الي خبره بالصبغات تدخل ! علشان.....

**ShoOoQ** · 24-05-2003, 03:03 AM

مساء العسل ..

بنات عفيه انا صابغه شعري من شهرين ووالحين انزلت الصبغه وخف لونها ودي اوخرها .. لانها نازله صاير لون شعري نصين.. وهي لونها كستنائي فاتح مع خصل.. ودي احني شعري بس خايفه

لانه عندنا عرس على شهر 7 هل اقدر لما احط حنه يصير شعري لونه___ واحد__ عفيه لا تأخرون على الرد
تحياتي

**ليـــــــــــان** · 24-05-2003, 03:12 AM

هلا والله شوق000

حبيبتي حطي الحنا وتوكلي على الله000

انا حاطه الحنا لى الصبغه لانها نازله وبعد عندنا عرس على شهر سبعه وناويه اصبغه كله على الله يالغاليه00

توكلي على اللع وحطي الحنا000

ليووووووونه

**دمع العيون** · 24-05-2003, 05:19 AM

ترى الحنا تعدم الشعر فوق الصبغه لانها تتفاعل غير ان لونها بيصير كنه شعر عجوز

نصيحه

لــــــــــــــلالالالالالالالالالالالالا.

**شووووق** · 24-05-2003, 02:07 PM

وانا مشكلتي مثل مشكلتك اختي 00000

ولكن نصحوني بعدم وضع الحناء قبل اربعة شهورعلى الاقل من قبل وضعالصبغ لان الحناء تؤثر على الصبغ ولا تجعل لونه كما نريد

**shofof** · 24-05-2003, 03:36 PM

فيه حل انك تقصين الشعر المصبوغ اللي تحت بعدين تحطي الصبغة اللي تبينها اذا كان شعرك طويل وش رايك ؟؟؟ وهذا احســــــــــــــن حل
لانك اذا حطيتي الحناء على الصبغة يكون لونها موحلووو

**دندون** · 24-05-2003, 03:58 PM

انا نصحك بعدم وضع الحناء بعد الصبغه لانها بتعطي لون (غلط)
انت حاولي انك تصبغين بس الجذور وكذا يصير اللون واحد
انا اسوي كذا دايم
والله يوفقك

**بنت بلدها** · 24-05-2003, 04:59 PM

طريق يا بناااااااااااااااااااااااااااااااااااااااااااااااا ااااااات

بسرعه طريق

تمام تمام كذا زين لأن الخبيره وصلت

هلا وغلا بنت بلاها يا مرحبا فيك

خير وش فيكن صوتكم واصل أخر المنتدى عسي ما شر

البنات مختلفين ويبون منك حل

هل تخلي شعرها بلونين ولا تحط حناء

خلاص الحل عندي وأنا بنت بلدها

شوفي عندك صبغه طبيعيه روعه وكمان طبيه ما فيها مواد مضره لونها بني غامق جدا تعطي لون أسود بس مو قاتم لا أسود حلو بس مو الأسود المحرم لا بني مع أسود
تصلح لك وكمان توحد لون الشعر
وكمان تخلي شكله روووووووووووووووعه
إذا تبين أسمه خلاص أبشري بكره أجيب أسمه
لكن الحناء تعطي لون أحمر فاتح مائل للأصفر

هذا رأي الخبيره بالصبغ بنت بلدها

وتسلممممممممممممممممممون

**الشامسية** · 24-05-2003, 05:58 PM

فـعـلاً الـحـنــة بـعـد الـصـبـغــة ممكـن تـغــيـر لــون الـشــعــر ويـطـلـع لـون شـعـرك لــونـيـن فـاتـح وغــامــق ،،،، واذا كـان شـعـرك طـويـلاً مـن الـممـكـن قـصـه مـن تـحــت ،،،،،،،،،،،

وتـحـيـاتـــي

**مس بيوتي** · 25-05-2003, 12:09 PM

وانا مع بنت بلدها في الراي فعلا فعلا اخت الخبيره بنت بلدها

صج الحنه بعد الصبغه يطلع اللون جنه لون شعر عيوز مو حلووووووو وغير جذي يصير ناشف ترى يعني موووو شي

بس في صبغه اسمها قارنير هذي طبيعيه واعشاب حتى ريحتها على فواكهه انتي اختاري لون غامق منها وصبغي والله واايد حلوه... وعلى فكره في نفس الماركه (قارنير) مزيل الصبغه هذا عشان يطيح الصبغه هم وااايد حلو والله

انا شاريته بس لون فاتح ابي افتج شعري شويه ...
وفيها فيتامينات بعد ترى انتي جربيها ولا تحطين حنه

بنات انا ابي اصبغ شعري بس ابي لون زيتوني عرفتوه؟؟؟؟ يعني لون اشقر زيتوني كأنه طبيعي ادور على هاللوووووووون من زماااااان عفيه اذا تعرفون قولولي شنو اهوا وجم رقمه علشان بعدها ابي اصبغ خصل هاي لايت وانا المشكله ما احب اجازف بشعري لانه طويل وناعم وصحته زينه يعني مو خفيف الحمد الله فا حرام العب فيه ...

اذا تعرفون هذا اللون قولولي... تقريبا تقريباااااا مثل شعر اليسا اللي الحين في حفلة هلا فبراير آخر وحده تقريباااااا مو نفسه بالضبط بس مقارب له

اللي تعرف لا تبخل... بنوتة بلدهااااااااااا يا خبيره... حي الله الخبييييييييير ههههههه انقذيني ربي يخليج

سالله سلملم حبايبي

**sweetbaby** · 25-05-2003, 12:56 PM

مثل ما قالت بنت بلدها ............... وانا معاها وكلامها صحيح وهذا كلام خبيرات وعن تجربة ....

اللي تبي تنزل الصبغة اللي عليها تصبخ بني ( غامق او متوسط كيفك ) وللاثنين راح يعطونك تقريبا نفس اللون ويغمجون الشعر كله

وبعد فترة ريحي شعرك اول وبعدين حنيه ...

اختي العزيزة مس بيوتي:

ماهي هذه الصبغة لأني صابغة شعري وبعد شهر راح يصير شكلها موحلو لما تنزل فشنو الصبغة اللي تنزل الصبغ او الحنا ضروري ( قارنير) وين القاها بالجمعية مثلا وياريت توضحين لونها

هل هي طبيعية ولا تؤثر على الشعر بعد الصبغ .....

تنزل الصبغ والحنا ولا بس تغمج اللون ( يعمي يرجع الشعر للونه الطبيعي وحيويته الطبيعية بعد الصبغ ) مجربتها ولا سامعة عنها ....

ممكن استخدمها بالحمل دام هي طبيعيه وما تؤثر ....

ادري ازعجتك بأسئلتي ( بس ماينة بحكم انك دعيتيلي بالذرية الصالحة تذكريييين)

سؤالك عن الصبغة عزيزتي اهم شيء شنو لون شعرك الحين ( الطبيعي ) ومتى آخر مرة حاطة حنة لأنه لو في بقايا حنة ما يصبغ على اشقر ابدا لازم يعطي على حمار وانا توني صابغة كبتشينو وطالعة محومر والخصل الثلجية بعد بعضها اصفر فاتح وبعذها برتقالي بس كله على بعضه حلو ....

تقديرين تختارين اللون اللي تبين لما تشوفين الكتلوج مال الصبغة وتخلطين كذا نوع والاهم انه دايما تدورين على اللون الافتح من المكتوب حتى يطلع تقريبا مثله .....

يمكن بس اقول يمكن اذا تحبين التجربة تخلطين اشقر مع اشقر رمادي فاتح

بس ترى هذا اقتراح مو رد مضمون وانتي وكيفيك .....

ابي رد حلو نفسك ( يعني بيوتي يعني)

ok