوى وهى مدرسة الفاروق انا رحت قبل كدة اتفرجت عليها وفى ناس كتير بتشكر فيها بس فى الخاص العربى لكن اللغات مش اد كدة

وكمان فى مدرسة الأورمان الخاصة مش اللغات دى بنتى كانت فيها وهى فى كى جى 1 بصراحة كانت روعة والبنت كان مستواها هايل وكانت حافظة تقريبا نص جزء عامة فى كى جى 1 وده فى المدرسة وبيهتموا بالدين فى الكى جى اوى يعنى التيتشر كانت محفظاهم اذكار وحاجات حلوة اوى وكانوا عاملين مسابقة فى القران وجايبين هدايا قيمة جدا للفايزين والمدرسة حلوة وواسعة جدااااااااا وفصول الكى جى جميلة

السلام عليكم يا بنات وحشتونى و الله ،، شذى ماشاء الله عليكى متابعه مع الكل ربنا يبارك لك يا رب

mas20001 جزاكى الله خيرا على المعلومات يا حبيبتى و يا ريت منطقة مصر الجديدة و مدينة نصر

كتبت بواسطة SOSO72

السلام عليكم يا بنات وحشتونى و الله ،، شذى ماشاء الله عليكى متابعه مع الكل ربنا يبارك لك يا رب

mas20001 جزاكى الله خيرا على المعلومات يا حبيبتى و يا ريت منطقة مصر الجديدة و مدينة نصر

جزانا واياكى ياسوسو يارب

معلوماتى بسيطة يعنى لانى اول مرة بس باحاول اساعد باللى اعرفه وخلاص

انتى استنقريتى على حاجة ولا لسة؟

انتى عندك في مصر الجديدة في درسة ابوزهرة الاسلامية-والنزهة فرع الحجاز وفي فرع طريق اسماعيلية بيقولو بتاعة طريق اسماعيلية احسن لان فصولها مش مزحومة اوى زى التانية وفي طبعا الفاروق بيشكرو فيها اوى

وفي في مدينة نصر الرضوان والمنارة(ولو ان عندى تحفظ على لمحات هناك)-وفي مدارس في التجمع وفي مدرسة منارة الفاروق اللى في التجمع ومنارة الايمان بس في ناس بيقولو مش اوى دا اللى فاكراهم بس انتى محددتيش انتى ساكنةفين بالزبط وعاوزاها لغات ولا عربي؟ولا ازهري خاص؟

lolo2ty على فكرة اختى اتصلت بيهم عشان تقدم لاولادها اعدادى وابتدائي لقيت عندهم عربي ولغات الاتنين وكمان هما فاتحين لحد 4ابتدائي بس

lolo2ty على فكرة اختى طلبت مدارس روان الازهرية وسالتهم لقيت في فرع عربي الابتدائي ب3000 الى 3200 والفصول لحد 4ابتدائي بس

انا لسه حاروح لمنارة القاهرة لما ارجع مصر باذن الله و لو ان موضوع التبرعات دى مش عاجبانى ابدا لانها مش مدرسه حكومه عشان يطلبوا تبرعات و كمان مش رخيصه اوى 3200 جنيه يعنى مش ببلاش
عايزة افكر فى بدائل كويسه كمان غير منارة القاهرة
و ربنا يعيينا يا رب

ربنا يارب يرجعك بالسلامة ان شاء الله
انا اخواتى فعلا مدخلين ولادهم والاتنين دفعو تبرعات بس الاتنين عملو نفس الفكرة انهم مادوش الفلوس كده لا جابو حاجات للمدرسة
طيب في مدرسة منارة الفاروق اللى في التجمع ناس كتيييييييييييير بيشكرو فيها اللى في التجمع والناس في مدينة نصر مدخلين منارة الفاروق دى

ربنا يوفقك للى فيه الخير مستنية رجوعك تطمنينا عملتى ايه ياحبيبتى

ياجماعة أنا لاحظت أنكم بتتكلموا على مصروفات أكثر من 3000 ولكن الموظف الغلبان وعندة أكثر من طفلين صدقونى يجدون مشقة لهذة المصروفات لاحظو ان هذا الموضوع يتكلم عن المدارس الرخيصة ومنارة الفاروق هذة بأكثر من 6000 جنية
بالنسبة لأرقام التليفونات أرفعوا سماعة التليفون وأطلب النمرة من الدليل 140 أسم المدرسة والمنطقة وهما حيعطوك النمرة
مش لازم كلة جاهز فى جاهز أبذلوا مجهود
سوف أكمل المناطق الأخرى غدا ولكنى لست على دراية كاملة حيث أننى أسكن فى المنيل وهذة المناطق حولى