اذا كنتي تريدين موقع بشكل كامل فيفضل انك تتركي انفنتي لاجل تقدري تضيفي المواضيع من لوحة الادارة
اما اذا كنتي تريدين صفحة ولا يتم التعديل عليها فيما بعد فعادي سويها بالفرونت بيج
لانك لو سويتي صفحة html وحبيتي تعدلي عليها لازم تحملي الصفحة على جهازك وتعدلي عليها بعدين ترفعيها
................................
طبعا في سكربتين يختلفون عن بعض في طريقة التصميم وهو سكربيت انفنتي وسكربت ديمونيف
راح اشرح لك على سكربت انفنتي اصدار 2.0.5
بخصوص تغيير الاستايل اذا كان عندك تصميم جاهز للانفنتي سهل تغيير الاستايل ترفعين مجلد الاستايل بداخل ملف styles
وتختارين اسم مجلد الاستايل من لوحة التحكم من اعدادات انفنتي
.....................................
اما في حالة كان عندك التصميم صورة يفضل تكون قالب مفتوح لاجل التقطيع فهذي شغلتها مطولة شوي يبي لها شرح عميق
ولكنها ليست صعبه مع ان انفنتي اكثر سكربيت معقد نوعا ما ولكن ليست مستحيله الطريقة
اول شي تجيبين الاستايل الافتراضي لانفنتي وتجيبين الصورة في الفوتوشوب تقطعين الهيدر بما يناسب التصميم متمدد او غير متمدد
وبعد التقطيع تحفظين الصور بداخل مجلد الاستايل وتفتحي الفرونت بيج تسوين جداول مثلا قطعتي الصورة ثلاث قطع هذا في حالة كان الهيدر متمدد
اما لو ماكان غير متمدد فيكفي تكون صورة واحده تفتحين بعدها الفرونت وتسوين جداول تركبين فيها الهيدر
تفتحي الهيدر الاصلي لانفنتي بيكون اسمه header وتحطين فيه الجدول الي سويتيه سابقا مع حذف اكواد التصميم الافتراضي للهيدر والابقاء على الاكواد المهمه
بكذا يكون ركبتي الهيدر تتابعين الخطوات مع بقية الملفات
عندك القوالب الي تحتاجي التعديل عليها
header اعلى الصفحة
footer اسفل الصفحة
rcontent القائمة الجانبية في اليمين
بمعنى انك تفتحي صفحة صفحة بالفرونت بيج وتحذفي منها اكواد التصميم الافتراضي وتحطي اكوادك الجديدة لتصميم الجديد وتحفظي الصفحة
وترفعيها بكذا تكوني عدلتي التصميم
.................................................. ..................
اما لو حبيتي تضيفي صفحة اضافية مثل ما ذكروا لك راح تروحين في القائمة اليمين النماذج والقوالب بعدين نماذج العرض
راح تفتح لك صفحة فيها الاستايلات اختاري اسم الاستايل الي شغال عليه موقعك الحين تضغطي مقابله على تحرير
راح تلقين اسفل الصفحة خانة كتابة ومكتوب نموذج جديد مثلا كتبتي في الخانة look وضغطي انشاء
بعدها راح تلقين فوق نماذج العرض افتحي الشريط المنسدل راح تلقين اسم الصفحة الي سويتيها look
اضغطي عرض النموذج وحطي فيها اكواد html
واضغطي تعديل الصفحة من تحت خلاص الحين الصفحة جاهزه راح يكون رابطها
http://xxxxxx/3333/page.php?do=show&action=look
استبدلي xxxxx بدومين موقعك
استبدلي 3333 باسم الملف الي فيه انفنتي ولو كان انفنتي في الرئيسية امسحي 3333
راح تظهر لي الصفحة الاضافية الي سويتيها
لو حبيتي تنعرض في الرئيسية تحطي زر يروح للصفحة الي سويتيها اضفي له ارتباط تشعبي في صفحة rcontent
اتمنى ان شرحي كان واضح واي استفسار تحت امرك
الروابط المفضلة