صبغت شعري وتورطت

بسم الله الرحمن الرحيم
السلام عليكم ورحمة الله وبركاته

اخواتي الغاليات كيفكم عساكم بخير يارب,,

المهم ما ابي اطول عليكم السالفه ومافيها

اني صبغت شعري وشعري اسود وسميك

المهم الصبغه ماطلعت الا بمقدمه راسي فقط

والباقي لا,,وش الحل وش اسوي<<<<< طالع كنه شيب

مع اني تركت الصبغه ساعتين على شعري والصبغ هي الانبوب اللي مدري وش اسمه + بيروكسيد

ودي اصبغ بنفسي لاني ما احب اصبغ بالصالون؟؟؟؟

ابي حل واللي بتساعدني بدعيلها

وعليكم السلام ورحمة اللة هلا اختى القمرا ولا تضايقين بس اول شى قولى لى انت شعرج لحد وين وشنو اللون اللى تبينة وان شاء اللة يكون خير

هلا اختي الهنوف,,

اسمعي عنوني انا شعري طويل,,يعني لنهايه ظهري تقريبا,,

واللون اللي ابيه اشقر رمادي بس مايكون غامق مره ولا فاتح مره,,

اوابي خصل ثلجي<<<تتشرط

وتسلمين حبيبتي وانا بأنتظارك

هلا اختى القمرا بالنسبة للخصل الثلجى انسى انج تسوينها بالبيت لازم تسويج خبيرة لانها تحط مع الصبغة البلوندر بكمية ودرجة هى بس تعرفها ولا يحترق شعرج ومثل ما يقول المثل عط الخباز خبزة حتى لو اكل نصة انتى شنو تسوين تصبغين ارضية وتروحين الصالون طلعين بس خصل وبالنسبة للارضية تجيبين لون اشقر رمادى فاتح جداوتحطين مع كل عصار 2 بيروكسيد يعنى 2عصار 4 بيروكسيد لان شعرج تبارك اللة طويل وبعدين لفى شعرج بكيس وكل شوى شوفى اللون تغير اذا شعرج موتعبان من الاصباغ خلية ساعتين باذن اللة يقلب اللون كلة بس بالبداية وخرى الصبغة عن جذور شعرج 2سم وبعد نص ساعة صبغى الجذور واذا جذور شعرج صابغة من المرة اللى طافت خلاص لاتحطين على الجذور وترى الوقت انا حطيتة تقديرى لا تلتزمين فية يعنى انتى شوفى كل شوى لمن يوصل اللون اللى انتى تبين خلاص غسلية وترى شعرج راح يجف من الصبغة حطى علية باستمرار حمامات الزيت وبالتوفيق وعلمينا شصير معاج

ان شاالله حبيبتي..وابجربها واقولك
بس انا مره بغيت اصبغ قالتلي لازم سحب لون,,

يعني تتوقعين انه ان شاالله بيصبغ..وتسلمين عيوني مره ثانيه

اهلين يا قمرا..

شعرت تقريباً مثلي بس أنا أقصر بشبر
احتجت عشان الصبغة 4 قوارير وكانت طيبة يعني الشعر اتغرق فيها
بعدها رحت عند الصالون وعملت لي هالايت ثلجي بدون ما تسجب اللون..
بالعكس لما يكون الشعر لونه أفتح يكون أسهل لكوافير وأسرع لأن الشعر كل
ما كان غامق كل ما كان الحصول على النتيجة أصعب


ربي يسهّل عليك

السلام عليم ورحمة اللة قولى ان شاء اللة اختى القمرا يصبغ بس انتى لازم تلفينة بكيس عشان الصبغة بالحرارة تتفاعل فى ناس يحطون قصدير وبسرعة يقلب شعرهم مهما كان لونة بس انا ما انصحج وشوفينى ااكد ما انصحج بالقصدير صحيح شعرج راح يقلب بسرعة بس راح يتعب حيل فخليج على الكيس اخف واحسن وحنا حاضرين للطيبين

ياهلا فيكم خواتي تسلمون..

ابقولكم انا عندي صبغه لونها ثلجي فاتح اوكي جربته على خصله واعطت لون


امممممممممممممم..اشقر بس على بني اومحمر شوي

يعني ماطلع على اشقر..؟؟؟ما ادري وش السبب مع اني ما احط حنا ابد

شكله مالي الا الصالون

شوفي حبيبتي كلام الهنوف كله صح
بس ارد عليج لما تقولين حطيتي الصبغه وطلع بني او شويه محمر

اول شي حطيتي مع هالصبغه بيروكسيد ؟ اوكجسين ولو شويه؟
لان الصبغه تقلب على اشقر اذا حطيتيليها اوكسجين شويه بس اذا ما حطيتي الا الصبغه وبس يطلع اللون على حسب لون شعرج ويطلع غامق بعد

تأكدي اول شي حبيبتي

بس الخصل سبغيها بصالوووووون لان انا جربتها وتلعوزت وما طلعت مضبوطه واضطريت اصبغ بصالون مررررررررررره ثانيه

وعلمينا اشصار وياج حبوبتي

علشان اللون يطلع معك مضبوط زي ماانت تبغيه00من الافضل تروحي للصالون 00
وريها اللون الي تبغيه وتطلعوا لك00
لانك لو جربت في البيت مرة وراء مرة حيتعب شعرك الى ماتحصلي للون المضبوط00
فروحي كوافيرة شاطرة تصبغ الشعر بدون سحب لون 00
والله يوفقك00