زيت مع خلطات سريه تخلي شعرك سبيب ويكثره ويطلع اللي مايطلع بالقوه

**بارعه** · 21-06-2003, 11:40 PM

المهم ابقولكم السالفه اول وطريقة الحصول على المقادير اربطوه بخيط ماش عجلات

هذا طول الله اعماركن هذا مخلط زيت مع خلطات سريه تخلي شعرك سبيب ويكثره ويطلع اللي مايطلع بالقوه

مقادير الخلطه وانا مسميتها خلطة بارعه السنعه

زيت زيتون الخاص بالشعر مقداركاس
زيت خروع الاصلي مقداركاس
زيت جوزالهند الاصلي مقدار كاس
زيت المحلب الاصلي مقدار نصف كاس
زيت الحبه السودا الاصلي مقدار قليل لانه غالي
زيت سمسم الاصلي مقدار كاس
ذولي اللي ينباعون بالكيلو هاه فهمتن

عسل اصلي مقدار 5ملاعق
كحشت سدر تكبينه على الخلطه
كحشت نعناع يابس وتنسفينه على الخلطه
كحشت شعير محموس ومطحون بعد تكبينه على الخلطه
كحشت محلب مطحون تكبينه على الخلطه
عاد نجي للخلطه السريه وهي البليه وشلون تأخذينها

روحي انتي وبوكم الله يخليه لس لمطعم واطلبوا بروست

وهمن عاد يجي معه سلطة ثوم لاتأكلونه غبيه بشنطتك ولا من شاف ولامن دري وروحي حطيها على خلطتك ورجيها ورجيها ورجيهــــــــــــــــــــــا وهمن رجيها لمين تدوخ وحطيه في مكان دافي خليه يومين عشان تخمر بس اخاف يسكرن القميلات ويصيبهن ادمان

وبعدين لاجيتي تلطين راسك بالزيت

على هونك دلكيه بشويش ودلكيه لمين يجيك النوم

همن يابعدي لفيه بفوطتن مغطوطه بماء فاتر لفي شعيراتك همن لابردت حطيه ثانيه ولابردت عاد مهب بتله اجدعيه ولفيه بغطاءبلاستك لمده نص ساعه حتى يعرق
همن روحي للحمام لاتنسين تاخذين اهديماتك وادخلي الحمام عاد طولتنه مابقى الا اجي واحممكن
نجـــــــي لنتائــــــــــج عشان بس تطمنون
قسمن بالله انه رااااااائعه ومجرررربه اقولكم عن اللي اخذوها من وجربوها
1- هذي جارتي ام ناصر شعرها منعدم من الشامبو واشهب وناشف واخذت مني تقول ان المدرسات سئلوني وش حاطه بشعرك صاير يتنثر ويلمع لمع والله هذا اللي حاصل
2-اختي استعملته وانهبلت تقول طلع شعري يتنثرررر ويلمع
3- وكثير اللي جربوه يدعولي
4- وانا يامحاسيكم والله انه ممتاز زوجي يشوف اللمعه يقول مزيته شعرك والله ان هذا ماقال
طبعاً وش اللي حادني احلف بس ابي اطمنكم وانامن زمان مستعملته وقلت ماراح اقولكم حتى اشوف نتائجه

**تراب الزهراء** · 22-06-2003, 12:19 AM

خطك مو مفهوم زين
نص الكلام بس فهمته .....
زين لين حطوا الثوم ما تصير الريحة كريهة ومن وين نجيب كل هذي المقادير من الحواج؟
كحشت سدر تكبينه على الخلطه
كحشت نعناع يابس وتنسفينه على الخلطه
كحشت شعير محموس ومطحون بعد تكبينه على الخلطه
كحشت محلب مطحون

**lia** · 23-06-2003, 02:08 AM

كل هذه مكونات؟؟؟؟؟؟؟

***وناسة*** · 23-06-2003, 03:11 AM

بنات انا عضوة جديدة رحبوا فيني

يله عاد قضا الترحيب اكتب الكلام او لا؟؟

الان بدت التحقيقات اولا عمري---خوش واحدة جديدة ممررررررة ماينة---

انا فهمتك زين لاني يبدو من ديرتك

بس انت وشو شعرك لايكون ناعم اصلا؟؟

***شذى الورود *** · 23-06-2003, 04:45 PM

الظاهر السر بالثوم اللي ملطوووش

يعطيك العافية

**بنت بلدها** · 23-06-2003, 06:57 PM

الله يستر منك يا بروعه .
شكلك واثقه كثير بس بجربها على بنتي ........

أختي ***وناسة***:
هلا وغلالالالا فيك حياك الرحمن بين خواتك وأهلك

........

تسلمممممممممممين

**ليـــــــــــان** · 23-06-2003, 08:56 PM

الله يستر من خلطاتك يابارعه00

انا حطيته في نوتباد باسم بارعه السنعه كله عشان 00

مشكوووووووووووره00 يااحلىىىىى بدوووووووويه000

**shofof** · 23-06-2003, 11:47 PM

مشــــــــــــــكوره يا بروووعة على هالخلطة ..... وبعذر الشعر اذا طلع ... كل هالمكونات ..فية ولا يطلع ... وعلى فكره حلوة طريقة وصفك للخلطة

واهلا بالاخت وناســـــــــــــــة

**الفيافي** · 24-06-2003, 02:49 AM

مشكور برووعه على الخلطه
بس ودي أعرف

شنو إللي ألطشه من المطعم ؟ ( مايونيز بالثوم)
يعني ما أقدر أسويه بالبيت في مطيبخي

وإذا كان قصدج ثوم بروحه مدقوق ناعم
شلون على ريحتها ؟؟؟!!!!.. كل إللي حولي راح ينصرعون من ريحته

ردي علي بســـــرررررعه ما عندي وقت بروح أخلط