₪ غريبة قصة أحزاني₪
قالت وداع وقلت لاترحل ارجوك
خل الوداع وضمني بين اياديك
انا دخيل امك وخالك مع ابوك
ودخيل كل اللي تحبه ويرجيك
لا تبتعد قلبي معك حيل مشبوك
واليا غبت عن عيني وشلون اراعيك
₪ غريبة قصة أحزاني₪
انـــت
ياللي حبك بقلبي .. كـــــبير
لا يصيبك شك في حبي لـك
يوم غيرك صار لإحســـاسي امير
انت من فوق البشر صرت المـــلك
وجيت اغنيلك على اللحن القصير
"الأماكن كلها ... مشتاقه لك"
₪غريبة قصة أحزاني₪
غاب عن دنيتي بأمر الظـروف
غاب وشجـون فكـري تتبعـه
كل ما حاولت ابكتب له حروف
انكسر سن القلم في موضعـه
مدري اللي يمنعه نفس الكفوف
أو هي الأقـدار يمكـن تمنعـه
ودي أرسل له مع الغيمة حلوف
واعتذر له اذا قصرت يوم معه
₪ غريبة قصة أحزاني₪
ودي بحضنكـ في الهوى دون تفريق
وأشقي عذابي بريح وردكـ وأشمكـ
وأحيا بقربكـ دون كل المخاليق
وأبعد وكلي شوق وأرجع واضمكـ
وأبحر بحبكـ وأغرق القلب تغريق
حتى تذوب أشواق قلبي بدمكـ
₪ غريبة قصة أحزاني₪
لاتهمك ... حفلة البارح .. ممله !
ماشعرت ... إني بدونك .. مستريح
كل ... درب غير دربك ... صعب أدله
والقمر ... لاغاب ... فنجومه تطيح !!
₪ غريبة قصة أحزاني₪
أحب الصمت وجنونه..
وصمت الصمت وسكونه..
وهذي فلسفة حبي..وذا قلبي
أخاف أشكي .. وأسبب جرح
أخاف أشكي .. وأكدر فرح
أخاف أشرح .. ولا أوفي
ويضيع الحب .. ويضيع الشرح
حروفي قاصره جدآ
وأنا قاصر بفن الطرح والإلقاء
أجر المبتدأ..
وأنصب وأضم الياء
أنا خريج كلية أصول الحب
أعرف الجرح من نظره..
وأعرف الطب..
ولكن علتي التعبير
أحس أني صغير بالتعبير ..
والتفسير .. والتصوير .. والتخدير
وأحس أن الحروف أقزام..
أمام الشوق والإلهام
وأشوف إن الكلام يضيع..
مثل ذره بكون وسيع
إذا ماشفت محبوبي..
بعد عمري .. بعد قلبي .. بعد شوفي
ترى في الصمت آلاف اللغات تعيش ..
وبوسط اللغات .. حروف تطير بلا جناح..تغرد والنظر يسمع..
تقول لين الفجر يطلع
بلا تمثيل .. وبلا تضليل
تترجم حالة الإحساس..
بلا إحساس..
تغني أنت أعز الناس ..
وأحب الناس .. وأغلى الناس ..
حديث الصمت ..
يازينه حديث الصمت
بين عيوني وعيونك..
وبين فتوني وفتونك
يخلي نبضك الولهان..
يسافر في شراييني
ويخلي قلبك الشفقان..
بلا صوت يناديني
حديث الصمت .. به تعلمت
أنا شلون أعد مساحات العمر كله
وأسابق مستوى التفكير وأشله
وأفكفك لغزك المدفون وأحله
لجل حبك أنا نجم غدا ساطع
وفي حبك بتمرد على الواقع
بكتب ألف قاموس ..
يضم أول حروف سمك
وبضع ألف ناقوس ..
يدق آخر حروف اسمك
ترى علمي وكل العلم ..
قطره من بحر علمك
وترى عدلي وكل العدل ..
ثواني من زمن ظلمك
أنا ماأقول أحبك..
قديمه قولة أحبك..
يتيمه قولة أحبك
عقيمه قولة أحبك
سخيفه مالها معنى ولا مضمون
سخيفه مثل شمعه
بشمس الكون
تعديت الهوى والحب
أنا في مرحلة حب
تفوق الحب
تفوق الوصف والتوصيف
والتخريف
أنا حبي تعدى الحد
أنا جمره .... بعز الصيف
..... ماتت بعز البرد
₪ غريبة قصة أحزاني₪
طارت طيور المشاعر
من سما القلب الرقيق
ترسل لقلبك موده
وتاخذ زهور ورحيق
وتخبرك أني اعيشك
(صاحب)(وخل)
(ورفيق)
بعدك اضناني وكسرني
وروحي من دونك
تضيق
₪ غريبة قصة أحزاني₪
ياللي تحبيني شهر ..
ثم ٍ تجافيني شهر
ثم ٍ تحنيلي شهر .. وتفكري كيف الرجوع كذا شهر
وترجعيلي في شهر ..
ماقد خطر في خاطرك .. ان السنة اثنعشر شهر ؟!
وقتي معك نصفه هموم
ونصفه الباقي اسى .. ولو طبعك القاسي نسى
وبالصدفة جاء مرة صباح .. وكلمة منك فرحتني
لابد ما همس الجراح .. تسمعيني في المسا
ولو تعتب جروحي عليك .. وتشتكي منك إليك
بترجعي تحبي شهر .. ثم ٍ تجافيني شهر
ثم ٍ تحنيلي شهر .. وتفكري كيف الرجوع كذا شهر
وترجعيلي في شهر ..
ولا يجي في خاطرك ان السنة اثنعشر شهر
اعذريني لو اقول .. حبك نسى معنى الفرح
اعذريني لو اقول .. وشلون يذكرنا الفرح ؟!
مادام اذا كنتي قريبه .. كل تفكيري يكون ..
بُعدك متى ؟! .. وإلى بعدتي ابلا سبب
الاكيد بترجعي .. بس الأكيد هذا متى ؟!
ولو تعب مني الصبر .. وملّ من صبري العذول
وقلت ياناس اسألوها .. الحب هو كله هجر ؟!
ردك يجيني في شهر ..
قالوا تقول :
" ماينتظر .. بس يشتكي !
يصبر عليّ .. ترى السنة اثنا عشر شهر " ؟!
₪ غريبة قصة أحزاني₪
يجينـي الجَرَحْ مِنْ إيدكْ .. وأصْفِقْ كَفِّي بكفِّي
أعَزْ أحبابي يطعَنِّـي ويداوي الطَّعْنَه أعدائي !!
( ثلاثْ أيَّــامْ ) تِطْعَنِّي وأنا أشِيلِكْ على كتفي ..
كأنْهَا طَعنِتِكْ
" ضِيفٍ "
وقلبـي .....
حَاتِمْ الطائي !!
₪ غريبة قصة أحزاني₪
تبي تنساني انساني فداك اللي مضى كله ...
تبيني اعتذر ؟؟ آسف لكن وش هي الزلة؟
تبيني اجرحك حاضر انا همك وغربالك لكن
قبل ماتبعد وتنسى مامضى كله ...
أمــــــــــــانــــــــة علــــــمـــــنـــــي
وش اللي غير احوالك ؟
₪ غريبة قصة أحزاني₪
أنـا الإنسـان فـي داخـل تجاعيـده يعيـش الطيـن
أنا الأكثر وضوح من الوضوح / الغامض / الإنسان !!
أنـا ذاك الطريـق المنتهـي فبدايتـه .. تـدريـن ؟؟
وش اصعب من طريقٍ مالقى فـي داخلـه عنـوان ؟؟

.................................................. .............................................

يسلموووووووووووووووووووووووووووووو أميييرهـ ..

عجبوووني حييييييييييييييل خآصــه هذآآآ ^^

غاب عن دنيتي بأمر الظـروف
غاب وشجـون فكـري تتبعـه
كل ما حاولت ابكتب له حروف
انكسر سن القلم في موضعـه
مدري اللي يمنعه نفس الكفوف
أو هي الأقـدار يمكـن تمنعـه
ودي أرسل له مع الغيمة حلوف
واعتذر له اذا قصرت يوم معه

يعطيك العـآفـيه ..~

جميل ما نثرتيه علينا من فوائح قلمك العطر
تسلمي يا قمر

يسلموو

بارك الله فيك

رائعة دائما


هل أنت التي كتبته غاليتي ؟؟؟

رائعٌ مَا نترته لنا غاليتي
دمتِ
و دام مداد قلمك
:=)

والله انرتم موضوعي احبتي وتفاعلي من تفاعلكم لمواضيعي


انرتم موضوعي

تسلم يديك,,

روعة روعة روعة
تسلم الايادي
ياقمورة