السلام عليكم ورحمة الله وبركاتة


يا اخواتي واخواني في الله انا عندي ملكه في عطلة الجح ملكه اختي الغالية ...... و ابغاكم تدلوني على


زفة اسلامية حلوة وبي ايقاع شريط او سي دي ومن فين اشتريها وكم السعر حتى لو غالي مافي مشكلة


المهم زفات حلوة وتجنن ...


ولكم دعوة في ظهر الغيب


وجزاكم الله خير

والله ما اعرف

بس ممكن تستخدمي النت في البحث والله لو اقدر كنت ساعدتك

بس اكيد هتاقي كتير ع النت

‘؛‘

عليكم السلام ورحمة الله وبركاته

عزيزتي طالما الموضوع شراء اسطوانه

ننقل الموضوع للركن المناسب
لعلك تجدي من يساعدك

بالتوفيق أخيتي

‘؛‘

حياك الله اختي
انت في اي منطقه ليسهل للبنات مساعدتك؟؟

هلا حبيبت قلبي شوفي عندك اغاني اسلاميه كثيره انا ملكتي كله تيجي اسلامي
مرررررره روعه---واحب وحده سمعتها --المنشد سلوم سالم --القوس قوسك---حلوووه

حياك الله اختي الغالية
اذا تبغي اشرطة زفة تلاقيها غالبا في اماكن متخصصة بالزفات
انا راح اتكلم عن جدة لاني من اهل جدة
عندنا في جدة فيه بعض محلات تزيين الكوش والهدايا تسوي زفات على طلبك
تبغي موسيقى والا من دون موسيقى والا بالاسماء زي ماتحبي

فيه كمان محلات متخصصة بالزفات
عندك زفات روائع
وفيه شخص متعاملين معاه اسمه احمد للزفات هو يشتغل في بيته لكن شغله روعه

كمان ممكن بعض محلات التسجيلات الغنائية وليس الاسلامية
تلاقي عندهم زفات بدون موسيقى

واذا كنتي من اهل جدة انصحك تروحي للكندرة فيه محل اسمه لمسات الزفات عندهم تبدأ اسعارها من 300 وماتزيد عن 700

ولو تبغي أشرطة دق عادية تشغلوها وقت الحفل فيه شريط تلاقيه في التسجيلات الغنائية اسمه افراح البدور يجي منه ننسختين ننسخة بالموسيقى ونسخة من دون موسيقى
اطلبي افراح البدور بدون موسيقى

أتمنى تكوني استفدتي من ردي
دعواتك لي تتيسر امور وظيفتي واتوظف قريب

مشكوريييييييييييييييييييييييييييييييين على ردودكم

انا من جدة ان شاء الله اروح الكندرة واشوفها


الله يسعدكم في الدنيا وفي الاخرة

بالتوفييييييييييييييييييييييييييييييييييييق