هديتي اليكم : ♥~¤§ استغلي وقــــ ـالصيف ـــت §¤~♥
السلام عليكم يا قمامير
ملتقي الفتيات
اليوم خلصت الامتحانات بحمد الله تعالي
و بدات العطله 4 شهور
وقت طويييييييييييييييييييييييل طبعا
لازم نستغله اكيد و لا نضيعه هباء
طب حنعمل ايه نضيعه في المصايف
و اللعب و اللهو حتما لا
لازم ننظم وقتنا لان النظام اهم شئ
احب اقولكم برنامج علشان تستفادوا
منه و يارب يعجبكم
اولا لازم نستقيظ مبكرا
مش لازم نسهر ل2 و 3 بالليل
احسن حاجه ننام بدري و نصحي نصلي الفجر
ايه رايكم و لو عايزين تناموا بعد كده شويه
مسموح بس ما تناميش كتير اوي
هو 8 ساعات في اليوم كويس اوي
اكيد لما تصحي لازم تصلي الضحي
و تفطري ........................
بس قراتي قران اكيد لازم تقراي
علشان تبداي يومك بيه
و ربنا يحفظك مش كده
و اقراي و تمعني فيه و تدبريه
ربنا سبحانه و تعالي بيقول
(افلا يتدبرون القران ام علي
قلوب اقفالها ) اكيد حينشرح صدرك
في بدايه اليوم و يكون يوم مبارك عليكي
بعد ما قراتي قران حسيتي ان انتي
نشيطه استغلي نشاطك في
لعب الرياضه العبي و طلعي الطاقه اللي
عندك كده استغليتي الفترة الصباحيه
في حاجه مفيده
لو عايزة تريحي شويه ريحي
اكيد لازم يكون وقت لمنتدانا الحبيب
اعملي مواضيع مفيده
اتكلمي مع اصدقائك اشتركي في مسابقات
فيدي الاعضاء و استفيدي منهم
اكيد كل المنتدي حيحبك و يقتنع
انك عضوة مميزة و مش مسموح
باكتر من 5 ساعات علي الكومبيوتر
اكيد انتي عارفه اضرار الجلوس لمده طويله
علي الكومبيوتر ممكن تقسمي 5ساعات
مش لازم تقعدي ورا بعض
وده موضوع كنت عاملاه للكومبيوتر
http://www.lakii.com/vb/showthread.php?t=631860
خلاص قعدتي علي الكومبيوتر وخلصتيه
اكيد جعتي و بطنك بتصوصوا
هههههههههههه
اتغدي و خدي قيلوله
و اهم حاجه تمارسي هواياتك اللي بتحبيها
القراءة الرسم العاب الذكاء .........
و علشان الاخوات ما يزعلوا
ممكن تساعدي والدتك في اعمال المنزل
حتي ما ترهقيها بطلباتك هههههههههه
و بالليل اخرجي علي البحر
امشي و استمتعي بجمال الطبيعه
و انتهي اليوم ...........
ايه رايك مش اليوم كان مفيد
و استفدتي بيه و بنفس الوقت رضيتي
ربنا اكيد حتنامي راضيه عن نفسك
و ربك راضي عنك
و اكيد حتحاولي تحسني اعمالك
في الغد مش كده اكيد
يارب يكون الموضوع عجبكم
و استفدتم منه و ياريت لو اي
بنوته عندها افكار لاستغلال الصيف
تقولنا علشان نستفاد منها
من اختكم الصغيرة
*نبض لك*
رد مع الاستدلال
كتبت بواسطة القارئــــــة
الروابط المفضلة