طلب من بنات الشرقيه

السلام عليكم ورحمة الله وبركاته

اخواتي الغاليات اريد منكن تعطوني اسماء محلات تبيع اقمشة حلوة علشان بفصل لي فستان حق مناسبة زواج ؟؟ وتدلوني على محلات تبيع فساتين سهرة جاهزة وتكون حلوة ؟؟ وخاصة في الدمام

وعليكم السلام ورحمة الله وبركاته..

هلا وغلا ومليووون مرحبا بوسومتنا...

وحيا الله أهل الدمام كلللهم...

شوفي عيوني...أقمشه...روحي على طووووول (للخبر مول)....

صراحه الأقمشه هناك وبس...وبعدين مو بعيد مررره عن الدمام...أقمشتهم رااائعه...وأسعارهم مناسبه لأنهم يتنافسون من كثرتهم.....

والفساتين الجاهزة....ممكن في الواحه...بس المشكله أنها تكون عريانه ويبغالها تعديل....بس أن شاء الله تلاقين بغيتك...والله ييسر أمورك...وسلمي لي على الشرقيه....

ودمتي بخير يا الغلا..

تسلمين يا حبوبة على المساعده وان شاء الله باروح الخبر مول واشوف

وبقية الاخوات انتظر مساعدتكم

مرحبا اختي

مثل ما قالت لج الغالية محبة القرأن الخبر موول وبعد شارع سويكت يبيع شغلات حلوه

روحي وان شاء الله تلاقين اللي تبينه

جزاك الله خيرا اختي الخفاقه

السلام عليكم
هذي اول مشاركة لي
فساتين حلوة تجدينها عند ميموزا في الخبر عند المرديان وهو مقابل الجمعة سنتر
وايضا عند السواني اللي في الراشد ايضا بالخبر بوابة 8
اتنمنى ان افدتك

وعليكم السلام ورحمة الله وبركاته

اختي شهد مشكوره وما قصرتي

أيوة في مجمع الواحة فوق محلين جنب بعض جايبييين فساتين يجننوا كثير كثير حلوين
أسعارهم حلوة 550 وفيه 600 وفيه 800 ريال .. على حسب الأختيار ..

إن شاء الله تروحين وتشوفي اللي يعجبك ..

مشكورة اختي chord وما قصرتي

مرحبا
حبيت اضيف بالنسبه للفساتين الجاهزه موجوده فى الخبر بلازا فى الطابق الثانى روعه وعلى الموضه خاصه عند جينا وغيرها بنفس الطابق0