لبنات الكويت,,,,تعالوا قولوا لى ..........

**جورى** · 27-05-2003, 05:33 PM

السلام عليكم

اشلونكم شخباركم

بنات شفتوا الاعلان فى الوسيط و808080 وهذه الجرايد فيه اعلان عن جهاز البخار للشعر ب25 دينار انا دقيت قالى انه صينى

اشرايكم اخذه ولا

زوجت حماى ماخذه ايطالى ب60 د.ك تقول اخترب ويخر ماى

انا قلت حتى لو اخترب مو حسافه كنى سويت حمام زيت فى الصالون مع العلم انه مكفول 6 اشهر ويقول الريال انه فى قطع غيار له

اشرايكم

**أحلى_قلب** · 27-05-2003, 07:58 PM

بصراحه الاخت جوري ...

ما انصحج ...

لأن بنت خالتي توها شرته ...

وتحسفت قد شعر راسها عليه ...

بيني وبينج انا ما اصدق اللي يحطون مثل هالاعلانات ...

سوي لج اشتراك حمام زيت ...

أو اشتري الجهاز من الصيدليات مثل صيدلية سماح ... بشرط تكون مكفوله ...

**بنت بلدها** · 28-05-2003, 02:24 AM

والله تبين الصج والزين

خذي حمام زيت

وحطيه على شعرك

وبعدين حطي فوقه

فوطه

مبلله بماء حار بس تكون مبلله ورعصي الماء يبقى الحراره<<<----------لا تحترقين خخخ

حطيها على شعرك

بعدين لفي فوق الفوطه كيس

وشوفي النتيجه

بس مو تحرقين شعرك بالماء الحار هههههههههههههههههههههههه

واضح

تسلممممممممممين

**السلفية** · 28-05-2003, 02:47 AM

لا ما أنصحك فيه .. أنا أختي شارية جهاز بخار وهو إيطالي بـ 75 دينار كويتي .. صار له أكثر من سنتين عندنا وما اخترب ولا شيء .. وشاريته من النسائم .. وتدرين أخواتي كله يستخدمونه لما يحطون حنا .. وأنا أستخدمه لما أحط حمام الزيت .. لأني بصراحة ما أحط حنا .. لكن ممتاز جداً ..

**جورى** · 28-05-2003, 06:15 PM

يعطيكم العافية.....

انا قلت اشتريه حق بنتى لانها ما تحب الحنه وقلت اذا شريته راح اقعدها عليه نص ساعه وتخلص ...........لانها من تحطه تستخف على الاستحمام ما فيها صبر

خلاص هونت ما نى شاريته بسوى اشتراك بصالون

**the_razan** · 29-05-2003, 12:14 AM

عزيزتي جوري

انا انصحج تشترين واحد تكون ماركته زينة
انا عندي واحد مال يدتي الله يرحمها شاريته من قبل الغزو
ولي الحين نستخدمه انا وأمي للحنة وحمام الزيت.. احنا ما نحب الصالونات وما نروح الا للضرورة
ماركة الي عندنا اسمها weelapore_tronic
من اخذناه ما اخترب الحمد لله ولا صار فيه شي
اعتقد من محل في الديرة بس ما اعرف اسمه لكنه محل يورد حق الصالونات
وتحياتي

**جورى** · 29-05-2003, 10:40 AM

the_razan
يعطيك العافيه ......هذا الشغل الاولى ما فى الحين حتى لو يكون يانابى تلاقيه تجميع كورى ولا ماليزى ........مرت حماى شاريه واحد ايطالى ب60 تقول يخر ماى وما يشتغل عدل بس ان شاء الله راح اشترى واحد.......لانى ما اروح الصالون إلا للضروره

جزاك الله خير