جزاكى الله كل خير يا شذى والله انا بادعيلك ربنا يباركلك ويبارك فى بنتك يا رب _انا رحت المدرسة فعلا بس هما قالولى التقديم او التحويل من اول 6 _وشفت الفصول فعلا وقابلت مدرستين هناك وارتحتلهم جدا _بس هما قالولى فرصة نقلها ضعيفة جدااا_لانهم بياخدوا فى كى جى 2 اللىطالعين معاهم من كى جى 1_وهما اخدوا السنة اللىفاتت كى جى 1 من سن 4سنين و7شهور تقريبا _وحبيبة بنتى هاتكمل فى شهر 10 5 سنين و3اسابيع _فسنها هايبقى ضغير قوى على كى جى 2 _بس انا برضه هاحاول الزقلهم زى ما قلتى وازن عليهم _والله المستعان _بس انا مرتاحة ان شاء الله للمدرسة وللمدرسات وانا استخرت كتيييييير قوى وكان من نتائج الاستخارة انى لقيت ردك وطمنى قلبى اكتر واكتر ربنا يطمن قلبك انتى كمان للى فيه الخير لبنتك _امين ......انا عايزة اسالك هو فى الحضانة بتبقى الحمامات مشتركة اصل انا نسيت اسالهم معلش انا كل ما ابقى عايزة اسال على حاجة هاسالك على طول اصل انتىكانك نزلتى عليا من السما وحبيتك فى الله والله واتمنى نبقى اخوات فى الله ان شاء الله.........

كتبت بواسطة ghofran2009

جزاكى الله كل خير يا شذى والله انا بادعيلك ربنا يباركلك ويبارك فى بنتك يا رب _انا رحت المدرسة فعلا بس هما قالولى التقديم او التحويل من اول 6 _وشفت الفصول فعلا وقابلت مدرستين هناك وارتحتلهم جدا _بس هما قالولى فرصة نقلها ضعيفة جدااا_لانهم بياخدوا فى كى جى 2 اللىطالعين معاهم من كى جى 1_وهما اخدوا السنة اللىفاتت كى جى 1 من سن 4سنين و7شهور تقريبا _وحبيبة بنتى هاتكمل فى شهر 10 5 سنين و3اسابيع _فسنها هايبقى ضغير قوى على كى جى 2 _بس انا برضه هاحاول الزقلهم زى ما قلتى وازن عليهم _والله المستعان _بس انا مرتاحة ان شاء الله للمدرسة وللمدرسات وانا استخرت كتيييييير قوى وكان من نتائج الاستخارة انى لقيت ردك وطمنى قلبى اكتر واكتر ربنا يطمن قلبك انتى كمان للى فيه الخير لبنتك _امين ......انا عايزة اسالك هو فى الحضانة بتبقى الحمامات مشتركة اصل انا نسيت اسالهم معلش انا كل ما ابقى عايزة اسال على حاجة هاسالك على طول اصل انتىكانك نزلتى عليا من السما وحبيتك فى الله والله واتمنى نبقى اخوات فى الله ان شاء الله.........

جزانا واياكى ياحبيبتى على ايه معملتش حاجة

طيب كويس انك ارتحتيلها تسلمى على كلامك الحلو دة ربنا يطمنك دايما ويفرحك ببنوتك ان شاء الله

بصي هو انا دى مش فاكراها اوى ايام الحضانة كانت الحمامات مشتركة ولا لا؟بس اللى فاكراه اوى ان الدادات اعدين اتنين او تلاتة على كل حمام بيراقبو اللى داخلين وبيخلو بالهم اوى لاحسن وحدة تدخل مع زميلتها والكلام دة وبيبصو كويس ولو وصيتيهم على بنتك يدخلوهالك بس احنا ايام ابتدائي واعدادى كان الولاد ليهم ادوار والبنات ادوار تانية وكمان الحمامات كمان ممنوع بنت تدخل تحت في حمامات الولاد او العكس حتى اوقات كان بيبئا عندنا حصص في معمل الوسائط او الmultimedia ودى في دور الاولاد فلاااااازم اللى تروح الحمام تطلع فوق

والفسحة كان البنات فوق في السطح وفي جيم لينا فوق وفسحة الصلاة كزلك او لو هانصلي على حصير ادام الفصل مع مدرستنا والاولاد طابورهم وفسحة تحت بس الحضانة ليهم فسحة لوحدهم خاااالص بتكون تحت بس في وقت ما الاولاد يطلعو حصصهم

شكلى حيرتك وما افدتكيش بس لانى مش فاكرة اوى الحمامات في الحضانة مشتركة ولا لا؟http://www.lakii.com/vb/images/icons/icon10.gif

ااة نسيت اقوللك ان انا لما سالت في المنارة في الاول خالص قالتلى احنا بناخد حضانة من5سنين بحد ادنى 4سنين مقفولة انما اقل من4 لا؟فممكن عادى جدا تدخليها عادى جدا ومدارس كتير حتى طلائع الكمال دى قالتلى 4و10شهور كى جى1 فانا حاسة ان دا بئة سنة متوقع في المدارس الخاصة هو اللى بياخد سن صغير شوية الازهر لكن المدارس الخاصة اخويا حتى المنارة لما اتاخر شوية مع انو راحلهم من بدري معرفش بئة يظهر كان اتاخر في دفع جزء المصاريف حجز مكان او حاجة زى كده راحو خدوا بنته بيبي كلاس وهى عمرها5 سنين تخيلي!!!


الموضوع حسب ارادتك يعنى دا مجرد راي وانتى براحتك طبعا انا مش بافرض رايي يعنى والله

الله يخليكى احبك الله الذى احببتينى فيه طبعا اخت وعزيزة عليا كمان انتى تؤمري اسالى براحتك ياجميل ماتحيريش نفسك وماتتردديش

[QUOTE=tamer_jana;8118276]السلام عليكم و رحمة اللة و بركاتة

انا بردة كنت ناوية اقدمل بنتى فى منارة القاهرة هى هتبقى ان شاء اللة فى اكتوبر 4 سنين و 5شهور انا كنت عايزة اعرف مصاريفها كام و اية حكاية التبرعات دى و بالنسبة للباص كمان مصاريفة كام و لو فى اى اخبار تانية ياريت تقوليلى ضرورى[/QUOTE

بصي المصاريف قالولك الاخوات بس الباص بيختلف حسب المنطقة

اما التبرعات فهى معروف وانا اختى مدخلة 3اطفال فيها ابتدائي كلهم واخويا كمان لسة حتى كنت باكلمه قاللى طلبو منى الف جنيه تبرع على بنته بس

هو طبعا مرضيش قاللهم لا مش هادفع انا عاوز اعرف عاوزين ايه محتاجينه وفي الاخر جابلهم حبر برينتر ب500جنيه كزا علبة وخلاص واعدو يفاصلو معاه الاول عشان ياخدو الفلوس هما فمرضيش ابدا قال لا انا هاجيب حاجة تنفع المدرسة لان ساعات مدارس تقول تبرع وبياخدوه في جيبهم

ربنا يباركلك _بصى يا ستى السطح اللى بتقولى عليه دة دلوقتى بقى بتاع الحضانة وحاطين فيه شوية العاب ومراجيح لان الحضانة الان فى الدور الرابع _بس انا مفهمتش موضوع المنارة دة انا سالت من كام اسبوع قالولى هما خدوا السنة اللى فاتت كى جى 1من 4 سنىن وشهر _بس اخت جوزى كانت مودية بنتها زمان فى المنارة وما كانتش عجباها يعنى اهتمامهم بالدين مش اد كدة وما كانش فى حصة صلاة _بس الكلام دة كان من زمان مااعرفش دلوقتى اية نظامهم _بس على العموم انا خلاص مش هاحير نفسى وهاتوكل على الله وادخلها الرضوان لان الكل شكر فى مستواها الدينى والاخلاقى والعلمى كمان _انا هاعوز ايه لبنتى احسن من كدة _وكمان كفاية انها قريبة من البيت يعنى هاوفر وقت ومجهود كبير هى اولى بيه _وكمان المدرسة لغاية ثانوى يعنى هاريح دماغى ان شاء الله _وبالنسبة للسنة اللى ها تروح هاستعوض ربنا فيها (ومن ترك شىءلله عوضه الله خيرا منه )_....عقبال ما تطمنى انتىكمان وتستقرى على شىء

كتبت بواسطة ghofran2009

ربنا يباركلك _بصى يا ستى السطح اللى بتقولى عليه دة دلوقتى بقى بتاع الحضانة وحاطين فيه شوية العاب ومراجيح لان الحضانة الان فى الدور الرابع _بس انا مفهمتش موضوع المنارة دة انا سالت من كام اسبوع قالولى هما خدوا السنة اللى فاتت كى جى 1من 4 سنىن وشهر _بس اخت جوزى كانت مودية بنتها زمان فى المنارة وما كانتش عجباها يعنى اهتمامهم بالدين مش اد كدة وما كانش فى حصة صلاة _بس الكلام دة كان من زمان مااعرفش دلوقتى اية نظامهم _بس على العموم انا خلاص مش هاحير نفسى وهاتوكل على الله وادخلها الرضوان لان الكل شكر فى مستواها الدينى والاخلاقى والعلمى كمان _انا هاعوز ايه لبنتى احسن من كدة _وكمان كفاية انها قريبة من البيت يعنى هاوفر وقت ومجهود كبير هى اولى بيه _وكمان المدرسة لغاية ثانوى يعنى هاريح دماغى ان شاء الله _وبالنسبة للسنة اللى ها تروح هاستعوض ربنا فيها (ومن ترك شىءلله عوضه الله خيرا منه )_....عقبال ما تطمنى انتىكمان وتستقرى على شىء

بجد والله طيب كويس موضوع الحضانة دة دول غيرو شوية بئة تجديد

لا انا برضو المنارة بصراحة مرضيتش اقدم لبنتى ولا حتى بيبي كلاس لانهم لما كلمتهم بصراحة مرتحتش خالص وحسيت ان القران يعنى مش مهتمين بيه زى الرضوان وكمان لما ماما ناس شكرولها اوى في المنارة فقالت تعمل استخارة وراحت فعلا هى وبابا يقدمو لاخويا فوجئو بمدرسات بيقولو للمدير يابابا وبيبوسو راسه واتنين منهم باسو وشه بس كانو كتير مش وحدة ولا اتنين فمش معقول ابدا المنظر دا خااالص

ثانيا افهمك الموضوع اللى باقوللك عليه ان اخويا الكبير دخل بنته المنارة عشان لغات بس هى5سنين خدوها بيبي كلاس معرفش ليه بس هما بياخدو تبرعات كمان ومع انو جابلهم احبار للبرينتر ومرضيش يديهم الفلوس كده لان في مدارس بقولو تبرع وياخدوها فجيب الادارة وبس ماينتفعش بيها المدرسة

بس انا مش باشوه في المنارة لا انا باحكيلك يعنى اللى حصل مش اكتر وبعدين انا كان ليا صحاب حولو من الرضوان للمنارة زمان في ابتدائي ولما سالتهم عن المستوى الدينى قالولى بنحفظ قران بس طبعا مش مهتمين بيه زى الرضوان لا في حرية ودا الكلام اللى قالتهولى المدرسة اللى ردت عليا السنة دى وسالتها عن القران قالتلى هو من البيت احنا نحفظ لكن مش هاتبئا جامد يعنى لاننا م ازهر للاسف ردها دا خنقنى جدا



في الاخر بعد ارغي دة عاوزة اقوللك انى عجبنى تفكيرك اوى وفعلا زى الحديث الى قلتيه فعلا ربنا هايعوضك خير صحيح في مدارس فيها ترفيه اكتر من الرضوان لكن حتى الان القيم الى اتعلمناها في الرضوان مااتنستش ولحد دلوقتى بنفتخر بمدرستنا اوى لانها علمتنا حاجات كتير والواحد دلوقتى بيدور لبنته على مدرسة زى اللى كان فيها لان مسالة المدرسة القدوة دى كانت حاجة جميلة اوى وميزة اتعلمناها من الرضوان وبنتك في الاخر هاتدعيلك انك دخلتيها مدرسة تربيها على الدين ربنا يوفقك حبيبتى ويسعدك ويسعد بنتك وااسفة على انى طولت عليكى

سلام

معلش يا جماعه هتدخل فى الحوار اللى بينكم

انا عندى فكره يا غفران علشان حكاية السنه اللى هتضيع على بنتك لو انتى زعلانه عليها
دخليها المدرسه التجريبى اللى بتقولى عليها (او اى مدرسه مناسبه تقبلها فى كى جى 2) و خليها السنه بتاعة كى جى 2 و اولى ابتدائى و بعدبن حوليلها. متى ما الطفل دخل اولى ابتدائى و خلصها و اتسجل فى الأدارة التعليميه محدش يقدر ينزله سنه خلاص

ديه فكره حبيت اعرضها عليكى و فى الأول و الأخر اللى فيه الخير يقدمه ربنا
وربنا يوفقنا جميعا يا رب

شكرا جدا على مشاركتك يا مسلم _بس المشكلة انى لما هاجى انقلها الرضوان مش هايقبلوها لان التحويل عندهم صعب _لانهم بياخدوا نفس العدد اللى طلعوا بيه من السنة اللىفاتت الا اذا فضى عندهم مكان وحد حول ودى مسالة حظ _مقدرش اعتمد عليها ساعتها هادبس فى المدرسة اللى انا فيها واكمل فيها واحاول كل سنة انقلها وانا وحظى _طب على اية وجع القلب دة كلة_ما انا اضحى بالسنة وخلاص واريح بالى بعد كدة لغاية ثانوى ان شاء الله __انتم عارفين يا جماعة ايه اللى محيرنا كلنا اوى كدة اننا بناخد القرار نيابة عن اولادنا واحنا اللى بنختار ليهم المدرسه اللىهابقضوا فيها وقت كبير من عمرهم ....فاحسين بمسئولية كبيرة وخايفين لناخد قرار مش صح ويلومونا عليه بعدكدة ...لكن الخيرة فيما اختاره الله واهو الواحد بيستخير كتير وبيتوكل على ربنا وبيدعى انه يكون بيعمل اللى فيه الخير لاولاده .....امين يا رب العالمين

شكر يا شذى جداااا _ على اهنمامك انا اللىعاجبنى اوى انك بتكلمى عن مدرستك بكل حب واحترام وده شىء نادر جدا انك تلاقى حد بيحب مدرسته اللى كان فيها بالشكل ده _المهم خلينا دلوقتى فيكى انتى _عملت ايه واستقريتى والا لسه _هى الساج المنير دى ازهرى والا اسلامية .... طمنىنى عليكى

كتبت بواسطة ghofran2009

شكر يا شذى جداااا _ على اهنمامك انا اللىعاجبنى اوى انك بتكلمى عن مدرستك بكل حب واحترام وده شىء نادر جدا انك تلاقى حد بيحب مدرسته اللى كان فيها بالشكل ده _المهم خلينا دلوقتى فيكى انتى _عملت ايه واستقريتى والا لسه _هى الساج المنير دى ازهرى والا اسلامية .... طمنىنى عليكى

العفو ياحبيبتى

اتكسففففت اوى من كلامك متشكككرة على زوقك

انا تمام الحمدلله هى السراج المنير دى ازهرية بس خاص وفيها عربي ولغات ووالدها عاوز يدخلها لغات وميزة الازهر انو بياخد السن الصغير يعنى3و6شهور بياخدوها كى جى1 وانا بنتى في اول 10 تبئا 4الا اسبوعين

حاليا مقررين على السراج المنير لان بالنسبة لمعظمك الازهر الخاص فهى تعتبر اقل الاسعار بس انا مش عارفة مع انى يعنىشفت فيها مميزات برضو لكن مش مرتاحة معرفش ليه ففى وحدة اسمها روان الازهرية للغات برضو خاص هاتفتح اول سنة بس لسة قالولى تعالى الاون داى في5\6 فمستنية اروح اتفرج عليها واشوفها واشوف الادارة وفصصها حتة حتة

والله فعلا الموضوع زى ماقلتى ياغفران

ايه اللى محيرنا كلنا اوى كدة اننا بناخد القرار نيابة عن اولادنا واحنا اللى بنختار ليهم المدرسه اللىهابقضوا فيها وقت كبير من عمرهم ....فاحسين بمسئولية كبيرة وخايفين لناخد قرار مش صح ويلومونا عليه بعدكدة ...لكن الخيرة فيما اختاره الله واهو الواحد بيستخير كتير وبيتوكل على ربنا وبيدعى انه يكون بيعمل اللى فيه الخير لاولاده .....امين يا رب العالمين

فعلا كلامك 100%سليم ولاننا محاسبين عن اولادنا حفظنا ام ضيعنا فالواحد يعنى بيستخير ويستشير الناس ويشوف واللى فيه الخير يقدمه ربنا

متشكككككككككككككككرة ليكى جدا على اهتمامك وسؤالك ياالبي معلش شيلتك همى

سلااام

الشذى الفواح:

حاليا مقررين على السراج المنير لان بالنسبة لمعظمك الازهر الخاص فهى تعتبر اقل الاسعار بس انا مش عارفة مع انى يعنىشفت فيها مميزات برضو لكن مش مرتاحة معرفش ليه ففى وحدة اسمها روان الازهرية للغات برضو خاص هاتفتح اول سنة بس لسة قالولى تعالى الاون داى في5\6 فمستنية اروح اتفرج عليها واشوفها واشوف الادارة وفصصها حتة حتة


السلام عليكم ممكن تقوليلى فين الروان الأزهرية دي؟ و ياترى عندك فكرة ينفع احول من مدرسة لغات لأزهرى ولا لأ؟ انا عندى ولادى رايحين KG2و Prim1فى سانت فاتيما العباسية... و طبعا هي كويسة جدا تعليميا بس انا نفسي الائى مدرسة اسلامية ناحية المقطم والمعادي عشان حانقل فى المعادى و بسعر هادى !!!