انا قريت يا جماعة على موقع مدارس مدارس عن تطعيم الالتهاب السحائى _انا بنتى اخذته فى المدرسة النة دى فى كى جى 1_حتى كان التطعيم تقيل عليها قوى وتعبت منه وما كانتش قادرة تحرك ايدها _وسخنت شوية _بس هما قالولى هو التطعيم دة بيعمل كدة _مش هو دة بقى التطعيم اللى انتم قصدوكم عليه _والا ايه _انا مش فاهمة .....

كتبت بواسطة muslium

الحمد لله انا استقريت و قدمت فى المصريه اللى فى المريوطيه
الحمد لله المدرسه مهتمه بالصلاه و تحفيظ القرأن و الجانب الأخلاقى فيها عالى و بتفصل اولاد عن بنات
و الجانب التعليمى الناس بتشكر فيه
هى صحيح كانت خارج ميزانيتى بس اعمل ايه بقى ملاقتش غيرها

وربنا يجعل فيها الخير يا رب

الف مبروووووووك يامسلمة يارب وعقبال يارب ماتبئي معاها في تنسيق الجامعة كده يارب

ساعات فعلا بتبئا مدرسة مصاريفها زيادة شوية بس لو تستاهل الواحد بيقول يضحى وخلاص عشان راحة ولاده وتعليم كويس

يلا الف مبروك مرة تانية

كتبت بواسطة ghofran2009

انا قريت يا جماعة على موقع مدارس مدارس عن تطعيم الالتهاب السحائى _انا بنتى اخذته فى المدرسة النة دى فى كى جى 1_حتى كان التطعيم تقيل عليها قوى وتعبت منه وما كانتش قادرة تحرك ايدها _وسخنت شوية _بس هما قالولى هو التطعيم دة بيعمل كدة _مش هو دة بقى التطعيم اللى انتم قصدوكم عليه _والا ايه _انا مش فاهمة .....

انا شخصيا معرفش خالص ياغفران

بس هو التطعيم فعلا بيعمل كده في بعض الاطفال وبيفك بس بتعمليلها كمادات عليها وتدلكيلها ايدها كده حركتين لما تفك

ان شاء الله البنات يفيدوكى هو دة ولا مش هو ؟

ربنا يطمنك على بنتك ويحفظها من الامراض ياارب

جزاكى الله خيرا يا غفران
جزاكى الله خيرا الشذى الفواح
وربنا يتقبل منا سعينا فى سبيل تربية اولادنا جميعا يا رب

بالنسبه لموضوع الألتهاب السحائى انا كمان مش عارفه انا بنتى اخدت تطعيم فى برى1 حقنه بس مش عارفه بتاعة ايه !

شكرا يا شذى على الوصف..قوليلى هيا فيها قسم عربى كمان ولا لغات بس؟ وانتى قولتى الأوبن داى حايبقى يوم 5\6 ده حايكون يوم جمعة!!! انتى متاكدة من التاريخ ده؟ و حايكون فى مقر المدرسة ولا فين والساعة كام؟؟؟ معلش اصلى مكسوفة اتصل بيهم دلوأتى عالموبايل و الصبح بنشغل فى الشغل وبنسى الدنيا.

مبروك يا مسلم على استقرارك و ربنا يجعللك الخير كله فى المدرسة دى انشاء الله..سبحان الله انا كنت حارجع اكتوبر تانى بس مارجعتش عشان ماعرفتش ادور على مدارس كويسة و مكنتش اعرف حد خالص .. لو كنت عرفتكوا من سنتين و سمعت كلامكوا عن المدارس كان زمان خط سير حياتى اتغير تماما بس قدر الله و ماشاء فعل ماحدش عارف الخير فين! ماقدرش اقول غير سبحان الله ! انا اريد وانت تريد والله يفعل ما يريد

على فكرة انا كمان ولادي اخدو تطعيم فى KG1 اعتقد كان الالتهاب السحائى أو الحمى الشوكية حاجة كدة و تقريبا انا شبه متأكدة انه الحمى الشوكية و تقريبا كمان الحمى الشوكيه هى هى الإلتهاب السحائى
بس ماسخنوش ولا حاجة

جزاكى الله خيرا يا لؤلؤه يا جميله

انا ممن هسكن في حدائق الاهرام وعاوزه لبنتي مدرسه خاصه تهتم بالقران او معهد ازهري خاص قريب ويكون الاسعار متوسطه ومدرسه كويسه

[/]

كتبت بواسطة lolo2ty

شكرا يا شذى على الوصف..قوليلى هيا فيها قسم عربى كمان ولا لغات بس؟ وانتى قولتى الأوبن داى حايبقى يوم 5\6 ده حايكون يوم جمعة!!! انتى متاكدة من التاريخ ده؟ و حايكون فى مقر المدرسة ولا فين والساعة كام؟؟؟ معلش اصلى مكسوفة اتصل بيهم دلوأتى عالموبايل و الصبح بنشغل فى الشغل وبنسى الدنيا.

العفو يا لولو اي خدمة
ايوة التاريخ مكتوب على ضهر الصفحة اللى بعتهالك ومكتوب انو يوم الجمعة 5\6
بصي مكتوب بالنص"نتشرف بحضوركم بمشيئة الله يوم الجمعة الموافق5\6\2009 بمقر المدرسة عقب صلاة الجمعة"
امكانية الالتحاق بالمدرسة من سن 2سنة و6اشهر

وحكاية عربي ولا لغات بس؟فانا اعتقد انو ممكن يبئا الاتنين لان الغد المشرق اسمها الغد المشرق الازهرية لغات وفيها الاتنين
لكن مش متاكدة بصراحة

جزاكى الله خيرا الشذى الفواح

جزانا واياكى يامسلمة

كتبت بواسطة dodiko

انا ممن هسكن في حدائق الاهرام وعاوزه لبنتي مدرسه خاصه تهتم بالقران او معهد ازهري خاص قريب ويكون الاسعار متوسطه ومدرسه كويسه

بصي في في بداية 6اكتوبر من ناحية الهرم كده مدرسة اسمها الهدى ازهرية والناس بيشكرو فيها وهى مدرسة مساحتها كبيرة ماشاء الله