السلام عليكــم ورحمـة الله وبركاتــة ،،
جاء وقت الجد والاجتهاد
جاء وقت العمل والنشاط

هنبدأ جد وهنتعلم بجد وعندنا عزيمه واصرار يهد جبال
هنبدأ دوره ICDL مع اول عناصرها وهو الويندوز Windows XP

ملاحظات هامه قبل البدايه:
1- طبعا انا راعيت ان الشرح هيكون بالعربى بس المصطلحات هتكون بالانجليزى علشان نتعلم بطريقه صح
ولما تتكلمو مع حد تتكلمو باسلوب علمى يعنى على سبيل المثال هكتب سطح المكتب (Desktop) بالطريقه دى
مفيش حاجه مش هنكون عارفينها لما حد يكلمنا بمصطلحات عربى نكون عارفين او مصطلحات انجليزى مش معقوله نقوله لا معلش ترجم كلامك لا هنكون برضو عارفين .
2- كمان الشرح مش هيكون كلام وبس هيكون مدعم بالصور.
3- اللى هيتفاعلوا معايا هما بس اللى هتعامل معاهم لانى هتبع اسلوب فى الاسئله اللى هتتكرمو بحلها بعد كل درس يعنى هيكون مجموعه اسئله بس لو كل واحده تشوف حل التانيين وتنسخه === الطريقه دى مش هتنفع معايا وهتعرفوا دا من طريقه تصحيحى ودرجات كل عضوه.
4- اللى هينامو فى النص ومش هيتفاعلو هعتبرهم متفرجين بس لن توجه لهم الاسئله والتى هى بمثابه التطبيق العملى وممكن اجاوب على استفساراتهم وممكن لا.

قبل مانبدأ هنشوف الفهرس اللى انا حضرته للشرح واللى بعده مانخلص الشرح باذن الله تعالى هتكون دى هى المهارات اللى فى ايديكم:
1- شرح مفصل لمكونات الكمبيوتر الماديه Hardware
2- اعدادات البيوس BIOS لتسطيب الويندوز
3- تسطيب الويندوز بالتفصيل بالاضافه الى شرح تقسيم القرص الصلب (Hard Disk)
4- شرح مكونات نظام التشغيل Windows XP و قائمه ابدأ Start
5- النوافذ Windows
6- شريط المهام Task Bar
7- خصائص العرض (خصائص سطح المكتب( Desktop Properties
8- الملفات Files و المجلدات Folders والمفضله Favorites
9- النسخ copy و القص cut و اللصق paste و الاختصارات shortcut
10- التعرف على برامج الويندوز.
11- شرح تفصيلى لكلا من : (برنامج الدفتر wordpad ) و (برنامج الرسام Paint )
12- البحث Search وطريقته
13- خيارات المجلدات Folder options
14- خصائص الملفات File Properties
15- مستكشف Windows
16- موجه الاوامر DOS وطريقه التعامل مع اوامره.
17- التعامل مع البرامج ومعرفه طريقه تسطيبها و ازالتها
18- لوحه التحكم Control Panel
19- ادوات النظام System Tools
20- مفاتيح اختصارات لوحه المفاتيح Keyboard Shortcuts
21- تعديل بعض اعدادات الويندوز عن طريق الريجيسترى
22- برامج مخفيه داخل الويندوز اكس بى وطريقه الوصول لها
23- الفيروسات و الوقايه منها بالاضافه الى حذف بعض الفيروسات بدون برامج
24- حل جميع رسائل الخطأ التى تظهر من الويندوز
25- اضافات ( هذا العنصر لاضافه الاشياء التى قد اكون نسيت ان اضيفها واقوم بشرحها حتى نصل للاحتراف)
26- فقرة كامله عباره عن مشاكل وحلولها يمكن ان تواجهنا فى تعاملنا معالويندوز وهى مراجعه لما سبق ولاكمال الاجزاء التى ممكن ان ننساها فىالشروحات السابقه

اذا هناك شئ قد نسيته وتريدون اضافته يمكنك ابلاغى بذلك وانا ساراعى ذلك فى الشرح

بكدا اكون خلصت الفهرس لشرح الويندوز واتمنى من الله عز وجل ان يعيننى واياكم على طاعته وعلى نشر العلم

باذن الله انا هلتزم باللى حددته وهذا ما على وزى مانا عليا واجبات انتو كمان عليكم واجبات
اما ما عليكم هو الاتى واتمنى الالتزام به فى جميع الشروحات القادمه لجميع عناصر الدوره:
1- اخلاص النيه لله تعالى حتى ننال بركته ورضاه فى عملنا.
2- التعهد بينكم وبين انفسكم على استخدام العلم فيما يرضى الله.
3- العزيمه والاصرار على التعلم فاحنا مش اقل من الغرب فى شئ بل احنا نزيدهم عقل ودين والتزام.
4- حذف الكلمات الاتيه من قاموسكم : الفشل - انا مش هقدر - انا معرفش - انامفيش امل منى -...... وغيرها من كلمات الاحباط. فلا تتركو للشيطان عليكم سلطان
5- المحاوله مرات عديده فصعود السلم اصعب بكثير من نزوله وطالمااخذتم قرار التعلم اذن فاعلمو ان عليكم ان تتعبوا فى سبيل هدفكم وليسالطريق مملوء بالورود فالعلم لا يشرب كالماء وانا هكون معاكم اى مشكله اسالو معاكم لحد تريليون سؤال بس اكتر من كدا معلش هزهق منكم ومش هجاوب.
6- الالتزام بالدروس وتطبيقها اول باول والتفاعل اكتر علشان تستفيدو بجد لان باستفساراتكم واسئلتكم هنتعلم حاجات ممكن ما نكون عرفناها قبل كدا لان لكل انسان طريقه تفكير مختلفه عن الاخرين.

ان شاء الله هنزل اول درس بعد ما نحدد مواعيد الدروس وانا اقترح ان يكون مواعيدها هو السبت والاربعاء
فما رايكم فى هذه المواعيد حتى نبدأ على بركه الله
طبعا انا تركت ايام بين كل درس والثانى مراعاه للظروف وحتى نكون ماشيين على الوسط فخير الامور الوسط

مش هنسرع ونقول الدرس كل يوم ولا هنبطء ونقول الدرس اسبوعى علشان ننجز لان عناصر الدوره 7 وغير كدا علشان نخلصها ونتعلم حاجه تانيه جديده فالعلم نهر عذب لا ينضب ابدا

وكمان علشان الدوره التانيه الخاصه بتصميم المواقع هتكون مواعيدها فى وسط هذه المواعيد حتى يستطيع من يطبق الدورتين متابعتهم

بانتظار تعليقاتكم على المواعيد واذا كا هناك اضافات على فهرس تعليم اول عنصر من دورتنا مع ملاحظه انى لم التزم بمنهج الرخصه بل اضفت اليه معلومات كثيره حتى تعم الفائده فاذا وافقتم نبدأ يوم الاربعاء على بركه الله

الدرس الأول من تعليم Windows XP فى دوره ICDL

الاجابات الصحيحه للدرس الاول من تعليم الويندوز مع نتيجه الاخوات

الدرس الثانى من تعليم الويندوز فى دوره ICDL

الاجابات الصحيحه للدرس الثانى من تعليم الويندوز مع نتيجه الاخوات

الدرس الثالث من تعليم الويندوز فى دوره ICDL



..

بارك الله فيك يا باشمهندسه والايام مناسبه ان شاء الله

بس ياريت يا بشمهندسه تساعدينى فى تنزيل الاوفيس لانه مش موجود عندى على الجهاز علشان اتابع معاك ان شاء الله

بارك الله فيك
ان شاء الله موعدنا يوم الاربعاء
اشكرك يا باشمهندسه E

السلام عليكم ورحمة الله وبركاته

جهد كبير تعجز الكلمات عن إعطائك حقك من الشكر

متابع معك ان شاء الله*

كتبت بواسطة babynona

بس ياريت يا بشمهندسه تساعدينى فى تنزيل الاوفيس لانه مش موجود عندى على الجهاز علشان اتابع معاك ان شاء الله

الاوفيس حجمه كبير ويارب يكون النت عندك سريع
اناا هدور على وصله تحميل تكون شغاله واانزلهالكم لتحميله

حبيبتي هده الدورة الاولى انا عارفتها
بدي تنزلي دروس الدورة الثانيه

كتبت بواسطة اسيرة الشوق1

حبيبتي هده الدورة الاولى انا عارفتها
بدي تنزلي دروس الدورة الثانيه

صبرا ال ياسر وان موعدكم الجنه
حبيبه قلبى الدوره التانيه مش محتاجه فهرس لانى هبدأ بتعليمكم HTML لانها الاساس ودا مش محتاج فهرس لاننا هنتعلمها كلها من الالف للياء وبعد ما نتعلم HTML هنتعلم مباشره لغه برمجه المواقع زى php او ASP اللى هتعمل روح للموقع
لكن اللى لها فهرس هى دوره ICDL علشان لو فى حاجه انا ناسياها نضيفها

مبدعة بكل ما في الكلمة من معنى
لقاءنا يوم الإربعاء على بركة الله وبسم الله الرحمن الرحيم

السلا م عليكم جزاك الله خيرا أخيتي علي مجهودك وجعله لك زخرا يوم القيامه وأنا ان شاء الله معاكم في الدوره دي.