بسم الله الرحمن الرحيم


اللهم صلي وسلم وبارك على سيدنا محمد و على ال محمد



في يوم تفاجئت في الوهلة الأولى لأني لم اعهد زميلتي من قبل بهذا الأحترام ...

فقد كانت تلبس العباءة المخصرة المطرزه التي توحي للناظر بأنها فستان ..

وكانت تكشف وجهها مع اضافة بعض مساحيق التجميل الخفيفه بحيث تبدو طبيعيه


بعد حديث مطول بيني وبينها سألتني:ـ

باين عليك انك مستغربة من عباتي لأن مو بالعاده اللبس كذا !!

اجبتها : بصراحه ايه بس ماحبيت اسألك

ابتسمت في وجهي قائله : الحمدلله الي هداني الى طريق الصح

والله يوفق ويصلح اللي كان السبب

- أي سبب؟؟؟؟

اسمعي السالفة: في يوم كنت رايحه مع صديقتي السوق وكنت لابسه عباية ملونه ومطرزة وشك من فوق لتحت والفه ( الغشوة) شفافه وتلمع وكنت كاشفة الوجه وحاطه لي كريم اساس وكحله وماسكره وروج وردي ناعم وانا اتمشى بالمجمع لاحظت ان شاب قاعد يراقبني بنظراته ...وبعد


- تطور صار يلاحقني ،، طبعاً ماهتمينا فيه لأن احنا في مجمع ومايقدر يلمس شعره مني

- ايه وبعدين وش صاااااار !!!!!

بعد ماوصلنا مكان شبه معزول بس كان فيه ناس وقفني وقال لي:ـ


حرام عليك اللي تسويه فيني .تبغيني ارتكب الحرام غصب

انا انصدمت من كلامه وقلت له: وش تقصد؟؟

قال: انتي مو شايفه شكلك مو شايفه عبايتك مو شايفه مشيتك... والله حرام عليكم تلفتون انتباهنا وتخلونا نرتكب الحرام
بعدين رفع ايده للسما وقال:






يارب ضاعف لها العذاب ضعفين مثل ماعذبتني وعذبت غيري


وبعدها رجعت البيت وانا افكر في كلامه ... طول عمري اتزين واتمكيج .. بس كنت اتوقع اني بحمل سيئات نفسي مو سيئات كل شخص الفت انتباهه ..



يعني اذا لفت انتباه 100 شاب بكره يوم القيامه ربي بحاسبني عليهم اكثر مما بحاسبني على نفسي

وقعدت ابكي وابكي وابكي واستغفر ربي على جهلي وقررت اني اللتزم بعباية محترمه واغطي وجهي عسى الله ان يغفر لي ذنوبي

صديقاتي واخواتي لا تبالغي في زينة عبائتك فحتى لو كانت في نظرك عباءة خفيفة الألوان وزخرفة والتطريز لكن لاتضمنين نظرة الشباب اليك ...



فلا تجعلي عبائتك وحشمتك حجه عليك يوم القيامه

دعونا جميعاً نتمسك بالعباءة الاسلاميه ولنفتخر جميعنا بخلووو عبائتنا من الألوان والزينه


سالفة ثانيه قد سمعتها :



واحد من الشباب يقول اني ماأحب أروح السووق خاصة بهالأيام من شئ اشوفه من البنااااااااااااااااااااات

وأحياناً أروح غصب عني مع أهلي ووالله اني قد ماأقدر احاول اغض بصري واتصدد واتعارك مع ابليس .. ويحلف بالله ..

واللــــــــــــــــــــــــــه_ مع كل محاولاتي_ ان طلعتي هذي تأثر علي 5 ايام .. ماأقدر أصلي فيها زي اول ..

ولا أصوم مثل أول ..


(( هذا وهو ملتزم وعنده رادع ديني .. اجل كيف اللي مطلق لنفسه العنان؟ !!!))



حراااااااااااااااااااااااااااااااااااااااااااااام عليكم يابنات تراك مسؤؤله عن كل رجال يشوفك(يشوف وجهك...عيونك..يدينك) بدايةً من السواق الى الهندي والبقالي ..واصحاب المحلات اللبنانيين وغيرهم .. الى المتسوقين .. ..



حتى لو كانت عيونك مووب ذاك الزود

لا تقولين عيوني ميب زينه ليش اغطيها ؟؟

لا تقولين ماحطيت كحل ولا شادو ليش اغطيها من زينها



كل هذا تلبيسسسسس ابليييس احذري منه



والله يوم القيامه بتتعلق برقبتك أُمـــــــــه من الناس كلهم يقولون :

يارب هي اللي فتنتنا .. يارب هي السبب.. وانتي هذاك الوقت محتاجة حسنه وحده ..

والله اللي ماتخاف بالدنيا .. بتخاف بالآخره ..

وبعدين ذنوبنا اكثر من اننا نتحمل ذنوب خلق الله ..


حتى في الدومات يتكشخون ويتعطرون اختلاط وابتلاءات تفتن خلق الله والله عيب ويقولون كشخه ومدري وشو





عباءة كتف أصبحت موضة الفتاة تخرج للتمشى أو للسوق أو إلى أي مكان وهي للأسف تلبس عباءة كتف مخصرة فوقها جاكيت ملون ( أين الغيرة يا فتاة الإسلام) والجاكيت مخصر عذرها البرد تريد الدفئ

وسيأتي يوم ستتمنى برد الدنيا على حر الآخرة



تكفوووووووون يابنات خلونا قويات .. خلونا نصير أقوى ..

وتذكروا من تــــــــــرك شيئاً للـــــــه .. عوضه الله خيراً منه

وعاد مايحتاج نتكلم عن التعويض اللي بيجيك من الكريــــم ..




الله يتوب علينا ويفتح على قلوبنا ..


استغفرالله الذي لااله الا هو الحي القيوم واتوب اليه

االموضوع منقوول
عجبني الموضوع وحبيت انقله لكم لانو الصراحة هلا صارت موضة الجلابيات او العبايات الضيقة والله شي مخجل تشوفي مرة بولادها وزوجها ولابسة عباية ضيقة ومؤخرتها طالعة نازله آآخ شي بيخجل انتي هلا حاطة خمار يعني لابسة حجاب التزمي بيه ولبسي فضفاض ولا انزعيه ليش هالتبهديلة الله يهدي الجمييع
يعني لو وحده نازعة ما لابسة خمار ولابسة ضيق هديك عاادي الله يهديها بس شوفولي هدوك اللي يلبسو خمارات ومعاهم بنطلونات جينز ضيقة والله عن جد بيزعلوا يشوهوا في صورة الحجاب ....ياتلبسي حجاب متل ماقال ربنا والرسول صلى الله عليه وسلم يا بتنزعيه ولبسي على كيفك
ومرة كمان في بنت بتدرس معي لابسة بنطلون جينز ضيق كاشف جسمها وجاية معصبه وتقول"شو هادا الشباب ماخلوني بحالي تقول في حياتهم ماشافو بنت/لا يا اختي شايفين البنات بس انتي مو عشان كحلة عينك يعاكسوكي عشان لابسة بنطلون وكاشفة جسمك ههه بيضحكو والله انا الصراحة نرفزتني

مشكووووووووووووره
والله يعطيك الف عافيه على النقل المميز
والله يجعله في موازين حسناتك
والله ينفعبك الأسلام والمسلمين

شكرا على التحذير يا عسل
وبصراحةالاحظ الحركة هذي منتشرة
كثير ويسلمووووووو على الاهتمام

شكرا كثير

موضوع في قمة الروعه استغفرك ربي واتوب اليك الله يهدينا ويهدى كل بنات المسلمين اامين والحمد لله علي نعمة الاسلام تسلمي اختي وتسلم ايدك علي الموضوع الرائع

عندك حق و الله شوه صورة الاسلام

يسسسلمو يا قمر
من جد هادا الا منتشر دحين
بس حبيت استفسر عن لبس العباية ع الكتف ايش حكمها لو كانت فضفاضة و ما فيها شي
انا زي كدا البس عبايتي ع الكتف لكن فضفاضة و سااااااااااااااادة حتى الطرحة
و كمان ابا استفسر ع الغطوة البرقع الا تبين العيون كمان ايش حكمها
؟؟؟؟؟؟؟؟؟؟؟؟؟

اللهم ثبتنا على الصراط المستقيم
بارك الله فيكي و في جهودكِ

بارك الله فيكي وجعلها في موازين حياتك

نعم تستغرب بعض الفتيات من نظرات وملاحقة بعض الشباب
وتجهل أن المرأة إذا خرجت استشرفها الشيطان أي زينها بنظر الرجال

المشكلة ان الحجاب خرج من دوره في حفظ الزينة إلى كونه هو الزينه بذاته عند البعض ...
والله المستعان