كتبت بواسطة lolo2ty

الشذى الفواح:

حاليا مقررين على السراج المنير لان بالنسبة لمعظمك الازهر الخاص فهى تعتبر اقل الاسعار بس انا مش عارفة مع انى يعنىشفت فيها مميزات برضو لكن مش مرتاحة معرفش ليه ففى وحدة اسمها روان الازهرية للغات برضو خاص هاتفتح اول سنة بس لسة قالولى تعالى الاون داى في5\6 فمستنية اروح اتفرج عليها واشوفها واشوف الادارة وفصصها حتة حتة


السلام عليكم ممكن تقوليلى فين الروان الأزهرية دي؟ و ياترى عندك فكرة ينفع احول من مدرسة لغات لأزهرى ولا لأ؟ انا عندى ولادى رايحين KG2و Prim1فى سانت فاتيما العباسية... و طبعا هي كويسة جدا تعليميا بس انا نفسي الائى مدرسة اسلامية ناحية المقطم والمعادي عشان حانقل فى المعادى و بسعر هادى !!!

الروان دى بالزبط عارفة وانتى جاية من عند مسجد السلام طالعة عالمقابر كده كانك رايحة المقطم يعنى

هاتخلى المسجد على اليمين وتمشي على طوووووووول تعدى عمارات زاهر وبعدها عمارات مدينة نصر وهتلاقي سور منطقة الجيش كده قبل ماتوصلي للجيش دى في شارع كده شمال هاتدخلى فيه

ارقامهم هى:0166604316\0166604317\0100767789
هى مصاريف الكى جىوان 3000 وقاللى في باصات للمقطم بس لسة ما اتحددتش الاسعار بتاعة الباصات

بصراحة اللى اعرفه انك لو هاتنقلي من مدرسة خاصة عموما لازهر ان بيشترطو القران يعنى اللى داخل اولى ابتدائي دة لازم يكون حافظ 3\4جزء عم بس الروان دى لسة اول سنة السنة دى معرفش بيشترطو الموضوع دة ولا لا؟

وبعدين السراج المنير دى في الهضبة الوسطى عند مدرسة الواحة والحتة دى ومصاريف كى جى1لغات4750ممكن برضو تكلميهم وتساليهم لكن عادى انا اعرف ناس كانو بيحولو ولادهم من خاص لازهر وكان فرق القران دة بس كان معهد ازهري عادى مش خاص وراحو حفظو ولادهم القران الفرق دة ودخلو عااادى خالص

لو في اى سؤال انا معاكى سمعت عن مدرسة نور اللى في القطامية بيقولو نظامها اسلامى وحلوة بس انا سمعت من ناس يعنى معرفش مدى دقة الكلام اوى وبعدين في ناس هنا قالو انها عند الضغط العالى وانو كده يكون غلط بس معرفش بصراحة برضو

شكرا على ردك انا شوفت نور و هى شكلها ممتاز تعليميا و تربويا و اسلاميا و سألت اولياء امور هناك و شكروا فيها جدا بس للأسف حتعدى 10 الف بالباص و الكتب و اليونيفورم..
و شوفت السراج المنير من سنتين لما كانت لسة حاتفتح و عجبتنى و البنت اتقبلت فيها بس برضه مرتحتش سبحان الله بس اللى كان مخوفنى انهم لسه جداد و خفت ان منهج اللغة عندهم مايكونش قوي..
و انشاء الله اكلم الروان دى و اشوف نظامهم ايه.. يارب تطلع كويسه بس ممكن معلش توضحيلى المنطقة الي هي فيها لأنى مش عارفة مسجد السلام ولا عمارات زاهر يعنى انا عارفه المقطم من ناحية طريق السخنة و انا جاية من ورا عند بنزينة وطنية و ادخل شارع طويل فيه مقابر و بعدين عمارات الزلزال أو من طريق الأوتستراد-المطلع-ميدان النافوره.. أصدي يعنى هي فى المقطم من فوق وللا الهضبة الوسطى و للا تحت عند الزلزال و لافى مدينة نصر

معلش يالولو انا من ساعتها باحاول انزل تعريف الاسكانر عشان ارفعلك صورة الاعلان والشرع بتاع العنوان
انتظرينى

شكرا يا شذى انا حاستناكى ولو انى مش عايزة اتعبك
بس انا حاقوم دلوأتى عشان عندى شغل الصبح بدري

ربنا يوفقك للى فيه الخير يا رب





ربنا يوفقك للى فيه الخير ان شاء الله _واعملى استخارات كتير _واعرفى ان مفيش مدرسة هاتلاقى فيها كل اللى انتىعايزاه _بس حطى ايجابيات كل مدرسة وسلبياتها وقارنى وشوفى ايه هى الاولويات بالنسبة ليكى _وايه اللى مش ممكن تتنازلى عنه _ويه اللى ممكن تتغاضى عنه _وبالدعاء والاستخارة _ربنا هايوفقك للى فيةه الخير ان شاء الله ........

ربنا يوفقكم جميعا يا رب و تلاقوا مدارس كويسه لأولادكم

كتبت بواسطة muslium

ربنا يوفقكم جميعا يا رب و تلاقوا مدارس كويسه لأولادكم

ااااااااااااااامين يامسلمة ربنا يكرمك يارب تسلمى على دعوتك الحلوة دى اوى

عملتى انت ايه صحيح استقريتى ولا لسة؟؟؟

اتفضلي يالولو الصورة معلش اااسفة عالتاخير

الحمد لله انا استقريت و قدمت فى المصريه اللى فى المريوطيه
الحمد لله المدرسه مهتمه بالصلاه و تحفيظ القرأن و الجانب الأخلاقى فيها عالى و بتفصل اولاد عن بنات
و الجانب التعليمى الناس بتشكر فيه
هى صحيح كانت خارج ميزانيتى بس اعمل ايه بقى ملاقتش غيرها

وربنا يجعل فيها الخير يا رب

الف مبروك يا مسلم على الاستقرار_وربنا يجعل فيها الخير لبنتك ان شاء الله ....ويباركلك فيها ....(يا ريت بس ولادنا فى الاخر يقدروا حيرتنا وتعبنا دة )...ويحعل التعب دة كله فى ميزان حسناتنا ان شاء الله......ااااامين