الاجابات الصحيحه للدرس الاول من تعليم الويندوز مع نتيجه الاخوات

[Eng.E.M.K]

السلام عليكم ورحمة الله وبركاته

اخوتى الحبيبات كم يسعدنى بجد انى بينكم
انتهت المده المقرره للدرس الاول

الان جاء وقت النتيجه
انا الاول هبدأ بالاجابات الصحيحه وتفسيرها علشان نتعود نختار كل شئ على اساس صحيح ونكون واثقين وبعدها هتناقش معاكم فى ملاحظاتى على الدرس

الاجابات الصحيحه
(1) البيانات المخزنه فى الاسطوانات على CD-Rom:

2- دائمه وللقراءه فقط

تعالو نثبت الاجابه من نص الدرس علشان تعرفوا ان كل شئ موجود فى الشرح

والاسطوانه بعد الكتابه عليه لا يمكن حذف ماعليها يعنى يتم النسخ من عليها ولايمكن حذف البيانات منها.CD-Rom يقوم بالقراءه فقط من السيدى

(2) كم بت يوجد فى البايت:

3- 8

الاثبات :

البايت Byte يعادل (=) 8 بت Bit

(3) اى من الوسائط التخزينيه التاليه يمتلك اكبر سعه تخزينية:

4- DVD

اى شئ يستخدم للتخزين يعتبر من الوسائط التخزينيه سواء ديسك والذى سعته 1.42 ميجا والاسطوانات وحجمها 700 ميجا والاثبات للحل:

اسطوانات الدىفى دى التى تبدأ سعتها من 2 جيجا ولفوق

(4) اى مما ياتى يعتبر جهاز ملحق بالكمبيوتر:

4- الماسح الضوئى

الاثبات :

الملحقات:

الطابعة Printer: الماسحة الضوئية Scanner:

(5) تستخدم وحده المعالجه المركزيه CPU فى :

4- العمليات الحسابيه

الاثبات :

تقوم بمعالجة البيانات منطقياً و حسابياً لذلك يعرف المعالج بوحدة المعالجة المنطقية و الحسابيةALU (Arithmatic Logic
Unit

دلوقتى نيجى نناقش ملاحظاتى على الوضع الحالى علشان نكمل صح ونمشى باسلوب صحيح :
1- فى نسبه تردد كبيره جدا مع ان الاسئله اختياريه ومع ذلك لقيتكم بتختارو الاجابات كلها كما حدث فى السؤال الخامس .
2- عدم الثقه ودا كانت نتيجته انكم بتجاوبوا ومش عارفين بتجاوبو ايه
3- الخوف رغبتكم انكم تحلوا صح والخوف من الاخطاء كا نتيجتها ان في ناس رفضوا يكتبوا اجابه لبعض الاسئله واكتفوا بكلمه انهم مش عارفين يا جماعه مفيش حد بيتولد عالم لازم نغلط ونحاول ونجرب علشان نعرف الصح والشئ اللى بنغلط فيه ونصححه عمرنا ما بننساه ولا بنكرر الخطأ.
4- انا لاحظت انكم مش بتقرأو الدرس كويس والدليل ان كل الاجابات جايه بالنص من الدرس مفيش حاجه طالعه من بره يبقى العيب فين؟؟

طيب انا قلت الملاحظات يبقى نشوف الاسباب
ياجماعه لو انا مقصره فى الشرح او الاسلوب بتاعى صعب ومش واضح قولولى علشان احسنه او ابسطه مع انى والله العظيم قمت بتبسيطه بطريقه كبيره بس مفيش مانع انى اعمل اى شئ مقابل انكم تتعلموا

لا انكر ان نتيجتكم حلوه جدا وانا مبسوطه بيكم بس انا ذكرت الحاجات دى علشان نصلح كل شئ اول باول علشان نوصل لهدف اللى احنا عايزينه
عايزين نتعلم بجد ونتعلم صح

ونفسى والله العظيم اشوفكم عارفين كل شئ ومحترفين فى اى مجال تحبوه


اتمنى تقولولى ايه المشاكل اللى واجهتكم علشان نتفاداها باذن الله تعالى

وجارى تنزيل النتيجه للدرس الاول

[زهور مصرية]

جزاكى الله خيرا واشهد الله انك ماقصرتى بالعكس انتى بتشجعينا جدا حتى لانخجل عندما لانعرف الاجابة لكن فينا ناس وانا منهم طبعا لاول مرة بتاخد الدروس دى عشان كده بنكون مرتبكين شوية
وان شاء الله تشوفى نتيجة احسن فى الدروس القادمة
جعل الله عملك هذا فى ميزان حسناتك

[Eng.E.M.K]

بسم الله الرحمن الرحمن الرحيم

نتيجه الدرس الاول
الدرجه النهائيه من 10 درجات (درجتان على كل سؤال اختيارى)





نتيجه الدرس جميله جدا
وتعبتر بدايه رائعه
واتمنى من الجميع الاستمرار مع تحسين المستوى

نسبه النجاح للدرس الاول هى : 82.1%
وهى نسبه رائعه جدا وبدايه قويه
اتمنى ان تستمر فى باقى الدروس

اى اخت لديها تعليق على درجتها تبلغنى

[إبريل حواء]

تسلمي يا مس إنجي والحمد لله على النتيجة
وعلى فكرة أنا بنصح كل الأخوات إنهم يقرأوا الدرس أكثر من مرة لأنهن بذلك بيحفضوا المصطلحات وثانيا بزيد التركيز على الجواب الصحيح بدون تردد .

[Eng.E.M.K]

حبيبه قلبى زهور مصريه
لا داعى للقلق او الارتباك
فلب العلم يحتاج ثقه وجد واجتهاد
ولولا الاخطاء ماكنا لنعلم ماهى الاشياء الصحيحه
لذلك اقرئى الدرس وجدى واجتهدى عندها لن تشعرى الا بالثقه
وفقك الله وسدد خطاكِ


--------------------------------------
حبيبه قلبى ابريل حواء
حضرتك مجتهده وهذا واضح من الدرس الاول
بارك الله فيكِ
وتسلمى على نصائحك القيمه

[اسالك الجنه]

اشكرك بارك الله فيكى
وانا مع الاخت ابريل حواء
لابد من قراءه الدرس اكثر ن مره قبل الاجابه
يعنى نقراءه مره ونقوم
ثم نعود مره اخرى فى يو م ثانى مثلا
كده تثبت المعلومات

[المحبة للرسول]

ألف مبروك لجميع اللى جابوا صح

وكان نفسى أكون من ضمنهم

لكن للأسف كان عندى ضيوف ولسه حالاً عارفة أجلس على الكمبيوتر علشان أكتب إجابتى

عموماً حصل خير وإن شاء الله المرة القادمة أكون أول واحدة تقدم إجابتها

وأنا لاقيت إجاباتى كلها صحيحة ما عدا أخر سؤال كنت مختارة إن تستخدم وحده المعالجه المركزيه CPU فى التخزين

وأهم حاجة أنى استفدمت من المعلومات الموجودة بالدرس وطبعته للاحتفاظ به

بارك الله فيكى وجزاكى عنا كل الخير

[زهور مصرية]

الحمد لله على النتيجة
اختى اعذرينى عن الخطألكن انا ماقصدتش ان اضيف اجابة من عندى
لكن انا بعد ماقرأت الدرس اكتر من مرة تعذر عليا معرفة اجابة السؤال
كده انا فهمت ان المقصود بال CPU انه المعالج
. المعالج Microproccessor:
و هو الدماغ الالكتروني لجهاز الكمبيوتر وهو اغلى قطعه فيه و عبارة عن قطعة تحوي على صفوف من الدبابيس بنية هذا المعالج يتألف من ملايين الترانزيستورات التي تقوم بمعالجة البيانات منطقياً و حسابياً لذلك يعرف المعالج بوحدة المعالجة المطقية و الحسابيةALU (Arithmatic Logic
Unit
ياترى كده انا فهمت صح ولا ايه

[هاله 666]

تسلمى انجى على المجهود الكبير

والحمد لله

معلومة لن انساها ان شاء الله

[Aljomaan]

الله يعطيكِ العافية اختي
وفعلا التركيز مهم وان شاء الله نكون عند حسن الظن
بانتظار الدرس الجديد
موفقة باذن الله

[ريهـــام ~]

وعليكم السلام ورحمة الله وبركاته

جزاكِ الله خيرآ اختي ،،

وبأنتظار الدرس الثاني




:

[الفوز A]

السلام عليكم ورحمة الله وبركاتة
اختي الغالية انجي جزاك الله خيرا وغفر الله لكي ولوالديك وجعل عملك خالص لوجهه سبحانه وتعالى وجعله في موازين حسناتك
اختي لم اكن اعلم ان التصحيح سوف يكون في مكان اخرى لاني امس ادخل علي نفس الصفحة الدرس لاني وضعت لها اختصار علي سطح المكتب واستغربت التخير في الاجابة عذر لاني ماعندي خبرة اختي ولكن معك ان شاءالله ساتعلم واصبح محترفةباذن الله والله يعينك علينا
كانت اجابتي عن الدرس صحيحة ولكن بعد قراءة الدرس اكثر من مرة تراجعت في اجابتي ولكن الشرح كان سهل وخاصة انكي ارفقتي الصور معه بذلك تسهل الدروس علينا وان شاءالله نكون احسن في الدروس القادمة اعتذر عن الاطالة
ملاحظة هل ستكون جميع الدروس مستقلة بون ان اضع رابط ولكي جزيل الشكر تحملينا ياروع انجي .

[hanonfanon]

مشكورة على المجهود وانا اتلخبط لان كنت اظن ان dvdتكون للصور والفيديو وليست لملفات الورد

-ثانيا ان اضفت خيار جديد لاني كنت اظن ان الكمبيوتر يقوم بالعليات الحسابية وعيرها وهذا كان المقصودمن اجابتى

وفى انتظار الدرس القادم

[Eng.E.M.K]

تم اضافه الاخت SOSAN12 الى الدوره نظرا لانها تاخرت بسبب ظروف خاصه بها
ونتيجتها هى 8/10 والخطأ فى السؤال الاول

[Eng.E.M.K]

السلام عليكم ورحمة الله وبركاتة
اختي الغالية انجي جزاك الله خيرا وغفر الله لكي ولوالديك وجعل عملك خالص لوجهه سبحانه وتعالى وجعله في موازين حسناتك

وعليكم السلام ورحمه الله وبركاته
اللهم امين واياكى يا غاليه

ملاحظة هل ستكون جميع الدروس مستقلة بون ان اضع رابط ولكي جزيل الشكر تحملينا ياروع انجي .

زى ما حضرتك شايفه كل درس فيه مجموعه اسئله وبجاوبو عليها وما اقدر انى اخلى الدروس فى موضوع واحد ويبقى بينهم الردود لان كدا هيحصل تشتت لكم
لذلك انا فصلت المواضيع
وكل الراوابط ستجدينها مجمعه فى الموضوع المثبت الخاص ببدايه الدوره لان الاخت الغزيل بارك الله فيها ونفع بها تقوم بتجميعهم هناك
وانا اتحملكم فوق راسى والله
انتم اخوتى فى الله