بصوا بقى بس عاوزة تفاعل انتوا حرين انا اكتر حاجة شغلاني اليومين دول حاجتين كنت عاوزة اغيرهم للاحسن جدا نتكلم في موضوع هنا والتاني افتحله موضوع مستقل
موضوعنا بقى
انا بقالي فترة عاوزة اغير حاجات كتييييرة في حياتي في نظامي اليومي حاجات مش راضية عنها بس برضه بعملها ونفسي جدا اغيرها وكل فترة اقول اغيرها ومش بيحصل وارجع تاني اعملها حاجات بتخليني اتضايق من نفسي ومش اتصالح معاها وبتخليني مش احب نفسي واحس انها صغيرة وضعيفة ومش بتعمل كفاية ليها وللناس اللي حواليها اللي ليهم حق عليها
واكيد كل واحدة فيكم في حاجات عندها كده ونفسها تغيرها ومش بتحبها
فعاوزين كل واحدة تقول ايه اللي مش بتحبه بالتفصيل في نفسها ونفسها تغيره في يومها وكده
ولو حاولت قبل كده تغيرها عملت ايه
وفي رايها ايه سبب انها مش بتعمل ده
وانا هبدا
انا مثلا اللي نفسي اغيره كتير الصراحة اولا
علاقتي مع ربنا ودي بقى الموضوع التاني * اهتمامي باني ارضي امي قوي طبعا دايما في سن المراهقة بتاعتنا بيبقى في مشاحنات كتييييييييييرة بيننا ربنا امهاتنا في مليون حاجة ودايما عندنا احساس انها مخش فهمانا وحاجات كتير كده بس ده موضوع كبير
انا اللي عاوزة اتكلم فيه دلوقتي هو اني حاسة اني مش بعمل معاها في البيت كويس اللي يرضيها ويخليني راضية عن نفسي كمان يعني بس برتب الشقة ده اليومي العادي غير طبعا ايام التنضيف الكاملة دي برضه علية
بس انا مش راضية عن نفسي لاني بعمل الحاجات دي بعد وقت طويل يعني مش اول لما اصحى كل يوم ارتب الشقة من سكات كده واعمل الحاجات اللي شيفاها ناقصة ده مش بيحصل طول الوقت احيانا واحيانا
الاغلب اني بقوم اقعد على النت الاول وكده لانه ادمان عندي وده بيزعل ماما لانها عاوزة اول حاجة تحصل طبعا الترتيب بتاع البيت
والمشكلة ان الموضوع سهل ومش هياخد وقت اني اعمل البيت علطول وكل اللي ناقص فيه دواليب واركان وحيطان الحاجات دي مش هياخد ممكن ساعتين في اليوم وفي الآخر هرضي ماما واعمل اللي عوزاه برحتي بعدها واحس ان اليوم بقى بتاعي وعملت المفروض علية
* حاجة تانية
وهي اني عندي اخواتي الصغار بنوتين 7 سنين و 9 سنين بعشقهم ونفسي يبقوا احسن حاجة في الدنيا وانا المسئولة عنهم في حاجات كتيرة اولهم الدراسة لان والدتي مش متعلمة كفاية فدايما عاوزة اذاكرلهم واحفظهم قرآن وكده بس برضه بقعد على النت ومن موضوع للتاني مش بعملهم حاجة مهمة طول اليوم
احيانا بجيبلهم حاجات من على النت تعليمية ليهم واقعد معاهم نتفرج عليها وافهمهالهم وكده عربي وانجليزي معلموات عامة
ووقت مذاكرتهم بذاكرلهم بس مش دايما ومش كتير خاصة اني انا كمان عندي دوام جامعة فببقى عاوزة ارجع استرحي واعمل حاجات بحبها زي النت والرياضة وكده فمش بقعد معاهم كتير غير وقت النوم
مع ان المفروض ان اي حاجة اعملها معاهم تبقى عندي اهم حاجة وحاجة بحبها لاني بحبهم بس انا مش بعمل كده اغلب الوقت ولو حصل بيبقى وقت قليل نص ساعة او ساعة لكل واحدة وكل فين وفين لما بيحصل غير كده بيبقى ربع ساعة كده افهمهم وبعدها اتابع من بعيد صح ولا غلط وبس
* حاجة تاني اهتمامي بميولي وهواياتي مش بعمل قوي قوي يعني بيه انا من هواياتي القراءة وكلللللللللللللل الاشغال اليدوية رسم وحفر علىا لزجاج كروشيه وتريكو وكانفا وخياطة وعمل الحاجات البسيطة واعادة استخدام اي حاجة في البيت كده يعني
بالنسبة للقراءة مش بقرا غير على النت مواضيع نقاش وكده ومحملة كتب كتيييييييييييير جدا على الكمبيوتر عندي ومع ذلك ولا خلصت كتاب منهم بحمل وبقرا اجزاء وبس مش بكمل او احيانا بس لوا لكتاب شدني جامد
وبالنسبة للاعمال اليدوية مجمعة صور كتييييييييييييييييييييييييييييير لكل الحاجات دي واعمال ليها وكده ومش عملت منهم غير حاجة اتنين مع اني نفسي انميهم وهتبسط قوي لو شفت انتاج ايدي في الحاجات دي وظبطت بيها البيت واهدتها لاهلي واصحابي وكده وممكن اعمل بيها مشاريع استثمارية كمان بما اني مبزرة جدااااااااااااااااااا للاسف وده حرام وبتجنن لما اشوف واسمع ناس حالتهم المادية صعبة قوي وانا بدلع بالفلوس او مش مهتمة قوي قوي بيها
في ايه تاني ...............
اها اهتمامي بنفسي من الناحية الجمالية انا في كام حاجة عاوزة اظبطها في بشرتي او شعري او جسمي ظوافري كل الحاجات دي واعرف الطرق كويس جدا واغلبها طبيعية لان انا بحب الحاجة الطبيعية اضمن علىا لصحة وكمان جسمي عاوز يتشد شوية لاني نزلت من وزني كتير وباقيلي كام كيلو كمان وبعمل رجيم مع جروب هنا وكل ده بعمل فيه الحقيقة كتير ويمكن اكتر حاجة دي بحاول اغيرها طول الوقت بس برضه مش بانتظام
مش فاكرة حاجة تانية
لا استنوا كمان عاوزة اثقف نفسي اكتر في الكمبيوتر واللغات وبرضه مجمعة حاجات تعليمية عندي لكده كتير بس فين وفين لما ابصلها او لما تقبلني مشكلة بس بشوف ليها حل غير كده مش بعمل كتير
كل الحاجات دي عاوزة اغيرها ومن ضمن الاسباب القوية اللي بتخليني مش اغيرها اني عاوزة اعمل كل ده مرة واحدة صح قوي وطبعا ده بيعجزني في النهاية
فعوزاكم كل واحدة تدخل تقول هي كمان نفسها تغير ايه بالظبط ونشجع بعض على ده وندخل هنا بانتظام ونقول لو عملنا حاجة جديدة للموضوع ده ونشد ودان بعض كمان لحد مانصلح الحاجات الغلط في حياتنا ويومنا علىا لاقل البسيطة او الموجودة دايما ونتصالح مع نفسنا ونحبها قوي وشوية شوية نكمل حاجات اكبر
ياللا مين منكم هتشجعني وتساعدني وانا كمان اشجعها ونتابع بعض دايما لان كده كفاية قوي اننا لازم نغير اللي مضايقنا طبعا انا صدعتكمممممممممممممم والموضوع طويل بس انا عاوزة نبقى اقرب وقلت يمكن الموضوع ده يساعد حد هو كمان عاوز يتغير ياللا بينا بقى
الروابط المفضلة