طبيعي .. كل شي طبيعي فوتوا و شوفوا

أولا : السلام عليكم و رحمة الله و بركاته

صباح الخير للي عندهم صبح ... و مساء الخير للي عندهم مساء

حبيت اليوم أعدي عليكم و أشعننكم زيي

و يمكن أتعبكم ... بس كله بأجره

بدي منكم شغلات طبيعية ... كيف يعني ؟




يعني شامبو .. بلسم .. مزيل عرق .. كريم وجه .. معجون أسنان .. بدل الكيماويات اللي احنا بنستعملها كل يوم و بتخرب أجسامنا و ما طلعت الأمراض الخبيثة إلا بعد ما صار يستهلكها الإنسان بكثرة ( اللهم عافينا

بدنا يكون هنا شبه مرجع لكل اللي بدهم ( العودة إلى الطبيعة ) ... خلطات نعملها في البيت و نعبيها في علب و نستفيد كلنا منها ... و نرمي كل شي مش طبيعي في أقرب
أنا خطرت الفكرة على بالي و حبيت انكم كلكم تشاركوني فيها حتى يعم الثواب و كلنا نستفيد ...
و أكيد رح أحاول أدور معكم


و شكرا إلكم مقدما

شعنونة المنتدى
فكرة ممتازة
ويأنقل الموضوع لركن الجمال هناك الاخوات بيفيدوكي اكتر

مرحبا حبايبي ... كيفكم اليوم ؟

أولا : شكرا Soso على مرورك اللي أسعدني و لفتتك الحلوة .. فعلا مكانه هنا أنسب

شو .. مش ملاقية أي تفاعل مع الموضوع .... ليش هيك ؟ حرام عليكم هادا أول موضوع إلي هنا ... بعد هيك رح أنسحب

sid



المهم : جبتلكم شغلة حلوة من تجربتي



أنا و ماما لشعرنا ما بنستعمل شامبو أبدا ... بنستعمل صابون زيت غار ( السوريات أكيد بيعرفوه ) أنا صحبتي بتجيبلي منه من سوريا دايما و بستعمله لشعري و لجسمي كمان ... كتير حلو

و كمان لصفاء و الوجه و تفتيحه بستعمل صابونة البابايا .. موجودة عند العطارين ... صبح و مساء .. كتير منيحة و بستعملها للأماكن السوداء .. و بتجيب نتيجة سريعة خلال اسبوع

هادي أفكاري الشعنونة و من واقع التجربة.. و بستنى أفكاركم الأحلى

وسلامتكم،،،،،
______________________________
شعنونة