الى بنت بلدها وبنات الكويت عاجل جدا قبل السفر

**صمت الصحاري** · 06-07-2003, 01:20 AM

السلام عليكم ورحمة الله وبركاته
كيفكم وشخباركم وشلونكم ان شاء الله تكونوا طيبين
ابسافر ان شاء الله للكويت في اخر هذا الاسبوع طبعا انا سعوديه وعايشه بالسعوديه
عشان كذا ابغي اسماء محلات او مجمعات للجلابيات الكشخه غير الاوقاف والنقره والفروانيه ابغي اسماء حريم من اللي يبعون في بيوتهم ويكون شئ فخم وغريب
وابغى محلات وماركات بدل وتنانير للمحجبات ...
وياريت تردون علي وتساعدوني ترى انا جايتكم بالكويت عاد اكرموا ضيفتكم

وسلامتكم

**صمت الصحاري** · 06-07-2003, 01:24 PM

شدعوه 44 وحده قرات الموضوع ولا وحده ردت ...........

وينكم يابنات الكويت............

**بنت بلدها** · 06-07-2003, 01:34 PM

يا مرحبا ومسهلا

إذا ما شلتك الأرض تشيلك عيونا

حبيبتي

الحريم واجد بس غاليات

بس إذا ملزمه ولا يهمك

أدور لك أرقامهم وتدزها عن إيمان على وإيمان تدزهم لك

أما التنانير فعندك سوق الكويت ، النقره ، السالميه صراحه روعه وعندهم تخفيضات

يعني أماكن واجد للمحجبات

والفروانيه

الجهراء

فحيحيل سوقهم شيك

يعني كل مكان حلو بس تري عندكم البدلات أحلا بكثير

وخامتها روعه

أنا أشتري من عندكم والموديلات تنزل عندكم قبلنا صدقيني

بس الدراعات أحنا أهلها

تسلممممممممين

**إيمان علي** · 06-07-2003, 05:06 PM

افتحواااااااااا دليل الهااااااااااااااااااتف أسهل من الدز وتدويخ إيمان

**بنت بلدها** · 06-07-2003, 05:15 PM

هلالالالا وغلالالالالا أمونه

مالنا غنى عن أمونه هههههههههههههه
بس الدليل الكويتي ما فيه أرقام الحريم

تسلمممممممممممين

**أحلى_قلب** · 06-07-2003, 07:40 PM

هلا فيج والله

وبكل أهل السعودية

بالنسبة للبدلات روحي مجمع اسمه المهلب وبتلقين خوش بدلات وحلوة وااااايد ...

والدراعات والله ما ادري ...

**صمت الصحاري** · 06-07-2003, 10:31 PM

مشكوره اختي بنت بلدها والله يعطيك العافيه 00000
ومشكوره اختي احلى قلب 0000
واذا جيت للكويت اعزمكم عند بيت اخوي واسويلكم ذبيحه 00000 وكل بنات المنتدى معزومات
ومره ثانيه ماقصرتم يأهل الفزعات على فكره ترى انا من مواليد الكويت واهلنا كلهم عايشين بالكويت واحنا نزور الكويت كل سنه واعرف بعض اسواقها لكن مو كلها لانا اذا رحنا دايما نحب نتمشى اكثر من الاسواق لان الاسواق شبعنا منها بس هالمره كل موصيني على جلابيات وبدل عشان كذا احترت ......

**أحلى_قلب** · 07-07-2003, 08:35 PM

هلا فيج صمت الصحاري ... ( وبنت الكويت بعد ... ما في فرق بينا كلنا عرب ) ... وحياك الله والعزومة واصلة بس حبينا احنا اللي نعزمك انتي والاهل كلكم .. وانشالله نشوفكم منورين الديره عن قريب ...

**صمت الصحاري** · 07-07-2003, 11:10 PM

الله يجزاك خير ياحلى قلب 0000 اذا شفتي الكويت منوره يوم الاربعاء ترانا وصلنا ( وحده واثقه من نفسها ههههههههههه) والله يعطيك العافيه انتي وكل اهل الكويت

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: الى بنت بلدها وبنات الكويت عاجل جدا قبل السفر

أدوات الموضوع

العرض